باركوا لى خلاص جبت lenovo ideapad touch z500 روووووووووعة

[حاتم عفيفى]

الحمد لله رب العالمين بعد عناء اشهر وكفاح فى المنتديات وخصوصا هنا ومساعدتكم اخوتى جبت الايداباد تاتش لينوفو جهاز خرافة بمعنى الكلمة فى كل حاجة تحس انك امام ماك بوك مش لينوفو شىء ما يتوصف واليكم المواصفات
بروسيسور كور اى فيف 2.6 وبيعلى لحد 3.1 جيجابايت
الرامات 6 جيجا
الكارت نيفيديا 2جيجا 740M
الشاشة 15.6 انش تاتش
الهارد واحد تيرا
سواقة اقراص مدمجة والكيبورد بها انارة
الجهاز من الخارج لونه بنى يميل للون المخملى ومن الداخل لون الالمونيوم الذهبى وهو قوى
والصوت عالى النقاء واى جديد هابلغكم بيه

[Saudi_2014]

مبروووك يا غالى موصفات مممتاااااااازة ..

وجاري .........

[حاتم عفيفى]

سؤالى للى عنده الجهاز ده ازاى اقدر افعل كارت النيفيديا لان الجهاز تقيمه من ويندوز ٨ حوالى ٤.٩ فقط بسبب قرائته للكارت المدمج ازاى اقدر اوصل واعرف النيفيديا وهل ان البطارية اربعة خلايا فقط دا يفرق كتير انا قريت فى موقع الشركة الرسمى ان البطارية حتى ٥ ساعات والناس بتقول مابتكفيش اكتر من ساعتين ياريت تمدونى باكبر كمية معلومات وكمان الوايرلس ليه مش سريع رغم ان النت عندى ٢ ميجا عذرا لكثرة الاسئلة وشكرا

[كان ودي]

الف مبروك

[arsenal_henry]

لاضافة الالعاب للعمل على الكارت المنفصل Nvidia

-قم بفتح برنامج Nvidia Control Panel من اسفل اليمين بجوار الساعه .
-قم باختيار manage 3d settings كما بالصورة.
-اختر البرنامج او اللعبه المراد تشغيلها بالكارت النفيديا واضغط Add .
-قم باختيار كارت النفيديا كما بالصورة.
https://www.shy22.com/upfiljpg/n8y46243.jpg (https://www.shy22.com/)

[حاتم عفيفى]

ممكن اعرف هل الجهاز ليه نسخة احتياطية على الهارد ولا لا ولو عملت له ريكفرى هايمسح اى حاجة حاطتها على الهارد كانه من اول وجديد ولا ايه بالضبط
وكمان انا لقيت برتيشن فيه تعريفات كتيرة للجهاز هيا مش المفروض متسطبة مع النسخة ولا اسطبها تانى وشكرا

[McLaren]

ألف مبروك :)

ما شاء الله جهاز قوى

[aldaba7]

الحمد لله رب العالمين بعد عناء اشهر وكفاح فى المنتديات وخصوصا هنا ومساعدتكم اخوتى جبت الايداباد تاتش لينوفو جهاز خرافة بمعنى الكلمة فى كل حاجة تحس انك امام ماك بوك مش لينوفو شىء ما يتوصف واليكم المواصفات
بروسيسور كور اى فيف 2.6 وبيعلى لحد 3.1 جيجابايت
الرامات 6 جيجا
الكارت نيفيديا 2جيجا 740M
الشاشة 15.6 انش تاتش
الهارد واحد تيرا
سواقة اقراص مدمجة والكيبورد بها انارة
الجهاز من الخارج لونه بنى يميل للون المخملى ومن الداخل لون الالمونيوم الذهبى وهو قوى
والصوت عالى النقاء واى جديد هابلغكم بيه

الف مبروك يا باشا ارجو ذكر المحل الي اشتريت منة و هل الشاشة تعمل بخاصية اللمس و سعر الاب توب

[حاتم عفيفى]

الف مبروك يا باشا ارجو ذكر المحل الي اشتريت منة و هل الشاشة تعمل بخاصية اللمس و سعر الاب توب
انا اشتريته من مكتبة جرير بسعر ٢٨٩٩ ريال سعودى بس فيه حاجات مضايقانى شوية مش عارف هل هيا عادية ولا ايه منها
الكيبورد حساسة اوى يعنى مثلا زر النيم لوك بادوس عليه بالقاه زى ما يكون على سوستة يمن وشمال مش ثابت فى مكانه زى ما تكون الزراير ملزوقة
الحاجة التانية البطارية انا ما جربتش فعلا انى افضيها للاخر واخلصها تانى بس لاحظت امبارح ان فى وقت ٢٠ دقيقة فقط نزل منها حوالى ١٤٪ من شحنها فهل دا طبيعى
وكمان بيت الكارت بتاع الميمورى لو عندك كارت كاميرا او حاجة مش جاى مع الجهاز والمفروض يكون موجود علشان يسد فتحة بيت الكارت حماية من الاتربة
ارجو الافادة ممن لديه نفس الموديل للاهمية

