المساحة الفاضية ع الهارد تتغير باستمرار ( على ويندوز 8.1 ) ؟!!

[ahmed_BF4]

السلام عليكم
انا من فترة نقلت من ويندوز 7 الى ويندوز 8.1 برو
ومن وقت ما نزلتها وانا مرات افتح الجهاز الاقى المساحة الفرى free space فى بعض البارتشنات مش ثابتة بمعنى ان اوقات الاقى
free space on drive C = 9 GB
ومرة تانى افتح الجهاز الاقى
free space on drive C = 13 GB
والكلام ده مش فى ال C بس لكن فى بعض البارتشنات الاخرى ؟
ومش عارف السبب ؟!!
مع العلم انى بمسح ملفات ال Temp من ال C لكن مبتعملش اى تغير فالمساحة لانى بمسحها باستمرار ومش بسيبها تكتر
ارجوا المساعدة

[ahmed_BF4]

يا جماعة ارجو الاهتمام

[DarkDeath]

أحيانا عندما يقوم الجهاز بتنزيل التحديثات تتغير المساحة اثناء تسطيب تلك التحديثات ثم تستقر بعد ذلك

وبعدين مش كويس انك كل شوية تمسح temp لان الويندوز سعات يحتاجها في بعض المهام

الصراحة انا نقلت من 7 الى 8.1 بس مش راضي بهذا التغيير عشانه طلع ابطأ و معقد حبتين .... تلاقي حجات بتظهر من فوق الشاشة و حجات تظهر فجأة من الجنبين و تضغط على قائمة start تلاقيه دخلك في دوامة ال Metro

[ahmed_BF4]

شكرا اخى ..لكن اذا كانت المساحة هتتغير علشان التحديثات فاعتقد ان ده هيكوت مؤثر على الدرايف C فقط لكن المساحة تتغير فى باقى البرايفرات E , F
؟!!
اما بالنسبة للأداء اسمحلى اختلف معاك ويندوز 8.1 اسرع من السفن وافضل منها وخصوصا مع الالعاب وانا نفسى جربت الفرق مع باتلفيلد 4 على ال 7 وعلى 8.1 وكان افضل على 8.1
المشكلة الوحيدة وهى ليست بالكبيرة ان ويندوز 8.1 تستهلك رامات اكثر من ويندوز 7

[DarkDeath]

تمام اخي العزيز لكن بالنسبة للالعاب القديمة لا تعمل جيدا على 8.1 مثل generals zero hour
بالنسبة لتغير المساحة انتظر رأي الخبراء

قد يكون فيرس او ما شابه

[bisotiger]

السلام عليكم
انا من فترة نقلت من ويندوز 7 الى ويندوز 8.1 برو
ومن وقت ما نزلتها وانا مرات افتح الجهاز الاقى المساحة الفرى free space فى بعض البارتشنات مش ثابتة بمعنى ان اوقات الاقى
free space on drive C = 9 GB
ومرة تانى افتح الجهاز الاقى
free space on drive C = 13 GB
والكلام ده مش فى ال C بس لكن فى بعض البارتشنات الاخرى ؟
ومش عارف السبب ؟!!
مع العلم انى بمسح ملفات ال Temp من ال C لكن مبتعملش اى تغير فالمساحة لانى بمسحها باستمرار ومش بسيبها تكتر
ارجوا المساعدة
نفس مشكلتك يا احمد بجد هشد فى شعرى من المشكله دى :ah42:
المساحه الفاضيه عندى كانت 18 جيجا طفيت الجهاز وجيت شغلته لاقيتها بقدرة قادر 11 جيجا فاضى امال ال 7 جيجا راحو فين ومحدش يقولى تحديثات وكلام من ده عشان التحديثات مش بتاخد المساحه دى اببببدا

[عماد جمال]

اخى قوم بستخدام برنامج TuneUp Utilities 2014 المشكله المساحه فى البارتشن تتحل الغاء تجزئ البارتشن هتلقى المساحه رجعت

[hobena]

نفس مشكلتك يا احمد بجد هشد فى شعرى من المشكله دى :ah42:
المساحه الفاضيه عندى كانت 18 جيجا طفيت الجهاز وجيت شغلته لاقيتها بقدرة قادر 11 جيجا فاضى امال ال 7 جيجا راحو فين ومحدش يقولى تحديثات وكلام من ده عشان التحديثات مش بتاخد المساحه دى اببببدا



السلام عليكم

في ملفين موجودين على بارتيشن C بس بيكونوا مخفيين تبع النظام لو اظهرت المخفي في النظام هتشوفهم واحد اسمه hiberfil.sys والتاني اسمه pagefile.sys

ال pagefile مساحته بتبقى بنفس مساحة الرام عندك تقريباً مع امكانية تقليل او تكبير المساحة ومانصحكش تغير مساحته

أما ال hiberfil.sys فدا تبع وضع ال hibernate اللي كتير مننا مش بنحتاجه وممكن توقفه بالأمر دا من غير أقواس خده كوبي

وافتح command prompt as administrator والصقه فيه واعمل اوك

الأمر

(powercfg -h off)

[GamePad]

بص انا كان حصلي نفس الموقف تمام الموضوع وما فيه ان لما بتيجي تمسح حاجه بتروح الRecycle Bin تمام بس المشكله ان مساحتها بتفضل موجوده علي البارتيشن جرب تمسح الحاجات ديه وتنضف الجهاز ب CCLEANER وكل حاجه هتبقي تمام

[bisotiger]

من امبارح مافتحتش الجهاز جيت فتحته دلوقتى لاقيت ال 7 جيجا رجعوا لوحدهم:ah2:

[ahmed_BF4]

يا جماعة المشكلة دى عمرها ما حصلت معايا ع الويندوز 7
حصلت بس على الويندوز 8.1 وانا كنت شغال على 7 بقالى 3 سنين
والهارد متعملوش صيانة قبل كده ومعموله تيست بادات اكتر من مرة بسبب مشكلة شاشة زرقاء كانت بتحصل قبل كده ...

[Black foxer]

اخى قوم بستخدام برنامج TuneUp Utilities 2014 المشكله المساحه فى البارتشن تتحل الغاء تجزئ البارتشن هتلقى المساحه رجعت

بالظبط كدة زي ما استاذ عماد ما بيقول لو مش عندك برنامج عندك في الويندوز

Disk Defragment