عندى مشكلة مع شركة te data

[peter magdy mon]

مساء الخير يا شباب
الشركة كرهتنى فى حاجة اسمها نت فعلا انا بعانى منها بطريقة صعبة جدا
و الشركة خلت نفسيتى زفت بسبب سوء الخدمة و تكرار الكلام هو هو
------------------------------
انا مشترك فى سرعة 8 ميجا من شهر يناير اللى فات و اخد روتر هدية
النت اول شهر كان جامد جدا - كنت بحمل اول اسبوع بسرعة 800 ك و بعد كدة نزلت الى 730 ك --- فا مدققتشش و قلت دى نعمة احسن من الاول
اول شهر تقريبا اول اقل على الوضع و بعد كدة ابتدت المأساة
علما ان السلك اللى جاى من البوكس اللى داخل على الاسبليتر كنت عاملة بلحام قبل ما اعرف حكاية rg و كانت السرعة 800 و 730
السرعة نزلت لاقل م 400 ك و حاليا الى 170 ك بحد اقصى
اقسم باللة كلمتهم اكتر من 30 مرة او اكتر من كدة بكتييير قوى
تحس الدعم الفنى بيكرر كلام واحد كل مرة كأنهم بيغشو من بعض او رسالة بيسبوها لبعض يكروروها
هنبعت فنى للسنترال و فى خلال 48 ساعة عمل نشوف المشكلة - و الفنى يقول السنترال بكامل قوتة و اقدر احمل بسرعة 730 ك
و الفنى اللى جية المنزل مافيش م**** على الروتر بتاعة و السرعة جامدة 8 ميجا كاملة
و بعد حوارات كتير و زيارة مرتين لفنى للبيت غيرت الروتر من الشركة
الكلام دة انهاردة و كان عندى امل ان المشكلة تكون من الروتر و المشكلة تتحل
و للاسف المشكلة مازالت قائمة
انا كلمت 155 حماية الاتصالات و اشتكيت الشركة
هل حد عندة اى افكار او حل للمشكلة دى
ارجوكم اللى عندة حل ممكن يفيدنى اتصرف ازاى

[mahmoud_a1]

بداية قوم بتغيير السلك من البوكس للبيت بسلك قوى زى السويدى الاصلى و تكون وصله واحده مفهاش وصلات

وصل الراوتر مباشرة بالسلك من غير اسبليتر و شوف السرعه اتغيرت ولا لا

و ممكن تبعتلى ايميلك فى رساله خاصه و انا اتابع معاك

[peter magdy mon]

بداية قوم بتغيير السلك من البوكس للبيت بسلك قوى زى السويدى الاصلى و تكون وصله واحده مفهاش وصلات

وصل الراوتر مباشرة بالسلك من غير اسبليتر و شوف السرعه اتغيرت ولا لا

و ممكن تبعتلى ايميلك فى رساله خاصه و انا اتابع معاك
متشكر جدا يا استاذ محمود
هل ممكن يكون المشكلة من السلك - طب هل بعد ما اجيب السلك هل ممكن اركبة انا من البوكس ولا استنى الفنى
بس كان النت سريع و حلو الاول على نفس السلك
انا هتابع مع حضرتك فى الراسائل الخاصة هنا لان الايميل بيجى رسائل كتير بسبب الجروبات و الفيس بوك
فرسالة حضرتك هتوة فى النص - معلش
فبعد اذنك يا اما على الموضوع او رسائل خاصة - شوف اللى يريح حضرتك
متشكر جدا جدا

[a7medkaka]

ههههههههههه نفس المشكلة معايا ومع اخويا على خط مختلف
شركة زبالة

[ahmed-hn]

لعلم اصلا انا اتنين جيجا وبعد ما عملوا تست على الخط قالى مينفعش تزود لاربعة جيجا طبعا لازم اغير السللك من البوكس وكمان لازم الفنى يغيرك من عندو هناك
يعنى اصلا خطوطهم لا تتحمل اتنين جيجا
ايلى بسترك فى 8 جيجا اعتقد بيضيع فلوسة معاهم

[peter magdy mon]

