المساعد الشخصي الرقمي

مشاهدة النسخة كاملة : مشكلة فى تنصيب وتندوز بعد تغير البروسيسور و البورد


mdhyzn
12-10-2013, 01:50
اليوم قمت بتغير البروسيسور و البورد و أنا مقسم الهارديسك الى 2 دريف .. الأول به System و الأخر Primary
حينما أقوم بعمل فورمات لدريف 0 system لتنصيب الوندوز عليه
أجد مكتوب بلأسفل " 0 Windows Can't installed on drive اللى هو يعتبر البارت بتاع السستم .
لما أضغط عليها لمزيد من المعلومات يكتبلى
Windows can't installed to this disk , the selected disk has an MBR partition table
On EFI Systems , windows can only be installed to GPT disks

ما معنى ذلك و ما الحل مع العلم أنى بسطب الوندوز من فلاشة ..

M.B. GA-H61 S2P
CPU I3 3220
HD. WD 1TB " Divided into two disks "
محمد البرديسى
12-10-2013, 03:45
حاول التسطيب من اسطونة
TaHeR.NaBiL
12-10-2013, 04:08
حاول تفرمت الهارد كله وخليه بارتشن واحد ntfs وسطب عليه ويندوز وهو بارتشن واحد ولما الويندوز يخلص ابقى قسمه ببرنامج MiniTool_Partition_Wizard_Pro
فيه طريقه بالهيرينز mbr انا مش عارفها صراحه الهيرينز عليها برامج كتير زى دى ولو الهارد مافيهوش حاجه مهمه فرمته افضل واعمل زى ما قلتلك .
mdhyzn
12-10-2013, 05:33
حاول التسطيب من اسطونة
جربت أخى الكريم و نفس المشكلة
mdhyzn
12-10-2013, 05:37
حاول تفرمت الهارد كله وخليه بارتشن واحد ntfs وسطب عليه ويندوز وهو بارتشن واحد ولما الويندوز يخلص ابقى قسمه ببرنامج MiniTool_Partition_Wizard_Pro
فيه طريقه بالهيرينز mbr انا مش عارفها صراحه الهيرينز عليها برامج كتير زى دى ولو الهارد مافيهوش حاجه مهمه فرمته افضل واعمل زى ما قلتلك .


الهارد للأسف كومبليت و كله كورسات علمية و داتا صعب أسترجعها ..
و أنا بدور لحل المشكلة لقيت بعض الحل بعمل فورمات بس أنا مش مقتنع ... الفورمات مش عارف هيضيف أيه أو يمكن هو يكون أخر الحلول ..
المشكلة زى مافى الرسالة هو عايز الهارد او الديسك يكون GPT ... السؤال هنا أزاى نحول من MBR الى GPT ؟؟ أعتقد من هنا يفضل بداية تجارب حلول هذة المشكلة .
mdhyzn
12-10-2013, 10:04
تم حل المشكلة بدون فورمات الحمد لله ... شكرًا لكل من حاول المساعدة :)
M o h a m a d
12-10-2013, 10:12
تم حل المشكلة بدون فورمات الحمد لله ... شكرًا لكل من حاول المساعدة :)
الحمد لله ومبروك عليك
mdhyzn
12-10-2013, 10:47
الله يبارك فيك
mmels
12-10-2013, 13:53
تم حل المشكلة بدون فورمات الحمد لله ... شكرًا لكل من حاول المساعدة :)
كيف حللت المشكله لتعم الفائده
mdhyzn
12-10-2013, 21:05
أوكى هوضح لكم كل شئ ...
من البداية و عند حدوث المشكلة قمت بالبحث فى مواقع متنوعة عربية و أجنبية وفى مختلف محركات البحث كان الحل الشائع لو النظام ع نفس الهارديسك هو أنك تعمل له فورمات زى ما أخى العزير طاهر نبيل وضح لى ... لكن نظرًا لأن دة حل غير مرغوب فية فحاولت أدور ع حلول أخرى ليكن هذا أخر حل أمامى ..
وجدت طرق تتطلب تحويل الديسك من MBR TO GPT لكن المشكلة أن مش ينفع تعمل كدا من ع نفس الديسك يعنى دى ممكن تكون ممكنه لو انت مركب 2 هارديسك مثلاً و هناك طرق عديدة لأجراء عمليه التحويل هذة منها برنامج Partition Assistant بس طبعًا نظرًا لأنى ديسك واحد فقط 1 تيرا لم يتاح لى عمل هذا التحويل وهذا النوع ممتاز لأنه يقوم بالتحويل بدون فقد البيانات ..
فوجدت طريقة أخرى من خلال CMD و لكنها تتسب فى مسح المعلومات فى البارت اللى هقوم بالتحويل فيه .
لذلك تضايقت جدًا :( ولكن زاد أصرارى
قمت بتنصيب برنامج Partition Magic و قمت بتقسم بارت السى الخاص بالسستم الى جزئين و جعلت الجزء الأخر Unallocated .. هذة الطريقة أعتبرتها كخداع بدلاً من عمل فورمات للهارد بأكمله
لأن الهدف من طريقة عمل فورمات للهارد هو أن يصبح الهارد كله Unallocated فبيتم تخصيص بارت محجوز ل System بستغله نظام UEFI
المهم دخلت لتنصيب الوندوز و وجدت البارت Unallocated و جيت أسطب حدث نفس المشكلة مع ظهور نفس الرسالة .
بالتالى توجهت للأعدادت البيوس فوجدت ظهور كلمه UEFI جنب ال DVD بعد ما كانت مش موجودة قبل ما أعمل Unallocated Part
و دى محطوطة الأولوية الأولى و بعدين الحاجات التانية اللى كانت موجودة قبل ما اعمل Unall. Part كانت كالتالى
الأولوية التانية Sata : H.D.
الأولوية التالتة Sata : DVD
وفى بعد كدا Disable
نظرًا لأن UEFI هى اللى بتتطلب عمل الفورمات وكدا
قمت بتغير الأولوية بحيث لغيت خالص UEFI لتصبح الأولويات كالتالى
1 Sata DVD
2 Sata H.D.
3 Disable
دخلت مرة أخرى لتنصيب الوندوز وجدت أختفاء الرسائل نهائيًا :)
و الأن أصبح هناك 3 بارتشن بعد ما كانوا 2 منهم واحد Reserved for Sys
>>>>
أتمنــى تكونوا أستوعبتوا الموضوع منى و ياريت تحاولوا تعملوه فى موضوع مثبت لأنى ملقتش حد عمل كدا قبل كدا خالص :D
os-ch
13-10-2013, 00:47
عندي سؤال صديقي :

