المساعد الشخصي الرقمي

مشاهدة النسخة كاملة : تم شراء شاشة ASUS VS239HR IPS لى استفسار


whiteknights
12-12-2013, 18:24
النهاردة اشتريت شاشة ASUS VS239HR IPS 23 inch
و ان شاء الله هحاول اعمل لها مراجعة قريب بعد لما ادرسها كويس..الشاشة الحمدلله طلعت مفهاش اى ديدبيكسل..فيها تسريب اضاءة فى الخلفية السوداء و لكنه غير مزعج فى الألعاب و غير ملحوظ اثناء اللعب. فرق شاسع بين شاشتى القديمة ال 17 بوصة CRT و بين هذه الشاشة..كمان حاسس انى مش واخد عليها لسه

قبل شراء الشاشة كنت بواجه اهتزاز فى الصورة او ضبابية Stuttering فى لعبة Far Cry 3 و BF3 عند التحرك يمينا و يسارا اشعر بـأهتزاز فى الصورة او ضبابية..بس فى لعبة PES 2014 مكنش فيه اى مشاكل..اقترحو عليا الناس بتنزيل ويندوز 7 64 بيت بدل من 32 عشان الرامات اللى عندى 4..و اقترحو ايضا تغيير تعريف البيتا بتعريف 13.9 .
الجديد بقا هو انى بعد ما اشتريت الشاشة و جاى بجرب عليها ال PES 2014 لاقيت ان فيها اهتزاز واضح لما اللعيبة بتجرى بسرعة..مع ان الشاشة اللى فاتت مكنش فيها..فا يترى ايه سبب ده؟ هل هو بسبب ال Response Time ؟ انا اللى اعرفه ان زمن الأستجابة ملوش دعوة بأهتزاز الصورة او الضبابية..له علاقة بالجوستينج فقط..و اللعبة مكنش فيها جوستينج..كان فيها ضبابية عند الجرى السريع.
و ان مكنش ده السبب..هل هو الويندوز؟ مع العلم انى مع الشاشة القديمة مكنتش بواجه هذه المشكلة فى لعبة PES 2014 .. و الشاشتين 60Hz معدل انعاش.
فأرجو المساعدة و لكم جزيل الشكر
BLYARDO
13-12-2013, 01:12
الف مبروك عليك الشاشه
وان شاء الله الخبراء يفيدوك
AHMED ELNESR
13-12-2013, 02:53
الف مبروك الشاشة

هي بتعمل كده في كل الالعاب ولا في pes فقط
والاهتزاز بيكون ازاي بيبقي في خيال ورا الاعب وهو بيتحرك بسرعة
setup
13-12-2013, 10:29
كارت الشاشة بتاعك ابه
whiteknights
13-12-2013, 10:51
الف مبروك الشاشة

هي بتعمل كده في كل الالعاب ولا في pes فقط
والاهتزاز بيكون ازاي بيبقي في خيال ورا الاعب وهو بيتحرك بسرعة

حتى الأن جربت 3 العاب..Far Cry و BF3 و PES 2014 ..و تقريبا بتعمل كدا فيهم كلهم..الأهتزاز مفهوش خيال ورا اللاعيبة..بس لما الكورة بتتحرك بسرعة مع الاعيبة و هى بتجرى بتحس بأن فيه ضبابية كدا يعنى جسمهم مش واضح من كتر السرعة..كأنهم راكبيين صاروخ و بيجرو فا العين مش ملاحقة تشوف تفاصيل الجسم.
بس مكنش موجود المشكلة دى مع شاشة ال 17 بوصة CRT القديمة..كانت موجودة مع باقى الألعاب و لكن مع PES كانت عادى
whiteknights
13-12-2013, 10:52
كارت الشاشة بتاعك ابه

Sapphire HD 7870 XT 2GB DDR5
AHMED ELNESR
13-12-2013, 19:30
حتى الأن جربت 3 العاب..Far Cry و BF3 و PES 2014 ..و تقريبا بتعمل كدا فيهم كلهم..الأهتزاز مفهوش خيال ورا اللاعيبة..بس لما الكورة بتتحرك بسرعة مع الاعيبة و هى بتجرى بتحس بأن فيه ضبابية كدا يعنى جسمهم مش واضح من كتر السرعة..كأنهم راكبيين صاروخ و بيجرو فا العين مش ملاحقة تشوف تفاصيل الجسم.
بس مكنش موجود المشكلة دى مع شاشة ال 17 بوصة CRT القديمة..كانت موجودة مع باقى الألعاب و لكن مع PES كانت عادى

بيبقي في اعدادات في الشاشة اختار منها Gaming وشوف اذا كانت الصورة هتتحسن
whiteknights
13-12-2013, 20:11
بيبقي في اعدادات في الاشاشة اختار منها Gaming وشوف اذا كانت الصورة هتتحسن

شكرا لك..اخر سؤال بالنسبة لباقى الألعاب كان بيواجهنى ضبابية و تقطيع حتى مع شاشاتى القديمة..لما اكون بلعب Far cry مثلا و اتحرك بالاعب يمين و شمال بحس ان الصورة بتتهز..جربت تفعيل ال V-Sync و اقفاله و برضو نفس اللمشكلة..هل لها علاقة بكارت الشاشة؟ انا ويندوز 7 32 بيت و رامات 4 جيجا و بروسيور i5 ..و ايه الأفضل..تعريف ال 13.9 ولا تعريف البيتا؟
AHMED ELNESR
13-12-2013, 20:56
شكرا لك..اخر سؤال بالنسبة لباقى الألعاب كان بيواجهنى ضبابية و تقطيع حتى مع شاشاتى القديمة..لما اكون بلعب Far cry مثلا و اتحرك بالاعب يمين و شمال بحس ان الصورة بتتهز..جربت تفعيل ال V-Sync و اقفاله و برضو نفس اللمشكلة..هل لها علاقة بكارت الشاشة؟ انا ويندوز 7 32 بيت و رامات 4 جيجا و بروسيور i5 ..و ايه الأفضل..تعريف ال 13.9 ولا تعريف البيتا؟

لو عيب من الكارت يبقي هتعرف من عدد الفريمات
لكن غير كده يبقي من الشاشة او اعدادات Motion Blur
والتعريف مش عارف لاني مش بستخدم amd
setup
15-12-2013, 12:03
اختار الاداء هاي كواليتي من كارت الشاشة (الاوبشن اللى جمب الساعة) بس لما تلعب حاجة غير الكرة ارجع للاعداد الاصلي