اما بخصوص الشاشة فهى فعلا تعمل بخاصية اللمس بس اتاكد ان رقم الموديل موجود جنبه كلمة تاتش lenovo z500 touch screen
لان فيه نفس الموديل بدون تاتش بس صدقنى ولا ليها اى لازمة اسال مجرب انا لو كنت لقيت بدون تاتش توفير للفلوس كنت جبت بس الى لقيته بقى مافيش معنى انك تلمس الشاشة والكيبورد والماوس معاك اصدقك لو كان ايباد او تابلت مثلا تبقى معقولة ولك حرية الاختيار

[respectedman1]

مبرووك
السعر كااام؟؟؟؟؟؟

[arsenal_henry]

الحاجة التانية البطارية انا ما جربتش فعلا انى افضيها للاخر واخلصها تانى بس لاحظت امبارح ان فى وقت ٢٠ دقيقة فقط نزل منها حوالى ١٤٪ من شحنها فهل دا طبيعى
جرب اشحن البطارية على آخرها .. وقلل سطوع الشاشه Brightness خليه اقل من النص .. واغلق البرامج اللي مش محتاجلها اثناء العمل على البطارية واغلق البلوتوث والوايفاي (لو مش محتاجهم) للحصول على افضل اداء ..


وكمان بيت الكارت بتاع الميمورى لو عندك كارت كاميرا او حاجة مش جاى مع الجهاز والمفروض يكون موجود علشان يسد فتحة بيت الكارت حماية من الاتربة
الجهاز مش معايا شخصياً لكن من الصور على النت يبدو انه بدون غالق .. لكن ليست بالمشكلة الكبيرة اعتبرها زي فتحة الـUSB او VGA ..

[حاتم عفيفى]

طيب تعرف اجيب الكارت ده منين الى ممكن احطه مكن البيت ده انا كنت هاحاول ارجع الجهاز واجيب سامسونج الى كنت عامل بيه مشاركة باسمى بعنوان samsung aitv book 2 np270e5exo1sa بس الحقيقة خاماته ما عجبتنيش خامة الجهاز الى معايا برقبته وكمان لقيت ان كرير مش هاترجه فريحت بالى واى جديد انا هنا معاكم وهاتابع كل يوم الطراز ده وياريت لو فيه مراجعات ليه فى مواقع اجنبية تزودنى بيها او اى حاجة تفيدنى بيه اكون شاكر ودى اول حاجة منى ليكم

اللينك الخاص بكيفية فك الجهاز وتغيير اى شىء بيه وهاتلاقى البطارية الى هيا تمنها ٩٧ دولار



https://m.youtube.com/watch?v=Q98Bf6Z041w

وياريت الى عنده جديد يحطه فى ذات الموضوع علشان يبقى مرجع لاصحاب الجهاز ده فكرة ارجو انها تنل استحسانكم

[حاتم عفيفى]

انا امبارح كنت شغال على الجهاز تصفح وعملت ريستور للنظام بالكامل وداونلود وتثبيت برامج عن طريق نت واى فاى وفاتح كذا برنامج والاضاءة كانت عند النص والبطارية لما بدات كانت عند 95٪ فقط والجهاز خلص شحن وطفى كل ده من الساعة 9ودقيقتين مساء حتى الساعة 12.24ص بالتمام والكمال والنهاردة هاشحنه واكرر العملية ونبقى مع تواصل مستمر باذن الله

[arsenal_henry]

مفيش مشكلة من فتحة الميموري لدرجة انك ترجع الجهاز عشانها .. مع العلم ان في اجهزة كتير كدة من غير غالق للفتحة حتى اجهزة الماك بوك ..
https://files.tested.com/photos/2013/04/25/47783-mbp.jpg

[حاتم عفيفى]

مفيش مشكلة من فتحة الميموري لدرجة انك ترجع الجهاز عشانها .. مع العلم ان في اجهزة كتير كدة من غير غالق للفتحة حتى اجهزة الماك بوك ..
https://files.tested.com/photos/2013/04/25/47783-mbp.jpg

