مشكله فصل الجهاز عن العمل [الأرشيف]

مشاهدة النسخة كاملة : مشكله فصل الجهاز عن العمل

fast.bux.com

24-05-2014, 13:17

انا عندى الجهاز رخيص شويه لانى بعمل عليه اعمال مكتبيه
ودى امكانيات الجهاز

Intel(R) Celeron(R) CPU G1610 @ 2.60GHz
الرام : 4096 MBytes
اللوحه : G H61M-S2P

طبعا النوع ده من اللوحات انا بنصح اى حد انه يبعد عنه لانى بلاقى فيه مشاكل لا حصر لها
واخرهم مشكله غريبه

ان الجهاز بيفصل كل نصف ساعه تقريبا واقوم بخلع الرامه وتركيبها مره اخرى عده مرات حتى يعمل
ثم يفصل مره اخرى واقوم بخلع الرام وتركيبها مره اخرى وهكذا
مع العلم انى متأكد من ان الرام لا يوجد بها عيب والبورسبلاى يعمل زى الفل وعندى 4 مراوح فى الكيسه عشان عمليه التبريد والمراوح كلها جديده
والبروسيسور زى الفل اخره يعمل 10% ودرجه الحراره لا تتعدى 32

Sherif.Attia

24-05-2014, 13:38

من فضلك أخى الفاضل قم على توضيح باقى مكونات جهازك من مزود طاقه وبطاقة رسومات ...
فى انتظار الرد حتى نتمكن من مساعدتك فى إيجاد حل لهذه المشكله

fast.bux.com

24-05-2014, 14:39

شكرا ليك
انا مش عارف ارفق ازاى الملف هنا فى المنتدى
فرفعته على 4shared
https://www.4shared.com/document/Wbr8_sUNba/MOSTAFA-PC.html

Intel(R) Celeron(R) CPU G1610 @ 2.60GHz
DDR3 الرام : 4096 MBytes
اللوحه : G H61M-S2P
Intel(R) HD Graphics 1803 MB
مزود الطاقه شغال تمام hawk 3500p fup-200

وعندى واحد جديد جربته وبرده نفس العيب موجود

Sherif.Attia

24-05-2014, 14:48

أخى الفاضل شكراً لك على المتابعه والرد
أنت فى حاجه لشراء مزود طاقه لا تقل قدرته عن 450 وات من ماركه محترمه لأن مشكلة جهازك فى مزود الطاقه ...
فأرجوا منك أولاً قبل الشراء تجربة جهازك على مزود طاقه مثل الذى قد ذكرته لك حتى تتأكد من أن المشكله من مزود الطاقه .
وشكراً

akrammlsh

24-05-2014, 15:00

اللوحة ممتازة و شغالة عندي بقالها سنين المشكلة عندك في الpower supply

أبو قصي

24-05-2014, 18:38

السلام عليكم

اهلا بك أخي في المنتدى.

أتمنى منك في المرة القادمة الالتزام بقوانين القسم قبل إنشاء اي موضوع / لقد قمت بتعديل عنوان الموضوع ليدل على المشكلة.

بالنسبة للمشكلة فكما تفضل الاخوة الكرام, فمن الممكن ان يكون هناك قصر في مزود الطاقة.

لكن اريد منك ايضا ان تقوم بتنظيف مكان الرامات بمنفاخ هواء او فرشاة بشكل جيد وإعلامنا بالنتيجة.

fast.bux.com

25-05-2014, 15:50

شكرا لكم جميعا واسف أبو قصي (https://arabhardware.net/forum/member.php?u=11130167) لانى لم اقرأ قوانين المنتدى قبل كتابه الموضوع

العمليه نجحت
:) الحمد لله
اشتريت مزود طاقه جديد 1200 وات black horse شكله مش رومانسى بس غالى والكل بيشكر فيه :)
وقمت بتنظيف الجهاز ومكان الرام وشكرا ليكم ولكل اعضاء المنتدى العظيم
الحمد لله مفصلش من ساعتها :)

Sherif.Attia

25-05-2014, 16:00

الحمد لله طمنت قلبى :D

أبو قصي

25-05-2014, 17:20

الحمد لله

في حال واجهتك اي مشكلة لا تتردد بإعلامنا .. لذلك سأترك الموضوع مفتوح لعدة ايام قبل إغلاقه.

fast.bux.com

08-07-2014, 17:49

انا اسف يا جماعه والمشكله رجعت تانى
انا اشتريت مزود طاقه جديد والمشكله برده رجعت تانى

المشكله انى مش عارف فين المشكله
الجهاز بيفصل بعد فترات متباعده وغير منتظمه ولازم افصله بور لمده لا تقل عن 10 دقائق عشان يشتغل تانى ويرجع يفصل وهكذا وممكن فى يوم ميفصلش خالص وممكن ميشتغلش من اصله فى يوم تالت وهكذا
يا جماعه انا عايش مأساه مع الجهاز ده

مع العلم ان العيب مش من مزود الطاقه وان مزود الطاقه القديم طلع شغال عادى والجديد برده شكيت فيه وواحد قاسه وطلع سليم
ومش عارف فين المشكله

ورحت وديت الجهاز لمحل صيانه وخده جربه عنده وقالى الجهاز شغال تمام ومفصلش خالص :)
وفعلا هو مش بيفصل على طول وبيفصل فى فترات متباعده وغير منتظمه

اخر حل بفكر فيه انى ابيع الجهاز كله واشترى واحد تانى جديد خالص بس ضميرى مش مريحنى

أبو قصي

08-07-2014, 19:26

اخي قم برفع الملف الموجود في هذا المسار وارفاق الرابط:

C:\Windows\Minidump

mohsen857

08-07-2014, 20:15

حط ايدك على الماستر شيب شوفه بيسخن جامد ولا لا

اللي هوا ال heat sink هتلاقي قطه المنيوم في وسط الماذر بورد وواحد تانية تحت على ايدك اليمين شوف اللي تحت البروسيسور على طول بعد ما تسيب الجهاز شغال شوية
لو لقيتها بتسخن جامد لدرجة انها ممكن تلسع ايدك يبقى هو دا العيب لانها حصلت معايا في كذا بوردة اثناء الصيانة ووديتها الضمان بسبب سخون الشيب دا

fast.bux.com

08-07-2014, 20:52

أبو قصي شكرا اخى بس المجلد فارغ مفهوش ملفات mohsen857 فعلا القطعه دى بتسخن جامد انا هفك اللوحه كلها واوديها الضمان وهو يتصرف شكرا ليك اخى

AMRSOFTWARE

09-07-2014, 02:07

لو الرامات قطعتين افصل احداهما وجرب بالاخرى لو الجهاز استمرت به المشكلة

فك فانة البروسيور ونظفها من الاتربة واعد ربطها كويس جدا لان احتمال يكون العيب منها
وان ظلت معك المشكلة

دور فى المازر بور على اى مكثفات بها انتفاخ ان وجدت عليك بالذهاب الى مركز او محل صيانة لتغيرها

mido salah

09-07-2014, 02:13