مشاهدة النسخة كاملة : معالج I5 4440
السلام عليكم ورحمة الله وبركاته
انا لسه جايب المعالج i5 4440 من كام يوم وكان عندي المعالج i7 920
مع ان كل المقارنات بتقول ان الـ i5 احسن بس انا شايف ادائه مش زي الـ I7
خاصة لما افتح الفوتوشوب وافتح ملفات كتير
ممكن علشان كرت الشاشة المدمج
السوؤال او الاستفسار هنا لو ركبت كرت شاشه خارجي هيخفف الضغط على المعالج ولا ابيعه واجيب i7 4770
شكراً
ma7moudsmile
05-04-2014, 09:02
ع فكره انا معايا نفس المعالج واداءه اكتر من رائع مع كارت شاشه خارجى 7870
Sent from my iPhone using Tapatalk
Abreimann
05-04-2014, 09:48
احتمال أن يتفوق المعالج i7 920 على i5 4440 فى بعض الجوانب القليلة فى الأداء، وهذا فى الأغلب سيكون فقط فى التطبيقات التى تدعم خاصية Hyperthreading ولكن فى أى شىء غير ذلك سيتفوق الـ i5 عليه.. ورغم ذلك أعتقد أن الـ i5 4440 يتفوق فى كل شىء تقريبا على المعالج القديم وبمقدار ملحوظ.. لكنك لم توضح كيف كانت مواصفات جهازك الأول من حيث الذاكرة بالأخص ونوعية البطاقة الرسومية الخارجية إن وجدت
بالمناسبة، برنامج فوتوشوب يعتمد أكثر على الذاكرة فى حدود علمى ثم المعالج
وكذلك يعتمد على سرعة القرص الصلب وكذلك على ملف الذاكرة المؤقتة الموجود عليه، فأداء برنامج فوتوشوب يرتفع إذا جعلت الـ Scratch Disk قرصا صلبا آخر غير الذى عليه نظام التشغيل
الأمر الذى أثق فيه بنسبة 90% أن أداء المعالج 4440 أقوى من أداء المعالج 920 وبمقدار كبير أيضا.. لاحظ الفرق فى السرعة والمعمارية
Ton-3240
05-04-2014, 15:56
احتمال أن يتفوق المعالج i7 920 على i5 4440 فى بعض الجوانب القليلة فى الأداء، وهذا فى الأغلب سيكون فقط فى التطبيقات التى تدعم خاصية Hyperthreading ولكن فى أى شىء غير ذلك سيتفوق الـ i5 عليه.. ورغم ذلك أعتقد أن الـ i5 4440 يتفوق فى كل شىء تقريبا على المعالج القديم وبمقدار ملحوظ.. لكنك لم توضح كيف كانت مواصفات جهازك الأول من حيث الذاكرة بالأخص ونوعية البطاقة الرسومية الخارجية إن وجدت
بالمناسبة، برنامج فوتوشوب يعتمد أكثر على الذاكرة فى حدود علمى ثم المعالج
وكذلك يعتمد على سرعة القرص الصلب وكذلك على ملف الذاكرة المؤقتة الموجود عليه، فأداء برنامج فوتوشوب يرتفع إذا جعلت الـ Scratch Disk قرصا صلبا آخر غير الذى عليه نظام التشغيل
الأمر الذى أثق فيه بنسبة 90% أن أداء المعالج 4440 أقوى من أداء المعالج 920 وبمقدار كبير أيضا.. لاحظ الفرق فى السرعة والمعمارية
+1
الجهاز القديم
الرامات 4*2 G.skill 1600
الهارد wd 2*320 raid0
فعلاً الجهاز الحالي i5 4440 اقل
2*2 1333 ocz
الهارد 500 wd
كرت شاشة gt 210
انا طالب هارد samsung evo 840
ممكن انقل كرت الشاشه للجهاز i5 لو هيفرق في اداء المعالج
وبرده هجرب انقل الرامات الجديده عليه واشوف الاداء
شكراً لاهتمامك وردكم
Abreimann
06-04-2014, 15:13
يا باشا ده كفاية ان الجهاز الأولانى عليه هاردين معمولين ريد :D وطبعا فوتوشوب يفرق معاه جدا جدا جدا من 8 لـ 4 جيجا رام.. ده غير ان رامات الجهاز الأولانى اسرع
ما تظلمش الـ 4440 :) جرب التجربة بتاعتك وهتشوف الفرق بنفسك :)
طيب هل كرت الشاشه ليه علاقه بسرعة المعالج ؟ يعني مدمج او كرت خارجي ؟
انا سمعت انه بياثر في سرعة الرامات فقط لان المدمج بيسجل على الرامات الداخليه
Abreimann
10-04-2014, 13:55
طيب هل كرت الشاشه ليه علاقه بسرعة المعالج ؟ يعني مدمج او كرت خارجي ؟
انا سمعت انه بياثر في سرعة الرامات فقط لان المدمج بيسجل على الرامات الداخليه
متأسف جدا على التأخير فى الرد
بس مش فاهم سؤالك.. قصدك هل كارت الشاشة المدمج فى المعالج بيأثر على سرعة المعالج نفسه؟ لو كان ده قصدك فالإجابة هى لا طبعا.. عشان ده حاجة وده حاجة..
أما بخصوص ان البطاقة الرسومية المدمجة فى المعالج بتسحب من الرامات الأساسية بتاعة الجهاز وان ده ممكن يكون بيأثر على كفاءة الذاكرة بشكل عام، فدى حاجة ما اقدرش افتى فيها.. بس ما اعتقدش ان كارت الشاشة المدمج بيزحم الرامات لإن بالقطع الموضوع بيتنظم بحيث يكون له حد أقصى من الذاكرة ما يتجاوزوش وكمان بيقلل استهلاك الرامات لما يكون فى وضع خمول وغيره.. والله أعلى وأعلم
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir