مشكلة في الرامات

[rimo85]

السلام عليم و رحمه الله و بركاته.

عندي مشكلة مع الرامات ايلي عندي اول حاجة انا عندي 4 قطع رامات 2G
1333 كنت موصلهم عادي بعد كدة بحوالي 6 شهور الجهاز بأه بيرستر و بيجيب شاشة زرقاء شلت واحدة اشتغل تمام بعد كدة المشكلة رجعت تاني شلت وحدة تانية و غيرت مكان الصلتات بأيت شغال ب رامتين واحد صحبي افادني بأن اغسل مكان الرامة ببنزين المهم غسلت الاربع صلتات بالفرشة مع البنزين و سبت البردة 30 دقيقة ثم وصلت الاربع قطع بردة نفس المشكلة فأنا شغال دلوأتي بقطعتين عايز اشلهم واجيب قطعة واحدة 4G بس تكون 1600
تاني حاجة لو بعد كدة حاولت اجيب رامة تانية بنفس التردد و الفلت بس نوع تاني هيبأة في مشكلة
و افيدوني لو في نوع غير الكينج ستون يكون سعره لا يتعدي ال350 جنيه
سمعت ان في نوع تاني اسمه تيم team و سعر الرامه ب 280 جنيه ايه رأيكم
و لو مشكلة الرسترة بسبب تاني افيدوني بأله عليكم
و دي امكانيات جهازي حاليا
انا كسرت سرعة المعالج بتاعي AMD PHENOM IIX2 و بأه IIX4 B50 Processor 3.56 GHz و الحمد لله.

1- البور 550W Thermaltake
2- الفيجا AMD 7770
3- الرامات 2* 2G.Kingston 1333
4-البوردة MSI 785G-E53
5- الشاشة 20 بوصة (SAMSUNG (P2050
و بارك الله لكم

[Abreimann]

مش موضح اذا كانت المشكلة اختفت بعد ما بقيت شغال بقطعتين رامات فقط ولا لأ
عموما المفروض ان المزود 550 واط يكفى وزيادة.. بس بلاش تنضف أى حاجة فى الجهاز ببنزين تانى :D البلاور كفاية جدا.. احتمال يكون العيب من طقم الرامات نفسه أو من البوردة بس لو الرامتين شغالين من غير مشاكل يبقى المشكلة فى الرامتين اللى شلتهم.. حاول تجرب وتبدل بين الرامات عشان تحسم المشكلة فين بالضبط
أيا كان ما تشتريش أى نوع رامات الا الأنواع المعروفة، زى Kingston - ADATA - Corsair- G.Skill - OCZ إلخ
وموجود فى السوق دلوقت قطعة رام مساحتها 4 جيجا وباص 1600 من Corsair ونفس المواصفات من G.Skill والاتنين على 280 جنيه.. الاتنين من نفس الطراز وبنفس التوقيتات وموجودين من زمان وان شاء الله هيفضلوا متوفرين فى السوق لإنهم أكتر نوعين موجودين وعليهم طلب والمراجعات كلها بتشكر فيهم
ودى أساميهم بالضبط
G.Skill Ripjaws X 4GB CL9 1600 1.5V DDR3
Corsair Vengeance 4GB CL9 1600 1.5V DDR3
مع ملاحظة ان فيه رامات كينجستون بنفس المواصفات والتوقيتات والسرعة بس شغالة على 1.65 فولت ودى فكك منها عشان بتاكل طاقة زيادة وأغلى من دول كمان.. ليه مش فاهم
وعاوزين نعرف طراز البوردة وهل هى جديدة نسبيا ولا قديمة واكتب اسم المعالج بدقة
وفيه احتمال برضه ان فتح الأنوية بتاع المعالج له دور فى الموضوع بس الله أعلم عشان برضه ماليش فى الـ AMD بس الناس القديمة فى AMD هيفيدوك فى المسألة دى

[rimo85]

السلام عليكم و رحمه الله و بركاته
اول حاجة الف شكر لآهتمامك
تاني حاجة انا استعجلت و اشتريت الرامه team 4GB DDR3 CL9 1600 1.5v
ايه رأيك فيها انا وصلتها و هبدأ اسطب الالعاب لآني لسة منزل ويندوز
البروسيسور AMD PHENOMIIX2 3.1GH TRUE-DUAL CORE
7.5MB TOTAL CACHA

[Abreimann]

طيب شوف إيه النظام ولو انى ما اعرفش إيه ماركة Team دى ولا أصلها ولا فصلها
بس ممكن تطلع كويسة ان شاء الله
على أى حال لو عرفت تجيب لى رابط للرامات دى يكون كويس ونعرف عنها حاجة
وطمنى اشتريتها منين والضمان وكده
فى كل الأحوال اضغط على الجهاز واتأكد ان الدنيا شغالة كويس

[Abreimann]

شوف لو كان اسمها Team Xtreem Dark Series يبقى ان شاء الله تكون ماركة محترمة.. أصلى خايف تكون من الأنواع الغريبة مجهولة المصدر اللى مالية السوق عندنا.. هى شبه الرامات اللى فى الرابط ده؟:
https://www.newegg.com/Product/Product.aspx?Item=N82E16820313080

[rimo85]

شفت يا معلم ايلي حصل
العيب هو هو بعد تركيب الرامة الجديدة مع اني غيرت الصلوت
فأضتريت اني الغي كسر سرعة البروسيسور و رجعته للضبط الافتراضي
و لعبت لمدة 90 دقيقة لعبة Crysis 2 و الحمد لله مرسترش الاول مكنش بيكمل 14 دقيقة
ده رابط الرامة https://www.nefsak.com/Xtreem-Dark-PC3-12800-DDR3-1600-4GB-TDD34G1600HC901-Team.html

اشترتها من محل تحت البيت و الي ضمنها سنة من المحل و عاملة 275جنيه
اضغط علي الجهاز ازاي بأة و لو عندك برامج اقرأ بيها حرارة كل حاجة في الجهاز
اكون شاكر