افيدونى افادكم الله ضرورى جدا بخصوص مشكلة فى سرعة النت...للاهمية القصوى

[mamdouh1978]

رغم ان شركة تي اي داتا موصلة السرعة كاملة...والروتر بقالة 6 سنوات.بس المشكلة ان النت بيفصل كل يوم مرتين تلاته..واول ما اعمل ريستارت بشتغل تانى والسرعة شوية كويسة وشوية بطيئة جدا...مش عارف العيب من الروتر ولا من الخط من الشركة ...مع العلم اني مشترك 2 ميجا ...والداونلود شوية 200ك وشية ينزل 50 ده من على الداونلود مانجر السرعة مش ثابتة خالص...افيدونى افادكم الله ...من الروتر ولا من الشركة...الخط بيقطع السرعة ولا الروتر...غير موضوع سقوط الخدمة كذا مرة وماول لما اعمل ريستارت يرجع يشتغل علطول ...فى ناس بتقولى الروتر بيسخن وناس تقلى من الشركة الخدمة مش مضظبوطة على الخط ...اعمل اية بالله عليكم

[mamdouh1978]

هو محدش موجود فى المنتدي عشان يعبرنى

[DXD]

اهلا بك في منتدى عرب هاردوير
أولا ليس بالضرورة بأن ترى رد فوري لاستفسارك فهذا منتدى وقد لا يعلم أحدنا اجابة لاستفسارات الأعضاء فلا يفتي من عنده!وليس معناها بأننا لا نعبر الأسئلة!! ولم تمضي الا ساعة على اسفسارك!
ثانيا مشكلتك:داخلية: إما من خط الهاتف الداخل للشقة فتأكد عدم وجود إنثناءات في السلك او كنبة ضاغطة على السلك الواصل للرواتر..مشكلة سبليتر (جرب اوصل السلك مباشرة بدون سبليتر)او مشكلة وجود موجات كهرومغناطيسية حول الراوتر( انقل الراوتر بعيدا عن التلفاز والريسيفر)
او مشكلة علبة فهذه من الإتصالات
او من مزود الخدمة فاستفسر منه

[mamdouh1978]

يا باشا شاكر لذوقك ...انا مش قصدي اضايقك والله ..لأني لسة جديد فى المنتدي...على العموم انا جربت كل ده غيرت الاسبيلتر والسلك جديد والروتر عند الشباك وبعيد عن التليفزيون والريسيفر اللهم الا مشترك الكهرباء اللى جنبة فقط ..مش عارف هو ممكن يعمل مشلة ؟؟؟؟ ثانيا الشركة مصرة ان الخط سليم ومفيش مشكلة ومطلعين عينى ان مفيش مشكلة ...انا كل اللى بسأل علية هل ممكن الروتر عشان بقى قديم ...يكون هو اللى عامل مشكلة تزبزب السرعة وسقوط الخدمة ؟؟؟؟؟ بمعني ان ثبات السرعة دي مشكلة ....وسقوط الخدمة دي مشكلة اخري كمان موجودة ..هل تغيير الروتر بأخر يحل المشكلة لأن ده الحاجة الوحيدة اللى معملتهاش ...مع العلم اني لا اريد تغييرة الا عند التأكد ان المشكلة منه ...والسؤال هو هل اي من المشكلتين (تذبذب السرعة وسقوط الخدمة) علاقة بالروتر ؟؟؟؟؟ وشكرا لذوقك مرة اخري

[Golden_PC]

زي ما قال اخي dxd المشكله من سلك التليفون الي داخل على الاسبليتر او الداخل على الروتر احتمال مضغوط او مثني او قديم او عطل في الاسبليتر نفسه

[DXD]

إذا اتثنينا المشكلة الأولى: داخلية والأخيرة :من مزود الخدمة فستكون من العلبة والسلك الخارج منها.

[mamdouh1978]

انا اسف ..بس ممكن شرح اكثر ما المقصود بالعلبة والسلك اللى خارج منها...يعني علبة العمارة وسلكها...ومعلش سؤال عايز تاكيد هل الروتر ممكن يكون لية علاقة بالموضع؟؟؟؟لأنه مثلا بيسخن فبالتالى بيأثر على السرعة ويخلى الخدمة تقع ؟؟؟؟وبعدين السلك ممكن يتغير لكن العلبة حلها ايه؟؟؟وبعدين الشركة بتقول ان السلك سليم وبيظهر عندها لو السلك فية مشكله المهندس اللى هناك بيقولى بيظهر؟؟؟يا ترى الكلام ده سليم ولا لأ؟؟؟ولا بيضحك عليه....افيدونى فى هذه الاسئلة افادكم الله...ضرورى

[DXD]

العلبة علبة العمارة ممكن يكون المخرج مصدي او مزحوم...فاتصل برجل الإتصالات واطلب منه تغير مكانه السلك بالعلبة لكن:

مشكلة الراوتر: جرب راوترك عند صاحبك لو شغال خلاص...والراوتر مصمم ان يعمل 24/7/365 وربع!
وجرب الوايرلس إذا كنت فاتحه وبدون كلمة سر فجيرانك يكونوا سارقين الشبكة.او كاشفين الحماية..فجرب تغير كلمة السر واجعل الحماية WPA
وتأكد هل خط الهاتف عندما تحدث المشكلة يعمل؟ او تكون فيه وشة ؟ كل هذا يؤثر

[mostafa84]

اخى الكريم من غير ماتحير نفسك اسهل شيء تجرب راوتر اخر لفترة لو عمل نفس المشكله اذا فى الحاله دى جرب زع ماقالك بقية الاعضاء من اشياء واحتمال يكون ضعف الكهرباء وانت عارف الكهرباء فى مصر ماشاء الله