البطاقة R9 290X يصل سعرها الى...

[unexpected]

السلام عليكم


كما نعلم قبل فترة ارتفعت بعض اسعار بطاقات AMD بنسبة جيدة ولم تعد تسمى صاحبة الاداء مقابل السعر كما يقول البعض
واليوم يصل سعر البطاقة R9 290X الى سعر خرافي ولم نتوقعة من هذة الشركة
للاسف الشديد وصل سعر هذة البطاقات النسخ الاحترافية الى 900 دولار
اسباب ارتفاع الاسعار كما يقول البعض في المواقع الاجنبية هي التعدين/وعدم توفير ذواكر كافية عند شركة AMD/عدم وجود مكثفات كافية


https://www8.0zz0.com/2014/02/15/18/927046234.jpg

ما رايكم :ah46:

[mahmoudkamall]

شكرا على الخبر يا استاذ حنا

[محمد البرديسى]

يبقى الاتجاة الى نيفديا افضل لو الاسعار هتكون كدة

[mido salah]

طب الارتفاع دا للكرت دا بس ولا للجيل كلة ؟

[OMEGA]

شكرا عالخبر الرائع يا غالى

[™ The Rock]

افضل ميزه راحت السعر

[aelpop]

اعتقد انه من المتوقع ان تصبح بطاقات amd من الاشياء النادر الحصول عليها الايام القادمة نظرا لضغط الشراء العالمى عليها واذا تواجدت ستكون بأسعار مرتفعة جدا .
وقد بدا بالفعل موجة الشراء الجنونى لدرجة لن جميع بطاقات ال 280X غير موجودة باى محل فى مصر . ربنا يستر :rolleyes:

[Mohamad Ayman19]

سبخان الله يوم ما شريتها كنت اتوقع نزول سعرها في المستقبل اتضح العكس :o

[eyes of hell]

وممكن نفيديا تنفخنا ربنا يستر

[Ahmed Elbrbry]

الدمعة هتفر من عينى
بس انا نفدياوى
و لسة جايب MSI Lighting GTX 780
و كدة رضا

[mido salah]

بس 900 دولار لية هو احنا كفرة :D

[hagag]

amd هتلبس فى الحيط قريبا
الناس دى نست انها فقدت سوق البروسيسوررات عاوزين كمان يفقدوا سوق كروت الشاشه
خلى نيفيديا تفرح وتغلى السعر تانى

[eyes of hell]

amd هتلبس فى الحيط قريبا
الناس دى نست انها فقدت سوق البروسيسوررات عاوزين كمان يفقدوا سوق كروت الشاشه
خلى نيفيديا تفرح وتغلى السعر تانى

للاسف الظاهر هو ده اللي هيحصل

[Dr_Hema2017]

amd هتلبس فى الحيط قريبا
الناس دى نست انها فقدت سوق البروسيسوررات عاوزين كمان يفقدوا سوق كروت الشاشه
خلى نيفيديا تفرح وتغلى السعر تانى
+1111
أتوقع ان انفيديا هتفتري في الأسعار تاني و هتكون خيار أفضل من AMD كمان :mad:

[nanonona]

سؤال: هل ممكن يكون رفع السعر مؤقت وناتج عن زيادة في الطلبات عن المعروض لأن الخطوة عن عمد غير منطقية؟!
أنا دخلت newegg لأيته كله out of stock
https://www.newegg.com/Product/ProductList.aspx?Submit=ENE&DEPA=0&Order=BESTMATCH&Description=radeon+r9+290x&N=-1&isNodeId=1

ودخلت shop amd لأيته بـ 600 استرليني؟!!
https://shop.amd.com/uk/All/Search?SearchFacets=category%3AGraphic%20Card%3Bmo del%3ARadeon%20R9%20290X&SortBy=priceHighToLow

[IVY BRIDGE]

الطمع وحش بس الانسان ضعييييييييييييييف دا لو فى جاسوس عايز يضعف شركه AMD مش هيعمل احلى من كده .

