المساعد الشخصي الرقمي

مشاهدة النسخة كاملة : طلب الطريقة الفعالة لتنظيف الكيسة بالبلاور



whiteknights
22-05-2014, 22:36
السلام عليكم..قمت بتجميع جهازى من حوالى سنة..و فى هذه الفترات بدأت الاحظ ارتفاع الضوضاء الصادرة من الكيسة عن السابق..مع العلم ان درجات الحرارة طبيعية و لم ترتفع كثيرا فى فصل الصيف...اريد ان اعرف هل اقوم بضخ الهواء داخل الكيسة بواسطة البلاور على البروسيسور و كارت الشاشة؟ ام ان الشفط بيكون افضل؟

wael45
22-05-2014, 22:56
و عليكم السلام و رحمة الله و بركاته

أنا صحيح الجهاز بتاعى قديم شوية لكن متعود أنضفه بالبلاور مرتين فى السنة من حوالى 5 سنوات تقريباً ، و البلاور عبارة عن ضخ الهواء ( منفاخ )

أنا الصراحة عمرى ما فكيت المشتت بتاع المعالج ( متركب من 9 سنوات ) و لكن بوجه البلاور على المروحة بتاعة المعالج و على كارت الشاشة و الرامات و الهارد و البوردة و كل محتويات الكيسة

كمان بتزيت المراوح بتاعة الكمبيوتر بأى زيت يصلح لها الغرض ( مروحة المعالج و الكيسة و الباور صبلاى )

و معاك قطعة قماش نضيفة لتزيل بيها آثار التظيف و التراب

ع فكرة أنا أتذكر إنى زيت مروحة المعالج مرتين بزيت طعام :D

Ahmed Elbrbry
22-05-2014, 23:29
ضخ هواء داخل الكيسة
مع مراعاة ان يكون الهواء موجه على المشتتات و المراوح
لكن يجب تثبيت المراوح اثناء عملية ضخ الهواء حتى لا تتلف من قوة الهواء الذى سيجعلها تدور بسرعة اكبر من سرعة و ينكسر الرولمان بلى
لذلك يجب تثبيت المراوح برباط ما او بأفيز

whiteknights
22-05-2014, 23:40
و عليكم السلام و رحمة الله و بركاته

أنا صحيح الجهاز بتاعى قديم شوية لكن متعود أنضفه بالبلاور مرتين فى السنة من حوالى 5 سنوات تقريباً ، و البلاور عبارة عن ضخ الهواء ( منفاخ )

أنا الصراحة عمرى ما فكيت المشتت بتاع المعالج ( متركب من 9 سنوات ) و لكن بوجه البلاور على المروحة بتاعة المعالج و على كارت الشاشة و الرامات و الهارد و البوردة و كل محتويات الكيسة

كمان بتزيت المراوح بتاعة الكمبيوتر بأى زيت يصلح لها الغرض ( مروحة المعالج و الكيسة و الباور صبلاى )

و معاك قطعة قماش نضيفة لتزيل بيها آثار التظيف و التراب

ع فكرة أنا أتذكر إنى زيت مروحة المعالج مرتين بزيت طعام :D


متشكر ليك على ردك..طيب ايه هو سبب ارتفاع الضوضاء داخل الكيسة مع ان درجات الحرارة هيا هيا..و فى اول 6 شهور مكنش فيه ضوضاء زى دلوقتى..و ده اللى انا مستغربله...بالنسبة للزيت..هل ينفع زيت زيتون؟ :D ..ولا بيكون هناك زيت معين للحاجات دى؟

whiteknights
22-05-2014, 23:42
ضخ هواء داخل الكيسة
مع مراعاة ان يكون الهواء موجه على المشتتات و المراوح
لكن يجب تثبيت المراوح اثناء عملية ضخ الهواء حتى لا تتلف من قوة الهواء الذى سيجعلها تدور بسرعة اكبر من سرعة و ينكسر الرولمان بلى
لذلك يجب تثبيت المراوح برباط ما او بأفيز

