المساعد الشخصي الرقمي

مشاهدة النسخة كاملة : ساعدونى رجاءً فى اختيار كمبيوتر رخيص يصلح للالعاب ........



فريد فاضل
20-09-2013, 13:16
الاخوة الكرام
السلام عليكم ورحمة الله ..

انا من قرية مصرية نائية ولا توجد لدى خبرة كبيرة بعالم الكمبيوتر ..
انا فكرت فى انشاء صالة العاب ونت ( سايبر ) لكن خبرتى ضعيفة جدا ..

عموما ذهبت لشركة كمبيوتر لاختيار الاجهزة المناسبة ..
فوجدت شركة تبيع اجهزة ( ديل ) مستعملة بسعر مناسب جدا ..

الشركة اسعارها ( بالنسبة للكيسة - المعالج - ) متدرجة من 200 ج الى ما فوق ..
عموما انا قلت خير الامور الوسط ..
ووجدت جهازاً سعره 425 ج مواصفاته :
هارد 80
رامات 1 جيجا
بروسيسر 2.8
هذا غير الشاشة طبعا ( قال لى الشاشة ب 300 ج )

السؤال الان :
هل هذه المواصفات جيدة لتشغيل العاب مناسبة ( متوسطة الحجم حتى ) ..
على سبيل المثال : فيفا سنة كم ؟
2006 ، 2010 ؟؟؟
انا ذهبت لمحل كمبيوتر قال لى تحتاج كارت شاشة 512 .. ؟؟

ماذا افعل ؟
ما هى نصائحكم ؟
انا ( غرقان لشوشتى ) كما يقول المصريون ولا اعرف ماذا افعل ..
مع مراعاة ان امكاناتى المادية ليست كبيرة ........

M o h a m a d
20-09-2013, 14:31
وعليكم السلام ورحمة الله وبركاته
مرحباً بك أخي الكريم
ممكن طلبك يكون من خلال هذا النموذج

يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

نموذج الموضوع يكون كالتالى:
- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة:
لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .


إدارة عرب هاردوير.

فريد فاضل
20-09-2013, 15:15
- أقصى ميزانية محددة: 7500 جنيه مصرى
- استخدامك للجهاز: العاب ونت ( سايبر )
- حجم الشاشة و الدقة (Resolution) التي تستخدمها: لا اعلم ( اظن 17 بوصة مناسب ) ؟
- القطع التي تنوي شراءها: 10 قطع
- القطع التي ستعيد استخدامها من الجهاز القديم: لا يوجد
- ميعاد شراء الجهاز: سبتمبر 2013
- مكان الشراء: احد مراكز محافظة كفر الشيخ
- محل سكنك: ( يكفى إسم البلد او المحافظه و لا يشترط العنوان بالتفصيل ) كفر الشيخ

naderwasfy
20-09-2013, 15:17
7500 جنيه للجهاز الواحد ولا للسيبر ؟؟

فريد فاضل
20-09-2013, 15:20
7500 جنيه للجهاز الواحد ولا للسيبر ؟؟

للسايبر كله ..
انا سأشترى 10 قطع ....

M o h a m a d
20-09-2013, 15:39
وأنصحك بأن تغير الشاشة
Intel Core i5-4570 Haswell 3.2GHz 6M LGA 1150 1500 L.E
ASRock B85M Socket 1150 600 L.E
G.skill Ares Series 8GB (2 x 4GB) DDR3 1600 CL9 1.50v 550 L.E
Gigabyte GeForce GTX 760 OC 2GB GDDR5 Windforce 3X 2250 L.E
Western Digital (WD) Caviar BLUE WD10EZEX 1TB SATA 6Gb/s 7200 RPM 64MB Cache 480 L.E
ASUS 24X DVD-RW 130 L.E
SeaSonic S12II Bronze 520W 80 PLUS Certified 500 L.E
Cooler Master K380 Mid Tower 370 L.E
Samsung SyncMaster S23B300B 23 inch LED LCD Monitor 1050 L.E
Total 7430 L.E

naderwasfy
20-09-2013, 15:45
بصراحه انت بتطلب المستحيل
يا محمد باشا هو عايز الـ 10 اجهزه بـ 7500 جنيه
حاول تظبط الميزانيه شويه يا استاذ فريد
عشان صعب تجيب حاجه بالمبلغ ده

Maikeru
20-09-2013, 15:49
للأسف الميزانية مش كافية، و لو اشتريت الأجهزة دي آخرها تشغّل PES 2006 و احتمال تهنج كمان :D

الحوت
20-09-2013, 15:54
للسايبر كله ..
انا سأشترى 10 قطع ....

صعب جدا انك تجيب 10 قطع بهذا السعر
لانه البروسيسور لحاله اقل شي ب 310 جنيه والمذربورد الي تدعمه 350 يعني بس البروسيسور المذربورد 670 من غير بيلحقك شاشات ورامات وخلافه

M o h a m a d
20-09-2013, 15:58
والله متأسف ياأخي أنا فهمت بأن عايز جهاز بميزانية 7500ج
ومع 10 أجهزة وبهده الميزانية الأفضل الأتجاه الى سوق المستعمل

salah saied
20-09-2013, 16:02
خليك فى الاستيراد بمعالجات كور تو ديو ومش ضرورى 10 فطع خليهم 6 او 7 بعد كدة زود فى الطريق بس حاول تشوف حد من صحابك فاهم عشان يفحصلك الاجهزة وبالتوفيق

youssef_elgbaly
20-09-2013, 16:06
بالنسبة للسيبر علشان تشغل العاب اونلاين كويس وكده هايشتغل ان شاء الله لان اكتر الالعاب دلوقتى black ops silkroad
wow aion يبقى تعمل حسابك اقل حاجة للجهاز 2000 جنيه وممكن تجيب جهاز 1500 يكون مستعمل او تشوف تصفيات اجهزة وتشترى منه

فريد فاضل
20-09-2013, 16:41
يا اخوانى المعذرة ..
انا اتحدث من الواقع ..
بل من قاع المجتمع .. !!
وانتم تتحدثون من ابراج عاجية .....

الصورة كالآتى :
انا شخص من قرية مصرية نائية غفل عنها الزمن !!
اريد 10 اجهزة تشغل انترنت والعاب متوسطة من نوع ( مشّى حالك ) ......
عندنا ( سايبر ) او اثنين فى القرية ..
اصحابهم من ذوى الدخول البسيطة .. فلا اظنهم يشترون اجهزة ب 1000 او 2000 نهائيا ..
اريد ان اسير على نهج هؤلاء ؟؟ مع الاخذ فى الاعتبار اننى كلما زدت القطع كلما زاد الدخل ..

آخرى اجهزة ( ديل ) الفاشلة المستعملة !!
لذا اخبرونى بأقل مواصفات جيدة ممكنة .. اقل اقل مواصفات ........
هناك كيسة ب 425 ج هارد 80 / بروسيسور 2.8 / رامات 1 جيجا ؟؟ مناسبة ام نرفع قليلا ..... ؟
علما بأن الشاشة ب 300 ج .....

M o h a m a d
20-09-2013, 18:41
يا اخوانى المعذرة ..
انا اتحدث من الواقع ..
بل من قاع المجتمع .. !!
وانتم تتحدثون من ابراج عاجية .....

الصورة كالآتى :
انا شخص من قرية مصرية نائية غفل عنها الزمن !!
اريد 10 اجهزة تشغل انترنت والعاب متوسطة من نوع ( مشّى حالك ) ......
عندنا ( سايبر ) او اثنين فى القرية ..
اصحابهم من ذوى الدخول البسيطة .. فلا اظنهم يشترون اجهزة ب 1000 او 2000 نهائيا ..
اريد ان اسير على نهج هؤلاء ؟؟ مع الاخذ فى الاعتبار اننى كلما زدت القطع كلما زاد الدخل ..

