المساعد الشخصي الرقمي

مشاهدة النسخة كاملة : هل المعلومة الخطير دى صحيحة فعلا .. تساوى قدرات المعالج i7 مع i3 فى اللاب توب ؟؟!!


hany mix
07-01-2014, 12:34
السلام عليكم ورحمة الله وبركاته

اخونـا الحبيب Ahmed.Elsayed (https://arabhardware.net/forum/member.php?u=11233940)

ذكر معلومة خطيرة فى الموضوع ده
( قبل الشراء ) تعرف على معالجات أنتل المختلفة لأجهزة اللابتوب (https://arabhardware.net/forum/showthread.php?t=372231)






الاخ السائل / خالد

يعنى معنى الكلام ده ان نواه معالج i7 الترا ثنائى النواه هيا نفسها نواه معالج i5 او i3 ؟؟
يعنى مثلا لو معالج i7 ثنائى النواه تردده 3 ومعالج i5 ثنائى النواه تردده 3.2 يبئا كدا ال i5 اقوى؟؟؟
اصل انا كنت قرأت هنا ان نواه معالج i7 الثنائى النواه اقوى من نواه معالج i5 وi3 وان الفرق بين اداء المعالج ده ورباعى النواه 10% عشان النواه بتاعت i7 الالترا اقوى من العاديه فهل الكلام ده صح ولا ايه ياريت التوضيح عشان انا كدا اتلخبط


Ahmed.Elsayed (https://arabhardware.net/forum/member.php?u=11233940)
الفرق ما بينهم يكون بسيط ولا يستدعى الزيادة الكبيرة فى السعر لكن الكثيرين ممكن أن يشترى جهاز I7 معتقدا بأنه جهاز يحتوى على معالج قوى لكنه ممكن أن يكون ثنائى الأنوية وبتردد أقل من بعض معالجات ال I3 وال I5 فلا يقدم أى جديد بجانب زيادة السعر وهذا ما أردت توضيحه فى هذا الموضوع.




معنى الكلام ده ان لو انا عايز اشترى لاب توب للـجرافيك
(فوتوشوب.. وتحرير فيديو .. بريمير وغيره )
المعالج i7 مش هيديني اكتر من اداء الـ i5 او i3 ؟؟

فى ظل ميزانيتى المتكحرته :D وفروق الاسعار الرهيبة بينهم
المعلومة دى تعتبر كنز وتستاهل عليها الـ حلاوة :D

سؤال .. معلش .. طالما هوفر سعر البروسيسور بئى :D ؟؟

س1/ انا لو عايز لاب للجرافيك ممكن اجيب حاجة i3 ولا i5 ؟؟
ولا بردة الفرق فى الاداء مش بالدرجة الكافية ؟؟ واجيب الارخص i3 وخلاص ؟؟
ويكون التردد والنواة بتاعته كام والكاش عشان تبقى قريبة للـ i7
عشان مبفهمش ف الكلام دا خالص :D ؟؟
_______________________________

س2/ الاداء فى الجرافيك وشغل الريندر وتحرير الفيديو
يحتاج اعلى فى ايه ؟؟ الرامات مثلا وايه تانى طالما هوفر سعر البروسيسور .. ؟؟
_______________________________

