عندى مشكلة stuttering هتجننى مش لاقى حل يا جماعة برجاء مساعدة من الخبراء

[NewComer1]

السلام عليكم ورحمة الله وبركاته

أرجو قراءة الموضوع وبرجاء من لديه الخبرة يرد عليه بلاش أى ردود

المشكلة أن عندى stuttering وأنا بلعب وهتكلم عن كل المعطيات متهيئلى 90% بسبب الماوس بس مش عارف أحلها

الأول كان عندى

ATI 7850 2G
Core i5 3570 K 3.4 مش مكسور وأنا مبكسرش
PSU seasonic 600w Eco
8G Ram 1666
GA-z77x-d3h
كنت بلعب على إعدادات متوسطة فى باتلفيلد 4 كان عندى 60 فريم متواصلين ومفيش أى مشاكل ومشتكتش ولا مرة من stuttering نهائياً

---------------------------------------------------------------------------------------------------------------------------------
بداية المشكلة فكرت أنى أحدث وأجيب كارت جديد وندمان والله أنى عملت كده

أشتريت R9 280X MSI لقيت فى مشكلة Stuttering ودورت على كل الحلول قريت مواضيع أجنبى كتيرة جداً عملت تحديث لكل التعريفات من ويندوز 7 ل ويندوز 8 وتحديث البايوس ولعب فى ال Regedit كل ما تتوقعوا حتى تعريفات ال amd جربت كل التعريفات ورجعت لتعريفات قبل ال mantle والمشكلة أنى لقيت drops fps فى باتلفيلد 4 على إعدادات الهاى

جنون

روحت لصاحبى و جربت عنده بهارد ssd وباور 850 Gold ومازربورد asrock مش فاكر نوعها ايه وجربت عنده بماوس gaming محترم

وللأسف لقيت نفس المشكلة بس فى حاجة مغيرناش البروسيسور وعلى فكرة حرارة البروسيسور مبتعلاش عن 70 فى الضغط أثناء اللعب ولقيت برده drops fps

وملقتش حل رجعت الكارت لصاحبه

الجنون بقى جربت R9 280x Asus و GTX770 و GTX 660 TI وبرده نفس المشكلة


أخر حاجة دلوقتى مشتريها Vapor x 7970 3G عندى دلوقتى وللأسف نفس المشكلة

عملت كل الإختبارات على البروسيسور و الكارت مش لاقى مشكلة cpu usage مفيش مشكلة gpu usage مفيش مشكلة

حرارة الكارت و البروسيسور تحت 70 للبروسيسور والكارت
----------------------------------------------------------------------------------------------------------------------

أعمل ايه يا جماعة بقالى 3 أسابيع فى المشكلة ديه ومش لاقى حل هل لازم أكسر أنا معنديش مشتت و الباور مش هيستحمل وبعدين مكنش فيه مشكلة مع
ال 7850

ولا أشترى core i7 وأغير المازبورد

صاحبى بيقولى غير للمنصة الجديدة هاسويل وهات core i5 4670 or 4570

طب السؤال مش هيفرق فى الأداء عشان أنقل من 1155 إلى 1150

معلش الموضوع طويل بص أخوكم برج من دماغه طار

وأخر السؤال أنا بقيت شاكك أنها مشكلة بروسيسور هل بروسيسور يعمل كده مع أنه مفهوش أى مشكلة إزاى أبيعه طيب وممكن أرفعلكم صور من جهازى

[NewComer1]

أنا بصراحة مجربتش بروسيسور تانى فى كل إختباراتى ولا بروسيسور أعلى كمان

[MaHmOuD ZeRo]

متابع >>>

[MohamedRaafat]

بص انت اول حاجه ودى المذربورد الى الوكيل يكشف عليها ولو امكن المعالج والباور كمان يكشف عليه

وبكده نحصر كل الاحتمالات ............

