المساعد الشخصي الرقمي

مشاهدة النسخة كاملة : مشكلة مع مشتت Corsair H80i وتركيبه علي البوردة (تم الحل) للافادة



bazilizk
16-10-2013, 02:09
بسم الله الرحمن الرحيم

في خطوة مجنونة قمت بشراء مشتت Corsair H80i بدلا من المشتت الموجود عندي فعلا Noctua nh-D14
طبعا بحثا عن أداء أفضل

المشكلة :
باختصار. فتحت دليل المستخدم لاعرف كيفية تركيبه وخطواته. وحاولت افكر قبل التركيب لقيت ان الخطوات غير مرتبة.
أول شيء قمت بتركيبه (من الخبرة مش من الكتالوج) Backplate او الدعامة الخلفية والحمد لله جدا اني بدأت بالخطوة دي .
الدعامة الخلفية جاية بالمنظر ده والمفترض انها تتثبت خلف البوردة.

https://fbcdn-sphotos-a-a.akamaihd.net/hphotos-ak-frc3/1399515_552559931477935_1813805413_o.jpg

ده احد اطرافها الاربعة. عبارة عن صليب معدن ومغطي بطبقة بلاستيك شفاف وبعدين (وردة من الفايبر او البلاستيك)

طبعا ركبتها وركبت عليها الاربع مسامير المخصصين لنفس السوكيت من الجهة الامامية (في دليل المستخدم مكتوب مسامير السوكيت بالعكس وخطأ)
اتفاجئت ان الدعامة بعد تركيب المسامير من الامام. غير ثابتة وفي فرق حوالي 3 او 4 مللم عن انها تبقي ثابتة تماما.

طبعا توقفت عند المرحلة دي عشان منطقي جدا اني لو ركبت بلوك المشتت علي البروسيسور عمره ما حيبقي ملتصق به نهائي.
المهم حاولت ادور علي الانترنت علي المشكلة دي اتفاجئت ان في ناس كتير جدا كاتبة تحت عنوان (H80i Loose Backplate )
والحل الوحيد اللي عملوه انهم اشتروا وردات بلاستيكية تتركب علي الوردة السوداء القادمة مع المشتت الاصلية . وبعدين توقفت عن تركيب اي شيء .

اليوم التالي يوم وقفة عيد الاضحي حاولت اتصل بمحل ماكسيمم كذا مرة . كانوا ما بيردوش تقريبا اجازة عيد كل سنة وانتم طيبين.
المهم تقريبا ما سيبتش محل صيانة ادوات كهربائية او كومبيوتر او محلات حدايد وبويات في مدينتي الا لما دخلت وسئلت علي وردات مناسبة للدعامة الخلفية.
اخيرا اشتريت وردات معدنية عشان مفيش غير كده وهي بالمنظر ده.

https://fbcdn-sphotos-d-a.akamaihd.net/hphotos-ak-prn2/1404423_552559934811268_308613051_o.jpg


دي وردتين معدنيتين سمك كل واحدة تقريبا 1 مللم .
المهم ما نفعش غير اني اركب 3 وردات في كل مكان مسمار

https://fbcdn-sphotos-g-a.akamaihd.net/hphotos-ak-ash3/1400747_552559928144602_1051941263_o.jpg

https://fbcdn-sphotos-f-a.akamaihd.net/hphotos-ak-prn2/1399383_552560164811245_589298595_o.jpg

https://fbcdn-sphotos-h-a.akamaihd.net/hphotos-ak-prn2/1385614_552560218144573_316839033_n.jpg

بعد تركيب ال 3 وردات في كل طرف من الدعامة الخلفية زي ماهو في الصور.
الحمد لله ركبت بعدها البلوك (المضخة) في مكانها وثبتت جدا بفضل الله.

https://fbcdn-sphotos-f-a.akamaihd.net/hphotos-ak-prn2/1377189_552560431477885_1887630659_n.jpg

https://fbcdn-sphotos-a-a.akamaihd.net/hphotos-ak-ash3/1374381_552560411477887_1393913196_n.jpg

بعد التشغيل

https://fbcdn-sphotos-g-a.akamaihd.net/hphotos-ak-ash3/1382909_552560421477886_1730178022_n.jpg