س3/ فى شغل الجرافيك انهى نوع افضل الـ DELL ولا الـ TOSHIBA ؟؟
وايه الاصدارات الحديثة من الاثنين ؟
انا عارف انه بيعتمد على الامكانيات بس انا بتكلم عن الاداء العام للشركة
بالنسبة لشغل الجرافيك والفحت ..
_______________________________
..
كان ودي
07-01-2014, 13:45
فعلآ الشركات اصبحت تأخذ طريق الاحتيال وخاصة لمستخدمي اللابتبات لان الاغلبية منهم هواية تصفح فقط وتجدة يأخذ من اعلي فئة
والسبب الجهل للمستخدم
اما حكاية الفروقات بين ال 3 و 5 و7 هناك فروقات لاكن طفيفة جدآ ويقصد اخي احمد ان المستخدم لو علم ان الفرق بين المعالجات طفيف لما فكر في فئة اعلي
انا بصراحة ضد اي شخص مصمم او مهندس ويحتاج شغل كبير ان يتجة الي لابتوب
يأخذ تجميعة ولو حب زيادة اداء يستطيع كسر سرعة المعالج لسرعات ممتازة وبحرارة جيدة
hany mix
07-01-2014, 14:47
فعلآ الشركات اصبحت تأخذ طريق الاحتيال وخاصة لمستخدمي اللابتبات لان الاغلبية منهم هواية تصفح فقط وتجدة يأخذ من اعلي فئة
والسبب الجهل للمستخدم
اما حكاية الفروقات بين ال 3 و 5 و7 هناك فروقات لاكن طفيفة جدآ ويقصد اخي احمد ان المستخدم لو علم ان الفرق بين المعالجات طفيف لما فكر في فئة اعلي
انا بصراحة ضد اي شخص مصمم او مهندس ويحتاج شغل كبير ان يتجة الي لابتوب
يأخذ تجميعة ولو حب زيادة اداء يستطيع كسر سرعة المعالج لسرعات ممتازة وبحرارة جيدة

شكرا اخى الحبيب على اهتمامك وإفادتك ..
طيب معنى الكلام دا انى انا لو محتاج جهاز للجرافيك ممكن اوفر فرق السعر بين الـ i7 والـ i3 وأجيب بروسيسور i3 اعلى تردد واعلى كاش
والفرق فى السعر ازود بيه الرامات .. تعتقد دا هيبقى اسرع واعلى اداء بالنسبة للجرافيك من ما اجيب بروسيسور i7 ؟؟؟

بالنسبة لجزء اللاب والدسك توب بصراحة اقتعتنى .. وقدمت طلب فى قسم التجميعات لطلب تجميعة كيسة . شكرا يا استاذنـا :)
Saudi_2014
07-01-2014, 15:06
تم تعديل الرد واعتذر جدااا للأخ الكريم أحمد السيد
hany mix
07-01-2014, 15:21
لأ اخوي دا كلام فاضي ال i7 يتفوق علي ال i3 بفارق جباااااااااار

هتيحرونـا يا جماعة :) .. طيب ايه رأيك فى كلام الاستاذ / كان ودى .. واستاذ / احمد السيد فى الموضوع ده
( قبل الشراء ) تعرف على معالجات أنتل المختلفة لأجهزة اللابتوب (https://arabhardware.net/forum/showthread.php?t=372231)
DoDZz38
07-01-2014, 18:43
بص انا هجبلك الفولا بص بقى باشا الi7 فيه منه موديلات كتير فيه منه الثنائى النوة دا موديل موفر للطاقة بيشتغل تقريبا ب17 وات بتردد 1.8ل3.1 و 4 ميجا كاش رام الi5 العادى دا بيشتغل من 2.6ل3.2 تقريبا و3ميجا كاش اظن كدا الرؤية ظهرت وعلى فكرة الi7 فيه منه نسخ رباعى النواه و6ميجا كاش زى 4700QM انت كل الى عليك انك تعرف موديل الi7 في اللاب الى انت بتشترى انا معايا y510p دا بروسيسور بتاعوا 4700Qm رباعى نوة و6 ميجا كاش وترددمن2.4ل3.4
hany mix
07-01-2014, 19:09
بص انا هجبلك الفولا بص بقى باشا الi7 فيه منه موديلات كتير فيه منه الثنائى النوة دا موديل موفر للطاقة بيشتغل تقريبا ب17 وات بتردد 1.8ل3.1 و 4 ميجا كاش رام الi5 العادى دا بيشتغل من 2.6ل3.2 تقريبا و3ميجا كاش اظن كدا الرؤية ظهرت وعلى فكرة الi7 فيه منه نسخ رباعى النواه و6ميجا كاش زى 4700QM انت كل الى عليك انك تعرف موديل الi7 في اللاب الى انت بتشترى انا معايا y510p دا بروسيسور بتاعوا 4700Qm رباعى نوة و6 ميجا كاش وترددمن2.4ل3.4

