kikolover
15-11-2013, 17:42
السلام عليكم ورحمة الله وبركاته
أخوتى وأحبائى مشرفين وأعضاء وزوار موقع عرب هاردوير :ــ أولا :ــ أنا أخوكم أشرف من المنصورة وانا بوجه الرسالة دى والتحذير ده مش عشان اللى حصلى مع الناس دى لا والله ولكن أنا بوجها للأسباب الآتية :ــ
1- عشان دى تكون حماية وتنبيه لكل واحد بيفكر أو عايز يشترى من أسوء شركة شفتها وإتعاملت معاها فى حياتى
2- عشان الناس تعرف حقيقة الناس دول وطريقة معاملتهم للعملاء وأسلوبهم الفج وقلة أدبهم
3- وعشان كمان ياجماعة نخلى بنا من الفساد وعدم وجود الرقابة على العمليات التجارية فى البيع والشراء واللى إحنا المستهلكين بندفع ثمنها فى النهاية
4- عشان أقولك أوعى تشحن حاجة محتاجة منك إنك تشيك عليها الأول وخصوصا الشاشات عشان ماتقعش فى المشكلة اللى أنا وقعت فيها وتقول ياريت اللى جرى ماكان
ثانيا :ــ الموضوع
الموضوع بدأبأنه يوم الأحد اللى فات إتصلت بالشركة الموقرة وطلبت منهم شاشة سامسونج 27 بوصة وموديلها Samsung SyncMaster S27B750V وتانى يوم إكتشفت إن فيها بليدنج وهو مايعرف بتسرب الإضاءة الخلفية والناس اللى ماتعرفش يعنى إيه بليدنج دى صورة للتوضيح عشان تاخد بالها https://tinypic.com/view.php?pic=2drxw5k&s=6 ( هتلاقوا أسفل الشاشة بقع أو علامات باللون الأزرق ) ، المهم بعد ماأكتشفت العيب إتصلت بالبيه اللى مربى دقنه وعامل نفسه شيخ وقلتله ياأستاذ فلان دلوقتى حضرتك أنا شغلت الشاشة ولاقيت فيها عيب مصنعى وعايز أرجعها أو إستبدلها فلقيته رد عليا بمنتهى الخشونة وقالى ياباشا العيب ده مبيرجعش التوكيل والشاشة زى الفل معاك ومفيهاش حاجة وإحنا لسة على الصبح وقعد يبرطم بشوية كلام إستحملتهم عشان أنا مشعايز أنجر لأسلوبه الوقح وقلة أدبه ،، ووصل الحوار بينا لدرجة إنه قالى مالكش كلام معايا وقفل السكة ،، أنا كنت ماسك أعصابى جدا معاه وده مش لضعفى ولكن عشان أعرف آخد حقى ،، لأنه بيحاول يستفزنى ويغلطنى عشان يضيع عليا حقى ، وبعدين إتصلت بيه تانى وطلبت إنه يستبدلى الشاشة ،، فكلمنى بمنتهى الوقاحة برده وقالى بالحرف الواحد ( باشا باشا هاتلى الشاشة وتعالى ومسمعش صوتك ولا تتصل بيا لحد ماتجيب الشاة وتاخد فلوسك ) بأسلوب بقى سورى فى اللفظ عربجية ،، المهم ياجماعة خدت الشاشة وروحتله ودخلت عليه المحل وقلت سلام عليكم مردش السلام وكان معاه واحد إسمه كريم حاولت قبل مايشيك على الشاشة ويشوفها إنى أبدأ بالخير وألطف الجو المشحون رغم أسلوبه الزبالة معايا فى التليفون بس للأسف لقيت بنى آدم قليل الأدب وغير محترم ودى أقل حاجة تتقال عليه وكان رد فعله إنه قالى مالكش كلام معايا وقالى على فكرة أنا جايبك من المنصورة لحد هنا عشان أكدرك وأخليك تتعلم الأدب مع أنى قسما بالله العلى العظيم ماقليت أدبى عليه فى أى حاجة وبرده عديت الكلام عشان خاطر الامور تعدى وآخد حقى ،، وبعدين راح قايل للأخ اللى معاه شوف يابنى الشاشة ففتح الكرتونة وشافها بمجرد مابص عليها قالى الشاشة دى مشهترجع قلتله ليه قالى متجرحة ومتخربشة وأنا مشهخادها حسيت ياجماعة ساعتها إنهم بيعملوا حوار عليا وبيتلككوا علشان يلبسونى الشاشة ،، قلتله الشاشة سليمة ومفيهاش حاجة ،، قام البيه التام قايم من على حيله وقالوا حط الشاشة يابنى فى الكرتونة وإديهالو فاأنا كان رد فعلى إنى زعقت جامد له خلاص بقى أنا فاض بيا من المعاملة الزبالة اللى شوفتها وقلتله شاشتك سليمة وانا هرجعها لأن ده من حقى أنا ملحقتش أشغلها يبقى إزاى إتجرحت أو إتخربشت فقالى هو