ايهما افضل dell 5521 ام dell 5520 ام lenevo z580

[_Khaled]

السلام عليكم ورحمه الله وبركاته
انا ان شاء الله ناوى اجيب لاب توب فى حدود ال 4000 وكنت محتار بين كذا نوع وشبه استقريت على ال 3 دول لكن مش اوى بردوا عشان فى حجات hp وsamsung حلوه بس فى ناس بشتكى من حراره ال hp و السامسونج معرفش عنوا حاجه
المهم انا استخدامى الاساسى للجيمز وسبب شراء الاب توب الاساسى هوا الجيمز وبعد كدا البرامج والاستخدام العادى
انا شبه مستقر على 5521 بس المشكله ان البرسيسور ultra وانا استخدامى الاساسى للجيمز وده ال خلانى اعمل موضوع يعنى لو كان 5521 بروسيسور عادى كنت هشترى على طول
اولا كنت عاوز اعرف مدى تأثير البروسيسور الالترا على الجيمز مع العلم ان الفرق كبير اوى بينوا وبين العدى 1.7 والتانى 2.5
ثانيا لو هتفرق معايا فى الالعاب كدا فى قدامى اختيارين 5520 وz580 فى ناس اشتكت من حراره z580 وكنت عاوز اعرف ايه اخبار 5520
فياريت كل ال عندوا خبره يفدنى عشان اقرر هجيب ايه وشكرا مقدما

[arsenal_henry]

افضل كارت شاشه موجود في Dell 5521 ..
اللينوفو Z580 و Dell 5520 تقريباً الكارتين فيهم زي بعض ..
هات الديل 5521 وتوكل على الله ..

[_Khaled]

بس بالنسبه لموضوع البرسيسور الالترا ده ايه نظاموا عشان انا جيبوا للجيمز فى الاساس
الالترا 1.7 والعادى 2.5 هيفرق معايا ولا ايه النضام ديه اكتر نقطه انا قلقان منها
ثانيا:هوا الكارت فى 5521 ال انت بتقول افضل واحد 8730 ولا 8750 علشان الموضوع ده برضوا فى ناس بتقول فى موديلات بتنزل ب8730 وموديلات ب 8750

[arsenal_henry]

متقلقش في اعضاء هنا جربو الجهاز مع اكتر من لعبه جديدة وعلى اعدادات عالية وشغاله معاهم كويس .. شوف المواضيع التالية ..
https://arabhardware.net/forum/showthread.php?t=360544
https://arabhardware.net/forum/showthread.php?t=357166
والمشكله ان مفيش جهاز بيجمع بين البروسيسور رباعي النواة وكارت شاشه قوي مش اقل من 6,500 جنيه ..
بالنسبة للكارتين 8750 و 8730 فمفيش فرق في الاداء تقريباً زي بعض ..

[_Khaled]

انا سألت عند واحد قالى بلاش لابتوب 5521 علشان ده خاماتوا بلاستك وميستحملش وقالى لو عاوز جهاز يستحمل هات hp probook 4540 قالى ده احسن حاجه وبعد كدا ال 3521 و5520 فى الاستحمال وقالى احسن حاجه انصحك بيها ال hp probook 4540 فانت ايه رايك فى الكلام ده صح ولا ايه ؟

[AhmedouviX]

انا سألت عند واحد قالى بلاش لابتوب 5521 علشان ده خاماتوا بلاستك وميستحملش وقالى لو عاوز جهاز يستحمل هات hp probook 4540 قالى ده احسن حاجه وبعد كدا ال 3521 و5520 فى الاستحمال وقالى احسن حاجه انصحك بيها ال hp probook 4540 فانت ايه رايك فى الكلام ده صح ولا ايه ؟

ااه عرفته ده غالبا البروبوك فان ف المنتدي :D

يا صديقي لو عايز جهاز للالعاب عندك 5521 كارت الشاشه فيه قوي جدا و يشغلك الالعاب التقيله باعدادات عاليه بالنسبه للبرو بوك الي اتقالك عليه سيبك منه و اشتريلك z580 احسن و بالنسبه للخامات في 5521 شوفه بنفسك الجهاز عشان تعرف خامته الخامه بتاعته .. معدني و القاعده بلاستيك مقوي عشان الحراره ( الجزء الاسود الي تحت ) معرفش فتي و قال انه خامته بلاستيك منين بصراحه و شكله عايز يلبس اي حد في البرو بوك الله اعلم ليه بقي :)