شكرا يا دودوز .. بصراحه اضافه مميزه فهمتنى الدنيا .. ;)

طيب دلوقتى الفرق فى السعر بين الـ i7 الرباعى النواه والـ i3 يستاهل فرق السعر الكبير ده ؟؟
يعنى وانا شغال فى المونتاج دلوقتى هيبقى فيه فرق رهيب بين الاتنين فى الاداء والسرعة ؟؟

وهل يمكن الاستغناء عن الـ i7 بسبب سعره العالى واستخدام الـ i3 بدل منه ؟؟
والاستفادة بفرق السعر فى تعلية الرامات ..
لان اعتقد ان الرامات هى العامل المؤثر فى الرندر والموانتاج .. ولا انا غلطان ؟؟
DoDZz38
07-01-2014, 19:21
شكرا يا دودوز .. بصراحه اضافه مميزه فهمتنى الدنيا .. ;)

طيب دلوقتى الفرق فى السعر بين الـ i7 الرباعى النواه والـ i3 يستاهل فرق السعر الكبير ده ؟؟
يعنى وانا شغال فى المونتاج دلوقتى هيبقى فيه فرق رهيب بين الاتنين فى الاداء والسرعة ؟؟

وهل يمكن الاستغناء عن الـ i7 بسبب سعره العالى واستخدام الـ i3 بدل منه ؟؟
والاستفادة بفرق السعر فى تعلية الرامات ..
لان اعتقد ان الرامات هى العامل المؤثر فى الرندر والموانتاج .. ولا انا غلطان ؟؟





هقولك بص هو انا مش خبرة اوى في المونتاج والرندر بس اعتقد انو هيحتاج الi7 لانو رباعى وهيفيدك اوى دا غير الi3 مينفعش يعلى التردد بتاعه يعنى الفرق بين الi5 و الi3 الi5 مثلا في موديل من مديلاته 3230m دا تردده من 2.6 ل3.1 ال i3 بقى مثلا لو جبته موديل منه فرضا شغال بتردد 2.4 هيفضل شغال ب2.4 وعمروه ماهيزيد عن ال2.4 لان مفهوش الخاصية الى تخليه يعلى ل2.8(مثلا مثلا لان دى مش موجوده اصلا) يعنى انت لو عايز توفر هاتلك على الاقل لو مش الi7 يبئى الi5 لان انت وش كدا محتاج فرق التردد العالى دا
kogi2010
07-01-2014, 19:36
بص يا معلم البروسيسرات انواع بس انت لازم تعرف انت عاوز ايه وهتشترى ايه
مش اى لاب مكتوب عليه I7 يبقى جبار وبتاع شغل
ده بروسيسرات ال I7 نفسها اسعارها ممكن تبدا من 1800 ل 7500 جنيه فى اجهزة ال PC
و زى مالاخ الفاضل DoDZz قالك البروسيسور الرباعى الانوية اقوى بمراحل من الالترا
والفروقات كتير منها التردد فى الوضع العادى ايه وبعد التربو بوست ايه والكاشات اد ايه و عدد الانوية كام (الالترا نوايتين بس)
وانت بخصوص شغلك فى المونتاج والرندرة هتحتاج بروسيسور رباعى لو عاوزه يريحك
انا شخصيا شغال رندرة بال I5 بس من السلسلة M مش U
لكن اكيد لو معايا اجيب ال I7 منه هجيبه عشان ينجزنى فى الوقت و الاداء
hany mix
07-01-2014, 19:52
هقولك بص هو انا مش خبرة اوى في المونتاج والرندر بس اعتقد انو هيحتاج الi7 لانو رباعى وهيفيدك اوى دا غير الi3 مينفعش يعلى التردد بتاعه يعنى الفرق بين الi5 و الi3 الi5 مثلا في موديل من مديلاته 3230m دا تردده من 2.6 ل3.1 ال i3 بقى مثلا لو جبته موديل منه فرضا شغال بتردد 2.4 هيفضل شغال ب2.4 وعمروه ماهيزيد عن ال2.4 لان مفهوش الخاصية الى تخليه يعلى ل2.8(مثلا مثلا لان دى مش موجوده اصلا) يعنى انت لو عايز توفر هاتلك على الاقل لو مش الi7 يبئى الi5 لان انت وش كدا محتاج فرق التردد العالى دا


تسلم يا دودز ربنا يخليك .. معلش تعبتك ورخمت عليك فى الاسئلة ..
تسلم ايدك يا باشا .. وضحتلى حاجات كتير مكنتش اعرفهـا ..


