مساعدة فى شراء Dell 5537 الـ i5 و كارت الشاشة 8730 [الأرشيف]

مشاهدة النسخة كاملة : مساعدة فى شراء Dell 5537 الـ i5 و كارت الشاشة 8730

Dr. Aspire

05-01-2014, 21:45

السلام عليكم و رحمة الله و بركاته
بعد إذن الشاب .. أنا نازل بكره اشتري لاب ان شاء الله
استقريت على Dell 5537 الـ i5 و كارت الشاشة 8730
في كام استفسار كده
اولا ايه ارخص الاماكن اللي اجيب منها
انا عامة نازل سوق العصر و السخاوي لو حد يعرف محل مضمون يقول عليه
الحاجة التانية بالنسبة للاب نفسه انا جايبه علشان الألعاب "مش التقيلة اوي يعني"
يعني آخري معاه COD مثلا او BF
هل كارت الشاشة ده افضل ولا 8670
انا عارف ان الفرق بينهم بسيط .. بس في مصلحة انهو واحد؟
حاجة اخيرة ايه الاحتياطات اللي اعملها علشان ما البسش في لاب ريفيربيشد؟
و لكم جزيل الشكر :)

AhmedouviX

05-01-2014, 21:59

DELL-i7

05-01-2014, 22:04

عليكم السلام,

تقصد ايه بـ "لاب ريفيربيشد" ؟
تقصد لاب استخدم قبل كدة و بيتعمله اعادة بيع؟

اتاكد انك بتاخد الكرتونة مقفولة تماما مفيش فيها اي فتح، و الشريط اللاصق بتاع ديل موجود مكان الفتح فوق و سليم
اتاكد من مسامير اللاب كويسة و مافيش فيها اي خدس

اما بتشغل اللاب لأول مرة بيفتحلك علي صفحة ادخال اليوزر الخاص بنظام التشغيل ليكمل عملية التسطيب، سواء النسخة كانت ويندوز او لينكس
لو غير كدة يبقي اللاب اتفتح قبل كدة و اتفرمت و اتباعلك مرة تانية

Dr. Aspire

05-01-2014, 23:57

اللاب مش ريفيربيشد لما تلاقي الكرتونه ملزوق عليها ستيكر الضمان BDL او Quest و ارخص الاماكن من المحلات العاديه مش الكبيره

و 8730 افضل بكتير لان 8670m ده 64bit

زي كارت انفيديا الي ف لينوفو z500 - z510

دي مراجعه الكارتين ال 8670 مش مشغل حاجه لكن 8730m قادر علي اعلي الالعاب

https://www.notebookcheck.net/AMD-Radeon-HD-8730M.87149.0.html
https://www.notebookcheck.net/AMD-Radeon-HD-8670M.87211.0.html

تسلم يا استاذ احمد على لينك المراجعات
و تسلم على النصائح

عليكم السلام,

تقصد ايه بـ "لاب ريفيربيشد" ؟
تقصد لاب استخدم قبل كدة و بيتعمله اعادة بيع؟

اتاكد انك بتاخد الكرتونة مقفولة تماما مفيش فيها اي فتح، و الشريط اللاصق بتاع ديل موجود مكان الفتح فوق و سليم
اتاكد من مسامير اللاب كويسة و مافيش فيها اي خدس

اما بتشغل اللاب لأول مرة بيفتحلك علي صفحة ادخال اليوزر الخاص بنظام التشغيل ليكمل عملية التسطيب، سواء النسخة كانت ويندوز او لينكس
لو غير كدة يبقي اللاب اتفتح قبل كدة و اتفرمت و اتباعلك مرة تانية

اها ده اللي اقصده بالظبط
طيب لو اللاب جاي من غير ويندوز الشاشة دي بردو بتظهر في الاول؟؟

DELL-i7

06-01-2014, 00:34

لا لو هو من غير نظام تشغيل، مابيكونش عليه اي حاجة,
او اللي اشترو قبل كدة جهاز مكتوب عليه Free-dos يفيدوك اكتر

بس طالما في شعر لنظام التشغيل موجود علي اللاب، اذا لازم بيكون متسطب قبل كدة وانت بتكمل بس خطوات التسطيب

arsenal_henry

06-01-2014, 09:56

لو شاري الجهاز من غير نسخة ويندوز Free Dos مش هتدخل على اي حاجة غير شاشة الدوس السودا وتدخل شوية تواريخ بس .. وبتنزل نسخة ويندوز من عندك ويفضل تكون Win 7 Ultimate x64 او professional .. او win 8 enterprise x64 ..

