مشكلة مع الاخ نوفل 2010 ومنتظر حكمكم

[Ahmed.Saleh]

المشكلة علي الباور في الموضوع التالي
Antec True Power Trio TP3-650 650W
https://arabhardware.net/forum/showthread.php?t=385665

حبيت اثبت بس هنا انه الباور فيه مشكلة ما ظهرت معايا ف الاول ولكني متوقعتش اصلا انها مشكلة وهي انه الباور وفي حالة غلق الجهاز او اعاده تشغيله ما بيشتغلش, يعني اطفية واجي اشغل الجهاز ما يشتغلش.
لازم افك الباور واركب باور تاني واقوم الجهاز واطفية وارجع الباور فا الجهاز يشتغل.
مع العلم مواصفات جهازي اللي اشتريت الباور ليه
Asrock b75
I5 2400

الموضوع حصل معايا في اول يوم ولكن ولاني كنت مركب كارت مستعمل كنت مشترية برضو من المنتدي شكيت فيه وفيكت الباور وركبت الباور بتاعي الشخصي Couger CMX علي الكارت المستعمل الجهاز استغشل قمت فاكك الباور والكارت وركبت الباور اللي اشتريته من الاخ محمود هنا مع كارت تاني 290X تاني فا الجهاز اشتغل وفضل شغال فعلا كويس جدا وعملت بنشمارك عليه وضغطت علي الكارت وكل شئ كان تمام, وظل شغال اكتر من 10-12 ساعات متواصل لتاني يوم وعليه كتبت في الموضوع انه الباور شغال كويس ودي الحقيقة لغاية ما الكهربا قطعت وحصلت نفس المشكلة.
ولما عملت نفس الخطوات اتضح انه نفس المشكلة حصلت تاني فا تأكدت انه ده موضوع الباور مش الكارت رغم اني شيلت الموضوع من دماغي لما ال290x اشتغل كويس جدا معاه. ولما حربت اعيدةالخطوات واشغل الباور تاني واعمل ريستارت بنفسي برضو اتكرر نفس الامر, رحت كلمته بالليل امبارح بعد الشراء بيوم واحد انا اشتريته - الجمعة - اقوله قالي طيب عندك جهاز تانيةتجربه عليه قلتله اه بس انا هركبة علي الجهاز اللي هوه مش بيشغله وعامل معاه مشكلة فا ليه اجربه ف حته تانية وعلي الرغم من ذلك جربته علي جهاز فيه ماذر Z87X -OC ومعالج i5 4670 رفض تماما اصلا يقوم الجهاز.

وهوه قالي انه باوره الشخصي ومشغله علي ماذر p45 وشغال كويس, رديت انه ده بيثبت انه كلامي صح الموضوع موضوع توافقية مش اكتر ولو انت خدت الباور هيشتغل معاك لانه الجهاز قديم جدا عندك.

و انا لما بحثت لاقيت الموضوع ده
https://www.reddit.com/r/buildapc/com...pinning_power/

لواحد حصلت معاه المشكلة ذاتها مع نفس الباور مع جهاز Z87 ورفض يشغل الجهاز اصلا واضطر يغير الباور نفسه, الامر اللي يثبت انه المشكلة مشكلة توافق ولان موديل الباور قديم.

كلمت الراجل وحكيلته كل ده وبعد مكالمة طويلة تخطت ال15 دقيقة قالي انا ضماني يوم واحد وتقدر تعرض الباور, فا قلتله ازاي المشكلة حصلت من اول يوم وانا ولان الباور بعدها اشتغل قولت يبقي خلاص مش مشكلة اصلا. وقلتله انا مش بشكك فيك بس الباور فيه مشكلة توافق مع الاجيال الجديدة وانا بس عاوز لو عندك باور تاني نبدل وانا شايف ببور سي سونيك ممكن ابدله بده قالي ده محجوز. ورجع قالي نفس الكلام انه مش هيفع يرجعه وانا كاحمد اقدر اعرضة للبيع.

دلوقتي انا مش عاوز الباور لانه مش هينفعني والراجل رافض يرجعة بحجه انه عدي عليه اليوم الضمان رغم ان المشكلة كانت حاضره من اول يوم لا وبيقولي انه الكهربا لما قطعت عملت كده رجعت قلتله الموضوع حصل مع اول تشغيل ولاني كنت شاري كارت مستعمل فصلت ورجعت الباور تاني بعد ما جربت الكارت وده اللي خلي الباور يشتغل لكنه برضو رافض يرجع الباور.

قلتله انت راجل معروف وانا برضو معروف وانا مش بشكك فيك الحكايه ومافيها انها مشكلة توافق وانا الباور مش هيلزمني والحكاية مش لازم تكبر قالي كبرها وانا ده اللي عندي.

