مشكلة بيني وبين اتصالات Adsl تنتهي الي المشاجرة

[Mohamad Ayman19]

طبعا عنوان غريب ومش عارف اعمل اية مع الشركة دي انا في الاول لما رجعت في السعودية عشان الكلية مع والدي اشتركنا في نت واحد ميجا من اتصالات غير محدود وطبعا والدي سافر واستقريت انا في مصر وانا بعمل داونلود فوجئت بسياسة الاستخدام العادل بيطبقوها علي الغير محدود مع العلم انا ااشتركت وانا كنت فاكر اني ححمل كل الي انا عاوزة ودا حقي وطبعا شركات زي link dsl و te data مفهاش الاستخدام العادل طبعا انا عرفت ان اتصالات وفودافون بيطبقوها بس بعد اية بقي المهم قلت خلاص حفصل الخدمة وانا بكلمهم عشان افصلها اتضح ان الي سجل الخط بإسمة لازم هو الي يجي يفصلة ومكنتش انا اعرف ان لازم الشخص نفسة او يكون معمولي توكيل طبعا واحنا بنعمل عقد مع الشركة مخدتش بالي بالحكاية دي ووالدي فاضلة سنة عما يجي وانا مش حستحمل سنة عما هو يجي دنا وصلت اني مبدخلش فديوهات علي اليوتيوب عشان خايف للسرعة تنزل !!!! المهم قلتلهم انا معايا البطاقة الرقم القومي وعقد الاشتراك ممكن اقدمة وانا والدي صاحب الخط مسافر رافضين برضوا حاولت بكذا طريقة منفعش لحد ما جبت اخري وكل اما اتصل بيهم ارفع صوتي علي الي بيشتغلوا وبقفل والواحد عايز يصورلة قتيل المهم قررت اني مدفعش الاشتراك لحد ما هما غصب عنهم يفصلوا الخط وفعلا لسة مفصول النهاردة بس مش من السنترال يعني مفصول خدمة بس لكن لسة موجود واللمبة منورة Dsl عادي وانترنت لكن اما اجي ادخل علي اي موقع يقلي تم ايقاف الخدمة ولما جيت اتصل بيهم دلوقت بيقولوي لازم تدفعة لانك لو مدفعتش حيترفع علي صاحب الخط دعوات وحيتعرض لغرامة مالية ومسائلة قانونية طبعا لما بيقولولي كدا انا بتنرفز اكتر وبحلف 100 الف مرة اني مش حمشي علي مزاجهم وحركب خط تلفون ارضي تاني وادخل فية النت الي انا عاوزة وانسي الخط القديم بس كدا ياريت تقولولي اية رأيكم واية العواقب الي حتتطبق عليا واية الضرر ولا اكمل واعمل الي بعملة دا واطنش ؟

[EGyPeace]

نفس المشكلة الى عندى بس انا مشكلتى مع تى داتا مع بعض التعديل البسيط
شركات الاتصالات والنت دى ازبل شركات فى التعامل

[Ahmed Elbrbry]

اخى الموضوع سهل جدا
والدك ممكن يعمل لك توكيل مسبب فى السفارة المصرية
و يرسله لك فى البريد السريع

[Golden_PC]

ركب خط تليفون ارضي جديد وريح دماغك لان اسالني انا مع الشركات دي منتهى الاهمال والتسيب وعدم احترام العميل ( مشكلة اي شركة خدمات في مصر )

[الحوت]

خلي الوالد يعملك توكيل وتنحل كل القضيه

[himaalex]

اولا ليس عليك اي مسؤليه او على والدك لان العقد الموقع يعطيك الخدمة بعد الدفع وبالتالى تفصل الخدمة فى حالة عدم دفع العميل للاشتراك الشهرى
اولا اتصل بمكتب حماية المستهلك وقدم شكوى فى شركة اتصالات
وقدم على خط التليفون الجديد وريح دماغك لانهم الحاجة الوحيدة اللى يقدروا عليها عدم اعطاءك الكانسليشن للتقديم قى شركة اخري على نفس الخط

[EGyPeace]

اولا ليس عليك اي مسؤليه او على والدك لان العقد الموقع يعطيك الخدمة بعد الدفع وبالتالى تفصل الخدمة فى حالة عدم دفع العميل للاشتراك الشهرى
اولا اتصل بمكتب حماية المستهلك وقدم شكوى فى شركة اتصالات
وقدم على خط التليفون الجديد وريح دماغك لانهم الحاجة الوحيدة اللى يقدروا عليها عدم اعطاءك الكانسليشن للتقديم قى شركة اخري على نفس الخط

هو ده الى بيعملوه فعلا بيدوخو اهل الواحد عشان يدولك الكنسيليشن عشان يكرهو الناس فى الكنسليشن ومحدش يكنسل ويوصل من شركة تانية
عشان كده انا بقول لاى حد لسه مركبش خط نت فكر كويس اوى قبل ما توصل من اى شركة

[Dr.Hsen]

انا عندي فوودداافون وحيات ربناا ببصوت
الليمت فيها كام جيجا لل١ميجا

[Mohamad Ayman19]

