المساعد الشخصي الرقمي

مشاهدة النسخة كاملة : ارجو المساعدة بخصوص بروسيسور i7 4771 ضررورى جدا


الصفحات : [1] 2
RVD150
27-04-2014, 19:44
انا معايا بروسيسور i7 4771 و كارت r9 290 المشكلة بقى فى درحة الحرارة لما بلعب crysis 3 درجة حرارة البروسيسور بتوصول الى 80 و 81 درجة مش عارف بقى دة اية غلط ولا عادى

انا بستخدم برنامج HWMonitor لدرجة الحرارة
ma7moudsmile
27-04-2014, 20:05
انا بتوصل معايا ٦٨ برسيسور i5 4440


Sent from my iPhone using Tapatalk
RVD150
27-04-2014, 20:41
طيب يعنى دة خطر ولا اية بضبط
ma7moudsmile
27-04-2014, 20:57
تقريبا تعدى ٨٠ خطر واستنى راى الخبر
واكتب نوع الباور بتاعك وصور صوره ببرنامج hwmoniter
وانتا بتلعب لمده نصف ساعه


Sent from my iPhone using Tapatalk
roby2010
27-04-2014, 21:03
درجة الحرارة كبيرة جدا اخي
اقصى حرارة مسموحة هي 72 درجة
تأكد من تركيب المشتت جيدا وقم بتغيير المعجون
RVD150
27-04-2014, 21:23
الباور الخاص بية هو seasonic 750w gold و المشتت راكب تمام هو فى الوضع العادى بيبقى 46 و نواة 40 بس اكتر نواة هى 46 لما بلعب كرايسس 3 على اعلى اعدادات درجة الحرارة بتوصل كدا مش عارف بقى اعمل اية ؟؟ كمان انا عندى كيسة zalman z3 و فيها بتاع 5 مراوح جى مع الكيسة انا مش عارف المشكلة فين
Ahmed Elbrbry
27-04-2014, 22:05
الحرارة مرتفعة جدا يا اخى
و الطبيعى ان تكون اقل من ذلك
و سبب ارتفاع الحرارة هو الحرارة الناتجة عن البطاقة الرسومية تتجه الى مشتت المعالج و بالتالى تسبب ارتفاع حرارة المعالج

و انت تقول ان الكيسة بها 5 و اعتقد انك مخطئ في هذا الرقم

اذا كنت تملك الكيسة Z3 فهى تاتى ب 3 مراوح فقط
واحد في الامام
و واحدة في الأعلى
و واحدة في الخلف
و لديك مكان لمروحتين اخرين ( هل قمت بتركيب اية مراوح إضافية )

اذا كنت تملك الكيسة Z3 PLUS فهى تاتى ب 4 مراوح

و للأسف تصميم الكيسة به خطأ و هو عدم وجود مكان لتركيب مروحة في جانب الكيسة ( الباب )
لكى يتم ادخال هواء باستمرار لتبريد البطاقة الرسموية

تاكد من عدد المراوح
و تاكد من اتجاه الهواء

الأعلى و الخلف خروج هواء
الامام دخول هواء

و انصحك بشراء مشتت من الفئة المتوسطة للحفاظ على درجة الحرارة في حدود الامان
RVD150
27-04-2014, 22:46
الكيسة فيها 4 مراوح 2 فوق و واحدة فى الامام و واحدة فى الخلف يبقى اكيد هى plus طيب الكيسة يعنى مش حلوة ولا اية دة كلو قالى ان تبريدها حلو المفروض حضرتك رايك اعمل اية طيب دلوقتى و لو الرد اجيب مشتت فى حدود كام و نوعة اية بضبط
Ahmed Elbrbry
27-04-2014, 22:54
الكيسة فيها 4 مراوح 2 فوق و واحدة فى الامام و واحدة فى الخلف يبقى اكيد هى plus طيب الكيسة يعنى مش حلوة ولا اية دة كلو قالى ان تبريدها حلو المفروض حضرتك رايك اعمل اية طيب دلوقتى و لو الرد اجيب مشتت فى حدود كام و نوعة اية بضبط

