تجميعه للألعاب المهم الأداء اكتر من الجرافيك ... في حدود 3000 - 3500

[w.zahran]

السلام عليكم و رحمة الله و بركاته

لو سمحتم انا محتاج مساعدتكم ف تجميعة جهاز للألعاب أنا مش خبير أوي علشان كده هتلاقوا تفاصيل كتير ناقصه يا ريت تستحملوني ^^

أنا علطول كنت Ps Gamer بس الألعاب الجديده زي Assassin's creed و Batman خلتني أكمل PC علشان مش هتنزل على الـ 3
فأنا محتاج تجميعه تشغل الألعاب الجديده زي Assassin's creed 5 , watch dogs .... etc اهم حاجه عندي الأداء اللعبه تمشي كويس من غير تقطيع حتى لو عامل كل حاجه على Low معنديش مشاكل في دي

المهم دلوقتي أنا معايا
Geforce 210
G41M motherboard
Intel core 2duo
ram 2GB

المطلوب من حضارتكم تعرفولي الكلام اللي فوق ده ممكن أبيعه ولا لأ و يخلص بسعر كام

و اللي يجي هضيف عليه 3000 جنيه و أجيب التالي

HD 7770
H61M
Intel core i5
ram 4GB + 2GB ممكن أسيبها في الجهاز

الهارد مش محتاج أغيره

شوية اسئله في الأخر كده ^_^

أنا عندي دلوقتي شاشه كبيره الـ Res بتاعها واصل 1680×1050 هل الأحسن ابيعها و أجيب شاشه 19 بوصه ولا كارت الشاشه اللي هجيبه هيشغل الألعاب كويس على الشاشه الكبيره العريضه الممله دي :D

هل الـ i5 مهم ولا اجيب i3 و أوفر في الفلوس أحسن ؟؟
طيب كارت شاشه قوي مع بروسيسور نص نص ولا العكس يعني أيه الأفضل ؟؟

الرامات فوق 4 جيجا ليها لازمه ولا مش مهمه أوي ؟؟

هل هحتاج أغير الباور اللي جي مع الجهاز لو جبت كارت شاشه جديد ؟؟

يا ريت تيفيدوني في الكلام ده كله و معلش طولت عليكم بس أنا جديد حبتين في الكلام ده و بقالي كتير أوووي مجمعتش جهاز للألعاب

[Dark Side]

اخى التزم بالنموذج حتى يساعدك الاخوه


محتوى الموضوع :

نموذج الموضوع يكون كالتالى:


-

يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

المنتدى وُجد لمساعدتك ، فاحرص على انجاحه بإلتزامك بقوانينه وشروطه .

إدارة عرب هاردوير.