اشكركم ياشباب علي نصايحكم فانا اتفاجئت من حجم المشاركة الي في الموضوع :D :D

واغلب النصايح بتقول اكمل زي ما انا ماشي واحط تلفون ارضي جديد ومحملش هم الخط الارضي القديم اما بالتوكيل من السفارة فدي حتكون صعبة لان الطايف مفهاش سفارة مصرية وتقريبا السفارة بتبقي في الرياض مسافة سفر قد من مصر للسعودية تقريبا :D

خلاص انا حتوكل علي الله وحدخل خط ارضي جديد :)

واحب انصح الي عايز يشترك في نت سريع ومش مهتم بالداونلود انة يشترك في فودافون او اتصالات لانهم ping منخفضة و تصفح سريع وحلو اوي مشكلتهم بقي لو حد عاز ينزل حاجات لاني انا اشتريت العاب كتير واقسم بالله ما عارف العب الالعاب دي بسبب اني مش عارف اعمل داونللود

وطبعا انا واخد فكرة عن te data و link dsl انهم ميزتهم في الغير محدود لكن انا عارف انة نت بيقطع كتير واحتمال ماخدش سرعتي بالكامل كل دا وارد بس انا عندي اني اعمل داونلود احسن من الاستخدام العادل دا وعامة فية سؤال عايز اسألة هو ازاي يعني اشترك في غير محدود وبعدين يقلي 40 جيجا السعة المحدودة بتاعتك اهو بيضحكو علي الناس بشوية تغيير في الاسامي اهو يعني لما يقولو استخدام عادل يبقي دا حاجة والمحدود حاجة..... سبحان الله :D

[Ahmed Elbrbry]

قدم على خط ارضى جديد
و لا تحسر الخط القديم
ادفع فاتورة التليفون عادى لكن متدفعش النت
و اشترك مع لينك علشان هى مش ماشية بسياسة ام عادل

[Mohamad Ayman19]

قدم على خط ارضى جديد
و لا تحسر الخط القديم
ادفع فاتورة التليفون عادى لكن متدفعش النت
و اشترك مع لينك علشان هى مش ماشية بسياسة ام عادل

تمام لكن انا كنت بقكر في link dsl اية نظامها ؟؟

[Ahmed Elbrbry]

تمام لكن انا كنت بقكر في link dsl اية نظامها ؟؟

هذا هو قصدى
انا مشترك معاهم و مفيش سياسة استخدام عادل
و كمان ثبات الخدمة

[cobraxp]

بص رايي الشخصي توكيل من الوالد زي ماقال احد الاعضاء واعمل الكنسليشن
علي ما ساعتك تجيب خط جديد ويطلع عليه مشاكل بتاعت السنترالات انه بريجن والكابل ما ينفعش تدخل عليه نت او ضعيف ما يشيلش سرعات عاليه وهاتخش فى دوامه تانيه مع عمال السنترالات علي ما تلاقي كابل نحاس لخط adsl
الكابل بتاعك نضيف وشغال اعمل الكنسليشن وروح علي tedata او لينك وخليك فى لينك

[Mohamad Ayman19]

بص رايي الشخصي توكيل من الوالد زي ماقال احد الاعضاء واعمل الكنسليشن
علي ما ساعتك تجيب خط جديد ويطلع عليه مشاكل بتاعت السنترالات انه بريجن والكابل ما ينفعش تدخل عليه نت او ضعيف ما يشيلش سرعات عاليه وهاتخش فى دوامه تانيه مع عمال السنترالات علي ما تلاقي كابل نحاس لخط adsl
الكابل بتاعك نضيف وشغال اعمل الكنسليشن وروح علي tedata او لينك وخليك فى لينك

في الحقيقة صعب حكاية التوكيل من ناحية السفارة المصرية لانة السفارة ببساطة علي بعد كبير بينها وبين الطائف لانها في الرياض وطبعا مسافة سفر زي من مصر للسعودية واما بالنسبة للخط الارضي الجديد فانا مش فاهمك اوي في المشكلة دي وياريت تقدمولي نصايح وانا بقدم لخط جديد اية الي اقولة عشان اعرف اوصل نت علي الخط !؟

[McLaren]

إتفرج على الفيديو اللى في توقيعى :)


link dsl
في ناس كتير بتشتكى منها
لأنها بتنزل السرعة وقت الضغط

IM
أكثر شركة محترمة في مصر
معاملةً وخدمة
كانسليشن أخدتوا منهم على طول
والسرعة بتاعتهم عمرها ما نزلت
وملهمش حد إستخدام عادل

بجد أفضل شركة نت في مصر

[Mohamad Ayman19]

إتفرج على الفيديو اللى في توقيعى :)


link dsl
في ناس كتير بتشتكى منها
لأنها بتنزل السرعة وقت الضغط

IM
أكثر شركة محترمة في مصر
معاملةً وخدمة
كانسليشن أخدتوا منهم على طول
والسرعة بتاعتهم عمرها ما نزلت
وملهمش حد إستخدام عادل

بجد أفضل شركة نت في مصر

اها الفديو دا كان عاملة صاحب صفحة hard mode والحقيقة شرحة حلو اوي في المشكلة دي ويارب رسالتة تجيب نتيجة

اما بالنسبة للشركة فاتصلت بيهم وبيعملو خصم علي 2 ميجا 10% مدي الحياة !!!