بعد التشغيل في عيوب تانية بصراحة.
1- صوت المراوح علي موود الماكس او البيرفورمانس بشع جدا عامل زي الطيارة النفاثة. (عملته علي الديفولت موود)
2- السوفتوير بتاعه جميل جدا . بس التحكم في الوان البلوك غير منطقي . يعني عملته علي اللون الاحمر فقط.
احيانا يدي اسود او ازرق. لو عملته علي الابيض شوية ابيض وشوية تانية ينسي ويبقي بنفسجي.
ومستقر حاليا علي الاخضر. ولو انه ساعات بيقلب لبني لوحده ويثبت عليها بس بيرجع تاني بعد الريستارت :)
(عارف اللي حيقول يمكن نسيت تحفظ البروفايل داخل البرنامج- لا باحفظه بعد كل خطوة)
عيوب اخري :
3- المفروض الاقي 8 وردات صغيرة لمسامير المراوح. اللي وجدته 4 فقط . مش مهمين اوي لانهم معدن . مش كاتمين للصوت يعني
فمشيت حالي.
4- محدش يمشي ورا دليل المستخدم في تركيب المشتت. لانها غير عملية بالمرة. (ودنك منين يا جحا )
5- قصة بقي الدعامة الخلفية دي اللي بجد كانت محزنة ولو ان تم حلها بطريقة بلدي ومكنتش اتمني كده من مشتت سعره غالي (825) جنيه وجاي ناقص اكسسوار صغير زي ده.
وشكرا عم السيد شحاتة كهربائي سيارات اللي اشتريت منه الوردات دي :)

دي لينكات لنفس المشكلة بتاعتي بس عند ناس تانية : باختصار شوية عن الكلام الكتير بتاعي :


https://www.youtube.com/watch?v=5JeFHtQQoCE

https://forum.corsair.com/v3/showthread.php?t=112940


وبالمناسبة البوردة والبروسيسور
i7-3770k + Gigabyte z77x-ud5h


وشكرا جدا للقراءة.

محمد البرديسى
16-10-2013, 02:23
دة مراجعية ممتاز منك اخى الكريم بس على فكرة تبريدة كفاءة وكان لى تجارب مع تللك التبريد ولم توجهينى اى مشكلة ومبروك عليك

bazilizk
16-10-2013, 02:27
بصراحة هو تبريد حلو بس علي البرايم 95 . نتيجة النوكشوا كانت افضل ب 3 درجات وكنت مغير فيها المروحة الامامية ومستعمل noctua nf12 بدلا من الاصلية p12 .....

محمد البرديسى
16-10-2013, 02:30
فى الخمول درجة الحرارة كام وعند الضغط كام

bazilizk
16-10-2013, 02:37
i7-3770k @ 4.4Ghz @ core voltage 1.220v
H80i (performance mode ) >>>>idle @28c
max load @71c

noctua d14 with noctua nf12>>>> idle @ 33c
max load @ 67c

محمد البرديسى
16-10-2013, 02:45
الحرارة مقبولة فى حالة الضغط وطبعا ممتازة فى الخمول
نوع المعجون المستخدم فى التبريد

bazilizk
16-10-2013, 02:49
في النوكشوا معجونه الاصلي. كمية مقدار حبة الارز بالعرض في منتصف البروسيسور.
وفي الكورسير معجونه الاصلي الملتصق علي القاعدة النحاس. وتم تركيبه بعناية عشان المعجون ما يتجزأش.
انا عارف في معجون هنا في مصر الانتك فورميولا 7 . هو ممتاز. حابقي اشتريه في حالة انا افك واركب تاني الكورسير . ولو ان تركيبه مش سهل اوي. اخد نص ساعة تقريبا

محمد البرديسى
16-10-2013, 03:11
مبروك عليك واحترس بعد كدة عند الفك والتركيب

Ahmed Elbrbry
16-10-2013, 04:08
لو استخدمت معجون اخر مثل
arctic mx-4
او
antec formula 7
الحرارة هتفرق معاك كتير

بالاضافة ان اعدادات الكسر لديك محتاجة تظبيط لانى شاكك ان الفولت عالى شوية

و على العموم مبروك عليك المشتت

و الحمد لله انك قدرت تحل المشكلة

bazilizk
16-10-2013, 04:27
الله يبارك فيكم. بالنسبة لاعدادات الكسر. فولت1.220 اقل من كده الجهاز مش حيبقي ثابت ابدا. وفي نفس الوقت ما ينفعش يجيب 4.5 علي نفس الفولت. بيبقي محتاج 1.245 فولت بس الحرارة بتوصل ل 79 ايام النوكشوا. هو البروسيسور امكانياته كده بقي :)

Mr.pOPo
16-10-2013, 06:37
انصحك توديه الضمان علشان لما تيجى تبيعه بعد كدا هيبقى معيوب و هتخسر فيه جامد.