هسيب الحكم ليكم.

[محمد البرديسى]

بس يا اخى احمد الباور الذى تم الشراء من الاخ نوفل سليم ولا يوجد اى مشكلة فى غير عدم التوافق مع الجهاز عندك
ما المشكلة اخ نوفل لكى يتم استرجاع الباور او الاستبدال باور تانى

[Ahmed.Saleh]

لانه المشجلة حصلت من اول يوم ومفترض انه لو مش شغال معايا يرجع كل ما هنالك انه تاكد ليا انها مشكلة تاني يوم حتي قبل ما يعدي عليه 24 ساعة اصلا.

[نوفل 2010]

سيتم اللجوء لقسم الشكاوى بالمنتدى ضدك لاتخاذ اللازم نحو تسجيل شكوى على العام ضدى

[Ahmed.Saleh]

لا اعرف غير العام طريقا, فتوكل علي الله اشتكي لهم.

[Ahmed.Saleh]

وتكمله الرد علي الاخ البرديسي, هوه اناةجايب حاجة استخدمها ولااركنها جنبي, ولاهوه اسلوب بيع وشيل الزبون وخلصنا؟
انا مشتري من راجل محترم شغال في المستعمل مش من يوزر عادي.

[ram fetouh]

رأي الشخصي: الأخ نوفل ليس عليه مسؤولية طالما أن الباور ليس به مشكلة في حد ذاته، وما دامت المشكلة مشكلة توافق فكان على الأخ أحمد القراءة بعض الشيء عن الباور (وإن كان هذا نادرًا ما يحدث)، ولكن مع احترامي للأخ نوفل، من مبدأ لا ضرر ولا ضرار، أن يرضى باستعادة الباور إذا لم يكن سيتسبب هذا في ضرر بين له، وذلك حتى لا يقع ضرر (الاخ نوفل غير مسئول عنه) على الاخ احمد. الخلاصة: الرضى باستعاد الباور كرم أخلاق وليس واجب على الأخ نوفل
وجزاكم الله خيرا

[Mostafa Domyaty]

السلام عليكم
من ناحية الاخ احمد الذى قام بشراء الباور الذى اتضح فيما بعد بأن الباور لم يتوافق مع جهازه .....فأنا اقف معك تماما لانك سوف لن تنتفع به
وعلى الاخ نوفل ان يراعى هذا السبب ومن أنسيانية وحق البائع والمشترى ...ولك الحق ان تخصم حتى 20 % من حقة

وكلام الحق : عمر الحاجة ما بتبان كويسة او مضروبة من يوم واحد ...على الاقل 3 أيام وارجو من القائمين على هذا القسم ان يحددو مدة الضمان الشخصى

وعيب يعنى الى بيحصل احنا فى منتدى واحد
وارجو الله ان يوفق بينكم

[mahmoudsogic]

الاخ الى انت اشتريته منه لو واثق فى الباور بتاعه الى هو كويس ومش معيوب كان رجعه فى ساعتها :)

[moltoman]

الاخ احمد صالح اعترف ان الباور شغال و جربه و كله تمام
معداش 24 ساعه و ظهرت حكاية عدم التوافق
ايه المشكله ان الاخ نوفل يرجع الباور ؟؟
كتير من الاعضاء اتعاملو مع تجار هنا في المنتدى معروفين و لما بتحصل حاجه زي كده بترجع عادي من غير مشاكل
ولا الاخ نوفل ما صدق ان الباور مشي ؟

[mahmoudsogic]

هو سعره كام ؟

[mahmoudsogic]

يا أستاذ / أحمد
انا لقيت موضوع هنا واحد بيسأل على باور 650 واط
أسمه ايمن الطيب (https://arabhardware.net/forum/member.php?u=11299480)
والموضوع أهو https://arabhardware.net/forum/showthread.php?t=384221

[Sherif.Attia]

السلام عليكم
الأخ الفاضل أحمد صالح والأخ الفاضل محمود ( نوفل ) لا فرق بينكما من حيث الإحترام والمبدء ....
أولاً تحياتى لكما
ثانياً . أرى أن مبدء التجاره يا أستاذ محمود لحق المشترى فى إرتجاع قطعة الهاردوير المباعه لعدم توافقيتها مع باقى قطع الجهاز .
وأرى أنك شخص متفهم لهذا الأمر وأنك أكبر من ذلك يا أ/ محمود وأنت فى غنى عن خصم أى شىء من ثمن المزود لعدم وجود مشكله به . حيث أنه لا يتوافق فقط مع باقى قطع الجهاز
وأرجوا من الأعضاء الكرام عدم الإنحياز وعدم المشاركات التى بها كلام خارج لكلا الطرفين
خالص تحياتى للجميع:)