آخرى اجهزة ( ديل ) الفاشلة المستعملة !!
لذا اخبرونى بأقل مواصفات جيدة ممكنة .. اقل اقل مواصفات ........
هناك كيسة ب 425 ج هارد 80 / بروسيسور 2.8 / رامات 1 جيجا ؟؟ مناسبة ام نرفع قليلا ..... ؟
علما بأن الشاشة ب 300 ج .....
السعر جيد ومناسب ليك أخي لأنه مثلا 425ج تجيب معالج فقط مثل Intel G2020

فريد فاضل
21-09-2013, 14:33
شكرا لكم جميعا اخوتى الكرام ..
انا ذهبت لمحل برمجة اليوم وقال لى الامكانيات جيدة ( هارد 80 / بروسيسر 2.8 / رامات 1 جيجا ) وتشغل فيفا 2010 ..
فلما سألته عن كارت الشاشة 512 قال لى : هذا خاص بالالعاب الثقيلة جدا .. او قال : الكبيرة جدا ........
وعموما سنتوكل على الله ودعواتكم .........

Maikeru
21-09-2013, 15:56
شكرا لكم جميعا اخوتى الكرام ..
انا ذهبت لمحل برمجة اليوم وقال لى الامكانيات جيدة ( هارد 80 / بروسيسر 2.8 / رامات 1 جيجا ) وتشغل فيفا 2010 ..
فلما سألته عن كارت الشاشة 512 قال لى : هذا خاص بالالعاب الثقيلة جدا .. او قال : الكبيرة جدا ........
وعموما سنتوكل على الله ودعواتكم .........

غالباً مش هتشغَّل فيفا 2010، و أنا مقدَّر موقفَك بَس 512 دة مش خاص بالألعاب الثقيلة، و كارت الشاشة مش بيتقاس بالـVideo Ram لكِن عموماً بما إنكْ عاوِز 10 أجهزة لسايبر، فهتحتاج الألعاب الضعيفة و لكِن جيّدة في نفس الوقت و مُنتشرة. زي Medal of honor Allied Assault و Conquer Online و Counter Strike و SAMP و Trackmania Nations و Dota 1 و أي ألعاب تانية تشتغل، دول عموماً هيشتغلوا عند حضرتك. و الدخلْ مش هيعتمد على عدد الأجهِزة، لكِن على سِعر الساعة. يعني مُمكن تجيب 4 أجهزة بإمكانيات متوسطة و تزود سِعر الساعة لأن هيكون عندكْ ألعاب متشتغلش في السايبر التاني، و تشغْل ألعاب مش موجودة في السايبرات التانية زي Call Of Duty و Aion و Silkroad و Perfect World و RaiderZ EU و APB Reloaded EU و حاجات تانية كتير. و مَع الوقت تجيب أجهزة أكتر، و تُبقى أحسن سايبر في مَصر :D، و ربنا يوفقك.:o

الحوت
21-09-2013, 16:02
عمدي فكره
اعملك حاليا جهازين بيكونو كويسين وبيعيشو ولما تصير معك فلوس مره ثانيه اعمل الثالث والرابع وهكذا

Maikeru
21-09-2013, 16:10
و دة تكملة للرد السابق بتاعي :D
حضرتك مُمكن تزود 500ج عـ المبلغ مثلاً،
و تجيب 4 أجهزة بالمواصفات دي :
Processor: Intel® Pentium G2030 3.0GHz 3MB Cache 450 L.E
Motherboard: ASRock H61M-PS2 Socket 1155 330 L.E
Ram: Kingston Hyper X Blu 4GB DDR3 1333MHz CL9 1.65v 260 L.E
HardDisk: Western Digital caviar BLUE WD5000AAKK 500GB SATA 6GB/S 380 L.E
Monitor: Acer V193HQ 18.5 inch LCD 450 l.E
مع أي كيسة بباور تجاري بـ100ج
Total : 1970 L.E
و مع الوقت تجيب أجهزة تانية و في أقل من سنة هيكون عندك 10 أجهزة و مُمكن تزود إمكانياتها عن الأجهزة اللي قبلها كمان.
و مُمكن بعدين تجيب لحضرتك جهاز بإمكانيات عالية و تُبقى خبير في الكمبيوتر :D
و تساعد الناس في صيانة الأجهزة و هكذا. أتمنى إني أكون أفدت حضرتك.

shawke hamed
21-09-2013, 18:32
حترضك هتشغلها 2010 بالعافية وهتهنج وميعنفعش شغل معاها حاجة تانية يعنى اخرك pss 2010 بس