المساعد الشخصي الرقمي

مشاهدة النسخة كاملة : مطلوب شاشه تلفيزيون led 42 بوصة



الكنج محمدعمار
13-03-2014, 01:06
السلام عليكم
انا أعتذر مقدما اذا كان هذا الموضوغ خارج عن قواعد المنتدى
بس أنا هاتجوز كمان اسبوعين ومحتاج شاشة تلفزيون نضيفه
وانا بشترى اليومين دول شاشه led 42 بوصه
والحقيقه فيه أسعار مغريه جدا من شركات مختلفه فى مقابل اسعار مرتفعه جدا للشركات أخرى
وانا استقريت حاليا على الأتى
ال جى 42 بوصة بوصة ال اى دى فول اتش دى TV 42LN5110عامله 3490 فى القاهرة للمبيعات
ودى كمان
شاشة ال اى دى يونيون تك 42 بوصة فول اتش دى M/LD-42TC-V59-AS1عامله 3099 فى القاهرة للمبيعات
فكنت عاوز نصيحتكم
كمان أنا مش محتاج حاجه سمارت او ثرى دى يكفينى مخرج واحد usb وواحد hd بس

tamer13
13-03-2014, 03:14
في 5400 افضل منها في الصوت والبروسيسور وبفرق 300 جنيه خد بالك
وفي سمارت بريموت رائع 5720 ب 4400 والجميع الصوره واحد 1080

لكن المهم mci او هرتز واظنه اقل من 100 في الجميع والله اعلم

الكنج محمدعمار
13-03-2014, 08:33
في 5400 افضل منها في الصوت والبروسيسور وبفرق 300 جنيه خد بالك
وفي سمارت بريموت رائع 5720 ب 4400 والجميع الصوره واحد 1080

لكن المهم mci او هرتز واظنه اقل من 100 في الجميع والله اعلم

شكرا لحضرتك
انا شوفت ال lg 5400 بس ماخدتش بالى ان فيه فرق بينها وبين 5110
فهل الفرق بينهم يستاهل ال400 جنيه واللا لا اصل انا مش فاهم ايه حكايه البروسيسور دى
وايه راى حضرتك فى شاشات اليونيون تك

عبدالفتاح حسين
13-03-2014, 12:34
شكرا لحضرتك
انا شوفت ال lg 5400 بس ماخدتش بالى ان فيه فرق بينها وبين 5110
فهل الفرق بينهم يستاهل ال400 جنيه واللا لا اصل انا مش فاهم ايه حكايه البروسيسور دى
وايه راى حضرتك فى شاشات اليونيون تك

طبعاً الفرق يستاهل أكيد
لأن ال LG 42LN5400 احدث
ايضاً تعمل علي 120Hz بخلاف الأخري 50Hz
وأيضاً داعمة للUSB3
وبها بعض المميزات الأخري تغلب الكفة لها في حالة الشراء عن الأولي
تقبل تحياتي

الكنج محمدعمار
13-03-2014, 12:57
اممممم مش فاهم الحقيقه حكايه 50 هرتز و120 هرتز
يعنى انا عاوز اعرف بشكل عملى كدا ايه الفرق بينهم
جوده الصوره والصوت والزوايا وكدا

عبدالفتاح حسين
13-03-2014, 13:13
اممممم مش فاهم الحقيقه حكايه 50 هرتز و120 هرتز
يعنى انا عاوز اعرف بشكل عملى كدا ايه الفرق بينهم
جوده الصوره والصوت والزوايا وكدا

طبعاً هاتفرق في جودة الصورة كل ما كان معدل الإنعاش أعلي
كلما كان أقرب الي صوره واقعيه حقيقيه
ودي في حد ذاتها ميزه اخي الكريم
علي حد معرفتي ... وانتظر رأي الجميع وخد برأي من أعلم مني

tamer13
15-03-2014, 12:27
ال 5400 يا اخي الصوت فيها سماعتين كل واحده 10 وات ضعف عن 5110 كل سماعه 5 وات

