المساعد الشخصي الرقمي

مشاهدة النسخة كاملة : مصر - تجميع كيسة ب 3000 جنية للألعاب



A7MD10
27-10-2013, 14:14
السلام عليكم و رحمة الله

الميزانية
: 3000 جنيه

الإستخدام
الألعاب القوية منها خصوصا متور و BF4 , كريسيس 3 و FAR CRY 3 و GTA IV و كل الالعاب التقيلة الجديدة اللى نزلت و اللى لسه هتنزل

حجم الشاشة و الدقة (Resolution)
شاشة 23 بوصة full HD
ذات دقة HD 1920 * 1080

القطع التي تنوي شراءها:
ماذر بورد - بروسيسور - رام - كارت شاشة - باور سبلاى احترافى مناسب - صندوق للجهاز

القطع التي ستعيد استخدامها من الجهاز القديم:
الهارد - الدى فى دى - الشاشة

ميعاد شراء الجهاز:
بإذن الله تعالى على بداية الشهر


- مكان الشراء:
القاهرة

- محل سكنك:

مصر من خارج القاهرة و لكن لا يوجد لدينا بالمحافظة من يتعامل مع أجهزة احترافية و ماركات و موديلات عالية

أرغب فى مساعدة الخبراء بوضع تجميعات

واحدة انتل هازويل (( أنظر الملحوظة بالأسفل ))

و اخرى انتل ايفى بريدج

و الثالثة من AMD لو أمكن

و أرجو أن تكون البوردة داعمة لكل التقنيات الحديثة ك PCI - X 3 16 X و ساتا 3 و USB 3 و غيرها
--------

استفسار أخر متى سيتم نزول كروت AMD R7 الجديدة و كم سيكون متوسط سعرها بالتقريب إن شاء الله

----------------------

ملحوظة هامة : و بعد أذنكم اتمنى من الخبراء الرد عليها لأنها هامة جدا بالنسبة لى و هى التى ستحدد بشكل كبير اختيارى
أعلم أن ميزانيتى لا تكفى لشرائى جهاز أنتل هازويل و معه كارت شاشة أيضا لكن كنت أحادث نفسى بعد أن اطلعت على مميزاته يمكننى شراء هازويل بدون كارت شاشة مؤقتا و الإكتفاء بالكارت المدمج ثم أنتظر حتى تواجد مبلغ مالى أخر معى و شراء أحد كروت القوية و حتى ينزل للأسواق كارت AMD R7 الجديد فهل الكارت المدمج فى البروسيسور هازويل جيد نوعا ما هل يكافئ أو يزيد عن كارت ATI القديم المدمج بجهازى القديم HD 3200 أو يزيد و ما هو الكارت المعادل له فى القوة و ما هى الألعاب التى سيعمل عليها بسلاسة و هل يستطيع تشغيل لعبة ك GTA IV على أقل الأمكانيات حتى و أمشى بيه يعنى لغاية ما أشترى كارت خارجى محترم


شاكر مقدما مساعداتكم

M o h a m a d
27-10-2013, 14:59
وعليكم السلام ورحمة الله وبركاته
أنصحك بالتجميعة التالية وتأجل كرت الشاشة وتعتمد مؤقتا عاى الكرت المدمج فهو جيد ويشغل معظم الألعاب لاكن على أقل أعدادات
Intel Core i5-4570 Haswell 3.2GHz 1500 L.E
ASRock B85M 600 L.E
G.skill Ripjaws 4GB (1 x 4GB) DDR3 1600 CL9 1.5v 350 L.E
Thermaltake Smart SE 630w 575 L.E
Total 3025 L.E
مع أي كيس تجاري جيد التهوية

A7MD10
27-10-2013, 15:42
شكرا استاذ محمد على التجميعة

لكن لى استفسار بعد اذنك

ما الحاجة ل باور 650 W أما كان الأفضل باور 450 W مع العلم انى هشترى كارت من الفئة المتوسطة فيما بعد و ليس كارت عالى

على الاقل اوفر المبلغ فى كيسة احترافية

و بعد اذنك اذكرلى تجميعة اخرى من ايفى بريدج حتى اقارن بينهم متضمنة كارت شاشة طبعا

و اخيرا لو انا مش من هواة كسر السرعة ولا ارغب فى تركيب كارتين شاشة هل انا فى حاجة لبوردة H87 لانى عرفت ان البوردة B85 هى اقل شريحة داعمة لمقبس ال 1150 و موجهة للفئة الدنيا من المستخدمين يعنى صناعة اقل و مكونات اقل و انا احب اكون فى الشريحة المتوسطة على الاقل و الجهاز يكون مكوناته نضيفة و يعيش معايا ميعملش مشاكل و لا يبوظ و يتحمل التشغيل المستمر و خصوصا انى اقدر اوفر مبلغ الفارق فى السعر بين B85 و H87 .............. هل لو وفرت ثمن الفارق بين B85 و H87 هيعود على بفارق حقيقى فى الاداء مع العلم انى مش من هواة كسر السرعة أو تركيب كارتين شاشة ؟؟

يعنى بإختصار عاوز ادفع الفارق ده فى بورده مكوناتها اعلى و تتحمل الشغل اكتر و اداء اعلى هيحصل الكلام ده ؟؟؟

M o h a m a d
27-10-2013, 16:45
شكرا استاذ محمد على التجميعة

لكن لى استفسار بعد اذنك

ما الحاجة ل باور 650 W أما كان الأفضل باور 450 W مع العلم انى هشترى كارت من الفئة المتوسطة فيما بعد و ليس كارت عالى

على الاقل اوفر المبلغ فى كيسة احترافية

و بعد اذنك اذكرلى تجميعة اخرى من ايفى بريدج حتى اقارن بينهم متضمنة كارت شاشة طبعا

و اخيرا لو انا مش من هواة كسر السرعة ولا ارغب فى تركيب كارتين شاشة هل انا فى حاجة لبوردة H87 لانى عرفت ان البوردة B85 هى اقل شريحة داعمة لمقبس ال 1150 و موجهة للفئة الدنيا من المستخدمين يعنى صناعة اقل و مكونات اقل و انا احب اكون فى الشريحة المتوسطة على الاقل و الجهاز يكون مكوناته نضيفة و يعيش معايا ميعملش مشاكل و لا يبوظ و يتحمل التشغيل المستمر و خصوصا انى اقدر اوفر مبلغ الفارق فى السعر بين B85 و H87 .............. هل لو وفرت ثمن الفارق بين B85 و H87 هيعود على بفارق حقيقى فى الاداء مع العلم انى مش من هواة كسر السرعة أو تركيب كارتين شاشة ؟؟

يعنى بإختصار عاوز ادفع الفارق ده فى بورده مكوناتها اعلى و تتحمل الشغل اكتر و اداء اعلى هيحصل الكلام ده ؟؟؟
أخي شاشتك 23 Full HD يعني في المستقبل حتأخد كرت عالي لأنك حتلعب ألعاب ثقيلة فالباور حيكون مناسب مع أي كرت ان شاء الله
بالنسبة للوحة B85 فهي من الفئة المتوسطة وهي جيدة وليست رديئة وهناك فئة أقل وهي بشريحة H81 لاكن أعتقد أنها ليست متوفرة في مصر
وفي الأداء لايوجد فرق بين شريحتي B85 و H87
تجميعة أخرى :
Intel® Core™ i5-3470 Ivy Bridge 3.2GHz 1400 L.E
Gigabyte GA-B75M-D3H 620 L.E
G.skill Ripjaws 4GB (1 x 4GB) DDR3 1600 CL9 1.5v 350 L.E
Thermaltake Commander MS-III Mid Tower + 500W 550 L.E
Total 2920 L.E

A7MD10
27-10-2013, 17:06
الشكر لك أستاذ محمد اجابتك شافية و وافية

و انا استقريت على تجميعة الهازويل بالكيسة فى التجميعة الثانية

لكن ظهرت لدى مشكلة اخرى حيث اننى من خارج القاهرة و حين اذهب لشراء جهاز الكمبيوتر يتطلب ذلك سفر و مشقة فلذلك قد تعودت على الشراء دائما بالنسبة للجهاز القديم أو الجديد إن شاء الله من مكان واحد و هو مول سوق العصر و بالتحديد شركة او اثنين هى ما اثق بهما و فى امانتهما

و بسؤالى لدى الشركتين على البوردة ASROCK B85 فقالا انها غير موجودة و بالتالى سأضطر لشراء بوردة أعلى و قد رشح لى بوردتين الأولى ASUS B85M-E Socket 1150 Motherboard و هى ب 800 جنية و قال لى انها جيدة جدا و تستحق فارق ال200 جنية عن ال ASROCK B85 الغير موجودة لديه الأن
و البوردة الثانية بوردة بشريحة H87 من ASROCK بنفس السعر تقريبا ASRock H87 Pro4 Socket 1150 Motherboard

و حيث أننى و لظروف سفرى و عدم المقدرة على الذهاب للقاهرة باستمرار لا قدر الله لو كان الجهاز به مشكلة او لو وقعت ضحية لعملية نصب من شركة مجهولة لا اعرفها فسأضطر للشراء من سوق العصر من احدى الشركتين

و بالتالى انا مجبر على الاختيار بين البوردتين

فبماذا تنصحنى يا استاذ محمد

الأسوس حتى مع B85 الشريحة الأقل
ام ASROCK مع الشريحة الأعلى منها H87

و للعلم كلاهما بنفس السعر 800 جنيه

M o h a m a d
27-10-2013, 17:13
ASRock H87 Pro4

A7MD10
29-10-2013, 08:24
الأخوة الافاضل التقنيين فى المنتدى

بعد ان قررت و استقريت على تجميعة الهازويل

ظهرت هناك مشكلة جديدة و هى

بروسيسورات هازويل يقال ان بها عيب الهازويل كان لو موصل هارد USB 3.0 و الجهاز عمل Sleep و جيت تفتحه تاني لازم تشيل الهارد و توصله من جديد ده العيب

