استفسار عن galaxy young s6312

[bebo bob]

السلام عليكم
انا محتار جدا بين galaxy young s6312 و alcatel m pop
وانا استخدامى نت والعاب تقيلة جدا زى Modern Combat 4 Zero Hour
ومحتار بينهم
والعيوب الى عرفتها عن alcatel m pop
ان البطارية ضعيفة جدا والتاتش بطئ والموبايل بيهنج وبيعلق وبيفصل ويسخن كتيييير
وعيوب اليونج
الكاميرة وحشة شوية ومفهاش تركيز تلقائى فقط
وفى واحد نصحنى انى اشترى samsung galaxy s duos 2 مستعمل خفيف
هيكون عامل من 900 الى 1000
وانا الميزانية لا تتعدى ال1000 بقرش
وانا نازل الاسبوع دة ان شاء الله

[linux.egypt]

والعيوب الى عرفتها عن alcatel m pop
ان البطارية ضعيفة جدا والتاتش بطئ والموبايل بيهنج وبيعلق وبيفصل ويسخن كتيييير
وعيوب اليونج
الكاميرة وحشة شوية ومفهاش تركيز تلقائى فقط



بالعيوب دي كلها أنا شايف الموبايل لقطة بصراحة و ميتعوضش :p:D
أخي الكريم ما رأيك لو حاولت أن تزيد الميزانية قليلاً و تتجه لسوني ميرو

[bebo bob]

بالعيوب دي كلها أنا شايف الموبايل لقطة بصراحة و ميتعوضش :p:D
أخي الكريم ما رأيك لو حاولت أن تزيد الميزانية قليلاً و تتجه لسوني ميرو


انا بقول كدة برضوا عيبوبه مخبية مميزاته :)
علشان كدة بفكر اشترية :D:D:D:D:D:D
لا بجد انا عايز اتأكد من الكلام دة
وللاسف مينفعش ازود قرش زيادة لان دة اخرى جدا جدا جدا

[linux.egypt]

من خلال البحث أغلب الأراء إتفقت على
مميزاته - سريع - دوال كور - شاشة كبيرة وسعر منافس لسامسونج
عيوبه - سخونة بسبب نوعية البروسيسور والبطارية متوسطة الأداء صعوبة الحصول على إكسسوار

[bebo bob]

طيب وبالنسبة ان البطارية ضعيفة جدا والتاتش بطئ والموبايل بيهنج وبيعلق وبيفصل ويسخن كتيييير
دة حقيقى ولا
وكمان الى مخلينى خابف منه ان alcatel مش مشهور ومش معروف خالص فى مصر زى مانت عارف
لكن السامسونج مش محتاجة حد يتكلم عنها لانها معروفة جدا

[linux.egypt]

طيب وبالنسبة ان البطارية ضعيفة جدا والتاتش بطئ والموبايل بيهنج وبيعلق وبيفصل ويسخن كتيييير
دة حقيقى ولا
وكمان الى مخلينى خابف منه ان alcatel مش مشهور ومش معروف خالص فى مصر زى مانت عارف
لكن السامسونج مش محتاجة حد يتكلم عنها لانها معروفة جدا
كما ذكرت لك من قبل هذه الأراء التي أجمع عليها مالكي هذا الهاتف طبقاً للبحث
إما أن تصبر قليلاً و تزيد المبلغ لتكون خياراتك كثيرة و ليست محصورة
أو أن تتجه للسامسونج بلا أي تردد لشهرته و دعمه

[bebo bob]

كما ذكرت لك من قبل هذه الأراء التي أجمع عليها مالكي هذا الهاتف طبقاً للبحث
إما أن تصبر قليلاً و تزيد المبلغ لتكون خياراتك كثيرة و ليست محصورة
أو أن تتجه للسامسونج بلا أي تردد لشهرته و دعمه

شكرا يا غالى على ردك واهتمامك :)
وسانتظر ردود باقى الاعضاء

[Ghost Of Death]

بصراحة يا غالى مفيش موبايل بالف جنية هايستحمل العاب تقيلة ويبقى شغال معاك كويس
اغلب الموبايلات اللى بالف لو هاتستخدمها استخدام تقيل زى مانت بتقول هاتهنج منك وهاتسخن لان البروسيسور مش هايكون حلو اوى والرامات قليلة
بالنسبة لاستفسارك فسامسونج ف الاسعار دى بتبقى مش حلوة بصراحة اغلبها بيهنج وبيسخن لو كان استخدام جامد ، الكاتيل شركة مش مشهورة زى مانت بتقول بس مش وحشة ولكن عيبها الكاميرا مش حلوة خالص .. بس بشكل عام مش هاتلاقى موبايل بالف جنية يستحمل لعب تقيل زى مانت عاوز

عامة انا رائى .. عاوز موبايل يشتغل العاب تقيلة وجامدة وميهنجش منك على قد فلوسك ؟ يبقى تجيب موبايل galaxy s3 mini مستعمل بس تجيبوا استعمال نضيف وتقدر تعدى على اكتر من محل بتاع موبايلات يأكدلك عليه كويس او لأ .. وتتأكد انه اصلي مش هاي كوبي لأن فيه ناس بتبيع هاي كوبى على اساس انه اصلي ومستعمل

[Ghost Of Death]

[/QUOTE]

على فكرة يا غالى سونى اكسبريا ميرو البروسيسور بتاعو مش حلو ومش هاينفع معاك !

