عيب غريب بشاشة اللينوفو Z500 touch

[حاتم عفيفى]

السلام عليكم ورحمة الله

مشرفنا الغالى ارجو الاستفسار منك عن الاتى لاحظت انه عند تحريك الشاشة من الوضع الراسى بزاوية حوالى 30 درجة لاعلى او لاسفل من والوضع الراسى ( القائم ) لاحظت حدوث تشتت فى الصورة والشاشة تطفىء وتنير عدة مرات فى الثانية حتى تثبت الصورة فى النهاية وذلك فى كل مرة احاول تحريكها فيها وكان ذلك والجهاز على الشاحن و عند تغييرى للاعدادات بحيث كان كارت نيفيا هو المختار من الاعدادات وبعد فصل الجهاز فترة وجيزة لاحظت انها قلت جدا وعند الضغط على اسف الشاشة من جهة اليمين قليلا اجدها تتكرر ولكنها لم تعد تظهر عند تحريك الشاشة كالسابق هل هذا عيب مصنعى يستوجب الارجاع ام ماذا وشكرا

[arsenal_henry]

لو الجهاز في فترة الضمان وديه واشرحلهم المشكلة ..

[حاتم عفيفى]

لو الجهاز في فترة الضمان وديه واشرحلهم المشكلة ..

مش المفروض ان مكتبة جرير لو وديت لهم الجهاز واكتشفوا ان العيب ده فعلا موجود انهم يغيروا لى الجهاز بدون نقاش خصوصا وانه ما مر على شرائه اكتر من شهر دا لو التعامل معاهم كويس ولا مالى حق فى انى اطلب الطلب ده مش معقول انهم يدخلوه صيانة ويفكوه وانا لسه جايبه مابقى له شهر وبالسعر ده ايه رايكم

[arsenal_henry]

مش عارف النظام في السعودية ايه بخصوص حق استبدال الجهاز بعد الشراء .. لكن المفروض خلال اسبوعين لو يوجد عيب في الجهاز بتسترجعه ويستبدله بآخر جديد ..

[DELL-i7]

راجع ورق الضمان،
لكن اعتقد زي ما قالك المشرف فوق،
ان اغلب فترات الاستبدال لعيوب الصناعة بيكون خلال 14 يوم ليس اكثر من تاريخ الشراء,

و الاول بردو لازم يروح للضمان يتأكد انه عيب صناعة مش سوء استخدام منك انت

[حاتم عفيفى]

الحمد لله امبارح وديت الجهاز وفحصوه وبعتوه للضمان يتصلح واتقال ان العيب ممكن يكون فى الكابل الواصل بين الشاشة والبوردة بس فيه حاجة مضيقانى وهيا ان التصليح هايؤدى لفتح الجهاز وخايف انه ما يتم تقفيله زى ما كان جاى من بلاده فيفقد جماله خصوصا وان الاصلاح مش فى توكيل لينوفو نفسه ولكن بقسم الصيانة فى مكتبة جرير فرع جدة مع انى سلمته فى مكة فخايف من النقطة دى ربنا يستر واى جديد هابلغكم بيه

[DELL-i7]

لا ما تقلقش من النقطة دي،
ان شاء الله بيرجع زي الاول بالظبط بدون اي شيء،
لأنهم بيسجلو حالة اللاب الخارجية، الخدوش، اي كسور ، او خلل في الشكل الخارجي،
لأنك بتستلمه زي مانت موديه بالظبط، مش هيصلحولك حاجة و يضرو حاجة تانية لأنك ممكن تبهدلهم في كدة

[حاتم عفيفى]

لا ما تقلقش من النقطة دي،
ان شاء الله بيرجع زي الاول بالظبط بدون اي شيء،
لأنهم بيسجلو حالة اللاب الخارجية، الخدوش، اي كسور ، او خلل في الشكل الخارجي،
لأنك بتستلمه زي مانت موديه بالظبط، مش هيصلحولك حاجة و يضرو حاجة تانية لأنك ممكن تبهدلهم في كدة

انا معاك بس لو كتبت صيانة جرير فى جدة فى بحث جوجل هاتطلع لك فضايح وحتجات مش مصدقها تحس ان هواه هما الى بيعملوا صيانة لدرجة خوفتنى والله وخلتنى كنت هاروح اجيبه منهم واصلحه على حسابى انا باستغرب ليه ما يودوه للوكيل الاصلى ليه هما الى يجازفوا باصلاحه ويضيعوا الضمان الاصلى بتاعه مع انى دخلت النت وسجلته بلينوفو والضمان شغال من الشركة الام تفتكروا لو كلام الناس الى على النت ده صح هاقدر اخد حقى منهم خصوصا وانا اجنبى مش بن البلد ارجو الافادة

[DELL-i7]

مش عارف بقي, انت ادري بجرير و معاملتهم،
بس روح لهم و اكد عليهم علي النقط دي
يمكن بيبقي في سوء تفاهم ، او مافيش مصداقية للي منزل المواضيع .. الخ

اكد عليهم علي حالة اللاب تكون كما هي عند التسليم بدون اي مشكلة اضافية و ان شاء الله مايكونش في مشاكل

[arsenal_henry]

بالاضافة لكلام العضو الكريم DELL-i7 (https://arabhardware.net/forum/member.php?u=11310340)، انت عملت الصح حتى الآن والجهاز كان فيه عيب ووديته للصيانة لمحل الشراء وهما يتصرفوا .. لو لا قدر الله الجهاز رجع بنفس العيب او بعيب آخر زي ما انت قلت تقفيل سئ مثلاً هتروح وتوريلهم المشكلة ومتسيبش الجهاز الا لما يرجع زي ما كان وساعتها انت هتبقى في مركز قوة .. لا تقلق ..