انا مقلتش ان الكيسة مش حلوة

و لكن انت تستعمل بطاقة R9 290 معالج هاسويل

يعنى كمية الحرارة الناتجة كبيرة

لذلك يفضل ان تكون التهوية جيدة

جرب تفتح باب الكيسة و انت بتلعب و شوف الحرارة هتوصل كام

اعتقد انها هتكون اقل

و ممكن تجيب مشتت مثل COOLER MASTER HYPER 212 EVO
بسعر 275
و هيفيدك كثيرا لأننا داخلين على صيف
RVD150
27-04-2014, 23:46
انا حركت الكيسة عشان لاقيت ان الكيسة من نحية اليمية مسنودة على الترابيزا من نيحية اليمين حركتها لاقيت درجة الحرارة وصلت لى 70 اقصى حاجة للبروسيسور حاجة غريبة اوى والله
Ahmed Elbrbry
28-04-2014, 07:19
انا حركت الكيسة عشان لاقيت ان الكيسة من نحية اليمية مسنودة على الترابيزا من نيحية اليمين حركتها لاقيت درجة الحرارة وصلت لى 70 اقصى حاجة للبروسيسور حاجة غريبة اوى والله

من كلامك افهم ان الكيسة موجودة في مكان قريب من الأرض
هل هي في الترابيزة من الأسفل

اذا كنت كذلك

حاول ترفعا اعلى سطح الترابيزة و شوف الفرق
Stone
28-04-2014, 09:51
السلام عليكم ...

أرجو اعادة النظر في تركيب مشتت.
kingtifass
28-04-2014, 18:48
ماهوا موديل 290 المستخدم أخى
وهل قمت بتغيير المعجون الحرارى مابين المشتت الافتراضى والمعالج من قبل ؟ ام لم تقم بفك المشتت الافتراضى من على المعالج منذ قمت بشرائه ؟
وهل جرببت فتح باب الصندوق واختلف الوضع ام لا ؟
وما هوا مكان الصندوق بالظلط ؟ هل متواجد فى احدى ترابيزات الكمبيوتر المعتاده ام ماذا ؟
واذكر نوع اللوحة الام لديك لكى نقوم بتعديل خيارات سرعة المراوح وهل فى امكانية لتعديل فولت المعالج مع الضغط (لربما يفيدك فى تقليل بضعة درجات )
RVD150
29-04-2014, 03:51
اسف جدا عشان مكنتيش موجود ايوة الكيسة فى مكان لية فى الترابيزا من تحت تانى حاجة البوردة بتاعتى هى z87 hd3 تالت حاجة و الكيسة مقفولة التبريد افضل من و هى مفتوحة اخر حاجة انتو رايكو اعمل اية بضبط عشان والله مش عارف بيجد