بص يا معلم البروسيسرات انواع بس انت لازم تعرف انت عاوز ايه وهتشترى ايه
مش اى لاب مكتوب عليه I7 يبقى جبار وبتاع شغل
ده بروسيسرات ال I7 نفسها اسعارها ممكن تبدا من 1800 ل 7500 جنيه فى اجهزة ال PC
و زى مالاخ الفاضل DoDZz قالك البروسيسور الرباعى الانوية اقوى بمراحل من الالترا
والفروقات كتير منها التردد فى الوضع العادى ايه وبعد التربو بوست ايه والكاشات اد ايه و عدد الانوية كام (الالترا نوايتين بس)
وانت بخصوص شغلك فى المونتاج والرندرة هتحتاج بروسيسور رباعى لو عاوزه يريحك
انا شخصيا شغال رندرة بال I5 بس من السلسلة M مش U
لكن اكيد لو معايا اجيب ال I7 منه هجيبه عشان ينجزنى فى الوقت و الاداء

شكرا يا كوجى .. انا كنت فاهم غلط خلاص هرجع للتخطيط لشراء الـ i7 .. بفضل ربنا ثم بفضل نصائحكم ..
لكن انا كل اللى كنت خايف منه لانى مليش خبره خالص فى الهاردوير انى اجيب i7 الترا (ثنائى)
وكنت عايز اعرف .. اعرفه ازاى او اطلبه ازاى من البائع ..
دلوقتى انا لو هجيب جهاز ديسك توب مش لاب .. هيكون للمونتاج والرندرة وكدا
ايه افضل فئة من الـ i7 من حيث الاداء اللى تديني اداء كويس فى المونتاج .. وفى نفس الوقت تكون كويسه فى السعر ..
kogi2010
07-01-2014, 20:04
تسلم يا دودز ربنا يخليك .. معلش تعبتك ورخمت عليك فى الاسئلة ..
تسلم ايدك يا باشا .. وضحتلى حاجات كتير مكنتش اعرفهـا ..



شكرا يا كوجى .. انا كنت فاهم غلط خلاص هرجع للتخطيط لشراء الـ i7 .. بفضل ربنا ثم بفضل نصائحكم ..
لكن انا كل اللى كنت خايف منه لانى مليش خبره خالص فى الهاردوير انى اجيب i7 الترا (ثنائى)
وكنت عايز اعرف .. اعرفه ازاى او اطلبه ازاى من البائع ..
دلوقتى انا لو هجيب جهاز ديسك توب مش لاب .. هيكون للمونتاج والرندرة وكدا
ايه افضل فئة من الـ i7 من حيث الاداء اللى تديني اداء كويس فى المونتاج .. وفى نفس الوقت تكون كويسه فى السعر ..



