لازم أفك السماعات الـ usb عشان البوردة تكمل البووت

[nanonona]

اشتريت سماعات usb جديدة لما تكون واصلة الجهاز ما يرضاش يقوم بيهنج على لوجو البوردة اللي في الأول جربت كذا مخرج usb برضه.. حد عنده حل؟!
السماعة شغالة كويس والبوردة كذلك لكن مش معقول أفك السماعات كل ما ارستر الجهاز!!!!!!!!!!!!

[nanonona]

أنا حصلت معايا نفس المشكلة قبل كده مع الفلاشة لما تكون فلاشة معينة "slicon power" راكبة الجهاز ما يشتغلش ومرت الأيام وغيرت البوردة وفوجئت ان البوردة الجديدة بتبوت عادي في وجود نفس الفلاشة.. جيت اليومين دول اشتريت سماعات usb افاجأ بالمشكلة تعود مجددا.. :ah8:

[hanyfreedom]

انتم ببساطة محتاجين تعملوا Enable للـ USB فى ال BIOS

لما تدخل ال BIOS ابحث اولا فى ال Peripherals ( نوع البوردة هو اللى بيحدد القسم لكن فى الغالب هو ال Peripherals ) ففى بوردات اخرى قد تجدها فى ال Communication او ال Input/Output

ابحث عن USB ( فى الغالب هتلاقيه كاتبها مع ال Keyboard و ال Mouse ) واعمل لها Enable

[nanonona]

يا جدعان الموضوع بقى رخم قووووووووووووووووي أنا لازم أشيل السماعات والفلاشات الـ USB عشان الجهاز يقوم أنا بوردتي Gigabyte G1 sniper3 مفيهاش فتحات PS2 كله USB وكله Enable أعمل إيه في الجهل ده..

[خالد النمكي]

عطل الاقلاع من الUSB خالص من البيوس
علشان ما يتعبكش :D

خلي الاقلاع من الهارد وبس
ولما تحب تعمل اقلاع من شئ معين اضغط F12
واختار اللي يعجبك :p

[nanonona]

والله عملت كده ومفيش فايدة لازم أدوس Esc عشان يكمل بووت "شكلي حفضل كده على طول"
ولما لغيت usb controler.. بوت على طول.. لكن طبعا الكيبورد والماوس ما اشتغلوش:ah26:

[mostafaeng_2011]

ههههههههههههههههه يا أخي بمنتهى البساطه لما بتركب اليو اس بي بيعمل قافله في دائرة البروسيسور فمبيوصلش داتا لكابل ال 4 بين وده لأما من السماعه بتاعتك لأما من السوكيت وبيتعرف لو جربت اي يو اس بي تاني

[nanonona]

أنا جربت فتحات كتير وأنا عندي usb2 و usb3 جربت الاتنين والمشكلة في الكل والمشكلة مش متعلقة بالسماعات بس ده أي فلاشة راكبة الجهاز بيقف على لوجو سكرين البوردة والموضوع مش قافلة لأن لما بدوس ESC الجهاز بيكمل بوت ويشتغل عادي.. ما اعتقدش ان كل اللي عنده سماعات usb بيعوز يدوس ESC او يفكها كل ما يشغل الجهاز.. أفيدوني يا خبراء؟!!:mad:

[nanonona]

بعد الكثير من البحث والقراءة في كتالوج البوردة
طلع الموضوع مالوش أي علاقة بالبايوس

المشكلة في كي بوردي العزيز
Thermaltake Challenger Ultimate Gaming Keyboard
لو الكيبورد لوحدها أو معاها ماوس مافيش مشكلة
لكن في حال توصيل سماعات usb أو فلاشة مع الكيبورد الجهاز لا يقلع
هل في حل غير بيع الكيبورد؟!

[nanonona]

والله العظيم حاجه غريبة أنا ظلمت الكيبورد طلع بريء..
آخر افتكاسة اني لما أوصل الـ usb بالترتيب مخرج 1،2،3،.... وهكذا يقلع الجهاز على طول بنسبة 90% و10% يهنج ولازم أدوس على أي زرار عشان يكمل البوت.. أنا بصيت في كل الأسلاك وملقتش حاجه ملمسه والله غريبة.. بس أهوه 90% أحسن من 0% قبل كده..

[ahmed hero]

ممكن تكون دى مشكلة فى البوردة فعلاانها لازم تقرا الفتحات بتاعة uspبالترتيب زواللة اعلم

[nanonona]

والله مشكلة عجيبة ومن غير ما أغير حاجه رجعت البوردة تاني تقف دايما على شعار جيجابايت ولازم أدوس على أي زرار لإكمال البوت