هل الفارق كبير بينهم ام لا ؟؟

[CrazyGamer]

السلام عليكم و رحمه الله و بركاته

انا محتار ما بين الR9 280X MSI Gaming و الR9 290 رغم ان التكلفه الماديه يدوب علي الR9 280X MSI Gaming و عندي الشاشه 18 بوصه 1600X900 و ممكن احدثها بعد كده ... انا محتار جدا و يا ريت ذكر الCPU
الي ممكن يشغل الاتنين من غير عنج زجاجه في حدود 1700 جنيه .. و شكرا

[roby2010]

البطاقتين فوق الميزانية اخي
فبطاقة R9 280X سعرها تقريباً 2600 جنيه
اما بطاقة R9 290 فسعرها 3800 جنيه تقريباً
لو كانت الميزانية 1700 جنيه فأفضل خيار لك هو بطاقة R9 270X
واذا كنت تستطيع احضار بطاقة R9 280X فاحضرها وستكون ممتازة مع دقة شاشتك لمدة طويلة وحتى بعد تحديث الشاشة ايضاً
بطاقة R9 270X ايضاً ممتازة مع دقة شاشتك لمدة جيدة ان شاء الله

[CrazyGamer]

الميزانيه للCPU مش للكارت .... انا معايا الميزانيه للكارت و هي 2800 جنيه بس انا محتار في الCPU

[bido22]

البطاقتين فوق الميزانية اخي
فبطاقة R9 280X سعرها تقريباً 2600 جنيه
اما بطاقة R9 290 فسعرها 3800 جنيه تقريباً
لو كانت الميزانية 1700 جنيه فأفضل خيار لك هو بطاقة R9 270X
واذا كنت تستطيع احضار بطاقة R9 280X فاحضرها وستكون ممتازة مع دقة شاشتك لمدة طويلة وحتى بعد تحديث الشاشة ايضاً
بطاقة R9 270X ايضاً ممتازة مع دقة شاشتك لمدة جيدة ان شاء الله


اخى معلش فى نقطة بس احب اوضحهالك
هو بيقول ان الميزانية تقدر تجيب ال280 وعاوز يعرف cpu اى معالج يشغل الاتنين 280 و 290 بدون عنق زجاجة فى حدوود 1700 ج


بالنسبة للاخ crazy gamer
اذكر جميع إمكانيات جهازك البتفصيل الممل
رام مزر نوع وقوة الباور والمعالج الحالى
حتى يستطيعوا ان يفيدوك

[CrazyGamer]

انا لسه بجمع و حاطط عيني علي Core i5 4670 3.4GHz و mobo B85-HD3 و رام 4GB حاليا و لسه محدتش الPSU عشان مش عارف الgraphic card يحتاج ايه ؟؟

[bido22]

افتح موضوع فى قسم طلبات نصائح تجميعات الاجهزة
وحط اقصى ميزاينة محددة للتجميعة كلها
والاخوة هناك حيفيدوك فى اسرع وقت

[roby2010]

الميزانيه للCPU مش للكارت .... انا معايا الميزانيه للكارت و هي 2800 جنيه بس انا محتار في الCPU

اعتقدت انك تريد مقارنة البطاقتين وانك تريد شراء بطاقة رسوميات بما ان هذا القسم للبطاقات الرسومية


انا لسه بجمع و حاطط عيني علي Core i5 4670 3.4GHz و mobo B85-HD3 و رام 4GB حاليا و لسه محدتش الPSU عشان مش عارف الgraphic card يحتاج ايه ؟؟

تجميعة جيدة اخي ولكن حاول ان تضع 8 جيجا رام حتى تعمل الالعاب بدون مشاكل
بالنسبة للـ PSU يمكنك شراء باور بقوة 550W على الاقل ويستحسن ان يكون 600W
يمكنك اختيار هذه الباور SeaSonic M12II Bronze 620W 80 PLUS PSU وسعره 725 جنيه
او
CORSAIR CX600M 600w 80 PLUS Bronze بسعر 675 جنيه
بالنسبة للمعالج فسيعمل معه اي بطاقة رسومية بدون مشاكل وبدون عنق زجاجة

[CrazyGamer]

انا حجيب رام 4 كمان بس بعدين شويه عشان الميزانيه بس .. شكرا علي المعلومات الpsu

[whiteknights]

انا حجيب رام 4 كمان بس بعدين شويه عشان الميزانيه بس .. شكرا علي المعلومات الpsu

اى معالج i5 من الجيل الثالث او الرابع هيشغل الكارتين دول بدون اى مشاكل ولا عنق زجاجة
و انسب معالج فى حدود ميزانيتك:


Intel® Core™ i5-3570K Ivy Bridge 3.4GHz



لو لاقيته هيكون احسن من الهاسويل الغير مكسور السرعة..بس هتحتاج مشتت لو هتكسر السرعة مثل هذا:
Cooler Master Hyper 212 Evo
سعره 300 جنيه
و لو ملكش فى كسر السرعة يبقا المعالج اللى حضرتك اخترته ممتاز ايضا

[CrazyGamer]

انا مش عارف فارق الجيل الثالث و الجيل الرابع في ايه بالظبط ... و انا مش عارف هل المعالج غير قابل للكسر كافي لمده 4 سنين من جيل الرابع ؟؟

[Dr_Hema2017]

اى معالج i5 من الجيل الثالث او الرابع هيشغل الكارتين دول بدون اى مشاكل ولا عنق زجاجة
و انسب معالج فى حدود ميزانيتك:


Intel® Core™ i5-3570K Ivy Bridge 3.4GHz


لو لاقيته هيكون احسن من الهاسويل الغير مكسور السرعة..بس هتحتاج مشتت لو هتكسر السرعة مثل هذا:
Cooler Master Hyper 212 Evo
سعره 300 جنيه
و لو ملكش فى كسر السرعة يبقا المعالج اللى حضرتك اخترته ممتاز ايضا
كلام جميل بس خد بالك انو كدا هيضطر يزود الميزانية جامد علشان هيحتاج مشتت اخترافي و كمان بوردة بشريحة Z77 و أظن دا مش في استطاعتو دلوقتي
...
مبدئيا كارت R9 290 أفضل بفارق جيد بس أنصحك تقول ميزانيتك كاملة أو تعمل موضوع في قسم التجميعات و الإخوة هينصحوك بأفضل تجميعة بالنسبة لميزانيتك

[Dr_Hema2017]

انا مش عارف فارق الجيل الثالث و الجيل الرابع في ايه بالظبط ... و انا مش عارف هل المعالج غير قابل للكسر كافي لمده 4 سنين من جيل الرابع ؟؟

الفرق في الأداء بين الجيل التالت و الرابع مش كبير بس احنا دايما بننصح بالأحدث خصوصا ان البوردة اللي هتشغل الجيل الرابع هتدعم الجيل الجديد كمان يعني هيكون عندك إمكانية للتحديث بعد كدا لو حبيت ان شاء الله....شوف مع دقة شاشتك الحالية هتكفيك أكتر من كدا كمان ان شاء الله و لو جبت شاشتة 1080p و كارت R9 280x هتكفيك مش أقل من 3 سنين و كارت R9 290 هيكفيك فترة أطول و هكذا...كل ما دقة الشاشة تقل أو الكارت يكون أقوى هيكفيك فترة أكتر بشرط يكون المعالج قوي

[CrazyGamer]

طب فيه فارق ما بين core i5 4440 3.1GHz و ال core i5 4670 3.4Ghz ؟؟ و هل الفارق يستحق 250 جنيه ؟؟

[Dr_Hema2017]

طب فيه فارق ما بين core i5 4440 3.1GHz و ال core i5 4670 3.4Ghz ؟؟ و هل الفارق يستحق 250 جنيه ؟؟
i5 4670 أفضل بفارق بسيط
عموما انت المهم عندك ان البروسيسور يكون قوي و يشغل الكارت من غير عنق زجاجة ف 4440 هيكون أحسن و ممكن تحط ال 250 جنيه دول على اللي معاك و تجيب النسخة ال Toxic من R9 280x لو معرفتش تجيب R9 290 و النسخة ال Toxic دي جبارة بمعنى الكلمة بس لازم تتأكد انها هتدخل في كيستك علشان حجمها كبير و سعرها 3100 جنيه

[CrazyGamer]

النسخه التوكسيك مش حببها عشان حاسس الفارق في السعر زياده و انا حجيب كيس سبع مراوح فالتبريد حيكون جامد و كمان الMSI معاها BF4 و ديه لقطه بصراحه