المساعد الشخصي الرقمي

مشاهدة النسخة كاملة : مشكلة فى سماعات Lenovo Z580


Unknown_Dragon
22-01-2014, 15:56
السلام عليكم
لو سمحتم عندى مشكلة فى سماعات لاب Lenovo Z580
لما ببقى مشغل موسيقى او اغنية او فيلم ولا حاجة يعنى ... بيبقى لما يبقى فيه صوت شغال
المشكلة بقى كل خمس دقايق كده تطلع زنة لمدة ثانية واحدة وتختفى
زنة كده عاملة زى زنة الكهربا بس مبطلوش عن ثانية او لحظة واحدة وتختفى والصوت شغال عادى والسماعات شغالة وكله تمام
جربت اكتر من ملف جربت صوت افلام وصوت اغانى و جربت Media Classic و Winamp
وبتظهر حتى لو عامل الصوت واطى على 10 % مثلا بتظهر برده وبنفس القوة يعنى مبتقلش لما اقلل الصوت
المشكلة دى لسه ظاهرة من يومين اتنين بس وقبل كده كان الجهاز تمام انا شاريه من حوالى 3 أشهر
اللاب لسه فى الضمان
المشكلة ممكن تكون من ايه ؟؟؟؟ علما انى لسه شغال على الويندوز اللى جاى مع الجهاز و مبعملش اى تحديثات للويندوز او لتعريف الصوت او لاى حاجة
ايه الحل ويا ريت لو فيه حل غير الضمان لانى محتاج اللاب وانا من محافظ غير اللى شارى منها اللاب وغير اللى الصمان فيها وكمان بتوع الضمان دول عالم تجيب الشلل والمرض وفى الاخر مبيصلحوش حاجة
arsenal_henry
22-01-2014, 16:37
هل الزنة موجودة وانت شغال على الكابل ولا مع البطارية فقط ولا بتظهر مع اي منهم ؟
Unknown_Dragon
22-01-2014, 16:41
هل الزنة موجودة وانت شغال على الكابل ولا مع البطارية فقط ولا بتظهر مع اي منهم ؟

هو انا على طول شغال على الكابل ونادرا ما بشتغل على البطارية
مجربتش على البطارية بس هشوف واقولك
بس الزنة مبتطلعش من مكان الشاحن دى بتطلع من السماعات انا كان قصدى نزنة الكهربا تشبيه يعنى بقول انه الزنة دى عاملة زى زنة الكهربا بس هيا مش طالعة من مكان الشحن ولا حاجة دى طالعة من السماعات
بس هو ممكن يكون المشكلة فى ايه ؟؟؟ وهل هيتطلب اوديه الضمان ؟؟؟
arsenal_henry
22-01-2014, 17:37
فاهم قصدك ان الصوت بيطلع من السماعات ..
على العموم جرب على البطارية فقط بدون كابل الكهرباء ..
Unknown_Dragon
22-01-2014, 19:59
ايوة جربت يا باشا على البطارية بس والخروشة او الزنة دى لسه بتطلع برضه
Unknown_Dragon
23-01-2014, 13:28
للرفع العاجل
arsenal_henry
23-01-2014, 14:18
تمام، ممكن تكون كدة مشكلة هاردوير .. قدامك توديه للضمان او ممكن تشوف واحد بتاع صيانة تعرفه وتقوله على المشكلة وتكلفتها ..