انت جربت مجموعه معينه من الكروت وكلها عملت نفس المشكله اذا المشكله واحد من الاثنين المذربورد عشان الكارت بيركب عليه او الباور لو كان فيه مشكله ممكن يعطل على الكارت

والمعالج ... احتمال اخر بس بردو اكشف عليه


وربنا معاك ....

[NewComer1]

بص انت اول حاجه ودى المذربورد الى الوكيل يكشف عليها ولو امكن المعالج والباور كمان يكشف عليه

وبكده نحصر كل الاحتمالات ............

انت جربت مجموعه معينه من الكروت وكلها عملت نفس المشكله اذا المشكله واحد من الاثنين المذربورد عشان الكارت بيركب عليه او الباور لو كان فيه مشكله ممكن يعطل على الكارت

والمعالج ... احتمال اخر بس بردو اكشف عليه


وربنا معاك ....


شكراً لردك يا محمد بس انا جربت على مازربرد ازروك ولقيت نفس المشكلة و البروسيسور خلص ضمانه وهو مفهوش مشكلة لا فى الحرارة وجربت اضغط عليه ب prime 95 ومفيش أى أخطاء

[MohamedRaafat]

شكراً لردك يا محمد بس انا جربت على مازربرد ازروك ولقيت نفس المشكلة و البروسيسور خلص ضمانه وهو مفهوش مشكلة لا فى الحرارة وجربت اضغط عليه ب prime 95 ومفيش أى أخطاء

وضح كلامك اكثر ...........المعالج تمام .... كرت الشاشه تمام (لانك اشتريت اكثر من واحد ونفس المشكله)

طب المذربورد ازاى لقيت نفس المشكله فى مذربورد ثانيه (ازروك) انت شيلت ايه من عندك وركبته على المزربورد (ازروك) ..... طب ايه نوع المذربورد ازروك (لازم تفتكر عشان نساعدك)

قولى كمان امكانيات كمبيوتر صاحبك

قول كل حاجه انت جربتها بادق تفاصيلها ...... المعلومات تنقصنى المعلومات والا من الصعب اساعدك


وشكرا

[NewComer1]

وضح كلامك اكثر ...........المعالج تمام .... كرت الشاشه تمام (لانك اشتريت اكثر من واحد ونفس المشكله)

طب المذربورد ازاى لقيت نفس المشكله فى مذربورد ثانيه (ازروك) انت شيلت ايه من عندك وركبته على المزربورد (ازروك) ..... طب ايه نوع المذربورد ازروك (لازم تفتكر عشان نساعدك)

قولى كمان امكانيات كمبيوتر صاحبك

قول كل حاجه انت جربتها بادق تفاصيلها ...... المعلومات تنقصنى المعلومات والا من الصعب اساعدك


وشكرا


اوكيه هتأكدلك من نوع المازربورد الأزروك بس أنا بقولك أنى جربت على الأزروك بنفس البروسيسور وغيرت عليها كارتين شوفت نفس المشكلة يعنى بص أنا غيرت 2 باور سبلاى واحد 850 جولد و التانى 600 نفس المشكلة جربت على الأزروك بكارتين مختلفين نفس المشكلة ناقص أنى أغير البروسيسور وبصراحة مش لاقى حد يدينى بروسيسور أجرب عليه والمصيبة أن البروسيسور بتاعى مفيهوش مشكلة اللى هعمله أنى هغيره وأجيب core i7 بس خايف تحصل نفس المشكلة

[MohamedRaafat]

اولا جرب تشيل رامه واحد وتشغل الكمبيوتر

ثانيا جرب الكمبيوتر كله فيما عدا كرت الشاشه اطلاقا (يعنى ركب على الكرت المدمج فى المذربورد)

ثالثا ركب كارت الشاشه فى المداخل دى (تابع الصوره)
https://im49.gulfup.com/UAPTad.jpg

ربعا واخيرا نظف الجهاز من اى تراب ولو صغير بواسطه فرش الاسنان


خامسا ارجع صفحه البيوس الى الاعدادات الافتراضيه


سادسا ارجو ان تتبع كل ما كتبته حرفيا وتكتب النتيجه فى كل من اولا الى خامسا بالترتيب :D ........ فضلا لا امر