بس كانت السرعة شغالة حلو فى الاول يا جماعة
و كنت بعمل داونلود بسرعة 800 ك و بعد كدة ثبتت على 730 ك
و اللة و كان فى لحام على السلك اللى من البوكس و لحام من الاسبليتر للروتر - يعنى لحامين قبل و بعد الاسبليتر و النت كان جامد جدا
لكن حجة اللحامات دى ملهاش لازمة لان النت كان شغال حلو قبلها
اللة ينتقم منهم
يعنى مافيش حل للمشكلة دى يا جماعة
انا مش عايز اسلم على كدة و يبقى امر واقع

[mahmoud_a1]

بص يا سيدى الامر سهل انك تغير السلك بنفسك من البوكس و جودة السلك عليها عامل كبير علشان الظروف الجويه بتاثر عليه

اولا هتشوف سلكك داخل على انهى فرعتين فى البوكس هتفك المسامير اذا كان السلك مربوط بمسامير فى البوكس و تركب الطرفين بتوع السلك الجديد مكانهم و يا ريت يكون سويدى اصلى

و متدبسين سهل شد الطرفين من البوكس من المكان بتاعهم و دبس الاتنين التانين مكانهم تغيير السلك مفيد مش مضر

بعد كده تركب الراوتر مباشرة لو تمام يبقى كانت مشكلة سلك

لو مش تمام هتروح السنترال للفنى هناك قوله التدبيش بتاع الخط مش كويس اكدلى عليه تانى و تروح تجرب تانى بعدها

لو مش تمام تقوم رايح قايله انا عاوز انقل من البوكس ده خالص او انقلنى على تفريعه تانيه تكون كويسه

و تابع معانا بالجديد

[peter magdy mon]

بص يا استاذ محمود
انا غيرت السلك دلوقتى بس جبت حاجة خامة نظيفة لكن مقدرتش اجيب السويدى لكن جبت خامة نظيفة
و لفيت و سألت لغاية ما عرفت واحد شغال فى السنترال عندنا ساكن فى المنطقة - عديت علية و جبتة يشوف البوكس
غيرت السلك لكن لحمة بسلكين خارجين من البوكس و البوكس حالتة مذرية على الاخر وواقع و السلوك هيا اللى مسكاة
و لحم السلك الجديد بسلكتين مربوطين فى البوكس نفسة و لف عليهم عازل و خت رقم تيلفونة و قالى يوم الاحد هتابع معاك من الكبينة
لكن المشكلة مازالت قائمة فى بطئ النت
هل ممكن اتصل 111 و اقولهم تدبيس الخط مش تمام و عايز اتنقل على بوكس تانى ولا مينفعش
ولا منى للفنى

[McLaren]

أخشى أني أقول لك أن العيب غالباً من الشركة,

لأن ناس كتير بتقابل مشاكل مع تي داتا وخصوصاً عروض الطلقة:

https://fbcdn-sphotos-g-a.akamaihd.net/hphotos-ak-prn1/t1.0-9/p350x350/1525045_443867442426208_1464676070_n.jpg

دا في ناس كمان كانت بتزعم أن سرعتها وصلت 35 كيلو بايت !

عشان كده ثورة الإنترنت ما قامتش من شوية
الفيديو ده لسّه نازل النهار ده:


https://www.youtube.com/watch?feature=player_embedded&v=sqidLEGzzks

[mahmoud_a1]

بص يا استاذ محمود
انا غيرت السلك دلوقتى بس جبت حاجة خامة نظيفة لكن مقدرتش اجيب السويدى لكن جبت خامة نظيفة
و لفيت و سألت لغاية ما عرفت واحد شغال فى السنترال عندنا ساكن فى المنطقة - عديت علية و جبتة يشوف البوكس
غيرت السلك لكن لحمة بسلكين خارجين من البوكس و البوكس حالتة مذرية على الاخر وواقع و السلوك هيا اللى مسكاة
و لحم السلك الجديد بسلكتين مربوطين فى البوكس نفسة و لف عليهم عازل و خت رقم تيلفونة و قالى يوم الاحد هتابع معاك من الكبينة
لكن المشكلة مازالت قائمة فى بطئ النت
هل ممكن اتصل 111 و اقولهم تدبيس الخط مش تمام و عايز اتنقل على بوكس تانى ولا مينفعش
ولا منى للفنى