5520 بلاستيك فعلا

و بعدين هوا قالك الديل بعد الاتش بي في الاستحمال و ساب الينوفو الي خامته انضف ؟ قوله حرام عليك :D :D

[arsenal_henry]

انا سألت عند واحد قالى بلاش لابتوب 5521 علشان ده خاماتوا بلاستك وميستحملش وقالى لو عاوز جهاز يستحمل هات hp probook 4540 قالى ده احسن حاجه وبعد كدا ال 3521 و5520 فى الاستحمال وقالى احسن حاجه انصحك بيها ال hp probook 4540 فانت ايه رايك فى الكلام ده صح ولا ايه ؟

ممكن تكون الاتش بي فعلاً افضل في موضوع الخامات بس كارت الشاشه في جهاز probook 4540s ضعيف .. وانت عايز جهاز للالعاب في المقام الاول ..

[_Khaled]

اولا: شكرا ل arsenal_henry (https://arabhardware.net/forum/member.php?u=11294573) وAhmedouviX (https://arabhardware.net/forum/member.php?u=11304494) للتفاعل مع الموضوع
ثانيا:ال انا فهمتوا من مشاركتكم ان موضوع الخامات الوحشه فى 5521 صح يعنى كدا اجيب z580 واستحمل موضوع الحراره العاليه ولا اعمل ايه
ثالثا: لو مفيش اى نوع حلو دلوقتى(امكانيات+خامات) استنى الهاسويل وخلاص ولا اعمل ايه
مستنى الاراء والخبرات
(معلش انا تعبكم معايا بس الواحد بيجيب لاب مره واحد كل فتره +الفلوس ديه تحويشه العمر :D مش عاوز اجيب حاجه وارجع اندم او يبئا فيه مشاكل )

[arsenal_henry]

اولا: شكرا ل arsenal_henry (https://arabhardware.net/forum/member.php?u=11294573) وAhmedouviX (https://arabhardware.net/forum/member.php?u=11304494) للتفاعل مع الموضوع
ثانيا:ال انا فهمتوا من مشاركتكم ان موضوع الخامات الوحشه فى 5521 صح يعنى كدا اجيب z580 واستحمل موضوع الحراره العاليه ولا اعمل ايه
ثالثا: لو مفيش اى نوع حلو دلوقتى(امكانيات+خامات) استنى الهاسويل وخلاص ولا اعمل ايه
مستنى الاراء والخبرات
(معلش انا تعبكم معايا بس الواحد بيجيب لاب مره واحد كل فتره +الفلوس ديه تحويشه العمر :D مش عاوز اجيب حاجه وارجع اندم او يبئا فيه مشاكل )
الهاشويل الله اعلم هينزل امتى في مصر ..
شوف الفيديو ده عن جهاز Dell 5521 .. باللغه الانجليزيه ..
https://www.youtube.com/watch?v=vRCNIQsrPv8

[0Ahmed.Magdy0]

خد وقتك لحد ما تحدد جهاز تشترية
وانا انصحك بالديل 5521

[_Khaled]

هوا خامات الديل الوحشه هتأثر على الجهاز ولا عادى

[0Ahmed.Magdy0]

هوا خامات الديل الوحشه هتأثر على الجهاز ولا عادى

مين قالك ان خامات الديل وحشة ؟ شوف صور الجهاز على جوجل

[_Khaled]

واحد قالى الجهاز خاماته بلاستك وميستحملش الشغل الصعب لانه بلاستك

[AhmedouviX]

واحد قالى الجهاز خاماته بلاستك وميستحملش الشغل الصعب لانه بلاستك

اخي ال 5520 بلاستيك لكن 5521 معدني قريب من الالترا بوك

شوف فيديوهات للجهاز عاليوتيوب لو مش عارف تشوفه في الحقيقه

[_Khaled]

طب هوا الجهاز بشكل عام ايه عيوبه؟؟ عشان مجبهوش وارجع اكتشف فيه عيوب واندم وانا كنت بفكر اصبر لشهر واحد عشان اجيب لابتوب هاسويل ويكون خامات وامكانيات حلوه ومفهوش عيوب فكنت عاوز اعرف ايه كل عيوب 5521 عشان اقرر

[_Khaled]

