Unboxing للشاشة الرائعة Samsung SyncMaster S24B750V Series 7 + Cable AUVIO HDMI

[ellassy]

https://img841.imageshack.us/img841/7047/nu34.png




بعد البحث الطويل عن افضل شاشة مناسبة بحيث استخدمها كشاشة كمبيوتر بنسبة كبيرة وفى نفس الوقت اقدر اوصلها برسيفر HD وتشغيلها كتليفزيون
وتكون مناسبة لمشاهدة الافلام والالعاب
بعد البحث والتجربة وجدت ان اقصى حجم للشاشة بكون مناسب للعمل كا كمبيوتر وفى نفس الوقت مشاهدة الافلام هو 24 بوصة
اكبر من كده هتتعب العين علشان قرب المسافة ومدة الاستخدام هتبقى طويلة
. اخيرا وجدت هذه الشاشة الرائعة


Samsung S24B750V Series 7



بعد البحث والمشاورة الطويلة داخل المنتدى الرائع عرب هاردوير
شكر خاص للعضو المتميز
ELNESR (https://arabhardware.net/forum/member.php?u=11303992) اللى اقترحها عليا وفدنى فى اكتر من موضع تانى



وبحمدالله و توفيقه،اشتريتها يوم 17-12-2013

رابط الشاشة على موقع سامسونج

https://www.samsung.com/sg/consumer/pc-peripherals-printer/monitor/led-monitor/LS24B750VS/XS (https://www.samsung.com/sg/consumer/pc-peripherals-printer/monitor/led-monitor/LS24B750VS/XS)


نبدأ على بركة الله


اولا : مواصفات الشاشة

المواصفات من موقع سامسونج

https://imageshack.us/a/img845/1583/4a6c.jpg

حجم و مقاس الشاشة

https://imageshack.us/a/img29/8580/yl4k.jpg






ثانيا : محتويات الشاشة









تأتى الشاشة بعلبة رائعة من حيث التصميم والسمك والمتانة




https://imageshack.us/a/img62/8804/7x54.jpg

نلاحظ ضخامة حجم الشاشة بالعلبة وده لان الشاشة متركبه على الاستاند الخاصة به
ومينفعش يتفك


https://imageshack.us/a/img571/2259/9t0g.jpg






https://imageshack.us/a/img534/5328/4wpz.jpg


المتعلقات التى تأتى مع الشاشة


https://imageshack.us/a/img189/8156/mlrj.jpg


معاها
Cable Holder لتجميع وربط الكابلات - ملوش لازمه علشان كده مش فى الصورة


Stereo Cable
طوله 150 سم


MHL Cable
طوله 150 سم


DC Power adapter



تغليف الشاشة من الداخل جيد



https://imageshack.us/a/img401/3017/v0d7.jpg



الشاشة نحيفه الى حدا ما ولكن مش Slim - اعتقد ان السماعات هى اللى مكبره السمك شويه


https://imageshack.us/a/img546/5053/lp8r.jpg




الشاشة من اعلى


https://img534.imageshack.us/img534/7105/cipg.jpg


من الخلف - اللون الابيض تحفة


https://imageshack.us/a/img841/9931/5u51.jpg


السماعتين - صوت عالى ونقى


الاستاند الخاصة بالتحكم فى اتجاه الشاشة


https://imageshack.us/a/img856/6051/6mqe.jpg


زراير التحكم باللمس


https://imageshack.us/a/img546/9809/pnjh.jpg


مخارج الشاشة


https://imageshack.us/a/img571/9987/v192.jpg






ثالثا : سعر الشاشة



فى البداية دورت عليها فى مصر الجديده
لاقيتها فى اكتر من مكان سعرها يبدأ من 1480 الى 1550

فى مول البستان
سامسونج عامله معرض لاخر شهر ديسمبر
وعرضها ب 1475
وبسبب كده المحلات نزلت سعرها فى المول
المهم لاقيتها فى محل اتعاملت مع صاحبه كتير


جيبتها منه ب 1425 جنيه






رابعا: رأى الشخصى



المميزات

1- تصميم الشاشة جديد ومختلف واللون الابيض فى الخلفية رائع

2- وزن الشاشة تقيل بالنسبة للشاشات ال LED وده بيخليها ثابته وليها شخصية على المكتب :D
انا شايفها ميزة بالنسبالى

3- السماعات صوتها عالى جداااااااااا ونقى الى حد كبير ومعقول
لدرجة انى كنت بفكر اجيب سماعات ولاغيت الفكرة



4- لما بشغل ال Headphone على مخرج ال Audio Out الصوت بيبقى اعلى من لو كنت موصله بالكارت اللى فى اللاب توب