DELL-i7

06-01-2014, 12:22

تمام يبقي كدة باي حال من الاحوال,
مش هيقولك
no bootable device found
ولا هيجي نظام تشغيل شغال اصلا للاستخدام مباشرة بدون ادخال معلومات اليوزر واكمال تسطيبه

checo4lamor

06-01-2014, 12:28

بالنسبة لكرت الشاشة هيبقا الكرت ده افضل
8730 بالنسبة للنقطة التانية للاسف مليش علم فيها خالص و اتمنى ان حد يفيدك و يفدنى

Dr. Aspire

09-01-2014, 23:05

الف شكر ليكم يا جماعة على المساعدة و المعلومات القيمة
انا اشتريت لاب 3521
Core i5
4GB RAM
1TB HDD
2GB AMD 8730m

الـ 5573 الكور آي 5 مافيش منه نازل بكارت شاشة 8730
كله نازل بكارت 8650 - 8670
و دول الباص ميموري بتاعهم 64 بت .. يعني شلل :)

وبناء عليه اشتريت 3521 من شركة كانون
ناس محترمين جدا ومش اول تعامل معاهم الحمد لله
اشتريت اللون الاسود "في قمة الشياااااااكة" وكان هو اللون الوحيد المتوفر
دلوقتي في حاجة .. هو اللاب ده يقدر يشغل need for speed rivals
هي بتشتغل وكل حاجة وبتخش اللعبة وفجأة تقوم مهنجة و تقفل
سؤال تاني انا لما اشتريته الراجل مشكورا نزللي وفر عليا تسطيب الويندوز و عملي التعريفات وكل حاجة
بس انا قريت هنا في كذا موضوع ان لازم التعريفات تتعمل من موقع Dell
فدلوقتي ايه الكلام؟؟ اكمل عادي بالنسخة والتعريفات اللي هو معرفهوملي ولا افرمت و ابدأ على نضيف؟؟
سعر اللاب : 4200 وبينزل من غير نسخة

arsenal_henry

10-01-2014, 13:09

مبروك عليك اللاب ..
بالنسبة لموضوع التعريفات .. لو كل حاجة متعرفة تمام وكارت الشاشة الـAMD بالذات وتقدر تضيف الالعاب عشان تشتغل عليه، مفيش داعي انك تنزل نسخة جديدة .. بالنسبة للعبة NFS Rivals .. هل اللعبة بتشتغل فترة مثلاً وبعد كدة بتطلع .. ولا مش بتشتغل ؟

Dr. Aspire

10-01-2014, 17:45

arsenal_henry

10-01-2014, 18:44

الله يبارك فيك
اها الكارت وكله شغال تمام
اللعبة فعلا بتشتغل شوية كده و تفصل
بس مش اكتر من 5 دقايق مثلا
ممكن يكون عيب في اللعبة ..

Momenkarim

11-01-2014, 23:19

بخصوص المكان عليك وعلى وكيل ديل اللى هو كويست اتصل عليهم ولو غالى عن السعر اللى انت شايفه هاته برده لانه حيكون مضمون انه مش ريفريش تانى حاجه ضمان اصلى من الوكيل لو اى حاجه فيه روح ارميه عندهم وتانى يوم هيقولك تعالى استلم واحد مكانه جديد ده غير انهم وكيل لديل معتمد

Stareio

12-01-2014, 00:34

الجهاز ده انا ناوي اشتريه بس هو عند كل الناس بكارت hd8670 و ماعدا مكان واحد بس بيبيعه بـ hd8730 و الموقع الرسمي لديل مش منزل تعريف غير ل Hd8670

arsenal_henry

12-01-2014, 12:47

الجهاز ده انا ناوي اشتريه بس هو عند كل الناس بكارت hd8670 و ماعدا مكان واحد بس بيبيعه بـ hd8730 و الموقع الرسمي لديل مش منزل تعريف غير ل Hd8670
هو تقريباً كده بييجي بكارت 8670M فقط .. وممكن يكون خطأ في امكانيات الجهاز تبع موقع البيع ..
لان فعلاً مفيش غير تعريف كارت 8670M للنسخة الـi5 ..

Hany Mohamed Nigma

12-01-2014, 14:32

مبروك عليك
ربنا يديك خيره ويمنع عنك شره

need for speed rivals يتيغشل على اجهزة اقل قوة مثل ديل 5110 بكارت انفيديا 525

للتعريفات
https://arabhardware.net/forum/showthread.php?t=376544
لتقسيم الهارد لاول مرة
https://arabhardware.net/forum/showthread.php?t=375282
ويندوز خام اصلي غير معدل
https://arabhardware.net/forum/showthread.php?t=370205

اتمنى المرة القادمة تكتب عنوان موضوع يدل على محتواه حتى لا تتعرض للمخالفة

Hany Mohamed Nigma

12-01-2014, 14:37

تم تعديل العنوان بمعرفتي ورجاءا كتابة عنوان يوضح المحتوى حتى لا تتعرض للمخالفة

Hany Mohamed Nigma

12-01-2014, 14:39

الجهاز ده انا ناوي اشتريه بس هو عند كل الناس بكارت hd8670 و ماعدا مكان واحد بس بيبيعه بـ hd8730 و الموقع الرسمي لديل مش منزل تعريف غير ل Hd8670

في حل بسيط جدا ووارد انه يكون بكارت مخالف

للتأكد
ادخل على موقع ديل بسيرفز تاج الجهاز نفسه وتجده على الكارتونة وعلى الجهاز

ممكن تلافقي تعريف الكارت موجود لكن لهذا الجهاز فقط