هل العيب ده مازال موجود ولا لا ؟

هو موجود فى البروسيسور 4430 ؟

و ازاى اتفادى المشكلة دى

و تنصحونى بإيه يا ترى ارجع تانى لتجميعة الإيفى بريدج ولا اعمل ايه

M o h a m a d
29-10-2013, 10:02
صحيح بأنه يوجد مشاكل في usb3 للهازويل بصفة عامة
هل أنت أخدت التجميعة ولا مازال

A7MD10
29-10-2013, 11:34
لا لم اشترى بعد بإذن الله بعد يومين او ثلاثة

لكن مشاكل بصفة عامة دى مشكلة كبيرة

ياريت لو حضرتك تذكرلى باقى المشاكل دى ايه لأنى كده قلقت جدا

لأن المشكلة الوحيدة اللى سمعت عنها هى أن الهازويل كان لو موصل هارد USB 3.0 و الجهاز عمل Sleep و جيت تفتحه تاني لازم تشيل الهارد و توصله من جديد

ايه طبيعة المشكلة دى بالظبط و مدى اهميتها

لأن فى ناس قالتلى انه مش عيب ولا حاجة شيل الفلاشة او الهارد USB 3.0 و ركبها تانى ده لو الجهاز عمل sleep بس و حاولوا يبسطولى المشكلة

فياريت تفيدنى حضرتك عن الجوانب الأخرى لهذة المشكلة لربما تكون خطيرة

و ايه مشاكل الهازويل مع ال usb 3 اللى بصفة عامة الأخرى اللى حضرتك ذكرتها

و ارجو سعة صدرك و أن تتحملنى لأنى مش كل يوم بشترى جهاز و أحب أكون مطمن

M o h a m a d
29-10-2013, 18:05
هده هي مشكلة الهازويل وكما دكرت عند السليب
والحل هو ألغاء وضع السليب

A7MD10
29-10-2013, 18:23
شكرا للإفادة يا استاذ محمد

يعنى أخر كلام

أتوكل على الله و اشترى الهازويل و مقلقش من العيب اللى فيه ده يعنى العيب ده مش مهم ؟؟

M o h a m a d
29-10-2013, 18:38
شكرا للإفادة يا استاذ محمد

يعنى أخر كلام

أتوكل على الله و اشترى الهازويل و مقلقش من العيب اللى فيه ده يعنى العيب ده مش مهم ؟؟
توكل على الله وأرى بأنه ليس مهم

A7MD10
01-11-2013, 11:54
تم شراء الجهاز و الحمد لله

المواصفات

Intel Core i5-4430 Haswell 3.0GHz 6M LGA 1150
1375 جنيه
ASRock H87 Pro4 Socket1150
جنيه 800
G.skill Ripjaws 4GB (1 x 4GB) DDR3 1600 CL9 1.5v
350 جنيه
Thermaltake Commander MS-I Mid Tower Desktop Case + 450W PSU
480 جنيه


لكن ظهرت مشكلة لما رجعت بيه البيت
أولا الهارد مكانش عاوز يشتغل لا هو ولا السى دى روم و كان السبب من الباور سبلاى لأنه طرف السوكيت الأخير من سلك الباور لهاردات الساتا كان منه سلك مقطوع و متشال من السوكيت و فى سوكت تانى فى النص برده مش عاوز يشتغل و للعلم الباور سبلاى مفيهوش غير سلك واحد باور به 3 منافذ لمخارج الطاقة الساتا مقابل سلكين أخرين باور فيهم منافذ طاقة الهاردات القديمة العادية الوقت انا كلمت البائع و قالى هاتلى الجهاز و انا اغيرلك الباور سبلاى و طبعا ده معناه سفر و تعب و شغلانه تانية فهل يا ترى فيه حل للمشكلة دى انى اصلح مخارج الساتا 3 الثلاثة اللى فيهم اتنين بايظين بدل التعب و السفر و البهدلة بس بعيدا عن انى اجيب كونفرتر انا عاوز كل مخارج الباور سبلاى تكون شغالة عندى لانه باور جديد و غالى ؟؟؟؟
تانى حاجة البوردة مفيهاش منافذ للهاردات غير منافذ الساتا 3 فقط و مفيش منافذ ساتا عادية و البائع قالى ان الأمر ده عادى مفيهوش مشاكل فهل يا ترى الكلام ده صحيح ؟؟
اخر حاجة انا قمت بترقية كارت الشاشة المدمج ل 1 جيجا مع العلم انى عندى رامات 4 جيجا فهل فى ده مشكلة و ياترى ايه افضل قيمة اضعها لكارت الشاشة المدمج من البايوز ؟؟

M o h a m a d
01-11-2013, 17:19
مبروك عليك التجميعة أخي الكريم
بالنسبة لباور الساتا حلها هو الكونفرتر
ويمكن تشغيل هارد sata2 على منفد sata3 من دون مشاكل
أما المعالج الرسومي المدمج فلايوجد تأثير بان تخليها 1g أو 2g يعني الاداء مش حيزيد ولايوجد مشكلة في دالك