بص يا سيدى المفروض ان سلكك يبقى مربوط فى طرفين خارجين من البوكس مش اكتر من كده لو اكتر من كده اكبر غلط هتفقد سرعتك اكيد و اياك انك تتصل بال 111 هيغرموك فلوس علشان تنقل بوكس تانى انت تتعامل مع اللى شغال فى السنترال و تفهمه يعمل ايه سلكك يتربط فى الفردتين بتوعك فقط اللى خارجين من البوكس و لو البوكس تعبان دور فى الشارع بتاعك على بوكس كويس و انقل عليه بالشروط اللى قولتلك عليها

و السلك اللى انتى جيبه يكون اتنين طرف فقط مش اربعه

تابع معايا بالجديد دايما و ان شاء الله نوصل لحل

[mahmoud_a1]

أخشى أني أقول لك أن العيب غالباً من الشركة,

لأن ناس كتير بتقابل مشاكل مع تي داتا وخصوصاً عروض الطلقة:

https://fbcdn-sphotos-g-a.akamaihd.net/hphotos-ak-prn1/t1.0-9/p350x350/1525045_443867442426208_1464676070_n.jpg

دا في ناس كمان كانت بتزعم أن سرعتها وصلت 35 كيلو بايت !

عشان كده ثورة الإنترنت ما قامتش من شوية
الفيديو ده لسّه نازل النهار ده:


https://www.youtube.com/watch?feature=player_embedded&v=sqidLEGzzks
لان السنترالات متهالكه اولا

ثانيا هم منعوا السرعات العاليه للغير محدود علشان كده

و بمفهوميتهم عملوها للطلقه قال يعنى السنترال مش هينفع لده و هينفع لده

على العموم نحن نعانى من بنيه تحتيه سيئه و ده سبب المشاكل

[MaHmOuD ZeRo]

انا مشكلتى شبيها بمشكلتك
28 او 29 يوم بالظبط كنت بعانى ان الانترنت بيفصل
غيرت اسبليتر غيرت السلك
جربت روتر اخر
خدت من البوكس على الروتر علطول
وكلمتهم كتييييييييير جدآ من الشغل والبيت من الشغل والبيت
تقريبآ شهر بالظبط والنت بيفصل كل يوم اكتر من 50 مرة فى اليوم ( متقطع )

وفجاة المشكلة اتحلت لوحدها من شهرين اول اقل تقريبآ
ازاى مش عارف :confused:

وفجاة المشكلة رجعت تانى بقالها 5 ايام :eek:
زى ما تقولوا كدا وحشتها وجت تسلم وتبات عندى كمان :D

عمال بقى اكلم الشركة من الشغل والبيت لغايه ما زهقت من النت
وكلهم على كلمة واحدة الفنى هيروح السنترال يتابع الخط من هناك
وبعد يوم كلمنى واحد قالى عاوز يجيى يشوف التوصيلات وكدا ( مع انى وصفتله انا موصل ازاى )
المهم قولتله على اخر مكالمة حصلت معايا من الشركة وهيا ان فى فنى هيروح السنترال الاول مش هيجىى البيت انت روحت السنترال
فسكت شوية وتوه فى الكلام سألته تانى قالى نعمل زيارة للبيت الاول

المهم اتخنقت منه وقلتله طيب قالى اجى امتا قولتله انا مش فاضى
وخلاصت على كدا الكلام دا من يوم الخميس
ولغايه انهردة النت بيفصل ومطلع عينى
وكبرت دماغى من انى اتصل بالشركة واقولهم
لان للاسف هما مش عارفين العيب منين
الموضوع عامل زى واحد بيعمل عمليه لواحد وبيكلم الحلاق فى الفون ويقوله اعمل ايه للمريض
( دا على اساس ان زمان الحلاق كان بتاع كله )
عذرآ للحالقين

[peter magdy mon]