لا يا اخى الكريم مش ده السبب طبعا انما وضعية البطارية وصعوبة تغيرها الا عند الوكيل لانها هاتجبرك انك تفتح الجهاز وكمان انها اربعة خلايا فقط بس ارتحت جدا لما قعدت الوقت المعتدل ده معايا وهو بالنسبة لى وقت كافى جدا مين هايحتاج من اللاب انه يقعد اكتر من ثلاث ساعات بدون شحن عموما حتى لو ضغط عليه فى الشغل. ما باظن انه يقل عن ساعتين ابدا وياريت من الاخوة الاعضاء انهم يقروا الكلام بهدوء لانى لاحظت انى باتسال فى حاجات انا قلتها من قبل زى سعر الجهاز وهاكتب لكم هنا ايه الخطوات المتبعة للحفاظ على النوع ده من البطاريات ومن واقع المنتديات الاجنبية المتخصصة ولا افتح موضوع جديد مش عارف المهم انا هابقى هنا دايما للسؤال

[حاتم عفيفى]

حد يا جماعة عنده فكرة ازاى اقدر اقسم هارد اللينوفو z500 بتاعى الهارد تقسيمته سيئة اوى جزء ٢٤ جيجا والباقى للسي حاجة تخنق وخايف وانا باقسمه اضيع نسخة الريكفرى بتاعة الوينوز ٨ بس انا لقيت فى الكنترول بانل بتاعة الويندوز اداة خاصة بتقسيم الهارد بس مش عارف هل دى فى كل الويندوز ٨ ولا خاصة بس للجهاز بتاعى فقلت اسالكم وشكرا

[arsenal_henry]

بخصوص تقسيم الهارد، لن تنجح بتقسيمه بواسطو الويندوز وهتحتاج تقسمه ببرامج خارجية زي Partition wizard او غيره ..

[حاتم عفيفى]

بخصوص تقسيم الهارد، لن تنجح بتقسيمه بواسطو الويندوز وهتحتاج تقسمه ببرامج خارجية زي Partition wizard او غيره ..

طيب كده مش ممكن اطير نسخة الويندوز ريكافرى ولا هيا فى بارتشن اللينوفو ولو حبيت اعمل للنظام اعادة تهيئة بواسطة برنامج onekey الخاص بلينوفو هل هايمسك ملفات الميديا الى على البارتيشن سي ممكن الافادة بالتفصيل

[arsenal_henry]

هو هيرجع الجهاز زي ما كان في الاصل وبالتالي اي ملفات نزلت بعد كدة هتتشال ..

[حاتم عفيفى]

هو هيرجع الجهاز زي ما كان في الاصل وبالتالي اي ملفات نزلت بعد كدة هتتشال ..
برده يظل السؤال الاهم فى مشاركتى السابقة هل مسار النسخة المحمية فى درايف السي او الدريف المسمي باسم lenovo لانه لو كان فى السي وانا قسمته اكيد هاضيع النسخة ولا حضرتك مش معايا ممكن تركز لى على النقطة دى وايه افضل برنامج تقسيم للهارد ولو الرابط بتاعه اكون شاكر لك وياترى البرامج الى نازلة فى النسخة لما فتحت الجهاز دى مدمجة فى النسخة المحمية ولا لا اسف للاطالة بس انامش باحب افتح موضوع جديد علشان اسال على حاجة تخص ذات الموضوع وده لرقى المنتدى وللافادة القصوى لبقية الاعضاء

[Unknown_Dragon]

برده يظل السؤال الاهم فى مشاركتى السابقة هل مسار النسخة المحمية فى درايف السي او الدريف المسمي باسم lenovo لانه لو كان فى السي وانا قسمته اكيد هاضيع النسخة ولا حضرتك مش معايا ممكن تركز لى على النقطة دى وايه افضل برنامج تقسيم للهارد ولو الرابط بتاعه اكون شاكر لك وياترى البرامج الى نازلة فى النسخة لما فتحت الجهاز دى مدمجة فى النسخة المحمية ولا لا اسف للاطالة بس انامش باحب افتح موضوع جديد علشان اسال على حاجة تخص ذات الموضوع وده لرقى المنتدى وللافادة القصوى لبقية الاعضاء

القرص اللى موجود عليه النسخة الاصلية بتاعت الريكفرى مخفى ومش هتشوفه الا ببرنامج تقسيم الهارد
هيا مش فى الـ C ولا فى قرص Lenovo
هيا فى قرص لوحدها مخفى
اقرأ الدليل اللى جاى مع الجهاز هيضبط معاك نقطة الريكفرى دى لانهم شارحينها كويس جدا
معلش مش هقدر اشرح انا لان معنديش وقت خالص

[حاتم عفيفى]

القرص اللى موجود عليه النسخة الاصلية بتاعت الريكفرى مخفى ومش هتشوفه الا ببرنامج تقسيم الهارد
هيا مش فى الـ C ولا فى قرص Lenovo
هيا فى قرص لوحدها مخفى
اقرأ الدليل اللى جاى مع الجهاز هيضبط معاك نقطة الريكفرى دى لانهم شارحينها كويس جدا
معلش مش هقدر اشرح انا لان معنديش وقت خالص

