المساعد الشخصي الرقمي

مشاهدة النسخة كاملة : الفرق بين Scanner ,printer؟!



himoegypt
26-04-2014, 16:51
الفرق بين Scanner ,printer؟!

masuo
28-04-2014, 02:55
السكانر بيعمل صروره للورق وبظهرها على الحاسب على شكل صوره او PDF

اما برنتير بيطوع صور ومستندات من الحاسب

wael45
28-04-2014, 03:10
البرنتر ( الطابعة ) وحدة إخراج ، و الاسكانر ( الماسح الضوئى ) وحدة إدخال للحاسوب .

البرنتر أو الطابعة بيكون عندك ملف أو مستند على الجهاز و عاوز تطبعه على ورقة عادية ( أو صورة عاوز تطبعها ) .

الاسكانر أو الماسح الضوئى بيعمل العكس ، بيسحب الصور و الأوراق العادية و يصدرها للكمبيوتر .

أغلب الطابعات بتكون عبارة عن جهاز طابعة و اسكانر فى نفس الوقت ، و فيه أجهزة طابعات فقط و فيه اسكانر فقط ، و فيه طابعة و اسكانر و ماكينة تصوير مع بعض .

himoegypt
28-04-2014, 04:15
وهذا بالفعل ما اسأل عنه فأحيانا اجد جهاز من ملحقات الحاسوب تحت اسم all in one ب 600 جنية واحيانا ب20 الف , ولا اعلم هل ماكينة التصوير هي التي تختلف فيهما؟!

wael45
28-04-2014, 18:19
لأ ماكينة التصوير مش بتعمل الفارق الرهيب ده نهائياً . أنا كان عندى طابعة ماركة Epson برضه كانت All in one ( طابعة - اسكانر - ماكينة تصوير ) و كان سعرها حوالى 650 ج . و فيه حالياً طابعة Hp بـ 400 ج و برضه All in one .

اللى بيعمل الفارق الرهيب ده - على حد علمى - امكانيات و مواصفات الطابعة نفسها ، و الطابعة الليزر أغلى من الحبر شوية.

الطابعة العادية ( للاستخدام المنزلى و العادى ) بتعمل فى حدود ما بين 300 إلى 3000 ج ( على سبيل المثال و ليس الدقة ) .

أما الطابعات المحترفة الخاصة بالمكتبات و مكاتب الكمبيوتر و التصوير هى اللى بتكون سعرها عالى لأن امكانياتها بتبقى عالية جداً و بتكون طابعات ديجيتال + إن الطابعة نفسها بتكون ضخمة و كبيرة الحجم ( زى ماكينات التصوير اللى موجودة فى المكتبات ) + إنها ممكن تصور و تطبع 100,000 صفحة و أكتر .