السلام عليكم , ما فائدة ذاكرة كرت الشاشة في الالعاب ؟

[bedoo]

السلام عليكم

ما فائدة الذاكرة هذه في الالعاب ؟
اذا كان قوة الكرت بالترددات بتاعته يبقى ايه فايدة الذاكرة ؟

[Saudi_2014]

تقصد رام في كارت الشاشه ? لو تقصد كدة دي فائدتها ان اذا عندك رزليوشن عالي فهمت قصدي اخوي ? ... !!!

[bedoo]

ايوة يعني بتعمل ايه بالظبط برضه ؟

[Essam Elmasry]

بمعني ان كل ماكان حجم الشاشه كبير لازم حجم رام الكارت يبقي كبير

يعني مثلا مينفعش تستخدم كارت 6670 مع شاشه 23 بوصه وتشغل الالعاب ع High !!

[Saudi_2014]

زي ما قالك الاخ Essam Elmasry وكلامه مضبوط D: ...

[mahmoudkamall]

يعنى حضرتك انتا مثلا الرامات العادية بتاعتك الجهاز لو عندك برامج كتير او فاتح حجات كتير نت وبرامج وكده ده بيحتاج ذاكرة كبيرة
وايضا الشاشات لو شاشة كبيرة تحتاج ذاكرة كبيرة لو لعبة قوية بتحتاج رامات كبيرة علشان تقدر تتعامل مع اللعبة

[bedoo]

ايوة ماشي , دلوقتي لو الكرت قوي بس ذاكرته قليلة على اللعبة ولو جيت اشغل اللعبة على اعلى اعدادات زي جاتا مثلا يحصل ايه بقى ؟

[Essam Elmasry]

ايوة ماشي , دلوقتي لو الكرت قوي بس ذاكرته قليلة على اللعبة ولو جيت اشغل اللعبة على اعلى اعدادات زي جاتا مثلا يحصل ايه بقى ؟

مفيش كارت قوي ذاكرته قليله

يعني مثلا من الكروت القويه 7970 وكارت GTX 660 .. سعه الرام للكارتين 3 جيجا بايت !

وممكن لو عندك كارت سعه الرام بتاعته 1 جيجا وعايز تشغل الالعاب ع High ممكن تشغلها ع شاشه 17 بوصه مثلا

انما مينفعش تشغل العاب ع ال High ع شاشه 23 بوصه مثلا وانت معاك كارت ضعيف !!!

وصلت الفكره ؟

[bedoo]

اقصد كرت زي 7850 اللي معايا يشغل الالعاب الترا على 1360 لكن ايه فائدة الذاكرة بقى .؟

[Essam Elmasry]

اقصد كرت زي 7850 اللي معايا يشغل الالعاب الترا على 1360 لكن ايه فائدة الذاكرة بقى .؟

الذاكره هي اللي هتخليك تلعب بالكارت اللي معاك ع الريزوليشن 1360 ع ال High

[bedoo]

مش فاهم حاجة ؟
يعني ايه الفرق بين 7850 1 جيجا و2 جيجا على 1360 ؟

[Essam Elmasry]

مش فاهم حاجة ؟
يعني ايه الفرق بين 7850 1 جيجا و2 جيجا على 1360 ؟

ابسطهالك :D

انت معاك كارت 7850 واحد جيجا ومشغلك الالعاب ع High مع ريزوليشن 1360 .

لو انت جبت مثلا شاشه كبيره الريزوليشن بتاعها اعلي من 1360 مثلا يبقي تجيب ال 2 جيجا عشان تعرف تلعب الالعاب ع ال High مع الشاشه

يعني كل مايعلي الرزيوليشن لازم رام الكارت تبقي عاليه برضو

[bedoo]

حلو اوي :D
دلوقتي في العاب رخمة بتحتاج ذاكرة عالية
والكرت بتاعي مشغل كل الالعاب الترا لحد دلوقتي
افرض اللعبة الي بتحتاج ذاكرة 1500 ميجا مثلا او 1100 ميجا على 1360 دي انا قادر اشغلها الترا بكرتي لكن الذاكرة مش كافية ايه اللي يحصل بقى في الحالة دي ؟ تقطيع ولا ايه ؟