شكراً لمشاركتنا الحل يا ريس و مبروك المشتت عليك.

هل لا قيت فرق فى درجات الحرارة بينه و بين النوكتشا دى 14 ؟

تعديل:

لاحظت ان النوكتشا فى اللود اقوى 67 (71 الكورسير)

شكراً للإفادة.

bazilizk
16-10-2013, 07:41
انصحك توديه الضمان علشان لما تيجى تبيعه بعد كدا هيبقى معيوب و هتخسر فيه جامد.

شكراً لمشاركتنا الحل يا ريس و مبروك المشتت عليك.

هل لا قيت فرق فى درجات الحرارة بينه و بين النوكتشا دى 14 ؟

تعديل:

لاحظت ان النوكتشا فى اللود اقوى 67 (71 الكورسير)

شكراً للإفادة.

بصراحة ناس كتير عندها نفس المشكلة دي والضمان مارضيش يرجعه (الكلام ده في بلاد برة مش هنا )
فاكيد هنا مش هيعبروني.
حجة انه ما يرجعش الضمان ان المضخة شغالة. المراوح شغالة . الخراطيم سليمة. يبقي تمام. اي اكسسوار من مسامير وخلافه تقدر تشتريها من موقع كورسير منفصلة.
وده كان رد كورسير علي واحد بيشتكي في المنتدي بتاعها.
ان شاء الله برضه لما اجازة العيد تخلص حاسأل ماكسيمم كده عن الحكاية دي . بس يارب يردوا عالتليفون.
وبصراحة اعلي جودة مكونات شوفتها في حياتي . نوكشوا بلا منافس وجاي معاه كل مايلزم من الالف للياء حتي المفك اللي استخدمه.

Mr.pOPo
16-10-2013, 07:45
لأ ما تسيبش حقك طبعاً، انت شاري حاجة جديدة تشتريها شغالة.

كلم ماكسيمم و صمم على تغييره، خصوصاً لو مبقالوش عندك 14 يوم.

bazilizk
20-10-2013, 04:31
لأ ما تسيبش حقك طبعاً، انت شاري حاجة جديدة تشتريها شغالة.

كلم ماكسيمم و صمم على تغييره، خصوصاً لو مبقالوش عندك 14 يوم.

شكرا جدا جدا علي الردود المفيدة.
بالفعل اليوم السبت روحت لماكسيمم وقولتله علي الشكوتين
1- الباك بليت مش ثابتة بدون تدخل خارجي.
2- اللون الاحمر في ليد البلوك مش شغال نهااااائي.

ربنا يكرمهم وصلوه وجربوه وانا هناك . واتأكدوا ان اللون الاحمر مش شغال. وكان هو ده سبب اني ارجعه الضمان مش حكاية الباك بليت.
الحمد لله ان اللون الاحمر مش شغال والا مكانش رجع.

جبت Noctua C14 بدلا منه وركبته علي الجهاز الصغير وجهازي انا رجعت لقواعدي سالما مع عزيزتي ال Noctua D14 مع معجون Antec Formula 7 ..
النوكشوا فعلا افضل جودة علي الاطلاق :)

الحوت
20-10-2013, 06:14
corsair H100i فيه هاي المشكله لانه مخطط انه اجيبه

bazilizk
26-11-2013, 02:40
corsair H100i فيه هاي المشكله لانه مخطط انه اجيبه

معلش انا اسف جدا جدا علي التاخير في الرد .... انا مجربتش بصراحة . بس المشكلة الاساسية تتلخص في القاعدة الخلفية وحلها محتاجة (وردات بلاستيكية او معدنية يتم عزلها) والمشكلة دي مش بتقابل كل الناس.. . وتتأكد من ان القاعدة راكبة كويس في ضهر البوردة بدون اي اهتزاز وبعدين ركب المضخة يبقي تمام ومفيش مشاكل باذن الله.

kingsetif
29-01-2015, 17:26
Noctua nh-D14 مشتت أكثر من رائع و أحسن من H80I و عن تجربة التبريد الهوائي أفضل من المائي

Eng:Aezz
29-01-2015, 20:07
Noctua nh-D14 مشتت أكثر من رائع و أحسن من H80I و عن تجربة التبريد الهوائي أفضل من المائي

خليك في Noctua nh-D15 ده الأجدد واقوى من نسخه D14