ضرورى:: مشكلة بهارد جديد seagate مكملش يوم

[Islam_Alazbawy]

السلام عليكم ورحمة الله وبركاته

انهاردة انا اشتريت هارد seagate Barcuda 2T
وانا عندى فى البيت هارد 500
سبت ال 500 عليه الوندس
وقولت هقسم ال 2 تيرا وقسمته فعلا ل اجزاء اول واحد كان 100 جيجا وعملته primary
وعملت بارتشن تانى تيرا والباقى فى بارتشن تالت

بعد ما اشتغل وبقى تمام وصلت معااه هارد كماان usb عشاان احط عليه حاجات
الهارد صفر صفارات زى بتاعت ال post وبعدكدا اختفى من الكمبيوتر تماما

بمجرد انى ركبت الهارد .. الجهاز عندى تقل فى البوت مع ان الهارد لسا مكنش عليه حاجة

اسف جدا للازعااج .. انا حاولت اكتب كل حاجة حصلت بالتفصيل عشاان حد يعرف يساعدنى



علما ان الهارد ده جديد نوفى لسا .. فلو ده عيب ياريت تعرفونى عشاان ارجعه وخلاص لو هيفتح عليا باب بعدكدا
وشكرا مقدما

[Dr.Hsen]

البور اللي بتستخدمه ايه .؟

[Islam_Alazbawy]

البور اللي بتستخدمه ايه .؟



انا جهازى Dell optiplex 990 orginal
الباور سبلاى dell
220 V

ونوع الهارد اللى كان راكب اصلا seagate برده
وأى سؤال انا حاضر

[Dr.Hsen]

بور الاوبتيبلكس 990 هو 260 وات يا استاذ اسلام وده قليل جدا علي سيجيت 2 تيرا و هارد 500 و طبعا الهارد الاكسترنال من غير بور خارجي
ده تقصير في التغذيه من الافضل انك كنت تشغل ال2تيرا ماستر من غير اي حاجه معاه
جرب تشيل الهارد ال500 ووصل السيجيت لوحده واعمل بور وشوف النتيجه لو مفتحش طبعا تروح بالهارد الضمان

[Islam_Alazbawy]

بور الاوبتيبلكس 990 هو 260 وات يا استاذ اسلام وده قليل جدا علي سيجيت 2 تيرا و هارد 500 و طبعا الهارد الاكسترنال من غير بور خارجي
ده تقصير في التغذيه من الافضل انك كنت تشغل ال2تيرا ماستر من غير اي حاجه معاه
جرب تشيل الهارد ال500 ووصل السيجيت لوحده واعمل بور وشوف النتيجه لو مفتحش طبعا تروح بالهارد الضمان


شكرا جدا لحضرتك لسرعة الرد .. جزاك الله كل خير
للأسف موضوع التغذية ده انا معرفهوش
من شوية طفيت الجهااز وشغلته تانى بس للأسف مقرأهوش ؟! كده يبقى ايه ؟
انا هحاول انزله وندوس واشوف الدنيا معااه وهرد على حضرتك
مرة تانية الف مليون شكر

[Islam_Alazbawy]

د حسين
انا وصلت الهارد لوحده ولما جيت اسطبله وندوز مرداش يظهر
دخلت على البيوس برده ملقتهوش
عملت على الكمبونتن كلها تست عن طريق البيوس برده مرداش يظهر
كده الموضوع ممكن يكون وصل لأيه؟؟

[Dr.Hsen]

يعني مش بيتقرا اساسا في البيوس نهائي كانك مش موصله ؟
جرب تبديل سوكت الباور ممكن يوكن العيب منه لو الكبل تمام كده سى الباور اتحرق راجع التوكيل فورا طالما انك لسه شايه انهارده
سى الباور بيتحرق لما الكهربا بتقصر او بتزيد ع الهارد

[Islam_Alazbawy]

د حسين .. شكرا جدا جدا لاهتمامك ومساعدتك
نزلت انهاردة ودتهولوا وعرفته انا عملت ايه بالضبط وسألنى على نوع الباور وقولتله
كان فيه 3 هناك واحد قال ميديا بعد ما جربه بس انا مش عارف يعنى ايه ؟!
ودورلى على واحد تانى عنده مكنش فيه .. واتفقت معااه على بعد بكرا ان شاء الله
ألف مليووون شكرا لحضرتك

[Islam_Alazbawy]

يعني مش بيتقرا اساسا في البيوس نهائي كانك مش موصله ؟
جرب تبديل سوكت الباور ممكن يوكن العيب منه لو الكبل تمام كده سى الباور اتحرق راجع التوكيل فورا طالما انك لسه شايه انهارده
سى الباور بيتحرق لما الكهربا بتقصر او بتزيد ع الهارد


أنا كنت جربت الموضوع ده بس مكنش فيه اى فرق برده مش راضى يشوفه

[Dr.Hsen]

طيب الحمد لله و هي دي ميزة الضمان الواحد بيبقا في الامان ومبارك ان شاء الله الهارد الجديد ومتنساش تغير البور لاعلي من 450 وات من شركة محترمه زي كولير ماستر او ثيرمالتيك

[Islam_Alazbawy]

طيب الحمد لله و هي دي ميزة الضمان الواحد بيبقا في الامان ومبارك ان شاء الله الهارد الجديد ومتنساش تغير البور لاعلي من 450 وات من شركة محترمه زي كولير ماستر او ثيرمالتيك


انا هنزل ان شاء الله اسأل علي الانواع اللى قولتلى عليها :)
بس بعد اذن حضرتك هوا انا ازااى اقدر اعرف كل هارد عاوز كاام واات
وهل ممكن انى افضل على الباور سبلاى ده لو خلاص مش هشغل غير الهارد ال 2 تيرا وممكن جنبه واحد اكسترنال بس ؟
معلش سامحنى دوشتك انا .. بس انا مليااش خبرة فى الموضوع ده ومش عاوز اغلط تانى