[Sherif.Attia]

ينقل لقسم الشكاوى والإقتراحات

[mano_gogo]

السلام عليكم
الموضوع بسيط جدااا
الاخ نوفل مش غلطان لان عارض شيئ سليم للبيع والحاله والسعر معروض وفعلا الاخ احمد اقر ان البور شغال بحاله جيده
لاكن الخلاف بسيط ان ممكن اعرض البور تاني للبيع ولا يوجد خلاف اصلا عن طريق الاخ نوفل وعادى كانها بيعه لم تتم
انتم ناس كبيره ولكم تاريخ بالمنتدى

[wegyptw]

بصراحه انا شايف ان الاخ نوفل يرجع البور و ده هيزيد من مصداقيته بمعني 350 جنيه مش مبلغ يخلي الانسان يغامر بسمعته بس بردو لو المشكله حصلة من الكهربا لما قطعت يبقي يجب عليك تقول الصراحه لانك كدا ربنا يحسبك حسابين تشويه سمعة انسان و بخلاف الكذب و اعتقد ان الموضوع سهل اوي يتحل لو فيه توافق بينهم ولو فيه حد يحكم بينهم و يكون احسن

[aljoker_8]

السلام عليكم ورحمة الله وبركاته

مبدايا انا لا اعرف الاخين الفاضلين اصحاب المشكله

ولكن كان سابقا حصل لي مع اخ كريم ومن كبار المعروفين موقف مشابه
اني اشتريت منه مشتت لكنه لم يقبل التركيب في الكيسه الخاصه بي لمسالة الحجم فقط
وكلمت الاخ واتفقنا على خصم مبلغ بسيط ( تقريبا هو ربح التاجر ) واستبدلته

طبعا انا لا اجبر البائع هنا بنفس الامر فطالما ان قطعته سليمه والمشكله توافق فقط فهو خطا من الاخ المشتري لانه لم يبحث جيدا عن قطعته قبل الشراء خاصة انها مستعمله .. بينما اعادتها باي شكل وهي سليمه هو فقط سماحة بيع من البائع وليس مجبرا

[Ahmed.Saleh]

شئ تاني افتكرته لما قابلت الراجل ف المترو وريته الكارت اللي اشتريته وسالني علي الماذر اللي هشغلها عليه واستعجبت ليه السؤال يعني ومسألش علي باقي المواصفات ليه؟
الخلاصه يا جماعة باور ف اول يوم عمل مشكلة تاكدت تاني يوم الاستاذ بيتحجج اني عديت فتره الضمان اللي هوه يوم واحد وخلاص علي كده, ومسك كمان في حته قطع الكهربا اللي ذكرتها للامانه لمجرد ذكر انه الجهاز فصل وكرر المشكلة اللي حصلت قبل قطع الكهربا واللي بقت بتتكرر علي طول يعني قطع الكهربا مش السبب عشان ما نرجعش للنقطه دي تاني, المشكلة مشكلة توافقية لا يمكن معرفتها بالسهولة اللي بتتكلمو عليها دي. وبعدين ده فيه واحد تاني عارض نفس الباور للبيع يعني الباور مش نادر الوجود علشان ابقي ادور عليه وابحث ف حاجة ولا اي موقع هيذكرها.

العبد لله تعرفوه كويس لا بتاع تلفيق ولا بتاع مشاكل وبايع حجات كتير وبشهادة كل الناس اللي اشترت مني وبتست ف بيتي وبضمن اسبوع وعمري ما تهربت من شئ انا بعته لاني ببقي واثق في حاجتي.

ده انا قولت ده بياع زي راجح يعني اضمن بكتير من اني اشتري من يوزر عادي يطلع هوه اللي مش كويس, ومحدش يقولي اصل انت ما دورتش يعني هوه الموقع الرسمي ذكر ده؟ يعني هوه زي اللوحات الام او المعالجات مثلا لازم توافق المقبس وبيتكتب عليها support lga 2011 بس يعني؟

وهل لو واحد غيري محدش يعرفة اوخبرته قليله يبقي يلبس الباور لانه مدورش؟ ايه الكلام ده؟ البور شغال بس مش هينفعني اهبب بيه ايه؟ ده عدي عليه يوم واحد بس وكلمت الراجل بعدها اقوله. لو هوه الموضوع بيع واجري عرفوني. وانا لو بعتةحاجة بضمان شخصي 7 ايام وف اليوم التاسع حصلت مشكلة هقول ماليش فيه عديت الضمان؟

[Booo]

سؤال معلش بعيد عن المشكلة - يعنى لو اشتريت حاجة مستعملة والنور قطع ولا قدر الله الحاجة دى باظت بسبب النور اللى قطع ده هل كده ماقدرش أرجع أو استبدل الحاجة دى؟ أنا اتلخبطت ومابقتش فاهم الضمان يعنى ايه

