اشتريت امس شاشه سامسونج 23 بوصه T23A350 .... ومش عجبانى :(

[amdOS]

ملاحظاتى :
حاسس ان جوده شاشتى القديمه السابقه اعلى جوده فى عرض الفيديو او تشغيل قنوات الجزيره الرياضيه HD DVB-S2 !!!!!!!!
اشتريت كابل HDMI ماركه مش عارفها بس سعره 30 جنيه من محل اعرف صاحبه

اول ما اشتريت الشاشه شغلتها بكابل الفيجا العادى القديم ده ... الالوان كانت هاديه اوى والاضائه كانت هاديه اوى .... مش عارف ايه التغير اللى حصل بعد ما اشتريت كابل الهاى دفنيشن النهارده وركبته ... حاسس ان كل حاجه بقت فاقعه الالوان بقت فاقعه .. الصور بقت احلى بس الفيديو وقنوات الدش شكلها كده مش مريح **امتلك كارت ساتيلايت* ,, احساسى ان فيه حاجه اتغيرت للاسوأ بعد ما ركبت كابل الهاى دفنيشن ... ملحوظه مكتوب على كيس الكابل ان الباندويتس بتاعه 6.5 جيجا ...

انا شغّال على بلت ان HD4200 بتاع برده AMD اشتريتها 2010


ممكن اعرف المشكله فين ؟
هل العيب فى الكودكس ؟
هل العيب فى الويندوز 7 ؟ انزل مثلا ويندوز 8.1 ؟
هل العيب فى كارت الشاشه الداخلى ؟ اشترى كارت ايه بالتحديد ؟
ولا يكون العيب فى الشاشه نفسها :)


تحياتى لاحلى منتدى تقنى :))

[mishmish2010]

كارت HDMI و ب 30 جنيه أكيد مش أصلى لو جبت واحد أصلى غالى الصورة هتفرق معاك :)

[Ahmed Elbrbry]

هتحتاج لكابل اصلى
و كمان قنوان الستالايت بتحتاج codec و لازم يكون كارت الستالايت DVB/S2 علشان تشغل القنوات بجودة عالية

[MEeZOo2]

أنا مقبل علي شراء الشاشه دي
لانها بها مميزات كثير يعنى مخارج الصوت والصورة وكمان مخرج يو اس بي + سماعات
شاشه حلوة أوي مش وحشه

[amdOS]

طلع العيب فى كارت الشاشه الداخلى والكودكس .......... ودا لانى عامل الشاشه على اعلى ريسوليوشن 1080p زمان كنت شغال على 720p وبنفس كارات الشاشه الداخلى الضعيف جدا .. بس للامانه كابل الاتش دى كويس برضو معايا مش وحش يعنى لانى جبت كابل ب10 جنيه فعلا للقيت فرق بينه وبين اللى ب30 جنيه

[Eng A7MED]

طلع العيب فى كارت الشاشه الداخلى والكودكس .......... ودا لانى عامل الشاشه على اعلى ريسوليوشن 1080p زمان كنت شغال على 720p وبنفس كارات الشاشه الداخلى الضعيف جدا .. بس للامانه كابل الاتش دى كويس برضو معايا مش وحش يعنى لانى جبت كابل ب10 جنيه فعلا للقيت فرق بينه وبين اللى ب30 جنيه

الف الف مبروك
وما هو انباعك وتقيمك لشاشة
هل بها ايى عيوب ؟؟

[amdOS]

هام جدااااااااااااااااا

انا النهارده حبيت اجرب اوصل الشاشه بالرسيفر اشوف الشاشه شكلها عامل ايه بدون الكومبيوتر ... لم اجد كابل الدش .. فقلت اجرب احط اى حاجه على اليو اس بى واشوف اداء الشاشه لوحدا : فوجدت انى مش شايف حاجه !!!!!!! .... كميه جوستنج يشييييييييييييييييييييب للدرجه اللى خلّتنى ارجّع الشاشه للمحل فى وقتها بدل ما انا عارضها للبيع وحد غيرى ينصدم من ادائها .... اكرر قبل شراء اى شاشه اعمل موضوع هنا وقول ماهو استخدامك للشاشه وهيرد عليك ناس فاهمه وجربت شاشات وفاهمه كويّس او تروح معارض عارضه الشاشات وشوفها وجربها كويّس قبل ما تشتريها ... بس من التجربه الهباب دى اوعى حد يشترى شاشه اى شاشه : respose time : 5ms ممنوووووووووووووووووووووووووع ولو ببلاش !
خصوصا الشاشه الكلبه دى : t23a350

[TaHeR.NaBiL]

انا الشاشه دى عندى بقالها اكثر من سنه وللامانه فهى شاشه رائعه بمعنى الكلمه والاتش دى بها فوق الوصف ......... ولم اندم على شرائها نهائيا
الحاجه الوحيد الى كانت مدوخانى فيها انى لما بوصل كابل الاتش دى واعمل الريزيليوش 1080 * 1920 اللاوان بتبوظ وبعد عناء طويل جدا اكتشفت ان المشكله فى اعدادات كارت الشاشه مش اكثر ولو اى حد وصلها على كارت فيجا وشاف الاوانها هايشوف مدى روعة هذه الشاشه .

[amdOS]

هى فعلا الوانها اجمل الوان شوفتها والماجك انجل فيها جميل اوى بس المشكله ان زمن الاستجابه فيها عالى اوى :)



تحياتى