AMD فكرتنى بالمسلسل الرائع جمعه الشوان دموع فى عيون وقحه فى اخر مشهد :D .

(من المعسكر الاخضر NVIDIA الى المعسكر الاحمر AMD نشكركم على حسن تعاونكم معنا فى هذه الجوله نكرر الشكر الى اللقاء فى جولات اخرى) .

[rsamir]

هوبالفعل كروت amd ارتفع ثمنها ولكن يجب ان اوضح امرا مهم ان السوق يميل الان الى فئة كروت amd واصبح الطلب بزيادة على الفئة العليا منها واذا نظر احد الى مواقع التعدين يتضح مدى تكالب المجتمع الغربى والاسيوى على هذه الكروت فهنا لا يجب ان نقول amd هى السبب فى هذه الزيادة ولكن زيادة الطلب العالية على هذه الفئة ---- ويوجد ملحوظة هنا ان شركة amd قد طرحت من يومين فئة جديدة وهى r2 265x وبسعر جيد جدا :) وكذلك سوف تطرح فئة جديدة وهى r9 280 وتعتبر فئة عالية ---- ويجب ان نلاحظ هنا ان المعروض من كروت الفئة العليا فى دول شرق اسيا تقريبا قد نفذ واتجه الشراء من مواقع العالمية بكثره فأدى هذا الى زيادة السعر يوجد مواقع على النت تبيع الكروت بسعرها المعلن من amd وخاصة فى كندا و امريكا .
وفى النهاية يجب ان ننتظر قليلا قبل الشراء وننتجه الى انفيديا فى السعر المقابل للاداء وشكرا

[أحمد معوض]

من خلال قراءتى لتعليقات بعض الاعضاء فى المنتديات الاجنبية كانوا قد ذكروا مثل هذه الاسباب المتكاملة والمترابطة ببعضها البعض جعلت الاسعار تزيد بهذا الشكل ومنها الاسباب التالية :

* نعرف ان AMD لديها عقدين مهمين جدا لها فى الفترة الحالية ومستقبلا ايضا وهما الخاصين باجهزة الكونسيل PS4 من سونى ، و Xbox one من مايكروسوفت . فنحن نعرف انهما يستخدمان شرائح AMD APU والمخصصة كل واحد منهم ، وطبعا هذان العقدان لا يمكن لـ AMD التساهل ولو لحظه فيهم لانه مهم جدا للشركة فى الفترة الحالية حتى ان مستوى دخل الشركة ارتفع بسبب هذين العقدين المهمين وانقذ الشركة من عثراتها المتكررة فى السنوات الاخيرة ، فكلا سونى وميكروسوفت عملاء مهمين بالنسبة لـ AMD ، وطبعا تعرفوا ان سوق الكونسيل سوق ضخم وكبير وتتجه له اغلب شركات الالعاب لدعمه اولا ، لذا لا يجب التاخر عن المواعيد والطلبيات لشرائح AMD المستخدمه فى كلا الجهازين ، خاصة وان الطلب يتزايد على كلا الجهازين بشكل كبير فى الفترة الاخيرة ، يكفى فقط ان سونى اعلنت الشهر الماضى انها قد باعت اكثر من 4.2 مليون وحدة من جهاز PS4 فى عام 2013 فقط والذى اطلق فى 15 من شهر نوفمبر الماضى فقط وقد باعت اكثر من مليون وحدة فقط فى 24 ساعة من الاطلاق !!!!! ، ايضا ميكروسوفت قد اعلنت انه قد باعت فى اكثر من 3 مليون وحدة من جهاز Xbox One فى اربعين يوم فقط وقد اطلقت الجهاز فى 22 من شهر نوفمبر 2013 !! ....


* ايضا نقص الكثير من المكونات والتى ايضا جعلت AMD ان تقلل طلب شرائح الـ wafer من شركة TSMC فى عام 2013 ، مع الطلب المتزايد بسبب التعدين ، وربما هذا ايضا يفسر لما لم تطلق AMD بطاقات تستند على معمارية Hawaii الجديدة واكتفت بالقليل فقط واعادت تسمية بطاقات HD 7000 مع رفع ترددها فقط وتغيير الاسم ..