[نوفل 2010]

طيب علشان شكل المنتدى ده المشرفين فى اجازة وعلشان كل واحد داخل يتكلم وبس
ده كان ردى على نفس الموضوع اللى عمله الاستاذ احمد على موقع الديفيدى
بسم الله الرحمن الرحيم
بالرغم من انك مشترى البور من منتدى عرب هاردوير وده واضح فى الموضوع
للبيع بور صبلاى Antec True Power Trio TP3-650 650W (https://arabhardware.net/forum/showthread.php?t=385665)
وبالرغم من انك عامل نفس الشكوى فى نفس المنتدى
مشكلة مع الاخ نوفل 2010 ومنتظر حكمكم (https://arabhardware.net/forum/showthread.php?t=386269)
وبالرغم انك بتشتكى وانت غلطان
الضمان: تست -يوم شخصى
وبالرغم من انك قدمت شكر وتقدير للبور بعد الشراء بيوم كامل
هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 1023x767 .
https://l.yimg.com/qn/up/dvd4arab/5/e/75/d9f/5e75d9fb55e386139bde95da05c059e0.png
فانا اتقدم بشوى ضدك اولا لكتابة شكوى ضدى على العام
ثانيا لمحاولة تشويه سمعتى بالباطل
ثالثا الكهرباء اللى انقطعت وجهازك بقى فيه مشكلة دى بتاعتك مش بتاعتى
رابعا لقد نبهت عليك فى المنتدى الاخر بعدم وضع شكوى على العام وانت تعرف ذلك سيادة المشرف السابق فلما تدعى انك لاتعرف شوف مسمى ده ايه
وثانيا انا لما سالت الاستاذ عن البوردة ده علشان كان مشترى كارت شاشة محترم وشوفته معاه وده كان من باب الفضول
ثانيا عرضى واضح جدا يوم ضمان وده بطبقه على نفسى
اما من حيث نيتك هى بتخصك انتا
اما ما يخص شكوى المنتدى فهيا
السلام عليكم ورحمة الله وبركاته
اتشرف بعرض الاتى تم عمل الموضوع الخاص ببيع البور ده بمعرفتى
https://arabhardware.net/forum/showthread.php?t=385665 (https://arabhardware.net/forum/showthread.php?t=385665)
وتم بيعه للاستاذ
Ahmed.Saleh (https://arabhardware.net/forum/member.php?u=11176670)
https://arabhardware.net/forum/images/metro/bw/statusicon/user-online.pngبتاريخ 28-3-2014 الساعة 4 عصرا وتم التنبيه عليه بابلاغى بعمل البور معاه وشغله ولم يتصل بيا حتى تانى يوم لقيته شاكرنى فى الموضوع
https://arabhardware.net/forum/showthread.php?t=385665 (https://arabhardware.net/forum/showthread.php?t=385665)
ثم قام بالاتصال بى الساعة 12.30 ليلا يبلغنى ان البور وبعد تشغيله متصلا من ساعة ما اخده منى الكهرباء قطعت و لم يشتغل على البوردة الا بعد مقام بفصل اسلاكه واعادة تركيبها فاجبته من باب المساعدة حيث انه فى ذلك الوقت انتهت فترة ضمانتى الشخصية للبور وذلك بعمله تست عليه من اعلى مستوى كما واضح من كلامه قولتله جربه على بورد تانيه بس النهاردة بيكلمنى
بيقولى البور مش متوافق مع البوردة فاجبته انا عرضى واضح جدا وهو تست - يوم للبور علشان تجربه مسالة التوافق مشكلتك وليست مشكلتى انا البور استخدامى الشخصى وانت جربته وشكرتنى بس اما ترجيع البور دى حاجة تانية
وعليه الاستاذ احمد قام بعمل شكوى على العام مخالفا قوانين القسم ومظرا بسمعتى فى المنتدى وعليه اتقدم بشكوى ضده لاتخاذ اللازم

[MaHmOuD ZeRo]

السلام عليكم
الأخ الفاضل أحمد صالح والأخ الفاضل محمود ( نوفل ) لا فرق بينكما من حيث الإحترام والمبدء ....
أولاً تحياتى لكما
ثانياً . أرى أن مبدء التجاره يا أستاذ محمود لحق المشترى فى إرتجاع قطعة الهاردوير المباعه لعدم توافقيتها مع باقى قطع الجهاز .
وأرى أنك شخص متفهم لهذا الأمر وأنك أكبر من ذلك يا أ/ محمود وأنت فى غنى عن خصم أى شىء من ثمن المزود لعدم وجود مشكله به . حيث أنه لا يتوافق فقط مع باقى قطع الجهاز
وأرجوا من الأعضاء الكرام عدم الإنحياز وعدم المشاركات التى بها كلام خارج لكلا الطرفين
خالص تحياتى للجميع:)