عشان كدة انا نصحتك ان احسن حل ليك تجيب جالاكسي اس ثري ميني مستعمل .. او ممكن تجيبوا تقسيط لو يهمك يكون جديد وبكدة انت ريحت دماغك من المشاكل اللى ممكن تواجهك ف الالعاب من تهنيج وسخونة والكلام دة لان الميني ممتاز ف الالعاب بس اهم حاجة لو جبتوا تبقى تحمل برنامج الكلين ماستر وتبقى تسيب مساحة 750 ميجا او جيجا فى الذاكرة الداخلية عشان اي موبايل لما بتملى الذاكرة الداخلية على الاخر بيهنج ايا كان نوع الموبايل فتبقى تسيب جزء فاضي كدة :)

[bebo bob]

اولا انا بشكرك جدا على الرد
ثانيا هو galaxy s3 mini مستعمل استعمال خفيف مظنش انه مش هيكون اقل من 1200 جنية صح ولا اية ؟
وللاسف انا معيش قرش زيادة ومبحبش التقيسط خالص :D
وكمان انا شوفت فديو للعبة الى انا ذكرها شغالة على اليونج ود الفديو

https://www.youtube.com/watch?v=PW15DkUxIiw

(وما هو الاصلى والهاى كوبى وما الفرق بينهم):D:D:D

[Ghost Of Death]

من قبل ماشوفو الفيديو .. عادي جداً ممكن تشتغل على اليونج مرة واتنين بس مع مرور الوقت لماتلعب جامد ووقت طويل شوية وتحمل اكتر من لعبة ساعتها هاتحس بالسخونية والتهنيج اللى انا اقصده .. انما انك تحط اللعبة لوحدها على الجهاز وتفتحها وقت بسيط طبيعى مش هايبقى في اي مشاكل فكلامى ليك بشكل عام على الاستخدام والمدى الطويل مش لعبة واحدة تحملها ومتلعب شغيرها نص ساعة فى اليوم

الفرق بين الاصلي والهاي كوبي ان الاصلي بيبقى موبايل من شركة سامسونج انما الهاي كوبي بيبقى الموبايلات اللى انت بتشوف اعلانتها فى التلفزيون كاميرا 8 ميجا كمثال وحوارات ولكن كاستخدام هاتلاقيها موبايلات تعبانة والميزة الوحيدة فيها ان شكلها نفس شكل موبايلات سامسونج يعنى اللى بيمسكها للمنظرة لا اكثر ولا اقل

اس ثري ميني تقسيط ممكن يعمل الف و200 و والف و300 لو بالضمان ومن فترة قريبة شوية بردو وممكن بردو تلاقى حد معاه الموبايل من فترة طويلة نوعا ما بالف عشان عاوز يخلص منه ويجيب اجدد وهاتلاقى ناس كتير كدة ممكن تخسر جامد عشان تاخد فلوس بأى طريقة المهم يكون كويس لان الموبايل عامة بيستحمل ماشاء الله عكس موبايلات تانية بعد كام شهر مستواها بيقل بفرق شاسع .. شوف المحلات اللى بتبيع مستعمل او مواقع دوبيزل وبكام والمواقع اللى بتعمل اعلانات مستعمل وشوف الناس هناك بيبعوها بكام واتفق مع حد اهم حاجة يكون نضيف
عامة اليونج لو جبتوا ممكن يشتغل معاك تصفح نت واستخدام عادى انما ميصلحش للاستخدام التقيل لعب تقيل وكدة ومش هايكمل معاك فترة قريبة وهاتلاقيه ابتدى يتعب من الاستخدام

[bebo bob]

من قبل ماشوفو الفيديو .. عادي جداً ممكن تشتغل على اليونج مرة واتنين بس مع مرور الوقت لماتلعب جامد ووقت طويل شوية وتحمل اكتر من لعبة ساعتها هاتحس بالسخونية والتهنيج اللى انا اقصده .. انما انك تحط اللعبة لوحدها على الجهاز وتفتحها وقت بسيط طبيعى مش هايبقى في اي مشاكل فكلامى ليك بشكل عام على الاستخدام والمدى الطويل مش لعبة واحدة تحملها ومتلعب شغيرها نص ساعة فى اليوم

الفرق بين الاصلي والهاي كوبي ان الاصلي بيبقى موبايل من شركة سامسونج انما الهاي كوبي بيبقى الموبايلات اللى انت بتشوف اعلانتها فى التلفزيون كاميرا 8 ميجا كمثال وحوارات ولكن كاستخدام هاتلاقيها موبايلات تعبانة والميزة الوحيدة فيها ان شكلها نفس شكل موبايلات سامسونج يعنى اللى بيمسكها للمنظرة لا اكثر ولا اقل

اس ثري ميني تقسيط ممكن يعمل الف و200 و والف و300 لو بالضمان ومن فترة قريبة شوية بردو وممكن بردو تلاقى حد معاه الموبايل من فترة طويلة نوعا ما بالف عشان عاوز يخلص منه ويجيب اجدد وهاتلاقى ناس كتير كدة ممكن تخسر جامد عشان تاخد فلوس بأى طريقة المهم يكون كويس لان الموبايل عامة بيستحمل ماشاء الله عكس موبايلات تانية بعد كام شهر مستواها بيقل بفرق شاسع .. شوف المحلات اللى بتبيع مستعمل او مواقع دوبيزل وبكام والمواقع اللى بتعمل اعلانات مستعمل وشوف الناس هناك بيبعوها بكام واتفق مع حد اهم حاجة يكون نضيف
عامة اليونج لو جبتوا ممكن يشتغل معاك تصفح نت واستخدام عادى انما ميصلحش للاستخدام التقيل لعب تقيل وكدة ومش هايكمل معاك فترة قريبة وهاتلاقيه ابتدى يتعب من الاستخدام
اة خلاص انا فهمت قصدك اية
انا ناوى انزل محل دريم 2000 او راديو طلعت واشوف الاحوال اية
شكرا جدا يا غالى عل تعبك معايا :)