* ايضا بعض تجار التجزئة الذين استغلوا الامر وقاموا برفع اسعارهم ، ومع ذلك المستهلكين خاصة من يهتمون بالتعدين mining ما زالوا يشترون هذه البطاقات ، وهذا ليس فى صالح المستخدمين العاديين ...

ارجو انى قد اوضحت بعض الشئ فى هذا الامر ....

[3GRAD]

الحمدلله انا اشتريت gigabyte r9 290x من شهرين بسعر 600 دولار النسخه القياسيه بعدها بيومين لاقيت سعرها زاد بس ع العموم ال اعرفو انها زادت بسبب البت كوين و الكولر الاحترافي


Sent from my iPhone using Tapatalk

[mahmoudkamall]

الحمدلله انا اشتريت gigabyte r9 290x من شهرين بسعر 600 دولار النسخه القياسيه بعدها بيومين لاقيت سعرها زاد بس ع العموم ال اعرفو انها زادت بسبب البت كوين و الكولر الاحترافي


Sent from my iPhone using Tapatalk

انا شوفت على موقع ايج برايز نسخة لل 290 ب 3400 ايه الفرق بينها وبين اللى معاك؟؟؟

[3GRAD]

ال معايا 290 x انمي ال ف ايجي براييسز 290 بس ثانيا ال 290 كانت بتتباع ب 450 دولار دلوقتي معديه 750 فا 3400 ده سعرها القديم فا للوًهتشتريها الحق خدها لان اشحنات اجايا هتزود سعرها من 3400 ل 4500 او اكتر و الفرق بين ال 290 و ال 290x تقريبا زي الفرق بين gtx Titan و gtx 780 oc لصالح 290x


Sent from my iPhone using Tapatalk

[mahmoudkamall]

يعنى الفرق بين ال 290 و ال 290 اكس فرق بسيط اوى صح كده ؟؟؟

ومعلش الحرارة معاك اخبارها ايه؟

[3GRAD]

الفرق بسيط لو كسرت ال 290 من 947 ل 1000 هتلاقي زي الاكس الاتنين نفس اشريحه فروقات بسيطه اما بخصوص الحرارة فالحراره عندي وحشه جدا جدا جدا في اضغط في لعبه زي باتل 4 بتوصل الحرارة 92 و انا عامل المروحة auto انمي اما بعلي المروحه ل 60% بتبقي الحرارة 65 بس الصوت مزعج جدا زي صوت اطياره ال jet :D


Sent from my iPhone using Tapatalk

[mahmoudkamall]

معلش متقل عليك
طيب هو بيحتاج باور كام وات بالظبط؟

وبالنسة للضغط ووصوله لدرجة حرارة 92 صوت المروحة عادى؟؟؟ والا طيارة jet باردو؟

[3GRAD]

بالنسبه للباور هوا مفروض المتطلبات ارسميه يكون 700 بس انت ممكن تسغلو علي باور 650 wat 80 plus بدون مشاكل بس ميكنش اقل من 650 اما بخصوص أصوت و الحراره بص الكارت بيجي اعدادات المروحه متظبطه علي 30% فا فالضغط بتوصل لحراره ل 92 فا بنضطر عشان الحراره تنزل اننا نعلي سرعه المروحه من 30 ال هي اسرعه الاصليه ال صوتها هادي نقوم نغلبها ل مثلا 70 فا بيبقي 70 صوتها مزعج جدا جدا و كل ما تزود سرعه كل ما اصوت يزيد و ل حراره تقل بس صوت مزعج قوي يعني ممكن يخليك تجبر علي انك تحط headest في ودنك


Sent from my iPhone using Tapatalk

[mahmoudkamall]

متشكر لذوقك وتعاونك معايا جدا