انا كنت عاوز اعرف الفرق بين dell 3521 و dell 5521
وانهو الافضل فيهم من حيث الخامات والاستحمال والشغل
لان انا شوفت dell 3521 ب 4125 وامكانياته core i5 3337 -4g ram-1000g hard -2g amd
و dell 5521 ب 3850 وامكانياته core i5 3337-4g ram-500g hard-1g amd
علشان لو 3521 احسن فى الخامات اجيبوا لان امكانياتوا اعلى وفرق حوالى 250 جنيه
(تفرق معايا اوى الخامات وكده لان الاب هيتمرمط معايا فلازم يكون خامات حلوه ويستحمل ) وطبعا ده لان هدفى الاساسى من شراء الاب الالعاب :D

[Unknown_Dragon]

انا كنت عاوز اعرف الفرق بين dell 3521 و dell 5521
وانهو الافضل فيهم من حيث الخامات والاستحمال والشغل
لان انا شوفت dell 3521 ب 4125 وامكانياته core i5 3337 -4g ram-1000g hard -2g amd
و dell 5521 ب 3850 وامكانياته core i5 3337-4g ram-500g hard-1g amd
علشان لو 3521 احسن فى الخامات اجيبوا لان امكانياتوا اعلى وفرق حوالى 250 جنيه
(تفرق معايا اوى الخامات وكده لان الاب هيتمرمط معايا فلازم يكون خامات حلوه ويستحمل ) وطبعا ده لان هدفى الاساسى من شراء الاب الالعاب :D

انا شفت الجهازيين 5521 و 3521 على السريع بس لمستهم بايدى وشفت الخامة بس متعمعنتش اوى يعنى
بس رايى ان 3521 خامته احسن وتستحمل اكتر بس شكله مش حلو خالص فيه خطوط كتير عاملة زى الشبكة كده و بارزة باختصار شكله كئيب وملل
لو عايز احسن خامة دور على الاجهزة الميتال Metal بتبقى بستحمل اكتر من البلاستيك بكتير بس وزنها اتقل طبعا

[msh_633]

انا جبت اللينوفو z580 .. هاز تحفه بجد لونه ابيض شيك جدا .. لعبت بيس 2014 لمده 3 ساعات والجهاز ولا كأنى شغال هى المروحه اكانت شغاله بس مش اكتر .. خد وقتك ومتستعجلش .. انا جبته بالكارت 635 وهارد تيرا ورامات 6 ومعاه ويندوز 8 .. ب 4275 ..

[medogsr]

جبته منين ؟

[medogsr]

انا جبت اللينوفو z580 .. هاز تحفه بجد لونه ابيض شيك جدا .. لعبت بيس 2014 لمده 3 ساعات والجهاز ولا كأنى شغال هى المروحه اكانت شغاله بس مش اكتر .. خد وقتك ومتستعجلش .. انا جبته بالكارت 635 وهارد تيرا ورامات 6 ومعاه ويندوز 8 .. ب 4275 ..
جبته منين ؟

[msh_633]

جبته منين ؟
من مول سوق الكمبيوتر فسفنكس .. انا جبت الجهاز الوحيد الى بكارت فيجا 635 .. من تلاقى اللى بكارت 630

[_Khaled]

انا جبت اللينوفو z580 .. هاز تحفه بجد لونه ابيض شيك جدا .. لعبت بيس 2014 لمده 3 ساعات والجهاز ولا كأنى شغال هى المروحه اكانت شغاله بس مش اكتر .. خد وقتك ومتستعجلش .. انا جبته بالكارت 635 وهارد تيرا ورامات 6 ومعاه ويندوز 8 .. ب 4275 ..
اولا الف مبروك على الجهاز
ثانيا انا من اسكندريه لو لقيت حد بيبيع الابتوب بالسعر ده هجيبوا على طول لكن انا شوفتوا فى كارفور ب 4500 وهارد 750 وكارت 630 وكدا طبعا غالى وكمان امكانيات اقل........ انت جيبوا امتى بالسعر ده ؟؟؟؟؟؟
ثالثا ايه رايك فى اللون الابيض عشان انا كنت شوفتك كاتب ان انت مش هتجيب الا اللون الفضى ومش هتجيب ابيض خالص :D فانت ايه رايك فى اللون الابيض وفى الجهاز عموما

[kogi2010]

ااه عرفته ده غالبا البروبوك فان ف المنتدي :D

يا صديقي لو عايز جهاز للالعاب عندك 5521 كارت الشاشه فيه قوي جدا و يشغلك الالعاب التقيله باعدادات عاليه بالنسبه للبرو بوك الي اتقالك عليه سيبك منه و اشتريلك z580 احسن و بالنسبه للخامات في 5521 شوفه بنفسك الجهاز عشان تعرف خامته الخامه بتاعته .. معدني و القاعده بلاستيك مقوي عشان الحراره ( الجزء الاسود الي تحت ) معرفش فتي و قال انه خامته بلاستيك منين بصراحه و شكله عايز يلبس اي حد في البرو بوك الله اعلم ليه بقي :)