شكرا ليك على الأفادة...انا الحقيقة مش متأكد من قدرتى على تثبيت المراوح برباط..فهل ينفع اثبتها او اسندها بأيدى؟

Ahmed Elbrbry
23-05-2014, 01:27
شكرا ليك على الأفادة...انا الحقيقة مش متأكد من قدرتى على تثبيت المراوح برباط..فهل ينفع اثبتها او اسندها بأيدى؟

ينفع تثبتها بايدك
او بقلم
او باى شيء لا يجعلها تلف

Sherif.Attia
23-05-2014, 07:17
متشكر ليك على ردك..طيب ايه هو سبب ارتفاع الضوضاء داخل الكيسة مع ان درجات الحرارة هيا هيا..و فى اول 6 شهور مكنش فيه ضوضاء زى دلوقتى..و ده اللى انا مستغربله...بالنسبة للزيت..هل ينفع زيت زيتون؟ :D ..ولا بيكون هناك زيت معين للحاجات دى؟
أخى الفاضل تراكم الغبار على المراوح يؤدى الى إحتكاك وبالتالى سيرتفع صوت الضجيج . هذا هو سبب الضوضاء بالكيسه
ولتفادى هذه الضوضاء يجب عليك مراعاة تنظيف المراوح بالبلاور تنظيف دورى كما وضح لك الأعضاء الكرام بالمشاركات السابقه .
إضافه بسيطه لتزييت المروحه
هى أن تقوم برفع الشريط اللاصق الموجود أعلى المروحه ثم نقوم بتزييت محور المروحه بإستعمال زيت خاص لتزييت المحركات وليس بزيت الطعام كما يعتقد الكثير . وبعدها نقوم بوضع الشريط اللاصق مره أخرى لتتم عملية تزييت المروحه .
https://www.awwase.com/blog/wp-content/uploads/2013/05/010.jpg
:)

whiteknights
23-05-2014, 13:44
أخى الفاضل تراكم الغبار على المراوح يؤدى الى إحتكاك وبالتالى سيرتفع صوت الضجيج . هذا هو سبب الضوضاء بالكيسه
ولتفادى هذه الضوضاء يجب عليك مراعاة تنظيف المراوح بالبلاور تنظيف دورى كما وضح لك الأعضاء الكرام بالمشاركات السابقه .
إضافه بسيطه لتزييت المروحه
هى أن تقوم برفع الشريط اللاصق الموجود أعلى المروحه ثم نقوم بتزييت محور المروحه بإستعمال زيت خاص لتزييت المحركات وليس بزيت الطعام كما يعتقد الكثير . وبعدها نقوم بوضع الشريط اللاصق مره أخرى لتتم عملية تزييت المروحه .
https://www.awwase.com/blog/wp-content/uploads/2013/05/010.jpg
:)



شكرا ليك جدا على الأفادة..طيب اخر استفسار..هل استعمال الزيت بيكون لكل المراوح داخل الكيسة بما فيهم مروحة البروسيسور و كارت الشاشة؟ ام بيكون على مروحة الكيسة فقط؟
و اين اجد هذا الزيت؟

Sherif.Attia
23-05-2014, 13:55
شكرا ليك جدا على الأفادة..طيب اخر استفسار..هل استعمال الزيت بيكون لكل المراوح داخل الكيسة بما فيهم مروحة البروسيسور و كارت الشاشة؟ ام بيكون على مروحة الكيسة فقط؟
و اين اجد هذا الزيت؟
نعم أخى الفاضل الزيت يستعمل لجميع المراوح داخل الصندوق (الكيسه) .
ستجد هذا النوع من الزيت بأى مول كمبيوتر .

فادي سلام
17-06-2014, 10:35
ما هي أفضل مراوح موجودة في السوق و كم سعرها ؟؟ و هل المراوح الرخيصة أم 10 أو 20 جنيه تفي بالغرض بالنسبة للتهوية و التبريد لداخل الكيسة ؟؟