5- الالوان والاضاءة عالية جدا وممتازة لدرجة انى قللت الاضاءة علشان عيني
6- زمن استجابة 2 مللى - ممتاز فى الالعاب والافلام
7- امكانية توصيل الموبيل بالشاشة شايفها ميزة حلوه اوى خصوصا فى العاب الموبيل
8- ضمان 3 سنين من مترا
9- رغم ان الشاشة مش IPS الا ان زاوية الرؤية ممتازة جدا وكبيره
جربت اتفرج على فيديو بزاوية مايلة برضه الصورة ممتازة ومفيش اختلاف كبير او محسوس

10- ادائها وامكانيتها بالنسبة لسعرها تعتبر افضل شاشة فى هذه الفئة

العيوب

لحد الان مشفتش فيها عيوب لكن كان نفسى يبقى فيها بعض المميزات الاخرى
طمع بقى بعيد عنكم


هههههههه

1- لو كان لون الشاشة كلها ابيض كانت هتبقى تحفة فنية
2- مخرج USB وتبقى شاشة مثالية
3- ريموت للسماعات

4- تكون IPS

وطبعا كل ده ويكون بنفس السعر :D

https://img577.imageshack.us/img577/9486/coew.jpg

مكى ستايل




تقييمى النهائى ليها 9.99 / 10


ملحوظه الشاشة ده سامسونج وقفت تصنيعها
يعنى كل الموجود من الشاشة ده فى السوق تخزين قديم
ونزلت شاشة جديده بس انا شايف ان ده الافضل


=======================
===============
========
===
=



مراجعة بسيطة للكابل

High Speed HDMI Cable
with Ethernet



بعد ما جبت الشاشة دورت على كابل HDMI يكون محترم
طبعا فى المول لاقيت حاجات من 20 الى 40 جنيه

بس طبعا كله فى المضروب
وانا قولت اجيب حاجة نضيفة واريح دماغى
نزلت راديو شاك وجيبت الكابل ده Auvio
انا جيبته طويل علشان استخدامات اخرى هحتاجه بعد كده

الكابل طوله 3.65 متر
سعره 180 جنيه


ال 2.45 متر كان ب 145 جنيه
1.4 متر ب 100 جنيه
على ما اتذكر


نبدأ بسم الله

محتويات العلبة


https://imageshack.us/a/img191/9126/atp8.jpg


https://imageshack.us/a/img809/351/thu2.jpg




https://imageshack.us/a/img545/9953/9vew.jpg




https://imageshack.us/a/img191/5352/yhw6.jpg

مكتوب على الكابل

High Speed HDMI Cable With Ethernet . Support 1080 P/ 1440 P / 4096 P . Triple Shielded
https://imageshack.us/a/img62/3301/q4wa.jpg

الكتالوج بتاعه بالتفصيل

https://imageshack.us/a/img560/371/5mjk.jpg

https://imageshack.us/a/img546/8859/wf5l.jpg


https://imageshack.us/a/img17/9271/r4yv.jpg


طبعا الكابل معرفش اذا كان فى طريقة اقدر اختبر بيه جودته ولا لآ
بس على العموم الكابل شكله نضيف والصورة ظاهرة عندى ممتازة فى الافلام والالعاب

=====================
==============
=======
===
=

المراجعة كاملة فى ملف PDF
علشان المنتدى اخره 25 صورة
الملف يحتوى على صورة اكتر

https://www.mediafire.com/?fuv39qu8eeqbbym

وده رابط برنامج MagicTune
للتحكم فى شاشات سامسونج من خلال الكمبيوتر بدلا من الزراير
لايدعم windows 8
https://www.samsung.com/us/consumer/learningresources/monitor/magetune/pop_download.html

[OMEGA]

الف مبروك وانبوكسنج اكثر من رائع وتم التقيييم

[Spartacus]

موضوع ممتاز أخى الكريم وشكرأ للإهتمام فالكثير منا عند شراء قطعة هاردوير جديدة لا يهتم بالـ Unboxing أو المراجعات لذلك أشكرك على أداءك المشجع وأتمنى أن أرى منك المزيد فى القسم

وأيضاً أحببت أن أوضح بشكل شخصى أهمية MHL Cable لمن لا يعرف فقد يتسأل البعض عن فائدة هذا الكابل

MHL Cable هى إختصار لكلمة Mobile High-Defenition Link

وهو ما يفيد بتوصيل الهاتف بالشاشة ويمكن الإستفادة منه فى تليك التقنيات : شحن الهاتف من الشاشة - التمتع بدقة 1080p - ثمان قنوات صوتية محيطية - إستخدام الهاتف كريموت كونترول - سلسة فى التعامل مع الألعاب والفيديو.