5520 بلاستيك فعلا

و بعدين هوا قالك الديل بعد الاتش بي في الاستحمال و ساب الينوفو الي خامته انضف ؟ قوله حرام عليك :D :D


وانت بقا الديل فان ولا ايه
بدل ما تتريق عالراجل وضح وجهة نظرك بمزيد من الادب والاحترام
كل واحد بيقول وجهة نظره بناء على تجربته
انت مجربتش البروبوك متحكمش عليه وهو مجربش الديل ميحكمش عليه
انا جربت الاتنين
الديل مصنوع من مخلفات الحيوانات لكن اداء صاروخ
البروبوك مصنوع من انضف خامات معدنية و اداءه جيد

[msh_633]

اولا الف مبروك على الجهاز
ثانيا انا من اسكندريه لو لقيت حد بيبيع الابتوب بالسعر ده هجيبوا على طول لكن انا شوفتوا فى كارفور ب 4500 وهارد 750 وكارت 630 وكدا طبعا غالى وكمان امكانيات اقل........ انت جيبوا امتى بالسعر ده ؟؟؟؟؟؟
ثالثا ايه رايك فى اللون الابيض عشان انا كنت شوفتك كاتب ان انت مش هتجيب الا اللون الفضى ومش هتجيب ابيض خالص :D فانت ايه رايك فى اللون الابيض وفى الجهاز عموما
الله يبارك فيك :) لونه بجد مميز جدا جدا وشيك جدا جدا جدا والله انا مش ندمان على اى قرش دفعته فيه :)جبته يوم 22 اكتوبر .. ممكن اللى انت شفته فكارفور دة الميتال .... الجهاز تحفه زكل يزم بكتشف حاجه مميزة فيه ... خد وقتك :)

[_Khaled]

اخيرا ده انا مستنى ردك من سعتها :D
انت بتقول ال انا شوفته ممكن يكون ميتل هوا بتاعك بلاستك ولا ايه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
هوا فيه من نفس الاب كذا نسخه ميتل وحاجات تانيه ولا ايه !!!!!!!!!!!!!!!!!!!!!!!!!!!!!!!!!

[msh_633]

اخيرا ده انا مستنى ردك من سعتها :D
انت بتقول ال انا شوفته ممكن يكون ميتل هوا بتاعك بلاستك ولا ايه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!
هوا فيه من نفس الاب كذا نسخه ميتل وحاجات تانيه ولا ايه !!!!!!!!!!!!!!!!!!!!!!!!!!!!!!!!!
انا اسف بس ظروف شغلى بتخلينى مدخلش كتير :) اه جهاز عادى يعنى مجبتش الميتال منه علشان امكانياته اقل وسعره اغلى بس بجد لايعلى عليه حاجه وهم ووزنه مناسب جدا انا بجد مبسوط بيه جدا جدا جدا والميتل بيكون اتقل طبعا وبغض النظر عن ميتال او غيرة انت ليك الجهاز وتحافظ عليه ميهمكش ميتال ولا بتاع مش هتفرق كتير طالما انت مش هتبهدله وكمان انا شايف اللون الابيض مميز جدا وكل اللى يشوفه ينبهر من شكله وتصميمه وانا منبهر من اداءه :) بجد انصحك بيه جهاز محترم جدا جدا .. لو محتاج اى حاجه انا تحت امرك وهحاول اتابع الموضوع لو محتاج استفسار :)

[_Khaled]

شكرا جدا على ردك واهتمامك بالموضوع
معلش فى نقطه مش فهمها طب هوا انا اعرف ازاى الجهاز ميتل ولا لا هل الابيض والاحمر عادى واللون السيلفر ميتل ولا ايه
ممكن اى حد يشرحلى النقطه ديه علشان انا مش فاهم الموضوع ده خالص

[msh_633]

