عايز القطع دى فى حدود 1500 جنيه مصرى

[mr.rko]

السلام عليكم


- أقصى ميزانية محددة:1000- 1500جنيه مصرى
- استخدامك للجهاز:العاب وافلام
- حجم الشاشة و الدقة (Resolution) التي تستخدمها:19 بوصة 1440x900
- القطع التي تنوي شراءها: GPU + CPU + Motherboard
- القطع التي ستعيد استخدامها من الجهاز القديم:HDD + RAM(2GB) + Monitor + Case
- ميعاد شراء الجهاز: الاسبوع الحالى
- مكان الشراء: لا اعلم
- محل سكنك: الاسكندرية

[Mr.Evil]

و عليكم مالسلام
حضرتك مذكرتش عندك باور كام وات و هل هو فعلى ولا تجـارى علشان كارت الفيجا ؟
على العموم دول البروسيسور و المازر بورد

Intel Core I3-4130 Haswell 3.4GHz LGA 1150 = 850 LE

Gigabyte GA-H81M-S2PH Socket 1150 Motherboard = 540 LE

البروسيسور فى معالج رسومـى و هيشتغل بشكل جيد مع الالعاب الحاليه و بعض الالعاب فى المستقبل و نصيحـه أستخدمـه لحين تجميع مبلغ محترم لكارت الشاشه بحيث تكون جميع القطع متقاربه فى الاداء



(https://www.********.com/en/product/gigabyte-ga-h81m-s2ph-socket-1150-motherboard-el-hady-for-trading-company)

[mr.rko]

هو 1200 وات ياباشا بس ايه الفرق بين التجارى والفعلى انا مش عارف

[Mr.Evil]

هو 1200 وات ياباشا بس ايه الفرق بين التجارى والفعلى انا مش عارف

الباورات التجاريه بتكون رخيصه و بتدى طاقه أقل من الوات الحقيقى بتاعها بمراحل يعنى مثلا الباور بتاع حضرتك 1200 وات ده هتلاقى بيعطى طاقه من 200 - 300 وات بس أو أقل( لاحظ الفرق الشاسع بين الوات ) و ده هتلاقيه بحوالى 100 أو 150 ج أمـا بقى الباورات الفعليه فمثلا لو باور فعلى قوته 1200 وات هيعطى مثلا 1150- 1180 وات يعنى بيبقى فيه نقص بسيط جدا و ده بقى سعره مش هيقل مثلا عن 1400 ج, فحضرتك ممكن تكتفى بالمازر بورد + البروسيسور + المعالج الرسومى فى البروسيسور( هيقدر يشغل الالعاب بشكل جيد ) مؤقتا , و تبقى تشترى كارت شاشه و باور فعلى محترم مستقبلا , لان لو حضرتك أشترت بروسيسور أقل من كده هيكون ضعيف مع الالعاب الحاليه و المستقبليه.

[mr.rko]

طب بالنسبة للمعالج مش كارت الرسوم اللى بيبقى معاه Intel HD 4400.
طب ده أحسن من الـATI Radeon HD 7750?

[mr.rko]

وهل الـATI Radeon HD 7750 متوافق مع نفس المازر اللى انتا كتبتهالى ونفس الباور اللى عندى؟

[mr.rko]

والـInstruction Set بتاعت المعالج 64-Bit هل ده معناه انه مينفعش عليه الا نسخ ويندوز 64-Bit

[Mr.Evil]

المعالج الرسومـى هو HD 4600 بالرغم من أنه ليس قوى بشكل كبير الا أن أنا شوفت Gamers مشغلين عليه BattleField 3 و 4 ( النسخه البيتا ) و Assassin Creed BlackFlag بدرجـه جيده , الــ HD 4600 أقوى من الـ 7750 فى الـ Benchmarks , أيضا الكارت هيشتغل على المازر بورد الى أنا ذكرتها لكن هيحتاج باور سبلاى فعلى 350 وات فأكثر لكن الى عند حضرتك واضح أنه تجارى و نصيحه لو فكرت تشترى باور فعلى متشتريش باور أقل من 500 وات بحيث أستهلاك الطاقه يكون مستقر و سعره 350ج و ممكن تلاقيه فى Maximum hardware فرع الاسكندريه

[Mr.Evil]

والـInstruction Set بتاعت المعالج 64-Bit هل ده معناه انه مينفعش عليه الا نسخ ويندوز 64-Bit

لا حضرتك ممكن تشتغل على نسخه الـ 32 بت لكن الـ 64 بت أفضل فى الويندوزات و بقى منتشر بكثره .

[mr.rko]

طب ياباشا وبالنسبة لموضوع ال64-Bit

[mr.rko]

الجهاز اللى هجيبه هستحمله؟

[mr.rko]

وهل لو انا زودت الـRAM خليتها 4GB برضو الباور بتاعى الحالى هيستحمل؟