وشكراً مرة أخرى على موضوعك الرائع, تم التقييم.

[DRDeAtH]

:ah7:

[A Beautiful Mind]

موضوع رائع جداً م / مصطفى ربنا يباركلك فيها يا رب ويحفظها لك وتتهنى بيها :)

[Eng A7MED]

الف الف مبروك يا باشا
احلى تقيم لعيونك
احب اضيف ان الشاشة ممكن تشتغل عليها ريسيفر اتش دى ويارت لو بيدعم 1080p هتستمتع بيها جدااا
كا تلفزيون ورائعة جداااا فى الالوان وزاوية الرؤية وتعتبر افضل شاشة نزلت فى 2013
سماعاتها نقية وصوتها عالى جداااا ماشاء الله عليهاااا
الشاشة فعلا ممتازة ولا يوجد بها اى عيوب
تتهنا بيها ان شاء الله
انا معايا اختها الكبيرة الـ 27:D

[zezo22]

موضوع رائع والف مبروك ليك يا كبير الشاشة بس كان نقصها مدخل الى لونو ابيض الكبير بس عموما الكابل الى انتا جيبو يا ريت تقولنا تجربتك معاه بالتفصيل ومشكرور على مجهودك الجبار دا يحسب ليك فعلا

[AHMED ELNESR]

الف الف مبروك الشاشة يا غالي ويارب تتهني بيها :)
وانا ناوي اشتريها ان شاء الله
واحلي تقييم للانبوكسنج الرائع :D

[ellassy]

موضوع رائع والف مبروك ليك يا كبير الشاشة بس كان نقصها مدخل الى لونو ابيض الكبير بس عموما الكابل الى انتا جيبو يا ريت تقولنا تجربتك معاه بالتفصيل ومشكرور على مجهودك الجبار دا يحسب ليك فعلا


الله يبارك فيك
بالنسبة للكابل هو شغال معايا كويس
انا جربت عليه فيديو بدقة HD 1080 P والصوت والصورة ممتازين جدا مفيش مشكلة من ناحية البكسل
وشغلت عليه Pes 2013 على اعلى اعدادات وكانت شغاله ممتازة
الكابل انا رافع الكاتلوج بتاعه ممكن تشوف امكانياته .
لو فى طريقة اقدر اعمل بيه اختبار للكابل قولى عليها وانا اعملهولك فار تجارب :D

[ellassy]

الف الف مبروك الشاشة يا غالي ويارب تتهني بيها :)
وانا ناوي اشتريها ان شاء الله
واحلي تقييم للانبوكسنج الرائع :D

الله يبارك فيك يا كبير - البركة فى اختيارك بصراحة طلعت ممتازة بمعنة الكلمة
لو ناوى تجيبها حاول تشتريها بسرعة علشان اعتقد مش هينزل منها تانى للاسف

[hazemsakr]

مراجعه رائعه للشاشه وربنا يباركلك فيها
وتتهني بيها ان شاء الله
الكابل عندي منه ال5 متر
فعلا كابل اكتر من رائع وجودة الصوره ممتاذه جدا عليه وخامته وصناعته نضيفه جدا
......
بالنسبه للشاشه انا كنت بفكر فعلا اجيبها
بس موضوع ips دخل دماغي جدا وهنتظر نزول الشاشه
ASUS MX239H

[whiteknights]

مراجعة رائعة .. فى رأيك ايه الأفضل ...الشاشة دى ولا شاشة ASUS VS239HR IPS 23 inch
مش من ناحية معينة..انهى الأفضل بوجه عام

[whiteknights]

مراجعه رائعه للشاشه وربنا يباركلك فيها
وتتهني بيها ان شاء الله
الكابل عندي منه ال5 متر
فعلا كابل اكتر من رائع وجودة الصوره ممتاذه جدا عليه وخامته وصناعته نضيفه جدا
......
بالنسبه للشاشه انا كنت بفكر فعلا اجيبها
بس موضوع ips دخل دماغي جدا وهنتظر نزول الشاشه
ASUS MX239H

فيه فى السوق حاليا شاشة ASUS VS239HR IPS 23 inch ..و هى IPS ..و هتكون ارخص من الشاشة ال IPS التانية
لو قلقان من موضوع تسريب الأضاءة فكل شاشات ال IPS بيكون فيها تسريب

[mzx404]

تسلم يابشا unboxing افادني جدا

[i.hamdy]

تسلم يا درش بجد موضوع عاجبنى جدااااااااااااااااااااااا