( معدل ) إستفسار عن شراء جهاز iphone 5s جديد ب 5500

[sniper_2090]

راى الخبراء والمشرفين

اولا انا معايا مبلغ حوالى 5500 جنية وعايز اجيب جها جديد بقالى سنة تقريبا ..

بس من الاخر انا مستنى جهاز سونى الجديد اللى هيعلن عنة فى مؤتمر MWC فى برشلونة اخر شهر 2 ان شاء الله.

ولكن جهازى الحالى زى منتوا شيفين عرة ومنظرة زبالة والصراحة الواحد بيتكسف يطلعة من جيبة وهوا فى اى مكان , خصوصا لطبيعة شغلى لانى صحفى وعلى طول فى مؤتمرات وندوات والكلام دة كلو ,

فا انا عايز اجيب جهاز حليا الان استخدمة لحد ما الجهاز ينزل يعنى هستخدمة لمدة شهرين او 3 بالكتير . وابيعة وقتها واجيب التانى اللى انا عايزة اللى هيكون سونى باذن الله الزد 2 ولا النسخة المعدلة من الزد 1 ...

فا اية رئيكم اجيب اية واعمل اية ولا اتصرف ازى ؟

فى بعض الزملاء قلولى اجيب ايفون 5s بحيث انى لما اجى ابيعة مش هخسر فية كتير بالكتير اوى ممكن اخسر 500 جنية ,,,, والصراحة انا مبعرفش لا بيع ولا اشترى اصلا مستعمل فل هعرف ابيعه لو جبتة ولا لا ؟

وهسخر فية اد اية ؟

انتوا اية رئيكم

[MOHAMED FAROOQ]

أخى الغالى جهاز ال Apple iPhone 5s 16GB سعره حاليا 5700 بدون ضمان
وإذا إقتنيته وأردت بيعه ستخسر فيه من حوالى 400 إلى 500 جنيه
فنصيحتى مادمت تريد شراء جهاز سونى الجديد بعد شهرين أو 3 شهور
فأنصحك بالصبر فى هذه المده وأنت أولى من خساره هذا المبلغ فى هذه الفتره التى أعتبرها قصيره

[sniper_2090]

ألأف شكر لحضرتك جداااا
ولكن حالة الجهاز اللى معايا خلاص بيشحط
زى ما انتا شايف
https://store1.up-00.com/2014-01/1389225811091.jpg
https://store1.up-00.com/2014-01/1389225811792.jpg


بالاضافة اللى الاسباب اللى ذكرتها فى عملى
ايضا انا بقلى سنة عايز اجيب جهاز وكل لما يبقا معايا الفلوس اتزنق فى جزء منها او كلها وتتصرف منى واطر اصبر تانى لحد ما اجبمعها
فا انا خايف استنا الفلوس اتزنق فى حاجة واصرفهم
علشان كدة بفكر فى الموضوع دة
انا لو جبتة وخسرت فية 300 او 400 جنية مش مشكلة اوى المهم مخسرش اكتر كانى كنت ماجرة ولا اتصرفوا فى اى حاجة والمهم انى اعرف ابيعة لانى مليش فى البيع والشراء وعمرى ما جبت جهاز وبعتة بيتنيه عندى لحد ما يبوظ فا مش عارف هعرف ابية ولا لا وهل هخسر كتر من كدة ولا اية

اية راى حضرتك

[MOHAMED FAROOQ]

تمام
مادام مش فارقه معاك المبلغ اللى هتخسره
فتوكل على الله وإشترى ال iphone 5s 16 giga
ولكن تأكد من التاجر أنه مفتوح رسمى على جميع الشبكات وحاول تجيب اللون الذهبى لأنه مطلوب ولكنه قليل بعض الشىء
ومتقلقش من ناحيه بيعه فممكن تقدر تعرضه للبيع هنا فى المنتدى أو لأى تاجر وخصوصا إنه حاليا أحدث وأقوى جهاز أثبت أداءه ومرغوب بشده ولكن حافظ عليه جدا من الخدوش
لأن أكثر الخساره عند البيع هى عندما يحتوى الجهاز على خدوش وإذا أردت أى إستفسار بعد شرائك له فنحن موجودون وسنفيدك

[sniper_2090]

الف شكر جداااااااااا لحضرتك
طيب مبدئيا ليا واحد قريبى نازل من السعودية اخلية يجبهولى معاه من هناك ولا اية
وهل فية فرق اللى هنا عن اللى هناك
كمان هل مسئلة انة بدون ضمان دى هتاسر على البيع ولا اية
هاو قلى من هناك عامل 5100 جنية بالظبط واللون الذهبى بردك

انا ناوى باذن الل هجبلة سكرين وش وظهر وجراب كمان
انا من النواع المحافظ ولكن الجهاز دة بقالة معايا 5 سنين فا طلع عينة ومبظش كدة الا فى اخر سنة
كمان معلش اعرف ازى انة مفتوح على كل الشبكات معلش لانى معرفش اى حاجة فى الاى فون
واتاكد منة ازى ؟ من الشبكة ؟ وانة جديد ؟ و اتكد من انة مفيهوش عيوب صناعة والكلام دة ازى ؟

واية الافضل اجيبة من هنا ولا هناك السعودية يعنى ؟
الف شكر لحضرتك جدااااا

[MOHAMED FAROOQ]