بس مع احترامى لحضراتكم
انا تبع سنترال الزاوية الحمراء - و السنترال دة قوى جدا و كلة عندة النت تمام و وواخد سرعتة كاملة
يعنى واحد اشترك فى الطلقة بس هو اقرب للسنترال و فى الاول كان بيحمل بسرعة 915 ك لكن حاليا بسرعة 600ك بس كويس برضو
و السرعة 2 ميجا بيحمل بسرعة 255 الى 230 ك و هكذا الناس فى المنطقة هنا معندهاش مشكلة مع السرعة او الاستقرار خالص
فعلشان كدة انا بحاول الاقى حل لان دى تعتبر مشكلة فردية للى اعرفة هنا
و بعدين المشكلة دى جديدة لان قبل كدة كنت بحمل لمدة كبيرة بسرعة عالية جدا و بدون انقطاع للنت
نسيت اقول من كام يوم كدة الحرارة بقت تقطع لكن النت شغال و بغلت الشركة و قالولى المشكلة من عندهم فى السنترال و اتحلت - و تانى يوم حصل كدة تانى و بعتولى واحد صلح من الكبينة و من ساعتها النت بقا ابطا كان بسرعة 4 ميجا و كنت زعلان دلوقتى بقا بسرعة اقل من 2 ميجا و صوت المكالمات بقى بعيد قوى او فية خروشة
فاكيد التوصيلات غلط
انا هكلم الراجل دة يوم الاحد يغير البوكس و وربنا يسهل
و ربنا يرحمنا من استغلال شركات النت

[Black foxer]

هههههههههههه انا فاض بيا منهم جايب خط واحد ميجا لوحدي وبفتح عرب هاردوير بالعافية

عملت البدع معاهم خدمة عملاء زي ما حضرتك بتقول نفس الكلمتين الي بيتقالوا هم هم دا احنا لو عبيد عندهم مش هيعملوا كدة

انا فكرت اني اخطف العميل بتاعهم الي بيجي البلد وهطلب انهم يزودولي السرعة
وفكرت اني اعمل هجوم على السنترال وافضل هناك لحد ما يزودو السرعة

او اولع في نفسي واخلص من الهم والقرف دا

ربنا معاك

[bicoo_2010]

ازيكم يا شباب
انا لسه مسجل ف المنتدى حالا عشان ارد بس وكلمة حق اقولها
العيب مش عيب شركة نت العيب فى البنيه التحتيه بتاعت السنترالات والاسلاك المتهالكة تماما تحت وفوق الارض وبرضو المسافة بينك وبين السنترال و انا مشترك مع تى اى داتا ف الشيخ زايد بقالى 3شهور والخدمة ما قطعتش لحظة واحدة والله وطبعا مع راوتر تى اى داتا الجديد واللى عرفته ان رقم التيلفون على كابل فايبر واللى قالى المعلومة خدمة عملاء تى اى داتا فالدنيا اتغيرت وزى ما قال وزير الاتصالات قبل كدا ان خلال 4 سنين مصر كلها هتتغير كابلاتها من النحاس للفايبر ودا هيفرق كتير فى نقاء خدمة الانترنت وخدمة التيلفون طبعا ... وانا فى شغلى ف اكتوبر تى اى داتا زفت خالص وللاسف عشان الخطوط الارضية متهالكة اساسا فى المنطقة الصناعية ودلوقتى حطو كابلات الفايبر وبيعملولها التيست الاخير عشان هيشغلو الفايبر فى المناطق الصناعية فى اكتوبر ودا هيبقى افضل كتير عشان الكابلات النحاس بتتسرق كل شوية

وشكرا ليكم

[himaalex]

ازيكم يا شباب
انا لسه مسجل ف المنتدى حالا عشان ارد بس وكلمة حق اقولها
العيب مش عيب شركة نت العيب فى البنيه التحتيه بتاعت السنترالات والاسلاك المتهالكة تماما تحت وفوق الارض وبرضو المسافة بينك وبين السنترال و انا مشترك مع تى اى داتا ف الشيخ زايد بقالى 3شهور والخدمة ما قطعتش لحظة واحدة والله وطبعا مع راوتر تى اى داتا الجديد واللى عرفته ان رقم التيلفون على كابل فايبر واللى قالى المعلومة خدمة عملاء تى اى داتا فالدنيا اتغيرت وزى ما قال وزير الاتصالات قبل كدا ان خلال 4 سنين مصر كلها هتتغير كابلاتها من النحاس للفايبر ودا هيفرق كتير فى نقاء خدمة الانترنت وخدمة التيلفون طبعا ... وانا فى شغلى ف اكتوبر تى اى داتا زفت خالص وللاسف عشان الخطوط الارضية متهالكة اساسا فى المنطقة الصناعية ودلوقتى حطو كابلات الفايبر وبيعملولها التيست الاخير عشان هيشغلو الفايبر فى المناطق الصناعية فى اكتوبر ودا هيبقى افضل كتير عشان الكابلات النحاس بتتسرق كل شوية

