المساعد الشخصي الرقمي

مشاهدة النسخة كاملة : اشتريت جهاز ومحتاج رايكم ضرورى فيه Dell 755



waledakmal
13-08-2013, 19:43
السلام عليكم ورحمة الله وبركاته

انا اشتريت جهاز على قدى كده ومش عارف ان كان كويس ولا لا وعشان كده اتمنى الافاده من حضراتكم
الجهاز ديل 755
كور تو كواد Q6600
رامات 4 جيجا باس 800
بورده طبعا انتل بشيب Q35
والديفيدى طبعا موجود
الكيسه عامله 900 جنيه
ياترى الجهاز هيبقى اداؤه ايه مع انى العاب قليل هو تصفح وممكن لعبه او برنامجين
وانا حدثت البيوس بتاعه امبارح a22
والجهاز الحمد لله لهذه اللحظه كويس
-------
لكن اكيد رايكم يهمنى جدا جدا

M o h a m a d
13-08-2013, 21:00
وعليكم السلام
السعر ممتاز بالنسبة لمواصفات هل يوجد به كرت شاشة

waledakmal
14-08-2013, 01:47
الكارت مدمج لكن كنت محتاج راى حضرتك فى كونه اوريجنال هل كفاءته كجودة الاجهزه العاديه المجمعه

Mr.Evil
14-08-2013, 03:53
انا برضـوا كنت حاطط عينى على جهاز ديل وارك ستيشن كان عامــل 1600 ج كان كور تو كواد 2.8 كــاش 12 هارد 250 رام 4 جيجا و كارت شاشه Nvidia Quardo 512 up To 2 giga طبعا كان جهـاز تحفه , بس جهازك جميل و لو تجيبلوا كارت شاشـه 1 جيجا هيكـون تمام معاك , على فكـره الاجهزه الامريكى او الاوريجينال من النوع ده بتستحمل الشغل الثقيل ( انا جهازى أوريجينال Acer vertiton 5800 ) و الحمد لله الجهاز تمام معايا بالرغم من انه بطىء شويــه .

Mahmoud Essam
14-08-2013, 04:11
الكارت مدمج لكن كنت محتاج راى حضرتك فى كونه اوريجنال هل كفاءته كجودة الاجهزه العاديه المجمعه
أخى الكريم الجهاز بالنسبة لسعره ممتاز و لكن موضوع جودة القطع فهو كجودة القطع التجميع و ذلك لان معظم القطع بتكون من تصنيع شركات اخرى بمعنى ان المعالج انتل و الهارد من W.D او SeaGate و لو فيه كرت شاشة خارجى كان هيبقى من AMD أو Nvidia و الرامات بتكون من تصنيع شركات زى KingSton او G.Skil او CorSair او غيرها . القطع الى من تصنيع شركة Dell هى الكيسة و البوردة و الباور و نظام التبريد . فلذلك الاعتقاد الشائع عند الشعب المصرى ان الاجهزة اللى من تصنيع Dell أو HP او غيرهم بتكون افضل فى الاداء من الكيس التجميع اللى بنفس امكانياتها اعتقاد خاطئ . و لا يوجد دليل واحد على هذا الكلام . طبعا فى حالتك الكيسة سعرها ممتاز و تعتبر ثفقة ممتازة بعيدا عن انها من Dell .

waledakmal
14-08-2013, 20:09
شكرا جدا لحضراتكم وتعبكم معايا وعلى البركه ان شاء الله