ده اللى عندى وإتفضل بره المحل بالشاشة بتاعتك ،، طبعا أنا لما لقيت الأمور وصلت لكده قلتله أنا هتصل بجهاز حماية المستهلك وهشتكيك فى المركز ،، وبالفعل إتصلت بيهم بس النمرة مكنتش مجمعة فقلت أطلع على أقرب قسم شرطة وأشتكيهم هناك ،،بس اللى خدمنى إن ليا صديق له عمام فى القاهرة إتصل بيا وقالى لو عايزهم أبعتهمولك على المحل فاأنا قلتله إستنى لما أشوف الأمور هتوصل لإيه ،، شوية ولاقيت الأخ التانى اللى إسمه كريم جانى وقالى إيه يابشمهندس إنت زعلان ليه وباس دماغى وقالى إستهدى بالله وسيب التليفون ونقعد نتفاهم مع بعض ،، وبعد نقاش بينى وبينه سيبت 100 جنيه فى الشاشة وخدت 1800 جنيه وانا قلت فى ستين داهية المهم آخد فلوسى قبل ماالموضوع يتطور والناس اللى تبعى تيجى كانت الأمور هتزيد وهيحصل مشاكل جامدة لايعلم مداها إلا الله
الخلاصة
ده درس وأنا إتعلمت منه وانا حبيت أذكر تجربتى واللى حاصلى عشان محدش من الأخوة والزملاء أو أى أحد بره الموقع يقع فى نفس المشكلة اللى حصلتلى وكمان عشان مفيش حد يفكر يتعامل مع الناس دى ،، اللى مضايقنى فى الموضوع مش ال100 جنيه اللى راحوا عليا ولا بهدلة السفر والمواصلات لا والله كله كوم والمعاملة الزبالة اللى شوفتها كوم تانى ،، عشان كده بقول لكل واحد محترم عايز يتعامل مع ناس محترمين أبعد عن شركة هاى إند لأنهم بجد ناس غير محترمين ( وانا آسف جدا على الإطالة ،، بس حبيت الناس تعرف اللى حصلى بالتفصيل عشان تخلى بالها )
تنويه :ــ رسالة حب وتقدير وإمتنان للأخ المحترم الأستاذ / أحمد عزت والمعروف هنا فى الموقع بإسم Eng A7MED (https://arabhardware.net/forum/member.php?u=11302061) على وقفته معايا ومتابعته لمشكلتى أول بأول ،، ألف شكر ليك ياأستاذ أحمد وأنا كسبت أخ وصديق عزيز
أخوتى وأحبائى مشرفين وأعضاء وزوار موقع عرب هاردوير :ــ أولا :ــ أنا أخوكم أشرف من المنصورة وانا بوجه الرسالة دى والتحذير ده مش عشان اللى حصلى مع الناس دى لا والله ولكن أنا بوجها للأسباب الآتية :ــ
1- عشان دى تكون حماية وتنبيه لكل واحد بيفكر أو عايز يشترى من أسوء شركة شفتها وإتعاملت معاها فى حياتى
2- عشان الناس تعرف حقيقة الناس دول وطريقة معاملتهم للعملاء وأسلوبهم الفج وقلة أدبهم
3- وعشان كمان ياجماعة نخلى بنا من الفساد وعدم وجود الرقابة على العمليات التجارية فى البيع والشراء واللى إحنا المستهلكين بندفع ثمنها فى النهاية
4- عشان أقولك أوعى تشحن حاجة محتاجة منك إنك تشيك عليها الأول وخصوصا الشاشات عشان ماتقعش فى المشكلة اللى أنا وقعت فيها وتقول ياريت اللى جرى ماكان
ثانيا :ــ الموضوع
الموضوع بدأبأنه يوم الأحد اللى فات إتصلت بالشركة الموقرة وطلبت منهم شاشة سامسونج 27 بوصة وموديلها Samsung SyncMaster S27B750V وتانى يوم إكتشفت إن فيها بليدنج وهو مايعرف بتسرب الإضاءة الخلفية والناس اللى ماتعرفش يعنى إيه بليدنج دى صورة للتوضيح عشان تاخد بالها https://tinypic.com/view.php?pic=2drxw5k&s=6 ( هتلاقوا أسفل الشاشة بقع أو علامات باللون الأزرق ) ، المهم بعد ماأكتشفت العيب إتصلت بالبيه اللى مربى دقنه وعامل نفسه شيخ وقلتله ياأستاذ فلان دلوقتى حضرتك أنا شغلت الشاشة ولاقيت فيها عيب مصنعى وعايز أرجعها أو إستبدلها فلقيته رد عليا بمنتهى الخشونة وقالى ياباشا العيب ده مبيرجعش التوكيل والشاشة زى الفل معاك ومفيهاش حاجة وإحنا لسة على الصبح وقعد يبرطم بشوية كلام إستحملتهم عشان أنا مشعايز أنجر لأسلوبه الوقح وقلة أدبه ،، ووصل الحوار