السلام عليكم , هو الرزليوشن يفرق كتير اوي كده !!

[bedoo]

سلام عليكم

بعد تجربة لعبة كريزيس 3 على وندوز 8.1

لقيت ان انا شغلت اللعبة على اعلى جرافيك وعلى منعم حواف اعلى حاجة x8

وامكانياتي هي
i5 3470
hd 7850 1gb
ram 4giga 1333 mhz
hec rapter 500 watt
asrockh61de\]s3

وجربت لعبة كريزيس على الوندز الجديد 8.1
على اعلى حاجة ومنعم حواف اعلى حاجة ولقيت اللعبة جايبة في المرحلة الاولى بتاعة المطر اللي هي المفروض اتقل مرجلة لقيتها جايبه فرمات من 18 لحد 40 واغلب الوقت 27 تقريبا ولقيت اللعبة سريعة وتمام
ولكن اكتشفت ان الرزليوشن كان 1280x 768 فلما عملته 1360 بتاع دقة شاشتي لقيت الفرمات قل جامد واللعبة بقت بطيئة والفرمات بقى 12 فهل الرزليشون البسيط ده يفرق جامد اوي كده ولا ممكن تكون حاجة تانية اثرت ؟

[kingtifass]

انصحك اخى بقراءة التقنيات الرسومية المثبته فى القسم
وبشكل مبسط انت بتزود فى دقه عرض الشاشة اى بتزود فى عدد النقط اللذى يقوم كرت الشاشة بعرضه فى كل فريم ,, لذلك كل ما تزود الدقة يكون عرض الفريمات بمثابه ضغط زياده على الكرت ولذلك يقل عدد الفريمات اذا قمت بزياده الدقه اعتمادا على قوة الكرت ومؤثرات الجرافكس

[roby2010]

اكيد يفرق مع لعبة زي Crysis 3 ومع منعم حواف 8x
اللعبة دي مع اعتى الكروت بتجيب فريمات قليلة برضه مع الاعدادات العالية والريزوليوشن العالي
ممكن تقفل منعم الحواف خالص والفريمات هتزيد شوية
وعامة اللعبة ممكن تشتغل على ريزوليوشن اكبر ولكن تقلل الاعدادات بتاعتها

[bedoo]

اصل قالو وندوز 8.1 بيزيد الاداء فيها وانا عاوز احس بده فخليت منعم الحواف x8 واللعبة لقيتها كويسة لكن الدقة كانت اصغر من بتاعتي بدرجة واحدة ورجعتها لبتاعتي وخليت المنعم X4 واللعبة تمام ها كده تمام ولا ايه ؟
الفرمات من 20 ل 40

[M o h a m a d]

وعليكم السلام
مافيش فرق ملحوظ في جودة الصورة بين 4x و 8x لمنعم الحواف لدا خليها على 4x

[bedoo]

ايوة يعني اقصد ان اللعبة تجيب متوسط 25 فريم على 1360 ومنعم حواف x4 مه الكرت 7850 ده طبيعي ولا المفروض تجيب اقل ولا اعلى مثلا ؟

[فاتح بثوب جديد]

8x مرة وحدة :confused:

[bedoo]

لالالا x8 ده على دقة 1280 انما على 1360 بلعب على x4 كويس ولا ايه والفرمات متوسط 25 كويس كده ولا ايه ؟

[Abreimann]

أولا اتطمن على معدل الفريمات فى الثانية مع كارتك لإن اللعبة دى داهية وكارثة على أى كارت انشالله حتى يكون بخمس تلاف جنيه :D
وفى رأيى انا طول عمرى شايف خاصية تنعيم الحواف دى مالهاش لازمة وبتتقل الأداء ع الفاضى.. لو مصر عليها خليها على 2x كفاية جدا خصوصا انك مش مشغل اللعبة على الـNative Resolution بتاع شاشتك والموضوع مش هيفرق.. هتلاقى الحواف متنعمة طبيعى :)

[bedoo]