+100

[Ahmed.Saleh]

المشرفين مش ف اجازة انت اللي رد المشرف مجاش علي هواك,
وهكرر تاني كلامي
لا يا استاذ المشكلة انا قلتلك ف التليفون يوم ما كلمتك الساعة 12 ونص بالليل تانيةيوم وكتبتها هنا انها حصلت في اول يوم لما ركبت الباور بتاعك والكارت اللي جبته مستعمل وشغلت الجهاز الجهاز اشتغل ولما التعريف بتاع الكارت المستعمل اتصطب وطلب ريستارت الجهاز وقف ورفض يشتغل يعني المشكلة من اول يوم,
ولاني شكيت ف الكارت والباور فكيت الباور بتاعك وجربت الكارت المستعمل علي باوري الخاص Cougar CMX 700W علي نفس الجهاز وتاكدت انه مش هوه المشكلة,
رجعت الباور بتاعك لكن علي كارت تاني ال290x انا ضامنه عشان اتاكد انه الباور سليم واستبعد الكارت اللي لسه شاريه, ولانه طبعا زي ما انت شايف الباور بتاعك اتفك وركبت الباور بتاعي -اللي هوه الحل الوحيد عشان استخدم الباور- وشغلت الجهاز اشتغل عادي وتم الضغط علي الجهاز لتاني يوم ضغط متواصل ولما الكهربا قطعت ورجعت عمل نفس الحوار ورفض يشتغل, عملت نفس الحل والجهاز اشتغل قمت طافيه بنفسي وجيت اشغله نفسةالحوار لتالتةمرة مش عاوز يشتغل,

ساعتها اتاكدت انها مشكلة باورك وكلمتك الساعة 12ونص اقولك الحوار ده ساعتها لما تاكدت تاني يوم انه الباور بتاعك مش نافع كلمتك قلتلي جربه علي الجهاز التاني الZ87 سمعت كلامك وجربت لكن الجهاز رفض تماما وحصلت نفس المشكلة بنفس الباور علي نفس شريحة الماذر مع غيري ف الرابط اللي حاطه في اول الموضوع فوق, وطبعا لانه الموضوع خد وقت يوميها لاني عملت المستحيل عشان اشغله علي الجهاز الZ87 خلصت الساعة 2 وعلشان كده كلمتك النهاردة الصبح.. وصلت؟ الجهاز مع الريستارت ما بيشتغلشيييييي وده من اول يوم, ولازم افك باورك واركب باوري اشغل واطفي ساعتها بس اقدر اركب باورك والجهاز يشتغل. يعني بين الطفي وإعادة التشغيل لازم باور تاني يركب. قطع الكهربا مالوش دعوة ده مجرد سرد للاحداث بامانه.


انا مش بلفق ليك تهمة النصب بانك بعش شئ بايظ انا بقول باورك مش نافعني ولو ركبته عندك هيشتغل عادي لانه جهازك قديم قديييييم. وصلت؟
قطع الكهربا مش حجه لانه عمل الحركة قبلها ودلوقتي الباور شغال كويس جدا لغاية دلوقتي لكن لو طفيت مش هعرف اشغل تاني غير بالطريقة اللي بشرحها من الصبح دي. وانت عرفت انا معايا بورده ايه سالتني علي محطة المترو ما قولتش ليه الباور ما ينفعكش؟
وده عمره ما يظهر من اول يوم ولولا انه الكهربا قطعت والجهاز اطفي مكنتش هعرف انه فيه مشكلة لاني مكنتش هطفيه نهائي لغاية ما اتاكد انه سليم.

[eyes of hell]

السلام عليكم انا معرفش ايا من حضراتكم بس من متابعتي الدوريه للموضوعات كلاكما عضو محترم والموضوع في منتهي البساطه
اخي الكريم محمود نوفل لنفترض ان العضو الذي اخد الباور لم يكن يعرف توافقيته مع باقي القطع فهل ده مبرر انه ياخده وخلاص ولا حتي يدور علي حد يشتريه منه هل حضرتك هتقبلها علي نفسك ؟؟؟؟؟؟؟؟؟؟
واخي احمد صالح من المفترض ان حضرتك تعرف معلومات كافيه عن السلعه اللي حضرتك ناوي تشتريها
والحل بسيط جدا الاخ محمود نوفل يجرب الباور تاني للاطمئنان علي سلامته واذا كان سليم فترجيع الباور هو احسن حل والرجوع في الشكوي ضد الاخ محمود نوفل وصدقني اخي الكريم سمعتك عمرها ما هتنضر لان السلعه اصلا مش فيها عيب والموضوع سوء تفاهم ليس الا
وقد قال عن الرسول صلي الله عليه وسلم ‏ ‏رحم الله رجلا سمحا إذا باع وإذا اشترى وإذا اقتضى
وفي النهايه الموضوع مش من شأني وبعتذر للجميع لو مشاركتي هتزعل حد و وجهة نظري دي هدفها المساعده ليس الا وتحياتي للجميع