شكرا جدا على ردك واهتمامك بالموضوع
معلش فى نقطه مش فهمها طب هوا انا اعرف ازاى الجهاز ميتل ولا لا هل الابيض والاحمر عادى واللون السيلفر ميتل ولا ايه
ممكن اى حد يشرحلى النقطه ديه علشان انا مش فاهم الموضوع ده خالص
اه بالظبط كدة ياخالد هو الميتال بيون رمادى شويه كدة لكن التانيين بيكون ابيض ونبيتى لون :)
وعلى فكره فى واحد فى محل 2B قالى ان الميتال بتاعه بيكون واخد مادة بس مدياه انه ميتال لكن مش بيون ميتال فعلا .. وزى ماقولتلك متوقفش قرارك على ميتال او غيرة .. لو عايز الميتال هتلاقيه فى محلات ابلاينس بس انا ساعتها لقيت امكانياته اقل وسعره غالى جدا بس مش فاكر بالظبط بصراحه :)

[IYM]

اه بالظبط كدة ياخالد هو الميتال بيون رمادى شويه كدة لكن التانيين بيكون ابيض ونبيتى لون :)
وعلى فكره فى واحد فى محل 2B قالى ان الميتال بتاعه بيكون واخد مادة بس مدياه انه ميتال لكن مش بيون ميتال فعلا .. وزى ماقولتلك متوقفش قرارك على ميتال او غيرة .. لو عايز الميتال هتلاقيه فى محلات ابلاينس بس انا ساعتها لقيت امكانياته اقل وسعره غالى جدا بس مش فاكر بالظبط بصراحه :)

لا يا غالي الميتال فعلا ميتال وليست طبقة فقط

الميتال يستحق طبعا فارق السعر اشيك بكتير ده غير متانته ومقاومته للخدش بشكل افضل من البلاستيك ومريح في الطقس الحار لانه بيكون ساقع :ah5: :D

طبعا ده بيرجع لصاحب الجهاز في المقام الاول لكن بوجه عام الميتال بيستحمل عن العادي

يعيبه بس مشكلة بسيطة وهي اثبات ان هيكله بالفعل معدني والغريب ان محدش تطرق ليها هنا لكنها موجودة في منتديات لينوفو نفسها في اجهزة مشابهة مثل Y580

المشكلة هي ان لو كهربة البيت مش مبنية على النظام الاوربي (موجب وسالب وارضي) وواقف على بلاط او سيراميك مثلا وموصل الجهاز في الشاحن حتحس بمجال من الاستاتيكية لو لمست اللاب بايد واحدة وبتروح لو لمسته بالايد التانية لان جسمك بيكون الارضي بتاع اللاب

الموضوع ده طبعا موجود حتى في اجهزة الماك المصنوعة من الالومنيوم

الشحنة دي لا تؤثر على سلامة الشخص او اللاب وهي بالطبع مزعجة ولكنها موجودة بحكم الفيزياء

تحياتي :)

[msh_633]

لا يا غالي الميتال فعلا ميتال وليست طبقة فقط

الميتال يستحق طبعا فارق السعر اشيك بكتير ده غير متانته ومقاومته للخدش بشكل افضل من البلاستيك ومريح في الطقس الحار لانه بيكون ساقع :ah5: :D

طبعا ده بيرجع لصاحب الجهاز في المقام الاول لكن بوجه عام الميتال بيستحمل عن العادي

يعيبه بس مشكلة بسيطة وهي اثبات ان هيكله بالفعل معدني والغريب ان محدش تطرق ليها هنا لكنها موجودة في منتديات لينوفو نفسها في اجهزة مشابهة مثل Y580

المشكلة هي ان لو كهربة البيت مش مبنية على النظام الاوربي (موجب وسالب وارضي) وواقف على بلاط او سيراميك مثلا وموصل الجهاز في الشاحن حتحس بمجال من الاستاتيكية لو لمست اللاب بايد واحدة وبتروح لو لمسته بالايد التانية لان جسمك بيكون الارضي بتاع اللاب

الموضوع ده طبعا موجود حتى في اجهزة الماك المصنوعة من الالومنيوم

الشحنة دي لا تؤثر على سلامة الشخص او اللاب وهي بالطبع مزعجة ولكنها موجودة بحكم الفيزياء

تحياتي :)
كلامك جميل جدا بس حتى البلاستيك من الجهاز دة خاماته فوق العاليه مان ماشاء الله حاجه فخمه جدا وشيك جدا جدا :) انا شايف ان المواصفات اهم من انه ميتال او لأ .. ومتنساش ان اللابات الميتال تتعد على الاصابع فمش شرط يكون انت اللى معاك الميتال يعنى مانتا يكون معاك مواصفات احسن من الشكل والمعدن بمراحل وهتنسى انك اصلا معاك جهاز خاماته عامله ازاى لما تنبهر من اداءه :)