رأيكم فى تجميعة لاعمال الجرافيك المتوسطة منزدش عن 3500 جنيه

[ali357]

السلام عليكم ورحمة الله وبركاته


- أقصى ميزانية محددة :




3500 جنيه لا غير




- إستخدامك للجهاز :




للفوتو شوب - وادارة صفحات موقع فى ادخال الداتا وتحريرها - احتمال مستقبلا اتعلم برامج المونتاج واشتغل عليها .. بس برامج مونتاج خفيفة زى السونى فيجا وبرامج اقل منه .. يعنى مش حشتغل على الفاينال كات من كمبيوتر عادى - الانترنت - ملفات ورض - افلام - العاب خفيفة اوى اذا لعبت




- حجم الشاشة و الدقة (Resolution) التي تستخدمها :




عندى شاشة 20 بوصة سامسونج led بس مفهاش مخرج hdmi بس احتمال مستقبلا اغيرهاا بس بعد سنتين مثلا .. ومش ناوى اشترى دلوقتى




- القطع التي تنوي شراءها :




بروسيسورi5 اللى هو تمنه ب1400 جنيه - بوردا - رام8 جيجا قطعة واحدة وتكون ارخص سعر فى السوق عشان عارف ان اسعارهم غالية لو قطعة واحدة او ممكن اجيب اتنين كل واحدة 4 جيجا - كارت فيجا ينفع طبعا لشغل الجرافيك ويكون كواد ولا ايه رايكم




- القطع التي ستعيد إستخدامها من الجهاز القديم :




الشاشة ( بس هل اقدر اجيب ليها وصلةعشان اشغلها على كارت الفيجا لان ممكن كارت الفيجا يكون فيه مخرج hdmi ولا مش حينفع ) - والهارد - والكيسة ( كيسة جاما بالباور بتعها ) - والديفيدى




- ميعاد شراء الجهاز :




فى خلال اسبوعين باذن الله




- مكان الشراء :




القاهرة (مول البستان أو مول سفنكس جامعة الدول)




- محل سكنك :




القاهرة .. وسط البلد


- مستقبلا لو حغير وازود حاجة :

اللى ممكن يتغير هو الرامات مستقبلا واجيب هارد ssd و باور سبلاى



- ملحوظة :



* ياريت تقولولى على سعر القطعة



* انا مش من النوع اللى بيكسر سرعة البرسيسور ولا كارت الفيجا .. لانى بخاف اخاطر وبصراحة مش بفهم ازاى




* كنت عايز استخدم الكيسة اللى معايا عشان لسه شريها من سنة تقريبا وفيها باور سبلاى 300 وات او 350 فخايف مثلا البرسيسور ال i5 يحتاج هو وكارت الشاشة باور سبلاى اعلى .. فساعتها حتسوح لان مش عايز اجيب حاليا واوفر كل قرش .. وممكن مستقبلا ابقى اغير الباور سبلاى هو والكيسة بس بعد مثلا سنتين بالكتير




* كنت عايز اعرف هل اجيبب مروحة لتبريد البرسيسور ولا كفاية المروحة اللى بتيجى معاه .. انا فكرت فى مروحة تكون اقوى عشان التبريد وداخلين على الصيف والحر




* اتمنى ترشحولى بوردا تكون فيها امكانيات وتستحمل وتكون مكثفتها قوية وتتحمل .. واقدر اركب فيها مستقبلا هارد ssd وتكون فى تدعيمات لكل حاجة مستقبلية لان يمكن وارد احدث حاجة فى المستقبل




* انا مش حغير البرسيسور وكارت الفيجا .. لان كارت الفيجا اللى معايا فى الجهاز القديم هو والبروسيسور معايا من سنة 2002 وفضلوا ثابيتن معايا والله اكبر محصلهمش حاجة هو برسيسور بينتم فور ال جى ايه واحد ميجا كاش وكارت الفيجا نيفيديا جى فورس 6200 تربوا كاش







منتظر اقتراحتكم .. واسف على الاطالة

[M o h a m a d]

وعليكم السلام ورحمة الله وبركاته

intel core i5-4440 haswell 3.1ghz 6mb Cache 1450 L.E
Gigabyte ga-h81m-s2pv 530 L.E
kingston hyperx blu 2x4gb ddr3 1600mhz cl9 1.65v 640 L.E
Gigabyte gtx 750 windforce 1gb gddr5 1000 L.E
Total 3620 L.E

[ali357]

