مشاهدة النسخة كاملة : مشكله فى ال Service Tag
السلام عيكم ورحمه الله وبركاته
يا رت بعد اذنكم حد يقولى اللاب ده كده معاد التصنيع ولا جديد
ودى صوره من Service Tag
https://im41.gulfup.com/i80qs.jpg
وانا اتصلت بشركه كويست وقالولى ان اللاب ده مش تبعنا واتصل بشركه ديل فيا ريت لو حد معاه رقم شركه ديل او اى طريقه اقدر اتواصل بيها معاهم علشان bdl مش راضيين يرضو على تلفوناتهم دى
224555771 01002244713
وشكرا لكم
0Ahmed.Magdy0
15-09-2013, 21:24
الى اعرفه ان طالما مش مكتوب افريقيا يبقى معاد تصنيعه
روح باللاب و الكرتونة للمحل الى بعهولك و متمشيش من نده غير وانت واخد جهاز جديد و اتاكد انو مش معاد تصنيعه او فلوسك
شكرا على ردك
بس هل طالما انه مش مكتوب افريقيا او الشرق الاوسط يبقى ملهوش ضمان فى الوكيل ومعاد التصنيع ؟
ويا ريت لو حد معاه ارقام ديل للتاكد
وشكرا
0Ahmed.Magdy0
16-09-2013, 03:02
و الله انت لو شارية من محل فى مصر يبقى طبيعى جدا معاد تصنيعه الموضوع ميقلقش اوى بس كون انك تدفع تمن جهاز جديد عشان تاخد جهاز جديد و الراجل يستغفلك عشان متعرفش و يديلك جهاز معاد تصنيعه يبقى اسمها قلة ادب و انعدام ضمير
متسكتش على حقك لو جايب الجهاز من مصر لان كده الجهاز معاد تصنيعه اكيد
AhmedouviX
16-09-2013, 09:55
الكرتونه معليهاش استيكر الضمان؟ مش معاك فاتوره الجهاز؟
انت شاري الجهاز من امتي؟ لو 14 يوم معدوش و الراجل رفض يبدل الجهاز تاخد كام واحد معاك و تروح و تعلي صوتك و تقوله انك مش هتمشي الا لو هتبدل الجهاز او تاخد الفلوس و قوله هبلغ ف حمايه المستهلك يلبسوك ضعف تمن الجهاز لو موافقش برضه عليك علي جهاز حمايه المستهلك يعملولك معاه الصح
الكرتونه مش عليها ملصق لكويست او بى دى ال
كل اللى خدته الورقه دى
https://center.jeddahbikers.com/uploads/images/jb13790008681.jpg
وانا جايبه الثلات اللى فات
ون شاء الله هرحلوه بكره بس عايز ابقى متاكد بس انه كمان مش تبع بى دى ال علشان مبيقاش له حجه
وشكرا جدا على ردودكم
AhmedouviX
16-09-2013, 11:34
رجعه يا باشا و مش هيقدر يتكلم
المحل ده ف مول البستان صح؟ موجود جوا ف الدور الاول؟
وده الملصق الوحيد اللى على الكرتونه
https://center.jeddahbikers.com/uploads/images/jb13793248371.jpg
ولو رحت ورجعته اتاكد ازاى انه مش معاد التصنيع
ويا ريت يا باشا عنوان حمايه المستهلك
وهوه فعلا فى مول البستان
وشكرا جداا على رد حضرتك
AhmedouviX
16-09-2013, 11:57
قوله كشفت عليه علي ديل لقيته مش موجه لمصر و معاد التصنيع و مفيش ستيكر للضمان علي الكرتونه فيا يبدله بواحد تاني و اتاكد و انت ف المحل او يديلك الفلوس
حمايه المستهلك
https://www.cpa.gov.eg/filling-complain.htm
مش هتحتاج ان شاء الله للدرجه دي
شكرا جدا لحضرتك
بس انا عايز اعرف ازاى عرفت انه مش موجه لمصر لانه لو عاند يبقى اكيد هيقولى الكلام ده غلط ويقولى انت عرفت منين
وشكرا لك
AhmedouviX
16-09-2013, 12:14
شكرا جدا لحضرتك
بس انا عايز اعرف ازاى عرفت انه مش موجه لمصر لانه لو عاند يبقى اكيد هيقولى الكلام ده غلط ويقولى انت عرفت منين
وشكرا لك
الراجل ده عنده نت كان واخد وصله من شرق اسيا :D دخله علي موقع ديل و اكتب السيريال قدامه او ادخل من تليفونك حتي المهم وريله السيريال هناك
يعنى ايه عنده نت واخد من شرق اسيا
والسيريال اللى هوه السيرفس تاج يعنى ادخله على موقع ديل قدامه ؟
وشكرا يا كبير على ردك السريع
AhmedouviX
16-09-2013, 12:50
يعني الراجل عنده نت شيك عالسيريال قدامه ف موقع ديل
Sent from my GT-N7100 using Tapatalk 2
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir