المساعد الشخصي الرقمي

مشاهدة النسخة كاملة : استفسار عن سماعات Edifier C6XD 5.1


m7amd_7amdy
27-10-2013, 20:14
السلام عليكم
لو سمحتوا ياجماعة محتاج شوية معلومات كده عشان معنديش خبرة فى المجال ده
مبدئيا كده عايز أجيب سماعات 5.1 ومش عارف أجيب ايه بالظبط
انا هوصلها على تليفزيون 47 بوصة وكمان عايز أوصلها على اللاب
سؤالى الاول .. هل ينفع أوصلهم الاتنين مع بعض بالسماعات؟
وبخصوص اللاب هيتوصل ازاى ؟ انا كنت قريت انهم 3 وصلات تقريبا طب ازاى هشغل السماعات على اللاب؟

سؤالى التانى .. ايه رأيكوا فى النوع ده Edifier C6XD 5.1 ؟
انا اللى خلانى اقول النوع ده بالتحديد انى لقيته فى الموقع ده ! ب 1700 جنيه ومش لاقى خيارات كتير فى الحدود دى
https://www.********.com/product.php?id=26277

هل الموديل ده كويس والصوت نقى ومحيطى فعلا؟ والبيز كويس ؟

وبيدعم صوت DTS ؟

استخدامى هيكون أفلام بلوراى DTS وممكن اغانى

وبخصوص وصلة أوبتيكال موجودة فى النوع ده؟ وممكن أوصلها بالشاشة مثلا؟ انا قريت هنا انها وصلة ممتازة

سؤالى التالت .. سعرها كده كويس؟ وممكن ألاقيها فين ووكيل الشركة دى فين؟

لو فى حاجة أحسن فى حدود الميزانية دى اوكى مفيش مشكلة تنصحونى بإيه؟

وياريت يكون بريموت لاسلكى

والف شكر ليكم
AHMED ELNESR
28-10-2013, 05:58
وعليكم السلام

ده الموقع الرسمي وتقدر تعرف كل مواصفاتها https://www.edifier-international.com/products/edifier-multimedia/c6xd
ودي فيديوهات ليها
https://www.youtube.com/watch?v=mQ-tke0N5pQ
https://www.youtube.com/watch?v=SrkXo1d2JFs
السماعات ممتازة ومعاها ريموت وايرليس ومش هتلاقي حاجة بالسعر ده افضل من دي

بالنسبة للتوصيل
ممكن بالوصلات العادية بس لازم يكون في كارت صوت او التليفزيون بيدعم 5.1 لو هتوصل علي الاب علي طول مش هتشتغل غير 2.1 يعني مش صوت محيطي .
الطريقة التانية الاوبتيكال لازم برضه يكون كارت الصوت او التليفزيون تدعمه وده بيبقي كابل واحد 5.1 .


DTS لازم التليفزيون او كارت الصوت يكون بيدعمه

السماعات موجودة في Maximam hardware


و ده عنوان توكيل Edifier

11 شارع الدهبي متفرع من الخليفة المأمون


وده التليفون 24187221 -- 24146998 -- 01002567927


لكن ايه موديل التليفزيون اللي عندك ؟؟
m7amd_7amdy
28-10-2013, 16:10
أشكرك جدااا ياباشا

انا فعلا شوفت السماعات على موقع الشركة بس مش فاهم حاجة ههههه :)

والفيديوهات برده شوفتها بس عشان مفهمش فيهم مش قادر أقيم واحكم !!

التليفزيون بيدعم ال DTS وهو نوعه lg 47LM6610

وده مواصفاته من موقع الشركة https://www.lg.com/eg_en/tvs/lg-47LM6610

هو انا معنديش كومبيوتر PC وعندى لاب وعشان أوصله باللاب ايه الطريقة؟

ووصلة الأوبتيكال دى بتيجى مع السماعات ولا بشتريها؟

بخصوص بقه السماعات نفسها .. انا شوفت على موقع الشركة كذا موديل 5.1 ومستبعد موديل S550 عشان غالى

لقيت Edifier DA5000 Pro و Edifier C6 (HCS5640)

