استفسار ل Abreimann [الأرشيف] - منتديات عرب هاردوير

Abreimann

10-12-2013, 06:45

أولا ده نموذج العرض اللى - المفروض يعنى - الكل يلتزم بيه، اقراه الأول بحرص:

عرض اى منتج للبيع :

عنوان الموضوع : يجب ان يكون مُعبر عن محتواه بحيث يتضمن الآتى بين قوسين بلد البيع - العرض بيع ام بدل ام كلاهما - اسم السلعه المباعه
مثال: ( القاهره او الإسكندريه او سوريا او حلب- ..... ) - للبيع - اسم السلعه

نص الموضوع من الداخل لابد ان يحتوى على الآتى :

1- اسم موديل السلعه
2- المتعلقات القادمه مع السلعه
3- فى الضمان ام خارج الضمان
4- صوره حقيقيه للسلعه إن امكن
5- و إذا كان العرض بيع فلابد من ذكر سعر البيع و السعر النهائى يتم التفاوض فيه على الخاص
6- مكان البيع (البلد والمدينة)
7- طريقة التواصل (على العام أو الخاص , أو رقم موبايل)

ملاحظة: اقصى حجم للخط في الموضوع هو 3

وده الرابط اللى موجود فى الموضوع المثبت اللى بتشوفه فوق المواضيع أول ما تفتح القسم
https://arabhardware.net/forum/showthread.php?t=203958

وهدف قوانين القسم ونموذج العرض هو مصلحة البائع والشارى على السواء، لما كلنا - نحاول ع الأقل - نلتزم بالنموذج، كل حاجة عن السلعة المعروضة هتبقى واضحة، والبائع ح يبيع سلعته وبضاعته بسرعة وبسهولة ومن غير لخبطة أو التباسات، وكمان الشارى هيلاقى الحاجة اللى محتاجها بسرعة وبوضوح.

أما بقى اللى بيحصل للأسف ان مفيش حد فى القسم بيعلن عن سلعته ويلتزم بنموذج العرض الموضح أعلاه بنسبة 100% وده للأسف الشديد.. ومن هنا بنضطر احنا المشرفين اننا نراعى وجود على الأقل "حد أدنى" من وجود العناصر المطلوب وجودها فى نموذج العرض بداخل الموضوع، ورغم اننا كمشرفين عمالين نهاتى فى الاعضاء: يا جماعة التزموا بالنموذج واكتبوا زى ما هو موضح بس قلما ما بنشوف حد بيلتزم بيه حرفيا زى ما هو مفترض.

وعمليا، إحنا لو مسحنا كل الموضوعات اللى مش بتلتزم حرفيا بالنموذج، هنلاقى نفسنا مسحنا كل المواضيع تقريبا.. ومن هنا احنا ادينا نفسنا قدر من المرونة بحيث نتسامح بشكل ما مع المواضيع اللى مش ملتزمة، بس المهم يكون الموضوع شكله منظم وواضح، والأهم من كل ده هو وجود كل العناصر المطلوبة فى النموذج جوه الموضوع. أما بقى المواضيع اللى بنضطر نمسحها، ده اللى بنضطر نعمله لما الاقى مثلا واحد كاتب موضوع عبارة عن سطر واحد متصل من غير تنظيم، مليان أخطاء إملائية وأخطاء فى كتابة اسم السلعة ومفيش أى تفاصيل واضحة، ومش كاتب سعر ولا كاتب حالة السلعة ولا الضمان ولا أى حاجة.. يبقى إيه اللى احنا المفروض كمشرفين نعمله؟

النموذج اللى فوق ده واضح جدا، والالتزام بيه أسهل ما يمكن. حضرات السادة الأعضاء، والله العظيم تلاتة ما ح تخسروا حاجة لو التزمتم بالنموذج