وشكرا ليكم

مع احترامى طبعا لسيادتك بالتاكيد طبعا الخطوط القديمة هتفرق عن الفايبر لكن المشكلة الاساسية هى اولا اغلب محافظات الجمهورية تعمل بالخطوط النحاسية ومع ذلك توجد خطوط نقل البيانات التى تتعدى سرعتها 128 ميجا على نفس الخطوط النحاسية التى تقدم عليها الخدمة الينا
ثانيا وده الاهم هو الانترنت دخل مصر من امتى؟هنقول ابتدى فى الانتشار من مدة 10 سنيين ومع غلو الاسعار والخدمة المحدودة الشركات بتكسب مكاسب رهيبة ولكن لم يفكروا فى تطوير نفسهم الى خطوط الفايبر خلال العشر سنوات
احنا اغلى انترنت على مستوى العالم
ثالثا مش ذنبنا ان الشركة تطور على حسابنا اى مشروع تجارى له راس مال والمفروض ان راس مال الشركة هى الخطوط والمعدات اما طريقة من ذقنه وافتله ده اسمه شغل نصب

[himaalex]

وخطوط الطلقة اللى بيوصل الداونلود ليها الى 600 او 700 كيلو بايت هل الاسلاك النحاس مش ماثرة فقط على نظام الطلقه وبتاثر على الانليميتيد
للاسف ان كلام حضرتك اللى نقله من خدمة العملاء اللى اساسا 90% من الوقت مايعرفوش اى سبب لمشاكلك الا قبل دفع الفاتورة
احنا بصراحة مش عارفين والله نلاقيها من مين ولا من مين كل شركة وبالذات الحكومية منها اسهل شئ عندها الاستهتار بالعميل وفى الاخر يقولك اشترى المصرى

[shoper]

مساء الخير حضرتك المشكلة ممكن تكون فى كفاءة الخط الارضى نفسة مش قادر يستحمل السرعة المطلوبة

[a7medkaka]

يا جدعان انا سنترال حلوان واشتركت مع كل الشركات ورجعت لدى تاتا عشان عرض الطلقة والأخويا قالى علية حلوا وانو بينزل ب 900 كيلو ودنيا حلوة اشتركت ويارتنى مشتركت اول شهر الداون لود طلقة فعلا و900 كيلو زى الفل تانى شهر السرعه كانت 90 كيلو دون لود اه والله اتصل اشتم و اقل فى ادبى وطبعا نفس السناريو دة مع اخويا ان المشكلة من السنترال وبعد كدا المشكلة من عندو و جة الفنى و غير السلك و نفس المشكلة موجودة معاه :) و طبعا انا هيتكرر معايا نفس الموضوع
الخلاصة هى ولا بنية تحتية ولا حاجة دة سياسة بتتبعها الشركة عشان تقلل السرعة عشان الحمل الزائد على السرفرات فبتعمل كل الحوارات الفكسانة دة وللعلم انا بقالى اسبوع مستنى الفنى يجى وادانى معاد انهردة الساعة 12 والساعه دلوقتى 3 ومحدش كلمنى :)
شركة زبالة :(

[shoper]

السلام عليكم جميعا

مبدائيا سرعة النت للمشترك بترجع حسب كفاءة الخط الارضى يعنى ممكن يكون الخط نفسة علية عزل فطبيعى مش هيقدر يقوم السرعة اللى حضرتك طالبها وينتج عدم ثابت الخدمة + بطئ الخدمة نفسها فى حالة ان الخط الارضى يكون كويس ونظيف والمشكلة موجودة يجيب تغير السلك بنوع سلك سويدى نحاسى ويتم توصيلة من البكس بتاع التليفونات الى الاسبليتر على طول ومن الاسبليتر للروتر واذ كان المشكلة مستمرة وصل السلك اللى تم تغير من البكس على الروتر وشوف الوضع

معلومة البنية التحتية للتليفونات الارضى متهالكة ودى من الاسباب الرئسية لمعظم مشاكل مستخدمى النت

[shoper]

