اتسفسار ضرورى بخصوص الكارت والباور

[Eng Mahmoud Hamada]

انا معايا gigabyte amd 7750 1gb gddr5 oc

ولسه مركبتوش والسبب انى لسه هاشترى باور اصلى 400 وات

بس المشكلة ان اجازة العيد والشحن واقف

فهستنى لبعد العيد

ودلوقتى انا عايز اجرب الكارت واشغله عندى بس الباور تجارى مكتوب عليه dell 1200 watt

هل ممكن اشغله الاسبوع ده لحد ما اشترى باور اصلى عشان عايز العب عليه فى الاجازة


ولا فيها مخاطرة كبيرة


وايه اللى ممكن يحصل لو الباور غير كاف

مواصفات جهازى

intel e8500
ram 4
hdd 1tera
motherboard g41

[Dr_Hema2017]

لا هيشتغل كويس بدون مشاكل ان شاء الله طالما هتجيب بعد العيد على طول و الباور 400 وات أكتر من كااافي للكارت لو جبت 350 وات كافي برضو و لعلمك الكارت ممكن يشتغل عادي مع باور تجاري بدون مشاكل علشان مش محتاج وصلة 6 pin بس طبعا يفضل الباور يكون من شركة محترمة علشان الأمان مش أكتر
و كل سنة و انت طيب :)

[Eng Mahmoud Hamada]

اخى انا خايف من الباور التجارى ليحرق الكارت
فلو فيها مخاطرة استنى بعد العيد لان الناس خوفتنى جامد من الباور التجارى

[Ahmad Rady]

الـ 7750 ممكن يشتغل على باور تجاري لان اقصى استهلاك له تقريبا 43 وات؛ فمفيش مشكلة إن شاء الله.

[M o h a m a d]

الكرت ممكن أن يشتغل بس في أقرب فرصة قم بتغييرة بباور أصلي بقوة 350w