طلب مساعدة فى عمل نسخة احتياطية للريكفرى فى lenovo Z580

[Unknown_Dragon]

السلام عليكم ورحمة الله وبركاته
انا الحمد لله اشتريت لينوفو Z580 وهبقى اقولكم التفاصيل بعدين
بس دلوقتى عايز اعرف ازاى اعمل نسخة من قرص الريكفرى على DVD علشان ابقى فى الامان
برنامج OneKey لما بعمله مبيدنيش خيار انى احط الباك اب على دى فى دى هو بس بيخيرنى بين المسار الافتراضى و مسار انا اختاره ولما بختار الدى فى دى بيحط الملفات فى الاسطوانة بس مبيحرقهاش ولما باجى احرقها انا بيقولى ان مساحة الملفات 14 جيجا والقرص 4.5 وميرضاش يحرق طبعا

هو المفروض ان البرنامج هو اللى يحرق الملفات لوحده ولما يخلص اسطوانة يطلعها ويطلب منى ادخل التانية وهكذا لحد ما يخلص كل الملفات

انا عايز اعرف ازاى احط الباك اب على ى فى دى

ضرررورى لو سمحتم يا جماعة

[m2_aa]

اكيد النسخه اللي عندك جايه بويندوز 8

انا قابلت نفس المشكلة دي وللاسف معرفتش احلها ،، حاول انزل نسخه قديمه من البرنامج مرضاش يتسطب ،، وكمان جربت اعمل ريكفري ملقتش فيه اوبشن انه يقرا الاسطوانه ،،، مش بيقرا غير المسار الافتراضي او اي بارتيشن تاني ع الجهاز
من الاخر كده شكلها مش هنعرف نسحب الريكفري على dvd ،، فا خد منه نسخه على المسار الافتراضي وخد نسخه حطها على الـ Pc مثلا

وهتابع الموضوع يمكن يكون فيه حل عند حد

[arsenal_henry]

اولاً عملية الحرق للريكفري على اسطوانات عايزة مش اقل من 4 اسطوانات DVD ..
فلازم تكون مجهزهم كلهم وحاول تفتح البرنامج as administrator .. وتكون مركب كابل الـpower ..
جرب نزل النسخه دي ..
https://support.lenovo.com/en_US/downloads/detail.page?DocID=DS035708

[Unknown_Dragon]

اكيد النسخه اللي عندك جايه بويندوز 8

انا قابلت نفس المشكلة دي وللاسف معرفتش احلها ،، حاول انزل نسخه قديمه من البرنامج مرضاش يتسطب ،، وكمان جربت اعمل ريكفري ملقتش فيه اوبشن انه يقرا الاسطوانه ،،، مش بيقرا غير المسار الافتراضي او اي بارتيشن تاني ع الجهاز
من الاخر كده شكلها مش هنعرف نسحب الريكفري على dvd ،، فا خد منه نسخه على المسار الافتراضي وخد نسخه حطها على الـ Pc مثلا

وهتابع الموضوع يمكن يكون فيه حل عند حد

فعلا الجهاز جاى بويندوز 8
وانا برضه بحثت فى المواضيع وملقتش للاصدار ده وعملت ابديت للبرنامج وبرضه مفيش خيار الدى فى دى
واتصل بالمحل اللى اشتريت منه ( كمبيو داتا فى سوق العصر ) وقالى الاصدار ده مفيهوش انك تعمل على دى فى دى انته ممكن تعمل على هارد او فلاشة
انا هجرب ادور على اصدارات تانية من البرنامج واشوف


اولاً عملية الحرق للريكفري على اسطوانات عايزة مش اقل من 4 اسطوانات DVD ..
فلازم تكون مجهزهم كلهم وحاول تفتح البرنامج as administrator .. وتكون مركب كابل الـpower ..
جرب نزل النسخه دي ..
https://support.lenovo.com/en_US/downloads/detail.page?DocID=DS035708

ايوة يا باشا انا مجهز الاسطوانات بس المشكلة ان مفيش الخيار بتاع انك تعمله على دى فى دى و لو عملت على مسار الدى فى دى بيحط الملفات بتاع الريكفرى كلها بتاع 14 جيجا على الايطوانة من غير ما يحرق الملفات دى عليها ولما بجرب احرقها انا طبيعى الجهاز مبيرضاش لانه حاطط 14 جيجا والدى فى دى 4.5 بس

هبقى اجرب الاصدار اللى انته حاطه واشوف .... بس هو مفيش مشكلة لو استخدمت اصدار مختلف عن اللى جاى مع الجهاز ؟؟؟

[Unknown_Dragon]

لو سمحتم عايز البرامج اللى هيا بتقيس درجة حرارة الجهاز وكده
والبرامج اللى بتتاكد ان الهارد سليم
ضرورى
وشكرا

[arsenal_henry]

لو سمحتم عايز البرامج اللى هيا بتقيس درجة حرارة الجهاز وكده
والبرامج اللى بتتاكد ان الهارد سليم
ضرورى
وشكرا
HWMonitor .. حمله من على اليمين على الرابط التالي ..
https://www.cpuid.com/softwares/hwmonitor.html

GPU-Z .. برنامج لمعرفة المعلومات الكامله عن كارت الشاشه ودرجة حرارته ..
https://www.filehippo.com/download_gpuz/

HD Tune .. فحص واختبار الهارد ..
https://www.softpedia.com/progDownload/HD-Tune-Download-9010.html

[Unknown_Dragon]

اوك كرا يا باشا على الرد
انا صورت ادرجات الحرارة بس من غير ما اشغل العاب خالص لان الهارد لسه فاضى ولسه مجبتش عليه اى العاب خالص
يعنى درجات الحرارة اللى فى الصورة دى فى الوضع العادى مشغل المتصفح الفير فوكس و متصفح الملفات و الانتى فيرس McAafee شغال فى الخلفية يعنى مش بيعمل Scan هو مجرد شغال فى الخلفية ( انا لقيت جاى مع النسخة شغال )
https://s15.postimg.org/5juzj0ruz/image.png
https://s17.postimg.org/w0i5h6brj/image.png
https://s12.postimg.org/kdjlzj87x/image.png


يا ريت تقولى درجة الحرارة لحد دلوقتى طبيعية ولا ايه ؟
ولما اشغل الالعاب هبقى اصور درجات الحرارة برضه واحطيهالك تقولى رايك
وشكرا مقدما يا ريس

[arsenal_henry]

درجات الحرارة تمام مفيش مشاكل .. ودرجة الحرارة يفضل اقصى حاجة عند الضغط على الجهاز ما تعديش 85 درجه سيلزيه ..
ومبروك عليك اللاب يا غالي ..

[iCozmo]

نفس المشكلة عندي. بالمناسبة هم بيقولو في لينوفو ان الفيرجن الجديد مش بي support writing recovery discs.