لا انت متروحش تطلب حاجة من البياعين لان باختصار 99 % من بياعنين الكلام ده نصابين لازم تروحلهم فاهم عشان مش ياكلوك
ده ممكن يطلعلك واحد I7 جيل تانى ويقولك ده ياباشا اللاب اللى اخترعوه فى امريكا و جمعوه فى اليابان والعبد لله جابه بالطلب
متاكلش من الكلام بتاعهم ده عشان هم ميفرقش معاهم انت عاوز ايه المهم عندهم متطلعش مالمحل الا وانت دافع الالوفات ومبسوط
انت تعمل موضوع تكتب فيه ميزانيتك والامكانيات اللى انت عاوزها و الشغل اللى بتجيب اللاب عشانه واحنا هنخش ننصحك بافضل الموديلات
وتخش عالمحل تطلب الموديل ملقتوش تسيبه وتروح لواحد تانى
وبخصوص بروسيسور ال I7 للديسكتوب
فانا شايف انا احسن بروسيسور رباعى ينفعك هو Intel Core i7-4770K Haswell 3.5GHz Cash 8M (https://www.********.com/product.php?id=24849)
ده جيل رابع و رباعى الانوية وكاشات 8 ميجا وتردد 3.5 جيجا وسعرة كويس جدا 2600 جنيه تقريبا بس بيديك اداء يستاهل سعره
DoDZz38
07-01-2014, 22:18
لا انت متروحش تطلب حاجة من البياعين لان باختصار 99 % من بياعنين الكلام ده نصابين لازم تروحلهم فاهم عشان مش ياكلوك
ده ممكن يطلعلك واحد I7 جيل تانى ويقولك ده ياباشا اللاب اللى اخترعوه فى امريكا و جمعوه فى اليابان والعبد لله جابه بالطلب
متاكلش من الكلام بتاعهم ده عشان هم ميفرقش معاهم انت عاوز ايه المهم عندهم متطلعش مالمحل الا وانت دافع الالوفات ومبسوط
انت تعمل موضوع تكتب فيه ميزانيتك والامكانيات اللى انت عاوزها و الشغل اللى بتجيب اللاب عشانه واحنا هنخش ننصحك بافضل الموديلات
وتخش عالمحل تطلب الموديل ملقتوش تسيبه وتروح لواحد تانى
وبخصوص بروسيسور ال I7 للديسكتوب
فانا شايف انا احسن بروسيسور رباعى ينفعك هو Intel Core i7-4770K Haswell 3.5GHz Cash 8M (https://www.********.com/product.php?id=24849)
ده جيل رابع و رباعى الانوية وكاشات 8 ميجا وتردد 3.5 جيجا وسعرة كويس جدا 2600 جنيه تقريبا بس بيديك اداء يستاهل سعره
كلامك مظبوط بس اعتقد انو بيدور على i7 لابتوب مش ديسك توب بس لو هو يجمع ديسك توب هيكون احسن ليه وارخص كمان وهيديم اداء اعلى من اللابتوب
DELL-i7
07-01-2014, 22:31
شباب, حد جرب معالجات
Intel® Xeon® E3-1270 v3Quadcore Haswell incl. Hyper-Threading Technology

ولو موجودة في مصلا اسعارها كام ؟
https://ark.intel.com/products/75056/Intel-Xeon-Processor-E3-1270-v3-8M-Cache-3_50-GHz
DoDZz38
07-01-2014, 22:54
شباب, حد جرب معالجات
Intel® Xeon® E3-1270 v3Quadcore Haswell incl. Hyper-Threading Technology

ولو موجودة في مصلا اسعارها كام ؟
https://ark.intel.com/products/75056/Intel-Xeon-Processor-E3-1270-v3-8M-Cache-3_50-GHz
معتقدشش ان الpc بيحتاج اكتر من الi7 الxeon دا للmidrange computers الى هى بمعنا اصح سيرفرات وكدا لكن بالنسبالك يوم لما تقول عالى i7 دا تمام اوى دا غير ان الاجهزة اللابتوبات الى بتنزل بيه مش الى في دماغك خالص دى بتبئى لختصاصات تانية غير اللابتوبات العادية
DELL-i7
07-01-2014, 23:49
انا استخدامي للمعالج الـ XEON, للسيرفرات كلها,
سواء سيرفرات Dedicated او VPS, مع رام 32 و 128 جيجا

لكن مجربتش استخدمه للاستخدام الشخصي،
فهل هيبقي في فرق واضح في الاداء؟
و هل في لابات بتنزل بيه امكاياتها عالية؟
kogi2010
08-01-2014, 01:30
كلامك مظبوط بس اعتقد انو بيدور على i7 لابتوب مش ديسك توب بس لو هو يجمع ديسك توب هيكون احسن ليه وارخص كمان وهيديم اداء اعلى من اللابتوب