ومعرفش سعرهم كام ولو دول فى نفس السعر مين أفضل فى ال3 دول؟

وبشكرك على عنوان التوكيل وفى إنتظار رد حضرتك والأعضاء الخبراء ان شاء الله :)
m7amd_7amdy
28-10-2013, 16:52
انا اتصلت بالأرقام كلها .. الموبايل مبيردش

ورقم غير موجود بالخدمة ورقم مش هما وقالى انهم شركة طبية اسمها حورس باين :confused:

؟؟؟؟؟؟
AHMED ELNESR
28-10-2013, 20:05
انا مجربتش الارقام بصراحة بس جبتهم من الموضوع ده
https://arabhardware.net/forum/showthread.php?t=261678
ممكن تكون الارقام اتغيرت بس السماعات موجودة في ماكسيمم

التلفزيون مش بيدعم DTS لكن بيدعم Dolby Digital
https://www.lg.com/eg_en/tvs/lg-47LM6610
ده الموديل الاحدث بيدعم DTS - Dolby Digital
https://www.lg.com/eg_en/tvs/lg-47LA6210

والسماعات مش هتلاقي موديل تاني بالسعر ده تقريبا في مصر وهي السماعات دي كويسة جدا

وكابل الاوبتيكال اظن مش بيبقي معاها بتشتريه لوحده
m7amd_7amdy
28-10-2013, 21:48
مش عارف الصراحة بس انا قريت فى ال Audio Codec فى مواصفات الشاشة AC3(Dolby Digital), EAC3, AAC, Mpeg, MP3, PCM,DTS

هيا كده مش بتدعم ال DTS ؟؟؟

تصدق زعلت :( يعنى الصوت مش هيبقى بجودة ال DTS ؟

طب هيا فيها وصلة أوبتيكال ولا مفيش برده؟

انا اتصلت بماكسيمم وموجودة فعلا

طب الناس دى معاملتهم ايه كويسين؟ ومضمونين ؟

علما انى هشتريهم وهيوصلوا عن طريق شركة الشحن ومش هسافر ليهم

وهى شركة Edifier دى توكيلهم مين وهل ممكن يكونوا عنده أرخص؟

والف شكرا ياباشا على متابعتك معايا :)
AHMED ELNESR
28-10-2013, 23:14
العفو يا غالي :)

مش متاكد والله هي مكتوبة في قسم USB يعني من فلاشة او هارد
لكن في الموديل الاحدث موجودة في Audio
DTS Decoder
و الاوبتيكال المفروض يكون بيدعمه
(Digital Audio Out (Coaxial/ Optical

اللي هيعرف اكتر مني توكيل LG لان المواصفات بتختلف

وشركة ماكسيمام شركة محترمة ومعاملتهم ممتازة وكل الناس بتشكر فيها
وعموما هي اسعارها كويسة جدا مظنش انهم هيغلوها

لكن انت هتشغل الافلام البلوراي عن طريق ايه؟؟
m7amd_7amdy
28-10-2013, 23:22
الف شكر ليك ياباشا :)

انا بشغل الأفلام عن طريق هارد او عن طريق اللاب

ـــــــــــــــــــــــــــــــــــ

ولو فى حد من الاعضاء والخبراء يحب يضيف حاجة بخصوص السماعات أكون شاكر جداا
m7amd_7amdy
31-10-2013, 18:54
جبتهم انهرده وجربتهم على السريع كده

مبدئيا الصوت مش عالى اوى اوى بس نقى جدااااااا والبيز جاامد

وصلتهم بالشاشة بوصلة الأوبتيكال وجربت فيلم بلوراى dts والصوت متوزع حلو والسماعات اللى ورا ليهم تأثيرات تانية غير اللى قدام :)

وجربت أشغل أغانى وكان جبار والصوت حلوووووو ونقى جدااا بس مش عااااااااالى اوى

هو فى الاول حسيت انه واطى وكنت مستنى منه اكتر من كده

بس لما عليت التربل والبيز وبقيت الحاجت الصوت ضبط شوية وبقه تمام

دى تجربة على السريع كده عشان مكنتش فاضى ولما اروق ليهم بقه :)

ولو فى حاجة ممكن أظبتها او اعدادات معينة اعملها او اى نصايح عموما اكون شاكر ليكم