كارت الشاشة r9 290 tri-x
TIMO1
29-04-2014, 08:05
ماهوا موديل 290 المستخدم أخى
وهل قمت بتغيير المعجون الحرارى مابين المشتت الافتراضى والمعالج من قبل ؟ ام لم تقم بفك المشتت الافتراضى من على المعالج منذ قمت بشرائه ؟
وهل جرببت فتح باب الصندوق واختلف الوضع ام لا ؟
وما هوا مكان الصندوق بالظلط ؟ هل متواجد فى احدى ترابيزات الكمبيوتر المعتاده ام ماذا ؟
واذكر نوع اللوحة الام لديك لكى نقوم بتعديل خيارات سرعة المراوح وهل فى امكانية لتعديل فولت المعالج مع الضغط (لربما يفيدك فى تقليل بضعة درجات )
كلام سليم اخى مصطفى ;)
بص حضرتك اعمل زى ما المشرفين الافاضل طلبوا منك وانا هاشرحلك الخطوات بس بطريقه ابسط
1- اول حاجه لو انت بقالك كتير جايب الجهاز ومغيرتش المعجون بتاع البرسيسور غيره بمعجون من ماركه كويسه MX4
2- لو انت مش متاكد انك مركب المروحه كويس راجع عليها تانى واتاكد ان كل الرجول بتاعه المشتت راكبين صح
3-غير مكان الكيسه فى مكان غير الى انت حاططها فيه حاليه ارفعها مثلان على كرسى او ترابيزه يعنى حاجه اعلى من الارض وتكون بعيده عن الحائط
4- ارفع صوره من برنامج cpu_z مع الضغط علشان لو فولت المعالج فى امكانيه انه يكون محتاج فولت اقل علشان تقلل من درجه الحراره بتاعته والمشرفين الافاضل هنا هايقلولك تعمل ايه بالبظط وبتضغط ببرنامج prime95 لمده قصيره جدا متتعداش دقيقه علشان الحراره هاتزيد بس علشان ننقدر نعرف المعالج واخد فولت قد ايه
5-لو فتحت باب الكيسه ولاقيت ان الحراره افضل وهو مقفول ياريت تقول برده .
6-راجع تركيب المرواح فى الكيسه بحيث تكون المرواح فى السقف والخلف لسحب الهواء للخارج يعنى شفغالين كشفط مثل هذا الشكل .https://www.nix66.ru/images/photo/p/c/v/cases_zalman_172290_2256_draft_large.jpg
7- لو عايز تتاكد ان المشكله فى الكيسه ومش هى السبب فى درجات الحراره خالص انزع البورده من الكيسه وجرب اللوحه من الخارج ضعها على ترابيزه صغيره وشوف الحراره هاتبقى كام
8- انصحك بشراء مشتت احترافى علشان تنسى تماما درجات الحراره لان اساسا لا افضل من اول i5 او حتى الكواد AMD ان تعمل على المروحه الاستوك .
ارجو منك الرد على كل النقط وتجربها بهدوء وخد وقتك واخبرنا بالنتيجه بس لما تجاوب قول على الخطوات الى انت عملتها وايه الى حصل بعدها .
RVD150
29-04-2014, 18:34
1- لا الجهاز لسة جديد
2-المراوح كله متراكبة تمام
3-غيرت مكان الكيسة فرقت بتاع 4 او 5 درجات حرارة
4-لا لما بفتح باب الكيسة التهوية مش افضل ولا حاجة

دى صورة من برنامج cpu-z و انا بلعب لعبة crysis 3

https://im60.gulfup.com/hob3cb.bmp (https://www.gulfup.com/?soZNha)
TIMO1
29-04-2014, 23:48
كتير على فكره 4/5 درجات لما تغير المكان مش فرق قليل .
يبقى انت واضح انك محتاج مشتت احترافى علشان تريح نفسك لان واضح ان الجو عندك حار الى حد ما ومش هاتحس براحه غير لما تغير المشتت .
RVD150
30-04-2014, 00:57
طيب اجيب مشتت نوع اية بضبط عشان اريح دماغى ؟؟؟؟؟؟؟؟؟؟؟؟؟؟
alpoop20
30-04-2014, 02:11
طيب اجيب مشتت نوع اية بضبط عشان اريح دماغى ؟؟؟؟؟؟؟؟؟؟؟؟؟؟

ممكن تجيب مشتت antec 620 ب 250 او 300 تقريبا وﻻ يزيد تمنه عن ذلك وهو مشتت مائى رائع جداجدا وادائه متميز جدا
RVD150
30-04-2014, 04:05
المروحة دى مش موجودة عند حد ياريت نوع تانى يكون كويس فى التبريد و يكون السعر فى حدود 200 او 250 جنية بكتير
Ahmed Elbrbry
30-04-2014, 10:47
cooler master hyper 212 evo ب 275 جنيه
او
cooler master hyper t4 ب 250 جنيه

توكل على الله
TIMO1
01-05-2014, 12:25
بص فى مشتت لو لقيته لسه موجود يبقى حظك كويس اوى وهاتلاقيه عند محل واحد النخيلى فى مول البستان ARCTIC Freezer I30 CPU Cooler
مشتت قوى جدا وصوته هادى جدا مقارنه بكل الى موجود لان مروحته بتدور بسرعه 1300 لفه وحجمه كبير ووزنه 900جرام مشتت جيد للغايه
ده رفيو ليه ممكن تشوفوا وتقدر تقرر بس يبقى حظك كويس لو لسه موجود https://www.hardocp.com/article/2012/09/25/arctic_cooling_freezer_i30_13_cpu_cooler_review/4
لو ملقتهوش يبقى افضل اختيار ليك بعده هو الهايبر 212 evo ومنصحكشى بحاجه اقل من كده علشان تبقى مريح بالك
بس انصحك جدا باi30 .
Karim Gaber
01-05-2014, 12:31
انا اقصى درجة بتوثل فى الصيف مه اعلى اعدادات هيا 51_56
RVD150
03-05-2014, 14:10
أنا روحت النهاردة و سالت قالولى ان المروحة دى احسن بكتير ZALMAN CNPS10X OPTIMA 120mm FSB Shark's
من الكولير ماستير انتو اية رايكو
Ahmed Elbrbry
03-05-2014, 14:29
أنا روحت النهاردة و سالت قالولى ان المروحة دى احسن بكتير ZALMAN CNPS10X OPTIMA 120mm FSB Shark's
من الكولير ماستير انتو اية رايكو