بينا لدرجة إنه قالى مالكش كلام معايا وقفل السكة ،، أنا كنت ماسك أعصابى جدا معاه وده مش لضعفى ولكن عشان أعرف آخد حقى ،، لأنه بيحاول يستفزنى ويغلطنى عشان يضيع عليا حقى ، وبعدين إتصلت بيه تانى وطلبت إنه يستبدلى الشاشة ،، فكلمنى بمنتهى الوقاحة برده وقالى بالحرف الواحد ( باشا باشا هاتلى الشاشة وتعالى ومسمعش صوتك ولا تتصل بيا لحد ماتجيب الشاة وتاخد فلوسك ) بأسلوب بقى سورى فى اللفظ عربجية ،، المهم ياجماعة خدت الشاشة وروحتله ودخلت عليه المحل وقلت سلام عليكم مردش السلام وكان معاه واحد إسمه كريم حاولت قبل مايشيك على الشاشة ويشوفها إنى أبدأ بالخير وألطف الجو المشحون رغم أسلوبه الزبالة معايا فى التليفون بس للأسف لقيت بنى آدم قليل الأدب وغير محترم ودى أقل حاجة تتقال عليه وكان رد فعله إنه قالى مالكش كلام معايا وقالى على فكرة أنا جايبك من المنصورة لحد هنا عشان أكدرك وأخليك تتعلم الأدب مع أنى قسما بالله العلى العظيم ماقليت أدبى عليه فى أى حاجة وبرده عديت الكلام عشان خاطر الامور تعدى وآخد حقى ،، وبعدين راح قايل للأخ اللى معاه شوف يابنى الشاشة ففتح الكرتونة وشافها بمجرد مابص عليها قالى الشاشة دى مشهترجع قلتله ليه قالى متجرحة ومتخربشة وأنا مشهخادها حسيت ياجماعة ساعتها إنهم بيعملوا حوار عليا وبيتلككوا علشان يلبسونى الشاشة ،، قلتله الشاشة سليمة ومفيهاش حاجة ،، قام البيه التام قايم من على حيله وقالوا حط الشاشة يابنى فى الكرتونة وإديهالو فاأنا كان رد فعلى إنى زعقت جامد له خلاص بقى أنا فاض بيا من المعاملة الزبالة اللى شوفتها وقلتله شاشتك سليمة وانا هرجعها لأن ده من حقى أنا ملحقتش أشغلها يبقى إزاى إتجرحت أو إتخربشت فقالى هو ده اللى عندى وإتفضل بره المحل بالشاشة بتاعتك ،، طبعا أنا لما لقيت الأمور وصلت لكده قلتله أنا هتصل بجهاز حماية المستهلك وهشتكيك فى المركز ،، وبالفعل إتصلت بيهم بس النمرة مكنتش مجمعة فقلت أطلع على أقرب قسم شرطة وأشتكيهم هناك ،،بس اللى خدمنى إن ليا صديق له عمام فى القاهرة إتصل بيا وقالى لو عايزهم أبعتهمولك على المحل فاأنا قلتله إستنى لما أشوف الأمور هتوصل لإيه ،، شوية ولاقيت الأخ التانى اللى إسمه كريم جانى وقالى إيه يابشمهندس إنت زعلان ليه وباس دماغى وقالى إستهدى بالله وسيب التليفون ونقعد نتفاهم مع بعض ،، وبعد نقاش بينى وبينه سيبت 100 جنيه فى الشاشة وخدت 1800 جنيه وانا قلت فى ستين داهية المهم آخد فلوسى قبل ماالموضوع يتطور والناس اللى تبعى تيجى كانت الأمور هتزيد وهيحصل مشاكل جامدة لايعلم مداها إلا الله
الخلاصة
ده درس وأنا إتعلمت منه وانا حبيت أذكر تجربتى واللى حاصلى عشان محدش من الأخوة والزملاء أو أى أحد بره الموقع يقع فى نفس المشكلة اللى حصلتلى وكمان عشان مفيش حد يفكر يتعامل مع الناس دى ،، اللى مضايقنى فى الموضوع مش ال100 جنيه اللى راحوا عليا ولا بهدلة السفر والمواصلات لا والله كله كوم والمعاملة الزبالة اللى شوفتها كوم تانى ،، عشان كده بقول لكل واحد محترم عايز يتعامل مع ناس محترمين أبعد عن شركة هاى إند لأنهم بجد ناس غير محترمين ( وانا آسف جدا على الإطالة ،، بس حبيت الناس تعرف اللى حصلى بالتفصيل عشان تخلى بالها )
تنويه :ــ رسالة حب وتقدير وإمتنان للأخ المحترم الأستاذ / أحمد عزت والمعروف هنا فى الموقع بإسم Eng A7MED (https://arabhardware.net/forum/member.php?u=11302061) على وقفته معايا ومتابعته لمشكلتى أول بأول ،، ألف شكر ليك ياأستاذ أحمد وأنا كسبت أخ وصديق عزيز