يا جدعان انا سنترال حلوان واشتركت مع كل الشركات ورجعت لدى تاتا عشان عرض الطلقة والأخويا قالى علية حلوا وانو بينزل ب 900 كيلو ودنيا حلوة اشتركت ويارتنى مشتركت اول شهر الداون لود طلقة فعلا و900 كيلو زى الفل تانى شهر السرعه كانت 90 كيلو دون لود اه والله اتصل اشتم و اقل فى ادبى وطبعا نفس السناريو دة مع اخويا ان المشكلة من السنترال وبعد كدا المشكلة من عندو و جة الفنى و غير السلك و نفس المشكلة موجودة معاه :) و طبعا انا هيتكرر معايا نفس الموضوع


الخلاصة هى ولا بنية تحتية ولا حاجة دة سياسة بتتبعها الشركة عشان تقلل السرعة عشان الحمل الزائد على السرفرات فبتعمل كل الحوارات الفكسانة دة وللعلم انا بقالى اسبوع مستنى الفنى يجى وادانى معاد انهردة الساعة 12 والساعه دلوقتى 3 ومحدش كلمنى :)
شركة زبالة :(

مساء الخير

لوجة الفنى عند حضرتك قولو يجربلك الخدمة من على بكس التليفونات على طول ويشوف من تحت السرعة وثابتها لو تمام تبقى مشكلة سلك او اسبليتر لو مش تمام هتبقى مشكلتك فرعات الخط نفسو محتاجة تتغير او يكون فى شى جوة السنترال

[a7medkaka]

مساء الخير

لوجة الفنى عند حضرتك قولو يجربلك الخدمة من على بكس التليفونات على طول ويشوف من تحت السرعة وثابتها لو تمام تبقى مشكلة سلك او اسبليتر لو مش تمام هتبقى مشكلتك فرعات الخط نفسو محتاجة تتغير او يكون فى شى جوة السنترال
هو الفنى جه اصلا!!!! وكمان الشركة هى البتعترف ان عندهم مشكلة فى السنترالات هتتحل كمان اسبوعين ولكن انا قدمت شكوى بفسخ العقد لذلك هما بيمطلو معايا عشان الفنى ميجيش ويثبت ان المشكلة من عندهم

[بنسا]

بصوا يا شباب انا هاجيب ليكم حل وملخص المشكله دى كلها وان شاء الله الحل بتاعها يبقى مظبوط تماما زى ما بقول لانى عملتها عن تجربه اولا بخصوص الخدمات اللى بتقدمها شركات الانترنت وانا هاتكلم عن تى داتا مخصوص لانى واخد خط منها هى خدمات تعتبر فى المتوسط جيده جدا وممتازه . طيب اكيد كتير هاينتقد كلامى دا والسبب طبعا اللى بيعانوا منه من مشاكل لكن بعد تجربتى فى حل مشكله السرعه دى اتاكدت ان الشركه خدماتها ممتازه نيجى لحل المشكله معلش طولت عليكم :)
خلينا نتفق على مبدا الشركه مش بتسرق من السرعه بتاعتك خالص بمعنى ان انت لو متعاقد على 512 هاتاخد 512 او واحد ميجا هاتاخد واحد ميجا طيب امال اصل المشكله فين اصل المشكله فى الكوابل الارضيه النحاس لانها مشبعه بالرطوبه جدا ومعظمها تالف وغير جيد للتوصيلات الارضيه بس فيه حلول مؤقته وجيده للموضوع دا الى ان يتم تغير الكوابل الارضيه للفايبر ودى خطه المصريه للاتصالات اللى بداتها فعلا بداية من اخر السنه اللى فاتت ولحد عام 2016 مصر كلها هاتبقى الكوابل الارضيه بتاعتها فايبر
حل المشكله
اولا : خط التليفون فيه حاجه اسمها فراعات وكل خط المفروض له تلات فراعات الفراعات دى كل ما كانت جودتها عاليه كل ما كان النت مظبوط اوى معاك بمعنى ان الفرعات دى لها ارقام فى القرايه وهى المفروض التلات فراعات تكون القرايه بتاعتها فى السنترال 1016 للتلات فراعات طيب مين هايعرفنا الكلام دا ؟! اللى هايعرفنا الكلام دا مسؤلين الاعطال بتوع المصرية للاتصالات اللى هما بيطلعوا يركبوا الخطوط بتاعه التليفون
لو تعرف تتواصل معاه قولى ظبتلى الفراعات بتاعه خط التليفون الارضى وهى بتتبظط ما بين البوكس والكابينه بتاعه التليفون وبتلاحظ الفرق لو هو فعلا نقلك على فرعه كويسه
وعلى فكره انا كنت على كبل نحاس ارضى وبعدين اتغير للفايبر ولاحظت الفرق فى الخدمة والدنيا عندى بقت فوق الممتاز ليل نهار والحمد لله
ارجو انى اكون وضحت بصوره كافيه ومكنش طولت عليكم

