المساعد الشخصي الرقمي

مشاهدة النسخة كاملة : Dell 5521 OR Lenovo Z580


Unknown_Dragon
11-10-2013, 16:09
اذا سمحت
انا محتار بين Lenovo Z580 Core i5 و Dell 5521 Core i5
انا قرأت عن كل جهاز كتير جدا جدا جدا وعارف مميزات وعيوب كل واحد وعارف ان اللينوفو احسن فى البروسيسور والديل احسن فى كارت الشاشة
بس اللينوفو خايف من الشاشة والزوايا بتاعتها و الديل خايف من البروسيسور مع انى لما قريت المراجعات لقيت الفرق مش كبير بينهم فى البروسيسور ميجيش 6% بس برضه خايف بس اللى عاجبنى فى الديل ان الشاشة بتاعته نضيفة وزوايا الرؤية رائعة ووضوح الشاشة عالى ومناسب لمشاهدة الافلام - غاوى افلام - وكمان غاوى العاب بس خايف من البوسيسور مش دلوقتى بس خايف منه فى المستقبل لان التردد بتاعه قليل فخايف بعد كده الالعاب تطلب بروسيسور بتردد اعلى وخايف كمان من عيوب الصناعة فى الديل لانى قريت عن مشكلة مع واحد فى السماعة ومشكلة مع واحد فى الهارد بيطلع صوت خربشة
ومتردد ... يومين ابقى ميال للينوفو ويومين ابقى ميال للديل ... وحاليا ميال للديل
انا ميفرقش معايا الحجم ولا البطارية
رايكم انتوا ايه ؟
بس بسرعة الله يكرمكم لانى ممكن انزل اشترى بكره

وكمان عايز افضل مكان اشترى منه غير مول البستان
msh_633
11-10-2013, 17:07
انا عندى نفس المشكله وعايز حد يجاوبنى عليها :confused:
Saddik Rayan
11-10-2013, 22:00
اخي انت ما هي الالعاب التي تريد اللعب فيها على اللابتوب
Saddik Rayan
11-10-2013, 22:09
بالنسبة لي انا أفضل Dell 5521 Core i5 لانه افضل من حيث كرت الشاشة و المعالج intel i5 و الرامات 4 غيغا يعني اللابتوب هيشغل العاب جيدا كما انLenovo Z580 الكرت الشاشة المركب فيه مش هيشغل العاب جيدا
Unknown_Dragon
11-10-2013, 22:43
بالنسبة لي انا أفضل Dell 5521 Core i5 لانه افضل من حيث كرت الشاشة و المعالج intel i5 و الرامات 4 غيغا يعني اللابتوب هيشغل العاب جيدا كما انLenovo Z580 الكرت الشاشة المركب فيه مش هيشغل العاب جيدا

هو الاب مش للالعاب قوى بس فيفا و PES احدث اصدارات و need for speed و call of duty و Battlefield
بس الاستخدام الاساسى للدراسة وانا دراستى مش محتاج فيها برامج تقيل مجرد ملفات PDF و فيديوهات بجودة عالية جدا و بقى شوية تصفح وكده

بس الصراحة خايف من عيوب التصنيع فى الديل و الخامة الضعيفة
amr diab
11-10-2013, 23:16
لو لقيت الميتال من ال z580 a هاته ملقتش هات الديل
جسم الديل ضعيف والفريمات اللى فيها بتتخدش وبتبوظ شكل اللاب
arsenal_henry
12-10-2013, 08:21
لو خايف على مسألة ان التردد هيبقى مشكلة في المستقبل خاصةً مع الالعاب الحديثة فده للجهازين مش للديل بس ..
لان الجهازين ببروسيسور ثنائي الانوية والالعاب الحديثة اللي بتنزل من اول السنة دي بتطلب بروسيسور رباعي الانوية مع كروت شاشه قوية جداً فالنقطة دي متحطهاش في الحسبان لان الجهازين هيتضرو في المسألة دي ..
بالنسبة لموضوع البروسيسور متقلقش منه خاصةً ان استخدامك مش تقيل زي برامج 3D ورندر او مونتاج فيديوهات فمش هيفرق معاك اوي ..
وحتى لو استخدمت البرامج دي هتشتغل زي الفل بس كل الحكاية ان اللينوفو هيبقى اسرع شوية بنسبة قد تصل لـ15% فقط ..