هل دراستي مع مدرس يتقن a+ سيوصلني للذي أريده ؟

[سلمان حمد]

السلام عليكم

أخواني أنا توني مسجل في المنتدى وعندي طلب واستفسار وسامحوني إذا ما كان في محله الافتراضي

طلبي أني أريد تعلم الهاردوير من تركيب وتجميع وصيانة

لأني بشتغل في محل صديق صاحبي وبودي أني أكون ملم في هذي الامور

وخصوصاً تجميع الأجهزة لأن الفك والتركيب متعود عليه بس اللي ما أقدر عليه هو تركيب المشتت الاحترافي والتبريد المائي

فمثلاً جاني زبون يبي يركب جهاز كمبيوتر ويبي يستخدمة في المونتاج أو الفوتوشوب

في هذي الحالة أنا ما أعرف كيف أقدم له الشي المفيد اللي يناسب استخدامه

فالمهم سمعت أن اللي معه شهادة a+ ممكن يفيدني بهالخصوص

فتواصلت مع أحد المدرسين الخصوصي أخذت رقمه من الانترنت وسألته بخصوص طلبي فقالي راح أفيدك بهالمجال

وقالي عطني ايميلك وبنتواصل عليه . المهم إلى يومكم هذا ما رد علي

فأتصلت عليه عشان اذكره وقالي معليش نسيت اتواصل معك

فطلب مني ايميلي من جديد وهاليوم الرابع وما رد علي للحين

المهم يا أخوان اللي حاصل على هذي الشهادة a+ مثل المدرس اللي تواصلت معه هل ممكن يفيدني ولا طلبي مو عنده

وفضلاً لا امراً اللي يعرف مدرس ممتاز وممكن يفيدني في طلبي يعطيني رقمه أو يتواصل معي في الخاص إذا كان ممنوع انه يحط الرقم في العام

واسأل الله التوفيق والنجاح في الدارين لكل اللي بيساعدوني وللي ما ساعدوني

وشكراً لكم