[MaHmOuD ZeRo]

السلام عليكم انا معرفش ايا من حضراتكم بس من متابعتي الدوريه للموضوعات كلاكما عضو محترم والموضوع في منتهي البساطه
اخي الكريم محمود نوفل لنفترض ان العضو الذي اخد الباور لم يكن يعرف توافقيته مع باقي القطع فهل ده مبرر انه ياخده وخلاص ولا حتي يدور علي حد يشتريه منه هل حضرتك هتقبلها علي نفسك ؟؟؟؟؟؟؟؟؟؟
واخي احمد صالح من المفترض ان حضرتك تعرف معلومات كافيه عن السلعه اللي حضرتك ناوي تشتريها
والحل بسيط جدا الاخ محمود نوفل يجرب الباور تاني للاطمئنان علي سلامته واذا كان سليم فترجيع الباور هو احسن حل والرجوع في الشكوي ضد الاخ محمود نوفل وصدقني اخي الكريم سمعتك عمرها ما هتنضر لان السلعه اصلا مش فيها عيب والموضوع سوء تفاهم ليس الا
وقد قال عن الرسول صلي الله عليه وسلم ‏ ‏رحم الله رجلا سمحا إذا باع وإذا اشترى وإذا اقتضى
وفي النهايه الموضوع مش من شأني وبعتذر للجميع لو مشاركتي هتزعل حد و وجهة نظري دي هدفها المساعده ليس الا وتحياتي للجميع


والله انا كنت عاوز اقولك الكلمتين دول بس قلت خلينى فى حالى
عشان مفيش حد يزعل منى

[Ahmed.Saleh]

احد اصدقائي كتبلي معلومة مكنتش اعرفها وهي
انه الباور تريبل ريل والجديد كله بيشتغل علي سينجل ريل وده اللي مكنتش اعرفه للأسف.
يعني المشكلة في انه الباور فعلأً مش متوافق مش اني زي ما الاستاذ ما صدق وشبط في انه الكهربا لما قطعت الباور باظ.
هوه ما صدق باع وخلص لكنه لو واثق ف حاجته كان قالي هاته اجربه عندي لو اشتغل زي ما كان عندي ومعملش معايا مشكلة والمشكلة عندك بس ارجعهولك لكنه عارف انه الباور مش هيتباع بسبب مشكلته دي في عدم التوافق وعليه ما صدق لبسه للزبون.
اثبت اني غلط واني بوظت الباور انما تتكلم وترفض تماما وتقفش شوية في انه انا عديت اليوم وشوية اصل انت بوظته لما الكهربا قطعت!
انا لو مش تمام وقاصد اعمل مشكلة وابوظ سمعتك مكنتش كتبت انه الباور شغال زي الفل وشكرتك زي ما شكرت الراجل اللي اخدت منه الكارت كنت سكتت خالص وكلمتك قلتلك الباور مش شغال معايا وخلصنا وفعلاً اي حد كان هيشوفه عندي مكنش هيشتغل وعندك كان هيشتغل وكان هيرجع. انما تقول ايه الصدق ف الكلام مع ناس كتير مش كويس.

[CM Storm]

·- أن تكون مواصفات السلعة وثمنها معلومة لدى المتابعين·

- وأن تبيَّن عيوب السلعة وثمنها ولا يحاول إخفاءها حتى تنتفي كل جهالة أو غموض أو غش في السلع وفي النقود، ويقدم المشتري على الشراء عن ثقة ويتجنب التخاصم·

قال صلى الله عليه وسلم: ''البيّعان بالخيار ما لم يتفرقا، فإن صدق البيعان بورك لهما في بيعهما، وإن كتما وكذبا فعسى أن يربحا ربحا ويمحقا بركة بيعهما'' مسلم·

وقال صلى الله عليه وسلم: ''من باع عيبا لم يبيّنه، لم يزل في مقت الله ولم تزل الملائكة تلعنه'' ابن ماجة·

- على المشتري والبائع التحلي بالسماحة والرفق في المعاملة
- فين انتو يجماعة من الكلام ده وبعدين يااستاذ نوفل طالما البور مش هينفع الراجل ايه المانع انك ترجعوا
وبعدين يااستاذ احمد كان من الافضل عدم التشهير على العام ولو الاستاذ مرضيش ياخد الباور كنت كلمت احد المشرفين وكنت تنتظر رده هيكون ايه