انا لا عاوز تنعيم حواف ولا حاجة من دول ومشغل اللعبة دلوقتي على دقة شاشتي 1360 ومنعم x4 و اعلى حاجة وجايبها 25 فريم فبسال كويس كده ولا لا ؟

ثانيا انا بعمل تنعيم الحواف علشان اختبر قوة الكرت مش اكتر

[mask_of_fear]

طبعا اهم شيء في اللعبه هوة الرزليوشن وهة الذي يهلك الكرت كلما ارتفع و يعطي تفاصيل اقوى كلما زاد

[Abreimann]

بخصوص معدل الإطارات فى الثانية وأفضل معدل "نموذجى" وأفضل معدل لا يجب أن تقل عدد الإطارات عنه، يقول البعض يجب ألا تقل عن 30 إطارا والبعض يقول 25 أو 24 (مثل معدل الإطارات فى الأفلام) ويبالغ البعض ويقول 60 إطارا وسوف نتجاهل هذا بالطبع لأن هناك ألعابا بالغة الثقل لا يمكن أن تظل على الدوام فوق الستين إطارا حتى لو كانت على أقوى وأغلى المعالجات الرسومية
والكلمة النهائية يا صديقى محسومة عند ارتياحك الشخصى.. معى شخصيا معدل الإطارات من 40 إلى 50 ممتاز ومريح جدا
وهناك ملحوظة مهمة للغاية، وهى أنك لو لعبت لعبة ما وكان معدل الإطارات عاليا فى أغلب الأحوال - فلنقل مثلا فوق الستين - ثم هبط فجأة إلى 40 فسوف تشعر أن اللعبة فجأة صارت ثقيلة متقطعة، رغم أن الأربعين معدل عال وجيد.. والسبب هو التعود
فى منصات الألعاب مثل بلايستيشن وإكس بوكس وغيره يتعمد صانعو المنصات أن يكون معدل الإطارات ثابتا، ثلاثين مثلا، كى يتجنبوا هذا الأمر
وهناك عدد من محركات الألعاب تجعل معدل الإطارات لا يتجاوز حدا معينا مهما كانت قوة الجهاز. مثلا لاحظت فى لعبة MW3 أن معدل الإطارات لا يزيد عن 45 ولا يقل عن 35 فى كل الأحوال، رغم أن جهازى قادر على تشغيلها بمعدل عال جدا، وأعتقد أن محرك اللعبة به خاصية تثبيت عدد الإطارات
أما بطاقتك، 7850، أحب أن أقول إنها جيدة جدا وقوية

[bedoo]

اكيد طبعا اللعبة من 25 اطار تكون جيدة وانا اعلم ذلك جيدا لكن ليس هذا ما اقصده

انا اقصد لعبة كريزيس 3 هي شغالة بمعدل اطار 26 و منعم حواف x4 ودقة 1360 و اعلى اعدادات فعل كده هي جيدة على كرتي ولا المفروض تجيب اكتر او اقل ؟

[Abreimann]

اكيد طبعا اللعبة من 25 اطار تكون جيدة وانا اعلم ذلك جيدا لكن ليس هذا ما اقصده

انا اقصد لعبة كريزيس 3 هي شغالة بمعدل اطار 26 و منعم حواف x4 ودقة 1360 و اعلى اعدادات فعل كده هي جيدة على كرتي ولا المفروض تجيب اكتر او اقل ؟

أؤكد لك انها كده كويسة جدا :) دى أتقل لعبة فى التاريخ أصلا.. وكارتك كويس جدا على فكرة اتطمن بخصوصه :)

[فاتح بثوب جديد]

اذا تنقس في الريزوليشن وتزيد في منعم الحواف او باقي الاعدادات نفس الشيء والافضل تخلي الريزوليشن الى اقصى حد ممكن وباقي الاعدادات وتنقص في منعم الحواف حتى يعطيك معدل الفريم المطلوب

وطبعا اللعبة ثقيلة وكرت 780 يجيب 60 فريم على اعلى الاعدادات