مادام فى السعوديه سعره 5100 وكمان اللون الذهبى فتوكل على الله واشتريه من هناك
وبالنسبه لمسأله الضمان فشركه أبل بتعطى ضمان دولى على الجهاز لمده سنه كامله سواء من هنا أو من هناك
بمجرد ما الجهاز يتأكتف ويشتغل يبتدى ضمانه يشتغل فورا وإنت بتقول إنك هتبيعه بعد شهرين أو تلاته يعنى هيتبقى فيه حوالى من 9 إلى 10 شهور
وبالنسبه لحكايه إذا كان مفتوح رسمى أومقفول على شبكات معينه

كل ما عليك فعله هو النظر خلف الآيفون وانظر الى الرقم الموجود بجانب كلمة Model كما فى الصوره :


https://www.new-gsm.com/wp-content/uploads/2013/06/check_iphone_model_fnubcmd126.jpg




iPhone 5s



https://km.support.apple.com/library/APPLE/APPLECARE_ALLGEOS/HT3939/HT3939_2x-5s--001-en.png

وتحاول تجيب الموديل ده

A1533: iPhone 5s GSM model
أو ده
A1457: iPhone 5s GSM model

أهم حاجه يكون
GSM

وأنصحك إذا كنت ستستمر عليه ولن تبيعه فا أشترى النسخه ال 32 جيجا أفضل

[sniper_2090]

طيب يعنى كدة حضرتك شايف ان الضمان من هنا ملهوش لازمة يعنى
طيب لو جيت ابية الناس هترضا تاخد جهاز ملهوش ضمان محلى ولا اية

هوا اصحابى بيقولوى انة هنا بضمان ب 5700 اية راى حضرتك اجيبة بضمان من هنا ولا السعودية
كمان هوا كدة الموديلين دول بيكونوا مفتوحين على كل الشبكات ولا بتختلف يعنى ممكن اجيبة والقية مغلق على شبكة معينىة
كمان معلش هوا مش المفروض فية الجيل الرابع lte ولا اية ؟
اخر حاجة معتقدش انى هقعد علية لانى عايز السونى لقوة استحمالة ولانى بحب نظام الاندوريد
؟؟؟؟؟

[MOHAMED FAROOQ]

الضمان اللى هنا ضمان تاجر ضد عيوب الصناعه وده شىء نادر جدا لو ظهر جهاز به عيب مصنع بخلاف الضمان الرسمى من شركه أبل اللى بيبقى سنه وهو ده أهم ضمان
ومش هتفرق من هنا أوهناك طالما ضمان أبل السنوى شغال وده أهم حاجه
ولعلمك مفيش هنا فى مصر متجر رسمى لأبل يعنى كده كده هتشتغل بالضمان السنوى الخاص بأبل
وسواء اشتريته من هنا أو هناك الفرق بس هيكون فى السعر والضمان واحد مادام دولى
وبالنسبه للموديلين اللى ذكرتهم
دول مفتوحين رسمى على جميع الشبكات
وال iphone 5s وال iphone 5c الأجهزه دى جيل رابع يعنى بتدعم تقنيه الشبكات ال 4G
ولكن إذا ذكرت قوه التحمل
فأنا أؤكدلك أن أجهزه أبل أقوى خامه فى العالم وسترى ذلك بنفسك
ولكن إذا تكلمت عن السوفتوير فسأترك لك القرار لتحكم أنت

تم الإرسال بواسطة iPhone بإستخدام Tapatalk (https://tapatalk.com/m?id=1)

[sniper_2090]

الف الف الف الف الف الف
شكر لحضرتك جداااا
وانا اسف تعبتك معايا
اخر حاجة هل الفيس تيم ليها لازمة
يعنى لما اجى ابيعة هل حد هيقولى علية فيس تيم ولا لا
لانى دورت ولقيت فرق اسعار بين اللى فية خدمة الفيس تيم واللى مش شغالة الخدمة حوالى 200 ريال

[MOHAMED FAROOQ]

لا شكر على واجب أخى الغالى
للأسف جميع أجهزه الأيفون إبتداءا من الأيفون 4 فما فوق لاتوجد بها مكالمات 3G ولكن جميعها أيضا بها فيس تايم وهى أفضل بكثير من ال 3g
وللأسف أيضا على الرغم من وجود هذه الخدمه الممتازه ولكن شبكات مصر لا تدعمها أيضا
معى كاميرا أماميه وخدمه ممتازه ولا أستطيع الإستفاده منها وهذا أمر محزن
وأتمنى دعمها قريبا


تم الإرسال بواسطة iPhone بإستخدام Tapatalk (https://tapatalk.com/m?id=1)

[MOHAMED FAROOQ]

عنوان الموضوع تم تعديله برجاء الالتزام بالقوانين مستقبلاً
https://arabhardware.net/forum/showthread.php?t=379358

[omar9084]

نصيحة ...
سعر الايفون فى مصر نااااااااار
حاول تجيب من الامارات رخيص جدا لو قارنتة بالجنية المصرى
ولو مش عجبك الحجم الصغير او البطارية والشاشة
جيب االسامسونج نوت 3 اقوى جهاز حتى الان بدون مجاملة

[lampino]

انا من راييى وعن تجربة الايفون سوقة فى مصر ليس جيدا

واذا اشتريته وبعته بعدخا بيوم واحد ستخسر مبلغ كبير اكبر من 500 جنيه

دا حال الايفون فى مصر عن تجربة

فمن رأيىى ابعد عن الايفون لو انك سوف تبيعه فى فترة قصيرة