[peter magdy mon]

طبعا انا قريت تعليقات حضراتكم
وشكرا على تفاعلكم لحل المشكلة
انا كلمت الفنى انهاردة الصبح على انة يغير البوكس بس قالى البوكسين اللى حواليك متهالكين زى اللى عندى
- فقالى هغير الخط من الكبينة بخط تانى و انا حضرتة سلك سويدى 2 سلك نحاس - على فكرة احنا مغيرناش السلك القديم لانة السلك اللى متركب من الاول نحاس و احسن من اللى انا جايبة
و جية فعلا و دور على المكان الجديد بتاع الاسلاك الجديدة و خليتة يوصل السلك بالبوكس مباشرة من غير لحامات
و للاسف نفس السرعة هيا هيا بدون اى زيادة
اللى هيجننى ان اول شهر كانت شغالة حلو جدا
فى عضو هنا مشترك فى الطلقة كان بيقول اان برضو الخدمة اشتغلت اول شهر حلو و بعد كدة بقت اسوء
يعنى اول شهر 730 ك تانى شهر و نص التالت كانت 390 ك و بعد كدة حاليا 170 ك مش عارف بعد كدة هتبقى اية
هل المشكلة فى عرض الطلقة
لانى كنت هجمع ناس و هشترك فى سرعة 4 ميجا مفتوح
فلو غيرت النظام ل 4 ميجا هيبقى نفس الكلام ولا نظام الطلقة دى اشتغالة
شكرا لحضراتكم

[McLaren]

طبعا انا قريت تعليقات حضراتكم
وشكرا على تفاعلكم لحل المشكلة
انا كلمت الفنى انهاردة الصبح على انة يغير البوكس بس قالى البوكسين اللى حواليك متهالكين زى اللى عندى
- فقالى هغير الخط من الكبينة بخط تانى و انا حضرتة سلك سويدى 2 سلك نحاس - على فكرة احنا مغيرناش السلك القديم لانة السلك اللى متركب من الاول نحاس و احسن من اللى انا جايبة
و جية فعلا و دور على المكان الجديد بتاع الاسلاك الجديدة و خليتة يوصل السلك بالبوكس مباشرة من غير لحامات
و للاسف نفس السرعة هيا هيا بدون اى زيادة
اللى هيجننى ان اول شهر كانت شغالة حلو جدا
فى عضو هنا مشترك فى الطلقة كان بيقول اان برضو الخدمة اشتغلت اول شهر حلو و بعد كدة بقت اسوء
يعنى اول شهر 730 ك تانى شهر و نص التالت كانت 390 ك و بعد كدة حاليا 170 ك مش عارف بعد كدة هتبقى اية
هل المشكلة فى عرض الطلقة
لانى كنت هجمع ناس و هشترك فى سرعة 4 ميجا مفتوح
فلو غيرت النظام ل 4 ميجا هيبقى نفس الكلام ولا نظام الطلقة دى اشتغالة
شكرا لحضراتكم

زي ما قلت لك, العيب من الشركة.

الطلقة اشتغالة,
ال 4 ميجا هيبقى أفضل بس برضوا مش ثابتة أوى (بس أحسن)
وبيطبقوا عليها Limit 300 GB
وعلى السرعة دي فيه ناس بتخلّصهم قبل نهاية الشهر

فلو تعرف تروح لشركة زى IM سرعتها أثبت (عن تجربة)
ومش بتطبق limits خالص, يبقى أحسن لك.

البوست ده هتلاقي فيه معلومات أكثر عن IM لو عايز:

https://arabhardware.net/forum/showthread.php?t=372916&page=9