ام اقتراحى ياأستاذ نوفل حضرتك تاخد الباور من استاذ احمد طالما مش نافع معاه وزى ماحضرتك قولت الباور مفيهوش عيب ام ولا حضرتك مش موافق على الكلام ده واستاذ احم مش نافع معاه الباور واستاذ نوفل متمسك انو اداه ضمان يوم وهو قال ان الباور شغال ومفيش مشاكل واتضحت المشكلة بعد انتهاء المده المذكورة فهنا يااستاذ احمد هيتم الارتجاع بس بتخصيم جزء من المبلغ يتم الاتفاق عليه من قبل احد التجار الموجودين بالمنتدى عشان تحلوا المشكلة دى لازم توصلوا لحل وسط وحضرتك ياأستاذ احمد لازم لما تيجى تشترى حاجة تشترط ضمان اسبوع مثلا تجرب فيه براحتك مش يوم وعلى العموم حصل خير وانت يااستاذ نوفل ايه ضمان يوم ده اعمل بيه ايه بس على العموم هو وافق انو يشترى حاجة ضمانها يوم المهم تتفقوا سوا عشان انتو مش صغيرين فى المنتدى

[Avalanche]

يا جماعه مع أحترامى الشديد لكل الأعضاء و مشرفين القسم و كل البيقول كلمه عنده أولآ و اذا حكمتم بين الناس فأحكموا بالعدل كله بيدور على السمعه و خلاص ما حدش بيدور على الحق أصلا ما حدش أخدت باله لما الأستاذ محمود بعت ليكم صوره بيأكد ليكم أن الأستاذ أحمد الشارى الباور قال أن الباور متجرب يعتبر على أعلى كارت فيجا فى مصر حاليآ يعتبر من الكروت البتاخد باور عالى و أستمر الشغل عليه فتره طويله و شكر الاستاذ محمود و قال له ان الباور يعمل بكفائه و بأكمل وجه يبقى فين بقى انه مش عارف جهازه مش متوافق ازاى مع الباور ده أو امكانيات جهازه مش متوافقه مع البور منين بيشكر و بيقول شغال تمام و بأكمل وجه و منين بعد كده يقول ده ظهر فيها عيب يعنى فى سبيل المثل انا يجيلى فى محلى زبون و عاوز يشترى حاجه و يجربها هوه و يشيك عليها بنفسه و كمان على اقوى امكانيات هو العاوز يجرب عليها و براحته كمان و بعد ما يروح يقولى الحاجه الانا اشتريتها منك ظهر فيها عيب او طلع فيها مشكله امال منين انت مشيك عليه و مجربه قبل ما تمشى و تمام التمام و بعد ما روحت تقول الكلام ده فى نظير انى ببيع مستعمل و ليس جديد و له ضمان معتمد من شركه و طبعا انتم فاهمين مستعمل يعنى ايه ؟؟؟ اولا الحاجات البتتباع ديه ما تنسوش انها مستعمله و ليست جديده ثانيا المفروض الباور كده طلامه خدته و جربته و قلت فيه كوايس و شغال تمام و بعد كده غيرت رايك فيه يبقى اكيد باظ منك وعاوز تلبسه لصاحب الباور الانت اشتريته منه ممكن صاحب الباور يرجعهولك ده على مزاجه رضى رضى ما رضيش براحته بتبقى حريه شخصيه كمان لانه جهاز مستعمل و ليس جديد و ليه ضمان معتمد من شركه يعنى بصريح العباره واحد ادانى سلعه و ادانى عليها ضمان و الضمان عدى طلامه مستعمله فى الاخر بيبقى بتاعك مش بتاعى لانه مستعمل انت و قرفتك من الاخر و برده فترة الضمان من حق أى شخص يحطها على مزاجه حتى يارب و لو حتى تست و انت واقف فى حالة انه يرجعهولك تكون حالته زى ما كان انت ما خدته و يشتغل عنده زى ما كان شغال عنده على أجهزته زى ما كان كمان و يجربه كذا مره مش مره واحده كمان ديه شروط ترجيع المستعمل ...... لاكن مش يبقى شغال و انا مقتنع بيه و كمان قلت انه شغال و شكرت و اجى يحصل معايا مشكله اقوم البسها لصاحب الشأن و أقول فى النهايه العيب من عنده ؟؟؟؟؟؟ ملحوظه أولا منين حضرتك قلت ركبت و فكيت و عملت و سويت 3 مرات و فى الاول شكرت و قلت انه شغال بأكمل وجهه منين فهمنى بالله عليك ؟؟؟؟؟؟؟؟؟ ده حرام و ربنا ما يرضاش بده ثانيا الباور الأنتك مالوش دعوه بجهاز قديم و لا جديد فى نظير انه 650 وات ثالثا الباور أى باور فى الدنيا ما بيطلعش جهد الوات الا لحاجتين فى الكيسه أولا كارت الفيجا ثانيا البروسيسور و البروسيسور يوم ما يتمعظم مش هياخد أكتر من 100 وات و الحاجات الاخرى الفى الكيسه بتاخد حاجات رمزيه كبيرها 3 وات رابعا ما تعدش تعمل الحركه ديه كتير تفتح و تقفل و تشيل الكابلات بتاعة الباور تانى لا تخسر اى حاجه فى الكيسه بتاعتك او تخسر الباور باكمله خلى بالك تحذير مهم جدا المفروض تفصل الباور خالص دلوقتى و تركنه على جنب لغايه ما تشوفوا المشكله ديه و ربنا يسهل ما بينكم الأمور و لا يجعل ما بينكم مشاكل و تتحل على خير بأمر الله