أنا عندي 3 بارتشن ، 1 للسيستم فقط و2 للتطبيقات المختلفة ،
ينفع مثلا افرمت بارتشن السيستم عشان أنزل ويندوز جديد عليه من غبر حذف بارتشن التطبيقات والمعلومات اللي عليه ؟؟
mOStAfa AtitO
13-10-2013, 05:38
أوكى هوضح لكم كل شئ ...
من البداية و عند حدوث المشكلة قمت بالبحث فى مواقع متنوعة عربية و أجنبية وفى مختلف محركات البحث كان الحل الشائع لو النظام ع نفس الهارديسك هو أنك تعمل له فورمات زى ما أخى العزير طاهر نبيل وضح لى ... لكن نظرًا لأن دة حل غير مرغوب فية فحاولت أدور ع حلول أخرى ليكن هذا أخر حل أمامى ..
وجدت طرق تتطلب تحويل الديسك من MBR TO GPT لكن المشكلة أن مش ينفع تعمل كدا من ع نفس الديسك يعنى دى ممكن تكون ممكنه لو انت مركب 2 هارديسك مثلاً و هناك طرق عديدة لأجراء عمليه التحويل هذة منها برنامج Partition Assistant بس طبعًا نظرًا لأنى ديسك واحد فقط 1 تيرا لم يتاح لى عمل هذا التحويل وهذا النوع ممتاز لأنه يقوم بالتحويل بدون فقد البيانات ..
فوجدت طريقة أخرى من خلال CMD و لكنها تتسب فى مسح المعلومات فى البارت اللى هقوم بالتحويل فيه .
لذلك تضايقت جدًا :( ولكن زاد أصرارى
قمت بتنصيب برنامج Partition Magic و قمت بتقسم بارت السى الخاص بالسستم الى جزئين و جعلت الجزء الأخر Unallocated .. هذة الطريقة أعتبرتها كخداع بدلاً من عمل فورمات للهارد بأكمله
لأن الهدف من طريقة عمل فورمات للهارد هو أن يصبح الهارد كله Unallocated فبيتم تخصيص بارت محجوز ل System بستغله نظام UEFI
المهم دخلت لتنصيب الوندوز و وجدت البارت Unallocated و جيت أسطب حدث نفس المشكلة مع ظهور نفس الرسالة .
بالتالى توجهت للأعدادت البيوس فوجدت ظهور كلمه UEFI جنب ال DVD بعد ما كانت مش موجودة قبل ما أعمل Unallocated Part
و دى محطوطة الأولوية الأولى و بعدين الحاجات التانية اللى كانت موجودة قبل ما اعمل Unall. Part كانت كالتالى
الأولوية التانية Sata : H.D.
الأولوية التالتة Sata : DVD
وفى بعد كدا Disable
نظرًا لأن UEFI هى اللى بتتطلب عمل الفورمات وكدا
قمت بتغير الأولوية بحيث لغيت خالص UEFI لتصبح الأولويات كالتالى
1 Sata DVD
2 Sata H.D.
3 Disable
دخلت مرة أخرى لتنصيب الوندوز وجدت أختفاء الرسائل نهائيًا :)
و الأن أصبح هناك 3 بارتشن بعد ما كانوا 2 منهم واحد Reserved for Sys
>>>>
أتمنــى تكونوا أستوعبتوا الموضوع منى و ياريت تحاولوا تعملوه فى موضوع مثبت لأنى ملقتش حد عمل كدا قبل كدا خالص :D

حصلت معايا نفس المشكله بالظبط وحليتها بنفس الطريقه
mOStAfa AtitO
13-10-2013, 05:43
عندي سؤال صديقي :

أنا عندي 3 بارتشن ، 1 للسيستم فقط و2 للتطبيقات المختلفة ،
ينفع مثلا افرمت بارتشن السيستم عشان أنزل ويندوز جديد عليه من غبر حذف بارتشن التطبيقات والمعلومات اللي عليه ؟؟

وانت بتثبت النظام اعمل للبرتشن اللي هتثبت عليه فورمات فقط
os-ch
13-10-2013, 15:13
وانت بتثبت النظام اعمل للبرتشن اللي هتثبت عليه فورمات فقط

مثلا أريد تنزيل ويندوز 8 بدلامن 7 ، بارتشن النظام من داخل الويندوز اسويله فورمات ، وبعدين ؟؟

اريد أن أضمن عدم حذف باقي البارتشنات اثناء تنزيل الويندوز