هل عند تجميع جهاز جديد المفروض اطلب من المحل تحديث البيوس ولا لا ولا مفروض اعمل اية ؟

[minayhia]

هل عند شراء جهاز جديد تجميع اطلب من المحل اللى جمعهولى يحدث البيوس ولا لا وهل هما عندهم خلفية بالقصه دى ولا لا ولو سئل عايزنى احدث البيوس لية اقوله اية وهل تحديث البيوس بيبقى لكل القطع ولا اية ياريت حد يفهمنى

[minayhia]

ايه يا جماعه مفيش حد رد ليه اومال فين المشرفين والمسئولين عن القسم ده

[nanonona]

لأ طبعا التجار ملهومش دعوة بتحديث البايوس وممكن يقولك كمان تحديث البايوس بنفسك حيخرجها من الضمان.. طبعا مش حتخرج ولا حاجه إلا إذا أخطأت في التحديث..

البايوس لا يحدث إلا للوحة الأم وفي حالات نادرة جدا يحدث بايوس كارت الشاشة ولا ينصح بتحديثه أبدا إلا بعد استنفاد كل الطرق الأخرى.. وتحديث البايوس يكون لعلاج مشاكل ما أو لاصلاح عدم التوافق مع هاردوير معين لكنه لا يزيد الأداء.. فقط يحقق الاستقرار في حالة وجود مشاكل.. أما إذا لم توجد مشاكل فلا داعي لتحديث البايوس لأنك لو أخطأت في التحديث او اختيار ملف البايوس الصحيح أو انقطعت الكهرباء مثلا أثناء التحديث.. لن يعمل الجهاز..

[minayhia]

لأ طبعا التجار ملهومش دعوة بتحديث البايوس وممكن يقولك كمان تحديث البايوس بنفسك حيخرجها من الضمان.. طبعا مش حتخرج ولا حاجه إلا إذا أخطأت في التحديث..

البايوس لا يحدث إلا للوحة الأم وفي حالات نادرة جدا يحدث بايوس كارت الشاشة ولا ينصح بتحديثه أبدا إلا بعد استنفاد كل الطرق الأخرى.. وتحديث البايوس يكون لعلاج مشاكل ما أو لاصلاح عدم التوافق مع هاردوير معين لكنه لا يزيد الأداء.. فقط يحقق الاستقرار في حالة وجود مشاكل.. أما إذا لم توجد مشاكل فلا داعي لتحديث البايوس لأنك لو أخطأت في التحديث او اختيار ملف البايوس الصحيح أو انقطعت الكهرباء مثلا أثناء التحديث.. لن يعمل الجهاز..

يا باشا انا دلوقتى مثلا جمعولى جهاز وجيت فيما بعد وحبيت اركب هارد 2 تيرا او كارت شاشه اعلى من اللى عندى واحتاج تحديث بيوس عشان يشتغلوا هبقى فى مشكله ساعتها ولو النور قطع زى محضرتك قولت باظت الدنيا يبقى مفروض هما اللى يقوموا بتحديث البيوس

[nanonona]

والله انا عن نفسي قعدت اقرأ وافهم ازاي أحدث البيوس بالظبط.. بعدها حدثته على مسؤوليتي لما لقيت مشاكل مع كارتي الجديد..
كلامك منطقي بس المحلات معندهاش بايوس البورد دي كلها.. فممكن تسأله اعمل ايه أو تتصل بالشكل تسأله قبل الشراء

[BEKO92]

انا مش خبير فى الحكايه دى
بس انا البورده بيتاعتى H61
وموجود فى اسطوانه التعريف برنامج لو سطبته بيخلى البورده تشيل 3 تيرا هرد
لكن لو مش سطبته تشيل 2 تيرا فقط

[minayhia]

انا هشترى ان شاء الله Gigabyte GA-H61M-S2P-B3 Socket 1155 motherboard
يعنى ياريت حد يحط التحديث من الموقع الرسمى وهل فعلا التحديث بييجى فى سى ديهايت البورده زى ما بيقول الاخ بيكو ؟

[BEKO92]

20026صوره من البرنامج
وزى ما قولتلك انا مش عارف الموضوع ده كويس

[minayhia]

اه ما انا عرفت البرنامج بييجى فى سيديهايت البورده وبيدورلك على تعريفات البيوس الجديده وانتا بتشوف لو اصدارك مثلا 3 والبرنامج وجد اصدار 4 تعمل تحديث من خلال البرنامج وخلاص على كده