هما متقاربين في الأداء
و احنا رشحنا لك المناسب ليك
خصوصا ان معالج غير قابل لكسر السرعة
و الفرق بين هذه المشتت يظهر في حالة كسر السرعة فقط
اما على التردد الافتراضى الفروقات تكون ضئيلة جدا
RVD150
03-05-2014, 17:40
طيب مين الافضل طيب عشان الاتنين بنفس السعر اجيب مين فيهم
TIMO1
04-05-2014, 01:12
hyper 212 evo افضل حتى لو الاثنان متساويان فى التشتيت الحرارى فان طريقه تركيب الزلمان عند احتياجك لفك وتغير المعجون ستحتاج ان تخلع اللوحه الام وتثبت البراكيت من الخلف لان البراكيت لا يثبت فى اللوحه الام بثبات جيد الا عن طريق لاصق دابل فيس وهو غير كافى لاحكامه الا عن طريق خلع اللوحه حتى تثبته وتثبت المشتت ثم تقوم مره اخرى بتركيب اللوحه فى الكيسه قصه غير مسليه لانى امتلك اخوه الاكبر ZALMAN CNPS PERFORMA 10 وكنت امتلك قبله hyper212+ الهايبر يحتاج الى قليل من التركيز فى تثبيت الباركيت لانه يثبت مره واحده فقط وبعد ذلك حين تريد تغير المعجون او تننظيفه بيفك ويركب بمساميره دون فك البراكيت اساسا لان البراكيت بيكون ثابت بصواميل فى اللوحه الام .
RVD150
04-05-2014, 04:56
اية دة يعنى هى المراوح دى مش بتتركب زى مروحة العادية بكبس الكليبسات يعنى لازم افوك البوردة عشان اركب المراوح دى سواء كانت كولير مستير او زيلمان ياريت لو فعلان كدا تقولى طريقة بتاعت التركيب
TIMO1
04-05-2014, 12:40
اية دة يعنى هى المراوح دى مش بتتركب زى مروحة العادية بكبس الكليبسات يعنى لازم افوك البوردة عشان اركب المراوح دى سواء كانت كولير مستير او زيلمان ياريت لو فعلان كدا تقولى طريقة بتاعت التركيب
لا طبعا مش بتتركب زى المشتت الافتراضى اما عن طريقه التركيب فبيجى كاتلوج او ممكن تتفرج على اليوتيوب على طريقه التركيب لانها طويله فى اى مشتت فيهم
ولان بيبقى فى اوضاع معينه فكل سوكيت وبتبقى مشروحه فى الكاتلوج الخاص بكل واحد منهم شرح مطول ومش هاتلاقى اكتر من الفديوهات .
وبالمناسبه حتى المعجون ليه طريقه فى الفرد على المعالج علشان متتفجاؤش تانى :D
RVD150
05-05-2014, 02:54
همم فى ناس بتقولى مش لازم تفك البوردة ممكن من ضهر الكيسة افك الباب الخلفى للكيسة و اركب المروحة الكلام دة ينفع ؟؟؟؟؟؟ و لو ينفع انا عندى كيسة zalman z3 ينفع اعمل كدا على الكيسة دى ؟؟؟

اخر حاجة الحديدة اللى بتبقى على البوردة من الخلف عشان تمسك المروحة مش خطر على البوردة يعنى ممكن تعمل احتكاك و اى حاجة او تسخن البوردة من المكان دة ؟؟؟