طيب بالله عليك انتا عاوز تشرح ايه تانى اكتر من الى اتكرمت بيه على هنا دى يبقى انا طماع جدا تشرفت بيك وبمرورى ووضع بصمتك الكريمة فى موضوع ربى يكرمك ويكرم مشرفنا الغالى الى انا مقدر كويس مسئولياته

[حاتم عفيفى]

ممكن سؤال بخصوص البطارية انا لما اشحنها لحد ماتتملى خالص بافصل الشاحن واشتغل عليها لحد ما الجهاز يفصل ويفرغ البطارية خالص وبعدها اشتغل على الشاحن لحد ما تتملى وهكذا فهل دا تصرف سليم ولا اعمل ايه علشان احافظ عليها اطول فترة ممكنة انا كنت قريت ان برنامج ادارة الطاقة هوا الى بينظم العملية دى يعنى مش شرط افصل الشاحن هوا هايخلى الجهاز ياخد من البطارية ويوقف شحنها بدل ما كل شوية افصل الشاحن هل المعلومة دى سليمة وشكرا لكم

[arsenal_henry]

لا، اللي انت بتعمله من تفريغ وشحن للبطارية بإستمرار بيستهلك البطارية على الفاضي وبيقلل عمرها الافتراضي ..
لو استخدامك للجهاز بشكل اطول على كابل الكهرباء .. يبقى اشحن البطارية عادي جداً واتركها بدون فصل كابل الكهرباء .. او لو لديك تطبيق Lenovo Energy Management .. قم بالدخول عليه ثم الدخول على اعدادت البطارية من البرنامج من الايقونة بالاسفل ثم اختار Extended life .. وسيقوم بشحن البطارية عند 60% فقط اثناء عملك على كابل الكهرباء بإستمرار ..

[OMEGA]

الف مبروك

[حاتم عفيفى]

لا، اللي انت بتعمله من تفريغ وشحن للبطارية بإستمرار بيستهلك البطارية على الفاضي وبيقلل عمرها الافتراضي ..
لو استخدامك للجهاز بشكل اطول على كابل الكهرباء .. يبقى اشحن البطارية عادي جداً واتركها بدون فصل كابل الكهرباء .. او لو لديك تطبيق Lenovo Energy Management .. قم بالدخول عليه ثم الدخول على اعدادت البطارية من البرنامج من الايقونة بالاسفل ثم اختار Extended life .. وسيقوم بشحن البطارية عند 60% فقط اثناء عملك على كابل الكهرباء بإستمرار ..

طيب وليه ما اخليهوش يشحنها لحد ١٠٠٪ وافضل شغال على الكهرباء ولو باشتغل فى اليوم عليه حوالى ٥ ساعات متواصلة هاسيبه دايما متوصل فى الكهرباء ومش هاخلى البطارية تفرغ طيب ده مش فيه ضرر ليها لانها لازم تفرغ وتشحن علشان تتنشط ولا انا فاهم غلط

[arsenal_henry]

تفرغها وتشحنها بس مش كل يوم، كل اسبوع مرة حسب استخدامك ليها ..

[حاتم عفيفى]

تفرغها وتشحنها بس مش كل يوم، كل اسبوع مرة حسب استخدامك ليها ..

استخدامى لها يوميا مالا يقل عن خمس ساعات تحت اى ظرف حضرتك شايف ايه الطريقة المثلى لاطالة عمرها الافتراضى وشكرا لمشرفنا الغالى لسعة صدره

[arsenal_henry]

خلاص طالما هتستخدمها يبقى تشحنها لـ100% ولما هتستخدم البطارية تفصل الكابل ..

[حاتم عفيفى]

خلاص طالما هتستخدمها يبقى تشحنها لـ100% ولما هتستخدم البطارية تفصل الكابل ..

عزرا منك اخى الكريم انا اتلخبت جدا حضرتك قلت فى مشاركة ما اشحنهاش وافرغها كل يوم كفاية مرة كل اسبوع دا معناه انى طول ما انا مشغل الجهاز ما افصلشى الشاحن خالص علشان ما استهلكشى البطارية وما اتعمدتشى انى افرغها الا مرة واحدة بس كل اسبوع

وفى مشاركتك دى قلت لى خلاص لما توصل ل ١٠٠٪ افصل الكابل يعنى اشتغل على البطارية طيب طبقا لكلام حضرتك فى المرة الاولى كده هاهلك البطارية ازاى حضرتك بتقولى فى نفس المشاركة لما توصل ل ١٠٠٪ افصل الكابل طيب ما ده الى انا اصلا ماشى عليه من الاول وكنت باخد رايكم فيه هل انا فاهم غلط ولا فيه ايه بالضبط ارجو التوضيح من سيادتكم