وشكرا

[Ahmed Elbrbry]

وضح كلامك اكثر ...........المعالج تمام .... كرت الشاشه تمام (لانك اشتريت اكثر من واحد ونفس المشكله)

طب المذربورد ازاى لقيت نفس المشكله فى مذربورد ثانيه (ازروك) انت شيلت ايه من عندك وركبته على المزربورد (ازروك) ..... طب ايه نوع المذربورد ازروك (لازم تفتكر عشان نساعدك)

قولى كمان امكانيات كمبيوتر صاحبك

قول كل حاجه انت جربتها بادق تفاصيلها ...... المعلومات تنقصنى المعلومات والا من الصعب اساعدك


وشكرا
Asrock z77 extreme 6
تم تجربة الكروت لكن مع نفس المعالج
اختلف الهارد و اللوحة الام و مزود الطاقة و الرامات

[NewComer1]

قبل أى حاجة شكر خاص للبشمهندس لأحمد البربرى ساعدنى كتير جداً والراجل وقف معايا وجربنا مكونات جهازى مع جهازه عشان نحدد المشكلة بس موصلناش لحل تسلملى يا باشا

وأنا متشكر جداً للعضو محمد رفعت ساعدتنى أيضاً كتير

ولكن أنا قولت حد يرد عليه من الخبراء ومحدش رد عليه لأن مع احترامى الشديد لكل أعضاء المنتدى أنا شرحت مشكلتى بالتفصيل لكن ولا واحد قدر يحدد المشكلة ايه

طبعاً بعد ما طلع عينى فى البحث عرفت المشكلة ايه وأنا برد على الموضوع دلوقتى عشان أى حد بيدور على نفس المشكلة يقرأ كلامى لا أكتر لا أقل ومش قصدى والله دعاية لمنتج شركة معينة ولا أى حاجة أنا بقالى شهر بدور على حل للمشكلة ديه

أسف مش هعرف أشرح إلا بالإنجليزى

مبدئياً المشكلة اللى أنا شرحتها دى مشكلة كروت شاشة amd ومن بعد ما أصدروا الفئة ال 5xxx بصراحة حاجة تقرف وناس كتير بتشتكى من نفس المشكلة اللى عندى اللى هيا ايه

my Issue is not stuttering , i thought it is a stuttering issue but i figured out that when i was playing , i force vsync on
and thats causes drops fps and mouse lag , input lag , or stuttering really i dont know how to describe it , let us say stuttering when moving mouse .
have i found any solutions , found that fps with Gpu like 7970 while playing battlefield 4 is higher than my monitor refresh rate 1920 X1080 and i have two scenarios

First Disable Vsync >>> thats shows me a decent Fps no lagging but >>> that damn big issue with AMD >> Screen Tearing with horizontal waves >>> and cannot play with that , games unplayable with screen tearing

Second enable Vsync to Stop Screen Tearing >>> Thats causes drops fps and mouse stuttering , lags , >> because fps is higher than my Monitor Refresh rate

another solutions

download Radeon Pro and force dynamic Vsync didnot help
D3DOverrider to force Vsync on Desktop then disable it in Game didnot work

ومفيش حل على الإنترنت إلا لما شركة Amd تحل المشكلة ديه

طب وبعدين اه فى حل تجيب شاشة 27 / 144هرتز أو 120 هرتز فريماتك تعلى من غير أى مشاكل هو ده الحل الوحيد

نيفيديا حلوها أن هم بيعملوا ال Vsync ِAdaptive يعنى ايه ولا أعرف يعنى تغير من AMD ل Nividia عشان معندكش مشكلة فى الأداء إزاى مش فاهم

هجرب حل النهارده إن شاء الله هجيب وصلة DVI D to HDMI فى واحد بيقول حلتله المشكلة الله أعلم

وأتمنى لو حد عنده حلول يقولها بعد إذنكم