[Ahmed.Saleh]

تعديل تاني
انا عملت كده لما قلتله الموضوع قولتله انا مش بشكك فيك والله وكنت ناوي اخ بديل ولو قالي مش هرجع غير لما اجربة كنت وافقت لاني واثق اني معملتلوش حاجة. لكنه لما قلتله الموضوع مش مستاهل يكبر وممكن يخلص بينا قالي كبره وده اللي عندي. قولي بقي لما يتحرق دمك وحد يقولك كده ترد تقول ايه؟


تعديل لصاحب اخر فوقي علي طول معلش من فون والموضوع مخنوق شوية مش عارف انقل الاسماء.

انت لو قريت الموضوع هتفهم انه المشكلة كانت موجوده من الاول وحلتها منغير ما اقصد بتغيير الباور وارجاعه مرة تانية وعليه فضل شغال وقت طويل جدا لغاية ما الكهربا قطعت جيت اشغله مشتغلش, فكيت باورة وركبت باوري اشتغل! رجعت باورة اشتغل زي الفل وعليه كلمته, لما بيشتغل بيشتغل عادي وده اللي حصل ودلوقتي انا بكلمك وانا مشغله الباور زي الفل لكنه ما بيرسترش ازاي معرفش ولاقيت السبب انه الباور تريبل ريل مش سينجل ريل والله اعلم دي مشكلة ولا لاء انا ما اعرفش كل حاجة اكيد يعني,

ما علينا الباور خلاصة الكلام شغال كويس بس مش معايا. اتمني بعد الشرح للمرة الخبرتاشر تكون الناس وصلها الموضوع وانا لو عندي اي شك اني سبب بوظانه مكنتش كلمت الراجل لكني كلمته لان الموضوع حصل قبلها في الاول خالص.

وانا لاني اكبر من المهاترات دي ومش فاضي هوقف الكلام في الحوار ده. انا ما بخشش هنا غير للبيع والشراء فقط واي حد يقدر ببساطة يشوف تاريخي في البيع والشراء وضمان قد ايه بدية للناس. وكنت شغال ف الموقع ايه زمان.

واختم بحسبي الله ونعم الوكيل لو كنت انت علي علم بالموضوع ومقولتش, لكن لو مكنتش تعرف تبقي برئ من الحته دي لكن مذنب من وجهة نظري ف انك متعنت وماصدقت بعت حاجة اتضح انها مش هتفيد اللي اشتراها لسبب لا انت لا تعرفه ولا انا اعرفه لكنك اصريت ما ترجعهاش وتلبسه فيها.

واتمني محدش ينسي الموضوع عشان لما حد يشتري حاجة وتطلع متنفعوش لاي سبب كان تقولوله انت الغلطان ابقي دور الاول كويس وانت السبب ف كده واشرب اللي اشتريته.

شكرا للجميع ولو عاوزين تمسحو الموضوع امسحوه لاني فعلا شايف حيطة سد وانا في داهيه ال325ج اهو اتعلمت بيهم. الجهاز مش ليا اصلا لقريب ليا والباور مش هبيعه وهتصرف فيه اشوفله اي حل ياكش اركبه ف كيسه بانتيوم3 لنفسي بس مش هلبس حد فيه.

انتهي

[محمد البرديسى]

يفضل غلق الموضوع والله يعوض على الجميع

[Flashy]

انا مليش علاقه بالموضوع بس شايف ان مينفعش نعمل موضوع على العام كده خصوصا ان المشكله بسيطه الباور مش بايظ مثلا و عشان سمعه الراجل كده مش هعرف يبيع بعد كده