[Essam Elmasry]

حلو اوي :D
دلوقتي في العاب رخمة بتحتاج ذاكرة عالية
والكرت بتاعي مشغل كل الالعاب الترا لحد دلوقتي
افرض اللعبة الي بتحتاج ذاكرة 1500 ميجا مثلا او 1100 ميجا على 1360 دي انا قادر اشغلها الترا بكرتي لكن الذاكرة مش كافية ايه اللي يحصل بقى في الحالة دي ؟ تقطيع ولا ايه ؟

بيتهيألي ساعتها تقلل الرزيوليشن

[bedoo]

ايوة يعني ايه الي بيحصل علشان يقولي انها مش كافية ؟ تقطيع مثلا ولا ايه بالظبط ؟

[Elhariri]

اسمع ان بيحصل stuttering اذا كانت الذاكره غير كاقية

[bedoo]

يعني ايه stuttering ؟

[snow leopard]

مدام جهازك شغال باتل 4 الترا هيشغل كل اللى جاى التترا لمدة سنة و نص اقل تقدير على نفس الريزلوش 1366

[bedoo]

ايوة انا بتكلم ايه فائدة الذاكرة لو هي مش كافية للعبة معينة ايه اللي يحصل او اعرف منين ؟

[snow leopard]

بعد كل الردود ومش فاهم :eek: هما اللى بيتكلمو قبل كده كان بيتكلمو عبرى ولا صينى :rolleyes: لراجع رد جميع الاعضاء يا بيدو بتركيز:ah34:

[bedoo]

ايوة فاهم بس عاوز اعرف لو هي مش كافية في لبعبة معينة ايه الي يحصل ؟؟؟؟؟

[snow leopard]

هتعانى من بطئ وتقطيع شديد فى اللعبة

[Essam Elmasry]

هتعانى من بطئ وتقطيع شديد فى اللعبة

+1
واوعي تقول لسه مش فاهم :D :D:D

[bedoo]

لا صراحة لسة مش فاهم :D

خلاص فهمت , وانا اعاني من تقطيع الان في العاب كثيرة ولما فرغت الرام التقعطيع قل
على العموم بعد فترة هجيب رامات ان شاء الله واشوف راحت المشكلة ولا لا

[The_Assassin]

طيب معلش انا داخل اسال سؤال كدة
هل الكارت 7850 الجيجا مع شاشة 20 بوصة يشغل الالعاب على اعدادات عالية
ولا اجيب النسخة 2 جيجا مع العلم ان فرق السعر 300 جنية بين النسخة الجيجا و2 جيجا

[mahmoudkamall]

افضل نسخة ليك هى 7850 اتنين جيجا مكسورة السرعة من سافير او من جيجا بايت اعتقد هيكون الموجودة سافير كنت بلعب اى لعبة حتى كريسيس 3 على اعلى اعدادات مع تشغيل منعم الحواف ميديم وكانت مبتقلش عن 35 فريم فيما فوق على شاشة 19

[The_Assassin]

شكرا يا محمد
بس انت لية غيرت الكارت وجبيت GTX 650 ti boost
ومين الافضل معاك فى الاداء ال 7850 ولا GTX 650 ti boost

[mahmoudkamall]

لا انا مغيرتش كارت ال 7850 ب 650 انا بدلته باعلى ب 7870 بس ادائه معجبنيش فا رجعته واللى بدلته كان باع ال 7850 فا جبت 650 لانى كنت عايز اجرب انفيديا وكنت زعلان اوى اصلاااااااا انى سبت ال 7850 بس بصراحة استمتعت باداء انفيديا اكتر رغم ان ال 7850 اعلى تقريبا بواحد او اتنين فى الميه شىء لا يذكر اصلا
بس لو ليك مزاج ل 650 هات بالظبط النسخة اللى فى التوقيع اللى هى اوفر كلوك تى اى ويز بوست هى دية المنافسة لل 7850 اتنين جيجا سافير دول اكس مكسور السرعة يفضل تجيب amd