شكلك مقرتش الرد كامل :D
وكنت عايز اعرف .. اعرفه ازاى او اطلبه ازاى من البائع ..
دلوقتى انا لو هجيب جهاز ديسك توب مش لاب .. هيكون للمونتاج والرندرة وكدا
ايه افضل فئة من الـ i7 من حيث الاداء اللى تديني اداء كويس فى المونتاج .. وفى نفس الوقت تكون كويسه فى السعر ..
Hany Mohamed Nigma
08-01-2014, 06:06
السلام عليكم ورحمة الله وبركاته

اخونـا الحبيب Ahmed.Elsayed (https://arabhardware.net/forum/member.php?u=11233940)

ذكر معلومة خطيرة فى الموضوع ده
( قبل الشراء ) تعرف على معالجات أنتل المختلفة لأجهزة اللابتوب (https://arabhardware.net/forum/showthread.php?t=372231)







معنى الكلام ده ان لو انا عايز اشترى لاب توب للـجرافيك
(فوتوشوب.. وتحرير فيديو .. بريمير وغيره )
المعالج i7 مش هيديني اكتر من اداء الـ i5 او i3 ؟؟

فى ظل ميزانيتى المتكحرته :D وفروق الاسعار الرهيبة بينهم
المعلومة دى تعتبر كنز وتستاهل عليها الـ حلاوة :D

سؤال .. معلش .. طالما هوفر سعر البروسيسور بئى :D ؟؟

س1/ انا لو عايز لاب للجرافيك ممكن اجيب حاجة i3 ولا i5 ؟؟
ولا بردة الفرق فى الاداء مش بالدرجة الكافية ؟؟ واجيب الارخص i3 وخلاص ؟؟
ويكون التردد والنواة بتاعته كام والكاش عشان تبقى قريبة للـ i7
عشان مبفهمش ف الكلام دا خالص :D ؟؟
_______________________________

س2/ الاداء فى الجرافيك وشغل الريندر وتحرير الفيديو
يحتاج اعلى فى ايه ؟؟ الرامات مثلا وايه تانى طالما هوفر سعر البروسيسور .. ؟؟
_______________________________

س3/ فى شغل الجرافيك انهى نوع افضل الـ DELL ولا الـ TOSHIBA ؟؟
وايه الاصدارات الحديثة من الاثنين ؟
انا عارف انه بيعتمد على الامكانيات بس انا بتكلم عن الاداء العام للشركة
بالنسبة لشغل الجرافيك والفحت ..
_______________________________
..









احييك اخى الفاضل على ملاحظتك المميزة

بالفعل بتجربة شخصية لى
كنت امتلك I3 & I5
ولم الاحظ ما يستحق
مع العلم
سرعة الهارد كانت 5400 والفرق كان فى كارت الشاشة الاعلى بعض الشئ ووجود خاصية الاوبتيموس ى الجهاز الاخير I5
اعتقد لو تساوت المواصفات مع اختلاف البروسيسور لما وجدت فرقا يذكر

انا استخدم الان جهاز مكتبي بمعالج Core 2 due ولا ارى عجزا فيه
استخدم عليه ويندوز 8.1 enterprise ويعمل بكفاءة ومواصفاته 2 جيجا رام فقط وكارت شاشة 7300 geforce

امكانيات متواضعه اسميا
لكن فعالة وتعمل بكفاءة اغنتني عن فقدي للجهازين
Ahmed.Elsayed
10-01-2014, 17:48
أخى هناك معالجات I7 تحتوى على أربعة أنوية وبتردد عالى لكنها باهظة الثمن أما معالجات ال I7 منخفضة التردد وثنائية الأنوية فلا داعى أبداً لشرائها ويمكن شراء أى جهاز بمعالج I5 غير منخفض التردد

وموجود فى الموضوع عدة جداول مذكور بها بيانات تفصيلية عن جميع معالجات أنتل ويمكنك أختيار الأنسب فيها بالنسبة لك.