عايز أشتري gameing mouse تنصحوني يإيه؟

[nanonona]

عايز أشتري gameing mouse
أولا أنا رغم إن ميزانيتي مفتوحة لحد 800 جنيه
لكن مش عايز أدفع كل ده في ماوس..
أنا اللي يهمني سرعة ودقة الماوس
لكن زراير زياده ولا بينور ولا لاسلكي كل ده مش مهم..
فتنصحوني بإيه عشان مصرفش فلوس على الفاضي؟!

[Dr.Hsen]

انا معايا HP 2.4GHz Wireless كان بـ 150 من شهرين تقريبا .. احسن ويرلس انا استخدمة
وفي Microsoft 1000 ده مشهور برضو وحجمه متناسق وسهل التحكم جدا وخفيف نوعا ما وسعره 140 بالكتير

[Dr.Hsen]

اه وطبعا في الkrypton بتاع جيجا بايت موس تحفه جدا ب سعره حوالي 420 جنيه كدا !
وفي انواع كتير باسعار مختلفه و الاحسن انك تشوف ع الطبيعه احسن
وتلاقي انواع تانيه زي لوجيتك وكولير ماستر وميكروسوفت كله انواع كويسه

[nanonona]

أشكرك على اهتماماك.. أنا فعلا بفكر في الجيجا بايت لأنه واخد تقييم عالي على newegg لكن حضرتك عندك ماوس بـ 150 وايرليس وأعتقد -من صورتك الرمزية- انك جربته في الجيمز ولاقيته حلو صح؟! وياترى أشوف على الطبيعة فين كمبيوتر شوب ولا المولات؟!

[Dr.Hsen]

العفو :)
موس كويس جدا مع باد محترم في الالعاب رائع و كفايا انه Hp بأحترافيتها وخبرتها
وفي زي مبقولك انواع كويسه زي الجيجابايت واللي بتنزل حاجات بروفيشنال اوي للالعاب خصوصا

يعني لو بتدور علي موس كويس مفيهوش جيمرز اوبشنز هات الـHP او الميكروسوفت اللي في رنج ال 150 ~ 200 جنيه
لو حتشرتي بالمره بقا اجه محترمه للجيمز يبقا الkrypton الجيجابايت او السلسله اللي هي M8xxx بتاعت جيجابايت بردو دي كلها موديلات عاليه جدا و شكلها خرافي

[nanonona]

نزلت مولات المهندسين لاقيت حالها صعب والبضاعة قليلة خالص وكذا محل قافل -من ضمنهم ماكسيمم- لكن باين قلة البضاعة المعروضة.. يارب ألاقي الكريبتون في روكسي.. ولو حد عنده نوع تاني لو مالقيتش الكريبتون ياريت يفدنا..

[simulationgamer]

logitech g600 MMO mouse

[nanonona]

تم بحمد الله شراء الماوس الكريبتون وهو -بسم الله ما شاء الله- ممتاز ولم أجده في أي محل في بر مصر سوى هاي اند
جيجابايت فعلا نضفت وبسعر معقول
عيب الماوس الأساسي إن الأزرار القابلة للبرمجة 4 فقط لأن هو حاسب الكليك يمين وشمال و حاسب السكرول بـ3 "لفوق ولتحت والضغط عليه" -تجارة بقى- إذن الرقم الفعلي 4 فقط "اتنين على اليمين واتنين على الشمال"
إضاءة الماوس لا يمكن تغييرها لغير الأزرق.. يعني الماوس نص جيمرز مش جيمرز تماما بس أنا جبت كيبورد بالمرة بدل ما أجيب ماوس بـ 800..

ملاحظة: غالبا اللي بيفتح موضوع يسأل فيه الناس أجيب إيه ما بيعبرش حد بعد ما يشتري وما تعرفش اشترى إيه ولا عجبه ولا لأ .. فياريت تفيد غيرك بعد ما استفدت..

[fanannas]

تم بحمد الله شراء الماوس الكريبتون وهو -بسم الله ما شاء الله- ممتاز ولم أجده في أي محل في بر مصر سوى هاي اند
جيجابايت فعلا نضفت وبسعر معقول
عيب الماوس الأساسي إن الأزرار القابلة للبرمجة 4 فقط لأن هو حاسب الكليك يمين وشمال و حاسب السكرول بـ3 "لفوق ولتحت والضغط عليه" -تجارة بقى- إذن الرقم الفعلي 4 فقط "اتنين على اليمين واتنين على الشمال"
إضاءة الماوس لا يمكن تغييرها لغير الأزرق.. يعني الماوس نص جيمرز مش جيمرز تماما بس أنا جبت كيبورد بالمرة بدل ما أجيب ماوس بـ 800..

ملاحظة: غالبا اللي بيفتح موضوع يسأل فيه الناس أجيب إيه ما بيعبرش حد بعد ما يشتري وما تعرفش اشترى إيه ولا عجبه ولا لأ .. فياريت تفيد غيرك بعد ما استفدت..

حلو اوى المبلغ ده للاتنين ياريت بقا لو تقولى تجربتك عشان بفكر اجيبهم
شايف يعنى الموضوع يستاهل ولا اجيب هارد SSD

[nanonona]

حلو اوى المبلغ ده للاتنين ياريت بقا لو تقولى تجربتك عشان بفكر اجيبهم
شايف يعنى الموضوع يستاهل ولا اجيب هارد SSD

الهارد الـ SSD أهم طبعا
الهارد مش حيفرق في سرعة تشغيل ولودنج الألعاب.. بيفرق فقط في سرعة بووت الجهاز وتثبيت البرامج.. لكنه فرق رهيييب
أما الماوس والكيبورد الجيمنج.. في فرق لكن مش رهيب..

- بالنسبة للماوس.. الماوس أسرع وأدق وأشيك غير ان فيه بروفيلات عشان تظبط الأزرار الأربعة على كذا مود..
- في كرايسس 3 مثلا بتعوز حوالي 8 أزرار غير الاتجاهات أنا خليت 4 منهم على الماوس لكن لسه متعودتش عليهم
- كمان حاسس إن الماوس محتاج باده أصلي عشان أستفيد بكامل دقته "أقل حاجه 90 جنيه"
- الماوس الكريبتون 450 + الكيبورد الثيرمالتك التشالنجر 450= 900 جنيه

وده ريفيو قديم للماوس من منتدانا:
https://arabhardware.net/forum/showthread.php?t=322432

بس ده رأيي وشوف اللي يهمك أكتر..