مشكلة فى لاب Samsung NP300E5X-S03

[Mahmoud Essam]

السلام عليكم و رحمه الله و بركاته

الموضوع هو ان قريبي اشترى لاب Samsung NP300e5X-S03 يوم الاثنين اللى فات هوه فى الاساس كان نازل عشان لاب Samsung NP300E5V-S03 و لكن للاسف ملقهوش فأشترى E5X . البائع اعطي له الاب خارج من الكرتونه و لما قاله الاب خارج ليه قاله دة كان فى العرض فاشترى الاب لما روح و ورانى الاب لقيت فيه مسمار فى الاب و هوه المسمار الخاص بالهارد و الرامات فيه خدوش جامدة و باين عليه انه اتفك قبل كدةو ديه صورة المسمار -من هنا (https://img577.imageshack.us/img577/5513/h7pw.jpg)- . فامبارح راح قريبى للبائع عشان يرجع الاب البائع قاله و اللهى انا مبفكش الابتوبات و كدة و اتصل بتوكيل مترا و التوكيل قال لقريبى ابقى هاتلى الاب يوم الاحد القادم عشان يشوفه . بالنسبة للهارد فى الجهاز فهو Seagate و شوفت ببرنامج HDD life عدد ساعات تشغيل الهارد كان نفس الساعات منذ بداية تشغيل قريبى للجهاز . فدلوقتى التوكيل لو قال ان الاب دة اتفك قبل كدة حتى لو متغيرش فيه حاجة يبقى من حق قريبى انه يغير الاب او يسترد فلوسه ولا اية النظام فى الحالة ديه ؟ و الشركة اللى اشتره منها هى Micro Labs اللى فى مول كمبيوسيتى فى المهندسين .

[DELL-i7]

عليكم السلام ورحمة الله،

بص هو الحق معاه تماما انه مايشتريش لاب خارج من الكرتونة ولازم القفل بتاع شهارالشركة يكون علي مكان الفتح مباشرة وبدون اي لحام او لزق تاني,

حصل معايا في لاب ديل 5537, البائع قالي نفس القصة، ان الكرتونة مفكوكة في الجمرك لأنه جاي طيران,

مفروض ان نظام التشغيل معاه ubuntu،
باشغل اللاب لأول مرة لقيته بيقولي مافيش نظام تشغيل, و راجعت مسامير الهارد لقيتها فعلا مخدوشة مقارنة بباقي المسامسر,
تاني يوم روحت للبائع وبدون تردد منه كلم الوكيل و قاله كذا كذا, رد عليه الوكيل قاله عادي رجعلي اللاب,

وانا واقف مع البائع, راح ملمع اللاب و مكيسه تاني و دخله كرتونته,
- طيب ان اضمن منين ان مافيش حد قبلك عمل نفس الحركة ؟-

و في نفس الوقت غيرت اللاب بواحد جديد مقفول كرتونته و مافيهوش غلطة,

هو ممكن ميكونش هيأثر علي امكالنيات اللاب او اداؤه،
بس افكرة في الوسوسة بقي وان لو اللاب عطس، هيبقي بيعطس عشان كان مفتوح من كرتونته و فيه حاجة متغيره،
و مش هارتاح نفسيا الا اما اغيره تاني,

فانت لو الموضوع بالنسبالك هيدايقك، يبقي لازم تغيره مباشرة،
و الحق معاك تماما, المهم انك تصمم علي كلامك مايسكتكش باي كلمتين و تقتنع وتروح باللاب تاني عشان انت اللي هتتعب فيه بعد كدة

[Mahmoud Essam]

شكرا علي ردك اخي الكريم. هوه قريبي اللي متبتش معاه في موضوع الكرتونة ده لان اي قطعه بيبقي عليها شريط الامان بس النصيب. هوه هيروح التوكيل يوم الاحد و هيقوله ايه النظام ؟ بس هوه باين علي المسمار انه مفكوك كان اللي فكه فكه بسكينه مش بمفك . بس المشكلة ان البائع ممكن يرخم و يقوله انت اللي فتحت الجهاز و الشغل ده ؟. انا فاهم ان الموضوع من هياثر اوي بس واحد شاري حاجه جديده و في الاخر تطلع مفتوحه. و المشكله برضوا ان الاب اللي. انت اشتريته كان عليه os اوبونتو لكن الاب السامسونج مش عليه نظام تشغيل.

Sent from my BT230 using Tapatalk