BLACK CATS
16-03-2014, 17:29
نصيحه هات الشاشه اللي معدل الانعاش بتاعها عالي لان هتفرق جامد في الصوره ولو هتدفع 300 او400 جنيه فالفرق فعلا يستاهل
لانها هتريحك بعد كده ومش هتحتاج تغير الشاشه قريب

ahmedziz
18-03-2014, 05:24
نصيحة بلاش تلفزيون يونيون تك اولا انا برضه رحت عشان اشتريها
وبعد تفحيص اخد منى ساعتين وجدت انها hd ready وليس full hd غير كدة البانال الخاص بالشاشة مش من انتاجها بل كان من انتاج سامسونج وقد توقفت عن صناعته ( يعنى الشاشة لو حصل فيها حاجة انساها خلاص لانها مابقتش تتصنع خلاص )
وطبعا 5110 حلو جدا واحسن منها مليون مرة وانا فعلا اشتريتها من يومين وبرضه لانه هاتجوز كمان شهرين تلاته
بس لما دخلت على موقع ال جى اكتشفت حاجة انها 100 هرتز بس ولكن موديل 5400 او 5720 120 هرتز
غير كدة كمان هى مش بتدعم صوت dts يعنى لو فيه فيلم بلوراى مش هايشتغل صوت وفعلا جربتها بس على موديل تانى خالص
وانا اشتريتها من بى تك فرع الهرم من يومين ومش عارف ينفع ارجعها وادفع الفرق اللى هو 1010 جنيه واجيب الموديل التانى ولا مش هايرضوا ( رنا يستر)
فا نصيحة بلاش يونيون تك دى خالص وخليك فى اى موديل من دول
5110 وسعره 3490
5400 وسعره 3850
5720 وسعره 4500 ( سمارت )
وشكرا

الكنج محمدعمار
18-03-2014, 08:42
تمام ياأستاذ احمد
خلاص انا هاشيل فكره اليونيون تك من دماغى خالص وهاركز مع الى جى

ahmedziz
19-03-2014, 03:00
دة التفكير الصحيح
بالمناسبة بقى
اية رايكم يا جماعة فى الاخ الاكبر ليهم وهو ln5720 اية رايكم فيه ومواصفاته حلوة ولا اية

tamer13
19-03-2014, 04:11
ln5720 افضل من 5400 بكتيير لانها سمارت وكمان جوده الصوره والريموت والسيستم كله نقله تانيه خالص والفرق في سعر بسيط برضه :)

الخلاصه الشركات بتجرجرنا ورا شريحه السعر الاعلي وبتطمعنا في الاغلي للاسف وبتخلينا نرفع سقف الميزانيه : )

----------
وينفع تعمل ريفند في اول 14 يوم وتسترد فلوسك وبدون ابداء اسباب (ده للشركات المحترمه زي كومبيو مي او بي تك او راديو شاك او كومبيوتر شوب وغيروو )

الكنج محمدعمار
19-03-2014, 12:58
الواحد اعصابه تعبت من موضوع الشاشه دا انا بقالى شهرين بدور على شاشه كنت هاجيب واحده 32 ولقيتها كبرت فجأه وبقت 42
بس انا ان شاء الله الستقريت خلاص على الى جى 5400 فعاوز اعرف هل تستاهل فرق 400 جنيه بينها وبين 5110
واللا مش هاحس بفارق ملحوظ
كمان انا هاشترى من شركة القاهره للمبيعات فعاوز أعرف إيه رأيكم

mmfis
20-03-2014, 07:58
انا ساعات بلاقي الشاشات 120 وساعات 100 !
هو ايه افضل انواع شاشات التليفزيون اخواني بالترتيب من الافضل للاقل
سوني - ال جي - سامسونج ؟
ومبروك مقدماً للجميع

ahmedziz
20-03-2014, 08:13
فعلا شفتها كدة وفى مواقع اكتر بتقول انها 120 هيرتز مش عارف مين الصادق والله يبارك فيك انا فعلا عملت ريفند ورجعتها وهاستلم 5720 يوم السبت القادم
بس فيه سؤال بيلح عليا اوى بقى ونفسى تجاوبونى عليه هى الشاشه طبعا سمارت فهل بييجى معاها ماجيك ريموت ولا لا لانى شفت ريفيوهات كتيرة على شاشات تانية lg برضه وسمارت وماكانش معاها ماجيك ريموت فهل دة بنشتريه من الوكيل لوحدوا وسعره كام ولا بيجى مع الشاشة لانى اتخنق اوى لما بشوف على اليوتيوب unboxing كتير لشاشات lg ومش بشوف معاها ماجيك ريموت خالص ( ربنا يستر )
ومبروك يا محمد مقدما على شراء 5400 وشركة القاهرة للمبيعات شركة محترمه اوى وهاتاخد هدية كمان وانت بتشتريه الشاشة وللاسف دة ماحصلش معايا فى بى تك
وعموما على اعتقادى انا ان ترتيب الشاشات هاتكون ال جى - سامسونج - سونى

