هل توصيل الشاحن والبطارية مركبة يؤثر علي البطارية ؟ (Dell 5521)

[Mido Torres]

السلام عليكم

هل توصيل الشاحن والبطارية مركبة ومكتملة الشحن يؤثر ذلك علي البطارية ؟

نوع اللاب توب هو : Dell 5521 Core i5

وشكراً لكم

[Unknown_Dragon]

محدش عارف ايه الصح فى موضوع البطاريات ده
فى اراء كتير
فيه اللى يقولك البطارية لما بتكمل شحن بتفصل اوتوماتيك
وفيه اللى يقول بدام شغال على الكهرباء شيل البطارية خالص وعينها

[AhmedouviX]

ايوه بيضرها و انا بطاريتي باظت من الحوار ده


Sent from my iPhone using Tapatalk (https://tapatalk.com/m?id=1)

[IYM]

مش حيضرها بالنسبة الى انت متخيلها يعني مثلا ممكن تقعد معاك 3 سنين على ماتحتاج تغيرها وانا شايفها نسبة معقولة جدا

الفكرة انت عايز تضحي باية بالهارد ولا بالبطارية ؟؟

ببساطة وجود البطارية في اللاب دي ميزة ضرورية جدا وحماية للجهاز. لو مش حتسيب البطارية فيه يبقا جبت لاب ليه اصلا ؟!!!

هاردات اللابات بتكون اكثر حساسية لمشاكل القطع المفاجيء في الكهرباء نظرا لطبيعة الجهاز وناس كتير بتخسر اول حاجة الهارد بسبب قطع الكهرباء المفاجيء

اما بخصوص مشاكل البطاريات فمعظمها ليست من المستخدم بشكل مباشر يعني مفيش حاجة اسمها بطارية جهازي باظت بعد 3-4 شهور او حتى سنة (ده كلام غير صحيح بالمرة)

البطاريات بتكون اصلا عاملة زي البطيخة انت وحظك احيانا ممكن تلاقيها مرطبة (باختصار مشاكل في مرحلة التصنيع والتخزين)

الخطا الوحيد الى ممكن يتسبب فيه المستخدم هوا رفع درجة حرارة البطارية وده بيكون بسبب وضع الجهاز مثلا على لحاف او بطانية او شلته (خطا فادح)

برده المكتب او الطرابيزات الخشب لانها مبتخليش الحرارة تخرج بس طبعا مش زي اللحاف بس تبقى انها بتسخن الجهاز

حل الموضوع ده انك ترفع اللاب عن المكتب مش كتير بس على الاقل عشان تدي مساحة للهواء السخن انه يخرج

اتمنى اكون جاوبتك على استفسارك
كنت شوفت موضوع مشابه لموضوعك من فترة لكني نسيت ارد عليه وكنت اتفاجئت بنفس وجهة النظر الى بتقول ان وجود البطارية بالجهاز بيتلفها
اصلا كل حاجة ليها عمر افتراضي لو مستعملتهاش قبله حتبوظ او تقل كفائتها تدريجيا

بالتوفيق
تحياتي :)