تسلم يا استاذ محمد على ردك

يعنى اقدر فعلا اشتغل على الكيسة الجاما اللى معايا بشكل مؤقت .. عشان الباور سبلاى اللى فيها 350 وات على ما اعتقد .. فمش حيكون فى ضرر على البوروسيسور وكارت الفيجا والمازر بورد ولا ايه

وهل البور سبلاى لما بيكون اعلى من 350 وات بيكون افضل لايه هل عشان كسر السرعة ولا عشان ايه


وهل البوردا كويسة تقبل التحديثات المستقبلية وامكانياتها عالية وتستحمل ولا ازود حاجة بسيطة فى البوردا واجيب حاجة افضل منها

وهل مش محتاج اجيب مشتت مروحة على البروسيسور .. ولا ايه .. هو المراوح اللى امكانياتها عالية دى الناس بتجبها عشان الكسر فقط ولا عشان التبريد بردوا

وكنت عايز اعرف الراما القطعة واحدة 8 جيجا ايه افضل نوع واحسن سعر ليها

وهل فى مكان محترم حضرتك تقدر ترشحولى اجيب منه

وشاكر اهتمامك وردك وسعة صدرك وعطائك المميز .. وربنا يعينكم على هذا الصرح العظيم منتدى عرب هاردوير .. وتمنياتى لكم بالتوفيق

[ali357]

وايه رايك بردوا لو اجلت كارت الشاشة .. واشتغلت بكارت الشاشة المدمج .. وكمان سنة اجيب كارت محترم يكون 2 جيجا مثلا
مش ممكن ساعتها اجيب بروسيسور i7 واشتغل بيه وبوردا عالية
او حتى اشتغل بi5 مع بوردا عالية

وايه رايك فى


Team Xtreem Dark (1 x 8GB) DDR3 1600 CL9 1.5V

هى سعرها تقريبا 650 جنيه

واهم حاجة عشان اطمن اقدر اشتغل بالباور سبلاى اللى فى الجاما ولالا

على فكرة الطريقة دى ممكن تخلينى مثلا كمان سنة اكون جبت كارت شاشة وكيسة محترمة لما اجى ازود

فايه رايك فى الفكر ده

[M o h a m a d]

اللوحة جيدة اخي وتقبل التحديث
والباور كافي للتجميعة لأن الكرت اصلا استهلاكه للباور قليل جدا
ولن تحتاج الى مشتت احترافي فالمشتت الأفتراضي كافي طالما لايوجد كسر للسرعة
والكرت ادائه جيد جدا مع شاشة 20 لانه مخصص لهده الشاشات

[ali357]

طيب كنت عايز اخد رايكم فى الراما دى
Team Xtreem Dark (1 x 8GB) DDR3 1600 CL9 1.5V
وهل فى واحدة افضل منها .. وتكون فى نفس رنج سعرها او بالكتير تكون ب800 جنيه


================

الحاجة التانية انا عايز ترشيحكم لكيسة يكون سعرها من 600 جنيه الى 1000 جنيه .. يكون فيها باور كويس وتبريد كويس .. وكابلاتها تكون محترمة وماجنيتك .. وفيها حماية من الاتربة

وياريت لينكات ليها عشان اتفرج على شكلها .. وياريت يكون ترشيحكم لانواع تكون متوافرة ومنتشرة فى السوق
===================

حجيب البوردا
Gigabyte ga-h81m-s2pv
فده جواب نهائى ولا ايه .. انا عايز افضل بوردا تمشى على البورسيسور i7 وتقبل التحديثات المستقبلية ..

وكمان ها اجيب بوردا بتبقل الكسر مع انى مش حعمل كسر .. بس اجيبها تحسبا لاى حاجة .. وكمان عشان البوردا اللى بتقبل الكسر بتكون التبريد فيها كويس وبتتحمل .. فاجيبها حتى لو مش عملت كسر للسرعة .. ولا حيكون مصاريف على الفاضى

=============

البروسيسور انا استقريت خلاص على i7 4770 وحشتغل بيه من غير كارت شاشة لغاية شهور كدا واحجيب كارت شاشة محترم فايه رايكم بردوا فى الفكرة دى

==================

ايه ترشيحكم لكارت شاشة مستقبلا كمان 5 شهور مثلا ممكن احط عينى عليه اذا كانت الاسعار لسه زى ما هى ومنزلتش .. انا بدور على كارت مش يزيد عن 1500 جنيه يكون للبرامج الجرافيك والالعاب البسيطة

=================

لو حغير مستقبلا لشاشة انا قريت عن الشاشة دى فايه رايكم فيها

Samsung S24C750P Series 7 24 inch LED Monitor

معلش حتعبكم معايا