mmfis
20-03-2014, 08:17
حاجة غريبة فعلا انا بعد ما كتبت حذفت الرد
لما بدخل على موقع lg الاصلي بلاقيها في الشاشتين 120
لما بدخل على راية او lg هنا في مصر بلاقي مكتوب 100 مفيش 120 دي خالص
وبخصوص الشاشة الف مبروك مقدماً
اما اسئلتك اخي لا ادري لعل اخواننا يجيبوك لكن نصيحة اسأل على كل حاجة وانت هناك قبل ما تشتري

الكنج محمدعمار
20-03-2014, 08:56
الحمد لله انا اشتريت شاشه 42 بوصه الى جى 5400 وخدت معاها حامل هديه

ومن حيث ترتيب الشاشات فأفضلهم سونى يليها سامسونج والى جى

tamer13
20-03-2014, 10:56
ماجيك ريموت بيكون مع الشاشه يا اخي ولازم تتاكد من ده وانت بتستلمها .
الى جى 5400 تستاهل فرق 400 جنيه بينها وبين 5110
والقاهره للمبيعات مش بتعمل ريفند من غير تقرير فني من ال جي بيجي البيت
والترتيب سامسونج الاقوي طبعا ثم ال جي ثم انواع اخري

ahmedziz
22-03-2014, 06:10
الف الف مبروك يا محمد على الشاشة الجديدة
وفعلا انا محتار فى حكاية 120 دى بس سئلت فى بى تك قالولى هى 100 بس وطالما هى 100 يبقى 5400 و 5110 برضه كمان 100
وسئلت كمان على الماجيك ريموت قالولى بييجى مع كل الشاشات السمارت والحمد لله
سؤال بقى تانى لولبى ؟؟؟
علل . . . .
دلوقتى انا عندى هوم ثيتر بشغله على pc اللى عندى بس من غير حوامل يعنى بيتعلق على الحيطه ثانيا مش معاه dvd وبشغله عادى خالص وميه ميه طب لو حبيت اشغله بقى على الشاشة الجديدة لما اتجوز فى بيتى الجديد بقى لو مشغل usb بتاعه هايتوصل ازاى بالتلفزيون بقى عشان مش عارف هاشغله ازاى مع اى حاجة بعرضها من usb وطبعا لو من الرسيفر دى عادى انا عاملها فى التلفزيون القديم انى بجيب مشترك حرف T وبركب السماعات عليه وكمان الريسيفر واخيرا وصله اخرى للتلفزون طب لو عايز اوصلها على طول لكل حاجة الريسيفر وUSB اعمل اية هل كدة لازم اشترى DVD واوصل الهوم ثيتر عليه ومنه للتلفزيون ويفضل شغال على طول وهل هايطلع صوت ومافيش اى اسطوانه فيه او حاجة وهايوصل الصوت عادى ولا اية
عشان دى مش فاهملها خالص
وخليك معانا يامحمد احتمال بعد كدة مستقبلا تجيب هوم ثيتر ولا حاجة لل 5400
ارجوا الرد

الكنج محمدعمار
22-03-2014, 07:40
على فكره فيه فرق واضح جدا بي ال5400 وبين 5110 فى الصورة ودا على حسب المقارنة بينهم على موقع الشركه وكلام البائع ذات نفسه ليا
اما بالنسبه للهوم ثييتر فالحقيقه انا ماعنديش خلفيه مسبقا عنه

ahmedziz
22-03-2014, 17:12
اكيد فيه فرق مابين الاتنين
وياريت اللى بيعرف فى توصيلات الهو ثيتر يقولى

ahmedziz
01-04-2014, 03:52
محمد عملت اية شغلت الشاشة ولا لسة واية رايك فيها

الكنج محمدعمار
12-04-2014, 20:10
الشاشة ماشاء الله جميله جدا
واحسن حاجه فيه الفلاشه بتتدعم تشغيل كل الصيع والصوره وواايا الرؤيا جميله جدا
وانا سعيد جدا انى اشتريتها بجد
ومعذرة لو مابدخلش نت كتير بقى
عريس جديد بقى عقبالكم :)

massodez
13-08-2014, 15:39
موجود فين موديل 5400 ياجماعه مش لاقيه خالص؟؟؟؟؟؟؟؟؟؟؟؟؟؟؟؟؟وكام سعره